ᠡᠷᠬᠢᠮᠰᠦᠭ ᠮᠦᠷᠦᠭᠡᠳᠦᠯ ᠬᠢᠭᠡᠳ ᠡᠭᠡᠯ ᠠᠮᠢᠳᠤᠷᠠᠯ
ᠲᠤᠰ ᠰᠤᠨᠢᠨ ᠪ ᠰᠤᠷᠪᠤᠯᠵᠢᠯᠠᠭᠴᠢ ᠰᠤᠶᠤᠩᠪᠤ
2025 ᠤᠨ ᠪ 12 ᠰᠠᠷᠠ ᠵᠢᠨ 10 ᠪ ᠡᠳᠦᠷ᠂ ᠦᠷᠯᠦᠭᠡ ᠵᠢᠨ ᠵᠢᠷᠭᠤᠭᠠᠨ ᠴᠠᠭ᠃ ᠲᠡᠭᠷᠢ ᠵᠢᠨ ᠬᠠᠶᠠᠭᠠ ᠪᠡᠷ ᠰᠢᠷᠠ ᠭᠡᠭᠡ ᠰᠤᠪᠤᠷᠠᠨ ᠂ ᠲᠡᠷᠭᠡ ᠮᠠᠰᠢᠨ ᠵᠡᠭᠡᠯᠢ ᠪᠡᠷ ᠰᠦᠯᠵᠢᠯᠳᠦᠨ ᠂ ᠺᠤᠹᠸ ᠵᠢᠨ ᠳᠡᠯᠭᠡᠭᠦᠷ ᠡᠴᠡ ᠬᠠᠯᠠᠭᠤᠨ ᠠᠭᠤᠷ ᠰᠠᠪᠰᠠᠯᠠᠨᠠ᠃ ᠠᠮᠸᠷᠢᠺᠠ ᠵᠢᠨ ᠨᠡᠢᠰᠯᠡᠯ ᠬᠤᠳᠠᠨ ᠪ ᠰᠢᠨᠡ ᠨᠢᠭᠡᠨ ᠡᠳᠦᠷ ᠡᠨᠡ ᠮᠡᠳᠦ ᠪᠡᠷ ᠡᠬᠢᠯᠡᠵᠦ ᠪᠠᠢᠵᠠᠢ᠃
ᠦᠪᠦᠷ ᠮᠤᠩᠭᠤᠯ ᠦᠨ ᠬᠦᠮᠦᠨ ᠪ ᠡᠷᠬᠡ ᠵᠢᠨ ᠮᠡᠳᠡᠭᠡᠯᠡᠯ ᠦᠨ ᠦᠷᠳᠡᠭᠡᠨ ᠪ ᠳᠠᠷᠤᠭᠠ ᠲᠤᠭᠤᠴᠤᠭ ᠡᠨᠭᠬᠡᠪᠠᠳᠦ ᠡᠨᠡ ᠵᠠᠮ ᠵᠢᠡᠷ ᠲᠤᠭᠠ ᠦᠭᠡᠢ ᠤᠯᠠᠨ ᠤᠳᠠᠭᠠ ᠶᠠᠪᠤᠵᠤ ᠂ ᠲᠡᠭᠡᠭᠰᠢ ᠦᠭᠰᠦᠬᠦ ᠤᠯᠠᠨ ᠱᠠᠳᠦ ᠲᠠᠢ ᠠᠮᠸᠷᠢᠺᠠ ᠵᠢᠨ ᠬᠤᠯᠪᠤᠭᠠᠨ ᠪ ᠵᠠᠰᠠᠭ ᠦᠨ ᠴᠢᠯᠠᠭᠤᠨ ᠪᠠᠷᠢᠯᠭᠠ ᠪᠡᠷ ᠤᠷᠤᠨ ᠭᠠᠷᠤᠭᠰᠠᠭᠠᠷ ᠦᠨᠦᠳᠦᠷ ᠬᠦᠷᠴᠡᠢ᠃
ᠤᠯᠤᠰ ᠦᠨ ᠬᠤᠷᠠᠯ ᠦᠨ ᠭᠡᠰᠢᠭᠦᠨ ᠯᠤᠭᠡ ᠠᠭᠤᠯᠵᠠᠬᠤ ᠠᠵᠠ ᠲᠠᠢ ᠢᠷᠡᠭᠰᠡᠨ ᠪᠢᠳᠡ ᠠᠮᠸᠷᠢᠺᠠ ᠵᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠦᠨ ᠶᠠᠮᠤᠨ᠂ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠶᠠᠮᠤᠨ᠂ ᠠᠮᠸᠷᠢᠺᠠ ᠵᠢᠨ ᠳᠠᠭᠤᠨ ᠪ ᠠᠰᠠᠷ ᠵᠢᠡᠷ ᠦᠨᠭᠭᠡᠷᠡᠵᠦ ᠂ ᠠᠮᠸᠷᠢᠺᠠ ᠵᠢᠨ ᠤᠯᠤᠰ ᠦᠨ ᠬᠤᠷᠠᠯ ᠦᠨ Rayburn ᠳᠤᠤᠷᠠᠳᠤ ᠵᠦᠪᠯᠡᠯ ᠦᠨ ᠠᠰᠠᠷ ᠲᠤ ᠤᠴᠢᠭᠰᠠᠨ ᠪᠢᠯᠡ᠃
ᠬᠦᠴᠦ ᠴᠢᠳᠠᠯ ᠬᠢᠵᠠᠭᠠᠷᠳᠠᠢ ᠴᠤ ᠬᠦᠮᠦᠨ ᠪ ᠰᠡᠳᠭᠢᠯ ᠢ ᠬᠤᠷᠢᠵᠦ ᠴᠢᠳᠠᠬᠤ ᠪᠢᠰᠢ᠃ ᠶᠠᠭᠤᠮᠠ ᠶᠠᠭᠤᠮᠠ ᠤᠷᠤ ᠤᠷᠤᠨ ᠳᠤ ᠪᠡᠨ ᠦᠭᠡᠢ ᠪᠤᠯᠤᠭᠰᠠᠨ ᠡᠨᠡ ᠴᠦᠪ ᠦᠨ ᠴᠠᠭ ᠲᠤ᠂ ᠴᠢᠩ ᠵᠢᠷᠦᠬᠡᠨ ᠪ ᠢᠳᠡᠭᠡᠯ ᠪᠢᠰᠢᠷᠡᠯ ᠲᠠᠢ ᠪᠡᠨ ᠭᠤᠢᠪᠢᠰᠢ ᠦᠭᠡᠢ ᠦᠯᠡᠳᠡᠶᠡ ᠭᠡᠳᠡᠭ ᠨᠢ ᠴᠢᠪ ᠭᠡᠮᠡᠨ ᠪᠢᠳᠡᠨᠡᠷ ᠦᠨ ᠵᠤᠷᠢᠵᠤ ᠢᠷᠡᠭᠰᠡᠨ ᠪᠤᠳᠤᠯ ᠪᠠᠢᠪᠠ᠃ ᠦᠪᠦᠷ ᠮᠤᠩᠭᠤᠯ ᠳᠦ ᠪᠠᠢᠬᠤ ᠳᠦ ᠪᠡᠨ ᠶᠠᠭᠤ ᠬᠢᠵᠦ ᠪᠤᠯᠬᠤ ᠲᠤᠬᠠᠢ ᠪᠢ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠭᠠᠳ ᠦᠪᠡᠷ ᠢ ᠪᠡᠨ ᠦᠷᠦᠪᠳᠦᠳᠡᠭ ᠪᠠᠢᠯᠠ᠂ ᠬᠠᠷᠢᠨ ᠠᠮᠸᠷᠢᠺᠠ ᠳᠦ ᠢᠷᠡᠵᠦ ᠶᠠᠭᠤ ᠰᠤᠷᠴᠦ᠂ ᠶᠠᠮᠠᠷ ᠬᠦᠮᠦᠨ ᠲᠠᠢ ᠲᠠᠨᠢᠯᠴᠠᠵᠦ ᠶᠠᠪᠤᠭᠰᠠᠨ ᠵᠢᠡᠨ ᠪᠤᠳᠤᠪᠠᠯ ᠠᠷᠠᠢ ᠳᠠᠢᠳᠬᠤᠷᠠᠭᠰᠠᠨ ᠭᠡᠳᠡᠭ ᠵᠢᠡᠨ ᠨᠢᠭᠤᠮᠠᠷ ᠦᠭᠡᠢ ᠪᠠᠢᠨᠠ᠃
- ᠪᠢ ᠠᠩᠬᠠ ᠠᠮᠸᠷᠢᠺᠠ ᠳᠦ ᠢᠷᠡᠬᠦ ᠳᠤ ᠪᠡᠨ ᠦᠪᠦᠷ ᠮᠤᠩᠭᠤᠯ ᠢ ᠠᠮᠸᠷᠢᠺᠠ ᠵᠢᠨ ᠲᠦᠷᠦ ᠵᠢᠨ ᠪᠠᠢᠭᠤᠯᠭᠠ ᠳᠦ ᠲᠠᠨᠢᠭᠤᠯᠤᠨᠠ ᠯᠡ ᠭᠡᠵᠦ ᠢᠷᠡᠭᠰᠡᠨ᠂ ᠲᠤᠬᠠᠢ ᠵᠢᠨ ᠦᠶᠡ ᠳᠦ NewYork ᠡᠴᠡ ᠬᠠᠷᠠ ᠦᠷᠯᠦᠭᠡᠭᠦᠷ ᠪᠤᠰᠴᠦ ᠵᠠᠮ ᠦᠨ ᠮᠠᠰᠢᠨ ᠵᠢᠡᠷ ᠡᠨᠳᠡ ᠢᠷᠡᠵᠦ ᠪᠦᠳᠦᠨ ᠡᠳᠦᠷ ᠬᠦᠮᠦᠰ ᠲᠠᠢ ᠶᠠᠷᠢᠯᠴᠠᠭᠠᠳ ᠰᠦᠨᠢ ᠭᠡᠷ ᠲᠡᠭᠡᠨ ᠬᠠᠷᠢᠳᠠᠭ ᠪᠠᠢᠭᠰᠠᠨ ᠂ ᠲᠡᠭᠡᠴᠢᠭᠡᠳ ᠯᠡ ᠳᠠᠷᠠᠭᠠ ᠡᠳᠦᠷ ᠨᠢ ᠠᠵᠢᠯ ᠵᠢᠡᠨ ᠠᠮᠵᠢᠭᠤᠯᠳᠠᠭ ᠪᠠᠢᠭᠰᠠᠨ ᠂ ᠤᠳᠤ ᠪᠤᠳᠤᠵᠤ ᠦᠵᠡᠪᠡᠯ ᠪᠠᠰᠠ ᠭᠠᠢᠬᠠᠮᠠᠷ ᠶᠤᠮ ᠭᠡᠵᠦ ᠡᠩᠬᠡᠪᠠᠳᠦ ᠶᠠᠷᠢᠯᠠ᠃
ᠴᠤᠬᠤᠮ ᠦᠨᠡᠨ ᠢ ᠬᠡᠯᠡᠬᠦ ᠳᠦ ᠦᠪᠦᠷ ᠮᠤᠩᠭᠤᠯᠦᠨ ᠲᠡᠦᠬᠡᠨ ᠳᠦ ᠠᠮᠸᠷᠢᠺᠠ ᠵᠢᠨ ᠵᠠᠰᠠᠭ ᠲᠠᠢ ᠠᠵᠢᠯᠯᠠᠵᠤ ᠴᠢᠳᠠᠭᠰᠠᠨ ᠬᠦᠮᠦᠨ ᠠᠷᠪᠠ ᠡᠴᠡ ᠳᠠᠪᠠᠬᠤ ᠦᠭᠡᠢ ᠭᠡᠳ ᠬᠡᠯᠡᠴᠢᠬᠡᠪᠡᠯ ᠠᠷᠠᠢ ᠬᠡᠳᠦᠷᠡᠭᠦᠯᠦᠭᠰᠡᠨ ᠴᠦ ᠶᠠᠭᠤᠨ ᠮᠠᠭᠠᠳ᠃ ᠭᠡᠬᠦ ᠳᠦ ᠡᠬᠡ ᠤᠷᠤᠨᠴᠢᠳ ᠦᠨ ᠬᠤᠪᠢ ᠳᠦ ᠡᠨᠡ ᠨᠢ ᠪᠠᠬᠠᠷᠬᠠᠯ ᠲᠡᠳᠦᠢᠬᠡᠨ ᠪᠢᠰᠢ᠂ ᠬᠠᠷᠢᠨ ᠡᠴᠢᠭᠡ ᠡᠪᠦᠭᠡᠳ ᠡᠴᠡ ᠬᠦᠯᠢᠶᠡᠭᠰᠡᠨ ᠠᠷᠢᠭᠤᠨ ᠡᠭᠦᠷᠭᠡ ᠠᠵᠢ᠃ ᠶᠠᠭ ᠡᠢᠮᠦ ᠪᠤᠯᠬᠤᠷ ᠦᠪᠦᠷ ᠮᠤᠩᠭᠤᠯ ᠦᠨ ᠵᠢᠡᠨ ᠰᠤᠶᠤᠯ ᠢᠷᠭᠡᠨᠰᠢᠯ᠂ ᠠᠷᠠᠳ ᠲᠦᠮᠡᠨ ᠪ ᠪᠡᠨ ᠰᠤᠶᠤᠷᠬᠠᠯ ᠢ ᠠᠪᠴᠦ ᠶᠠᠪᠤᠭᠠ ᠮᠡᠳᠦ ᠰᠠᠨᠠᠭᠳᠠᠨ᠂ ᠠᠮᠸᠷᠢᠺᠠ ᠵᠢᠨ ᠤᠯᠤᠰ ᠦᠨ ᠬᠤᠷᠠᠯ ᠦᠨ ᠡᠷᠬᠡ ᠰᠦᠷ᠂ ᠲᠦᠪ ᠶᠡᠬᠡᠮᠰᠦᠭ ᠲᠠᠢ ᠮᠦᠷ ᠵᠡᠷᠭᠡᠴᠡᠨ ᠡᠷᠬᠡ ᠲᠡᠭᠰᠢ ᠶᠠᠷᠢᠯᠴᠠᠭᠠ ᠦᠷᠨᠢᠭᠦᠯᠵᠦ ᠴᠢᠳᠠᠭᠰᠠᠨ ᠵᠢᠡᠨ ᠪᠤᠳᠤᠪᠠᠯ ᠪᠠᠰᠠᠴᠦ ᠤᠮᠤᠭᠰᠢᠮᠠᠷ᠃ ᠡᠭᠦᠨ ᠪ ᠤᠯᠠᠮ ᠵᠢᠡᠷ ᠴᠤᠬᠤᠮ ᠴᠦ ᠬᠠᠷᠢᠭᠤᠴᠠᠯᠭᠠ ᠬᠦᠨᠳᠦ ᠰᠠᠨᠠᠭᠳᠠᠨ ᠦᠪᠡᠷ ᠦᠨ ᠪᠡᠶᠡ ᠵᠢᠨ ᠲᠡᠨᠡᠭ ᠮᠤᠩᠬᠠᠭ᠂ ᠦᠵᠡᠯ ᠤᠬᠤᠷ᠂ ᠠᠶᠤᠮᠠᠳᠠᠭᠠᠢ ᠬᠤᠯᠴᠢᠭᠠᠷ ᠵᠢᠡᠨ ᠳᠡᠪᠴᠢᠵᠦ᠂ ᠠᠯᠢ ᠴᠢᠳᠠᠬᠤ ᠪᠡᠷ ᠬᠢᠴᠢᠶᠡᠩᠭᠦᠢᠯᠡᠨ ᠡᠷᠬᠢᠮᠰᠦᠭ ᠮᠦᠷᠦᠭᠡᠳᠦᠯ ᠵᠢᠡᠨ ᠢᠯᠡᠷᠬᠡᠢᠯᠡᠨᠡ ᠭᠡᠵᠦ ᠵᠤᠷᠢᠭ ᠵᠢᠡᠨ ᠬᠦᠪᠴᠢᠯᠡᠭᠰᠡᠨ ᠵᠢᠡᠨ ᠨᠢᠭᠤᠬᠤ ᠦᠭᠡᠢ᠃
ᠠᠮᠸᠷᠢᠺᠠ ᠵᠢᠨ ᠤᠯᠤᠰ ᠦᠨ ᠬᠤᠷᠠᠯ ᠳᠦ lobby ᠵᠢᠨ ᠠᠵᠢᠯᠯᠠᠭᠠ ᠭᠡᠵᠦ ᠪᠠᠢᠳᠠᠭ᠃ ᠲᠦᠷᠦ ᠵᠢᠨ ᠪᠤᠰᠤ ᠪᠠᠢᠭᠤᠯᠭᠠ ᠨᠤᠭᠤᠳ ᠲᠤᠬᠠᠢ ᠵᠢᠨ ᠦᠨᠳᠦᠰᠦᠲᠡᠨ ᠪ ᠪᠡᠨ ᠪᠠᠢᠳᠠᠯ ᠢ ᠠᠮᠸᠷᠢᠺᠠ ᠵᠢᠨ ᠤᠯᠤᠰ ᠦᠨ ᠬᠤᠷᠠᠯ ᠦᠨ ᠭᠡᠰᠢᠭᠦᠳ ᠲᠦ ᠦᠨᠡᠨ ᠪᠠᠢᠳᠠᠯ ᠵᠢᠡᠷ ᠨᠢ ᠤᠢᠯᠠᠭᠠᠭᠤᠯᠬᠤ᠂ ᠦᠪᠡᠷ ᠦᠨ ᠬᠦᠮᠦᠨ ᠪ ᠵᠢᠡᠨ ᠠᠰᠢᠭ ᠲᠤᠰᠠ ᠵᠢᠨ ᠲᠦᠯᠦᠭᠡᠨᠡ ᠬᠠᠤᠯᠢ ᠲᠤᠭᠳᠠᠭᠠᠯᠭᠠᠬᠤ ᠳᠦ ᠵᠢᠳᠭᠦᠭᠦ ᠵᠡᠷᠭᠡ ᠨᠠᠷᠢᠨ ᠰᠢᠷᠢᠨ ᠪᠦᠬᠦ ᠵᠦᠢᠯ ᠢ lobby ᠵᠢᠨ ᠠᠵᠢᠯᠯᠠᠭᠠᠨ ᠳᠦ ᠬᠤᠷᠢᠶᠠᠩᠭᠤᠢᠯᠠᠵᠤ ᠪᠤᠯᠳᠠᠭ᠃ ᠪᠢᠳᠡᠨᠡᠷ ᠲᠠᠢ ᠬᠠᠮᠳᠤ ᠬᠤᠩᠺᠤᠩ ᠦᠨ ᠬᠢᠨ᠂ ᠤᠢᠭᠤᠷ ᠦᠨ ᠬᠢᠨ ᠂ ᠲᠦᠪᠡᠳ ᠦᠨ ᠬᠢᠨ ᠂ ᠬᠤᠢᠳᠦ ᠰᠤᠯᠤᠩᠭᠤᠰ ᠦᠨ ᠬᠢᠨ ᠵᠢᠴᠢ Epoch Times ᠦᠨ ᠰᠤᠷᠪᠤᠯᠵᠢᠯᠠᠭᠴᠢᠳ ᠪᠠᠢᠯᠴᠠᠵᠠᠢ᠃
ᠦᠪᠦᠷ ᠮᠤᠩᠭᠤᠯ ᠵᠠᠭᠤᠴᠢᠯᠠᠭᠤᠷ ᠢ ᠠᠮᠸᠷᠢᠺᠠ ᠳᠦ ᠶᠠᠭ ᠦᠵᠡᠭᠳᠡᠬᠦ ᠦᠭᠡᠢ ᠭᠡᠪᠡᠯ ᠬᠤᠳᠠᠯ᠃ ᠳᠤᠳᠤᠷᠠᠭᠤᠯᠵᠤ ᠬᠡᠯᠡᠪᠡᠯ ᠬᠢᠲᠠᠳ ᠦᠨ ᠺᠤᠮᠮᠢᠤᠨᠢᠰᠲ ᠨᠠᠮ ᠦᠨ ᠤᠬᠠᠭᠤᠯᠭᠠ ᠵᠢᠨ ᠠᠵᠢᠯᠳᠠᠳ ᠨᠢᠭᠤᠴᠠ ᠪᠡᠷ ᠮᠤᠩᠭᠤᠯ ᠭᠡᠳᠡᠭ ᠨᠡᠷᠡ ᠵᠢ ᠠᠰᠢᠭᠯᠠᠨ ᠠᠮᠸᠷᠢᠺᠠ ᠵᠢᠨ ᠢᠷᠭᠡᠳ ᠦᠨ ᠦᠵᠡᠯ ᠪᠤᠳᠤᠯ ᠢ ᠮᠤᠩᠭᠤᠯ ᠡᠬᠡ ᠤᠷᠤᠨ ᠪ ᠪᠡᠨ ᠡᠰᠡᠷᠭᠦ ᠨᠦᠯᠦᠭᠡᠯᠡᠵᠦ᠂ ᠬᠡᠯᠪᠡᠷᠢ ᠵᠢᠨ ᠲᠡᠳᠦᠢ ᠵᠦᠢᠯ ᠢ ᠬᠡᠢ ᠬᠤᠭᠤᠰᠤᠨ ᠵᠢᠡᠷ ᠬᠦᠯᠢᠶᠡᠨ ᠠᠪᠤᠭᠤᠯᠵᠤ ᠪᠠᠢᠭᠠ᠃ ᠲᠡᠷᠡ ᠭᠤᠨᠢᠭᠳᠦ ᠬᠤᠪᠢ ᠳᠠᠪᠢᠯᠠᠨᠭ ᠡᠴᠡ ᠵᠠᠢᠯᠠᠰᠭᠢᠬᠦ ᠵᠢᠨ ᠲᠦᠯᠦᠭᠡᠨᠡ᠂ ᠦᠪᠦᠷ ᠮᠤᠩᠭᠤᠯ ᠦᠨ ᠬᠦᠮᠦᠨ ᠪ ᠡᠷᠬᠡ ᠵᠢᠨ ᠮᠡᠳᠡᠭᠡᠯᠡᠯ ᠦᠨ ᠦᠷᠳᠡᠭᠡ ᠨᠢ ᠠᠮᠸᠷᠢᠺᠠ ᠵᠢᠨ ᠤᠯᠤᠰ ᠦᠨ ᠬᠤᠷᠠᠯ ᠳᠦ lobby ᠬᠢᠵᠦ ᠪᠠᠢᠭᠠ ᠨᠢ ᠬᠡᠴᠢᠨᠡᠨ ᠴᠤ ᠠᠵᠠ ᠲᠠᠢ ᠪᠢᠯᠡ᠃
ᠠᠮᠸᠷᠢᠺᠠ ᠵᠢᠨ NED (National Endowment for Democracy) ᠵᠢᠨ ᠤᠤᠯ ᠦᠨ ᠳᠠᠷᠤᠭᠠ ᠪᠠᠢᠭᠰᠠᠨ ᠂ ᠦᠨᠦ ᠤᠢᠭᠤᠷ ᠦᠨ ᠬᠦᠮᠦᠨ ᠪ ᠡᠷᠬᠡ ᠵᠢᠨ ᠫᠷᠤᠵᠸᠺᠲ ᠳᠦ ᠠᠵᠢᠯᠯᠠᠵᠤ ᠪᠠᠢᠭᠠ Louisa ᠪᠠᠢᠯᠴᠠᠭᠰᠠᠨ᠃ ᠲᠡᠷᠡᠪᠡᠷ ᠨᠠᠳᠠ ᠡᠴᠡ ︽ᠮᠤᠩᠭᠤᠯ ᠵᠢᠡᠷ ᠵᠢᠡᠨ ᠶᠠᠷᠢᠳᠠᠭ ᠦᠦ︖︾ ᠭᠡᠵᠦ ᠠᠰᠠᠭᠤᠯᠠ᠃ ᠪᠢ ᠴᠡᠴᠡᠷᠯᠢᠭ ᠡᠴᠡ ᠪᠡᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠳᠡᠯᠡ ᠮᠤᠩᠭᠤᠯ ᠵᠢᠡᠷ ᠰᠤᠷᠴᠠᠢ ᠭᠡᠵᠦ ᠬᠡᠯᠡᠬᠦᠳᠦ ᠮᠠᠨᠢ ᠰᠦᠢᠳ ᠪᠤᠯᠵᠤ ︽ᠶᠠᠮᠠᠷ ᠴᠦ ᠭᠠᠢᠬᠠᠯᠳᠠᠢ ᠶᠤᠮ︾ᠭᠡᠵᠦ ᠪᠠᠢᠯᠠ᠃ ᠠᠮᠸᠷᠢᠺᠠ ᠳᠦ ᠬᠦᠮᠦᠨ ᠪ ᠡᠷᠬᠡ ᠵᠢ ᠬᠦᠨᠳᠦᠳᠭᠡᠳᠡᠭ᠂ ᠴᠦᠬᠡᠨ ᠲᠤᠭᠠᠳᠤ ᠪᠤᠯᠵᠤ ᠶᠠᠪᠤᠵᠤ ᠪᠠᠢᠭᠠ ᠦᠨᠳᠦᠰᠦᠳᠡᠨ ᠢ ᠵᠢᠨᠭᠬᠢᠨᠢ ᠰᠡᠳᠭᠢᠯ ᠡᠴᠡ ᠪᠡᠨ ᠬᠠᠪᠰᠤᠷᠤᠶᠠ ᠳᠡᠮᠵᠢᠶᠡ ᠭᠡᠵᠦ ᠪᠤᠳᠤᠳᠠᠭ ᠡᠷᠬᠢᠮ ᠬᠦᠮᠦᠨ ᠪ ᠨᠢᠭᠡ ᠨᠢ Louisa ᠶᠤᠮ᠃
ᠲᠡᠭᠦᠨ ᠪ ᠳᠠᠷᠠᠭᠠ ᠨᠢ ᠠᠮᠸᠷᠢᠺᠠ ᠬᠢᠲᠠᠳᠦᠨ ᠠᠵᠤ ᠠᠬᠤᠢ ᠬᠢᠭᠡᠳ ᠠᠶᠤᠯ ᠦᠭᠡᠢ ᠪᠠᠢᠳᠠᠯ ᠦᠨ ᠵᠦᠪᠯᠡᠯ ᠦᠨ ᠭᠡᠰᠢᠭᠦᠨ ᠢᠷᠡᠵᠦ᠂ ᠦᠪᠦᠷ ᠮᠤᠩᠭᠤᠯ ᠦᠨ ᠪᠠᠢᠳᠠᠯ ᠦᠨ ᠲᠤᠬᠠᠢ ᠤᠢᠯᠠᠭᠠᠯᠠ᠃ ᠦᠪᠦᠷ ᠮᠤᠩᠭᠤᠯ ᠬᠦᠮᠦᠨ ᠪ ᠦᠪᠯᠡᠬᠦ ᠶᠤᠰᠤᠳᠠᠢ ᠬᠤᠪᠤᠷ ᠰᠢᠷᠤᠢ ᠵᠢᠨ ᠪᠠᠢᠳᠠᠯ ᠂ ᠬᠢᠲᠠᠳ ᠦᠨ ᠲᠠᠯᠠ ᠡᠴᠡ ᠮᠤᠩᠭᠤᠯ ᠬᠦᠮᠦᠨ ᠳᠦ ᠪᠦᠲᠦᠴᠡ ᠵᠢᠨ ᠴᠢᠨᠠᠷᠳᠠᠢ ᠠᠵᠤ ᠠᠬᠤᠢ ᠵᠢᠨ ᠳᠠᠷᠤᠯᠠᠯ ᠬᠢᠵᠦ ᠪᠠᠢᠭᠠ ᠪᠠᠢᠳᠠᠯ ᠳᠦ ᠴᠢᠭᠯᠡᠭᠦᠯᠦᠨ ᠪᠢᠳᠡ ᠲᠠᠢᠯᠪᠤᠷᠢᠯᠠᠵᠤ ᠦᠭᠴᠡᠢ᠃
ᠤᠯᠤᠰ ᠦᠨ ᠬᠤᠷᠠᠯ ᠦᠨ ᠳᠤᠤᠷᠠᠳᠤ ᠵᠦᠪᠯᠡᠯᠭᠡᠨ ᠪ ᠬᠢᠲᠠᠳ ᠲᠤ ᠬᠠᠨᠳᠤᠭᠤᠯᠤᠭᠰᠠᠨ ᠲᠤᠰᠬᠠᠢ ᠵᠦᠪᠯᠡᠯ (Select Committee on China ) ᠵᠢᠨ ᠵᠦᠪᠯᠡᠭᠴᠢ ᠭᠡᠰᠢᠭᠦᠨ ᠲᠤᠰᠬᠠᠢᠯᠠᠨ ᠢᠷᠡᠵᠦ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠵᠢᠨ ᠨᠡᠷᠡ ᠵᠢ ᠦᠭᠡᠷᠡᠴᠢᠯᠡᠭᠰᠡᠨ ᠪᠠᠢᠳᠠᠯ᠂ ᠬᠠᠳᠠ ᠂ ᡀᠮᠵᠠᠪ ᠵᠢᠴᠢ ᠮᠤᠩᠭᠤᠯ ᠦᠨ ᠢᠷᠭᠡᠨ ᠮᠦᠩᠬᠡᠪᠠᠶᠠᠷ ᠦᠨ ᠲᠤᠬᠠᠢ ᠠᠰᠠᠭᠤᠵᠤ ︽ᠬᠢᠲᠠᠳ ᠠᠷᠠᠢ ᠯᠡ ᠳᠡᠩᠳᠡᠭᠦᠦ ᠬᠡᠳᠦᠷᠡᠵᠦ ᠪᠠᠢᠬᠤ ᠦᠭᠡᠢ ᠦᠦ ︖︾ ᠭᠡᠰᠡᠨ ᠪᠦᠭᠡᠳ ︽ᠪᠢᠳᠡᠨᠡᠷ ᠲᠠᠨᠠᠷ ᠦᠨ ᠮᠡᠳᠡᠭᠡ ᠵᠢ ᠦᠵᠡᠭᠰᠡᠭᠡᠷ ᠯᠡ ᠪᠠᠢᠨᠠ᠂ ᠶᠡᠬᠡ ᠴᠢᠬᠤᠯᠠ ᠵᠦᠢᠯ ᠪᠠᠢᠨᠠ︾ᠭᠡᠵᠡᠢ᠃
ᠡᠨᠡ ᠮᠡᠳᠦ ᠪᠡᠷ ᠤᠯᠤᠰ ᠦᠨ ᠬᠤᠷᠠᠯ ᠦᠨ ᠭᠡᠰᠢᠭᠦᠳ ᠢᠷᠡᠵᠦ᠂ ᠦᠪᠦᠷ ᠮᠤᠩᠭᠤᠯ ᠶᠠᠭᠠᠬᠢᠵᠤ ᠪᠠᠢᠨᠠ ᠭᠡᠳᠡᠭ ᠭᠤᠤᠯ ᠰᠡᠳᠦᠪ ᠲᠤ ᠨᠢᠭᠡᠳᠴᠦ ᠪᠠᠢᠪᠠ᠃ ᠢᠩᠭᠢᠵᠦ ᠪᠠᠢᠳᠠᠯᠠ 11 ᠴᠠᠭ ᠤᠷᠴᠢᠮ ᠵᠢᠡᠷ ᠂ ᠲᠤᠰ ᠤᠳᠠᠭᠠᠨ ᠪ ᠬᠦᠳᠡᠯᠭᠡᠭᠡᠨ ᠢ ᠵᠤᠬᠢᠶᠠᠨ ᠪᠠᠢᠭᠤᠯᠤᠭᠴᠢ ᠤᠯᠤᠰ ᠦᠨ ᠬᠤᠷᠠᠯ ᠦᠨ ᠭᠡᠰᠢᠭᠦᠨ Young Kim ᠢᠷᠡᠮᠡᠭᠴᠡ ᠪᠢᠳᠡᠨᠡᠷ ᠴᠠᠭ ᠢ ᠵᠠᠪᠳᠤᠨ ᠪᠤᠰᠤᠳ ᠳᠤᠭᠤᠢᠯᠠᠨᠭ ᠡᠴᠡ ᠤᠷᠢᠳᠠᠨ ᠬᠠᠮᠤᠭᠦᠨ ᠲᠡᠷᠢᠭᠦᠨ ᠳᠦ ᠦᠪᠦᠷ ᠮᠤᠩᠭᠤᠯᠦᠨ ᠬᠦᠮᠦᠨ ᠪ ᠡᠷᠬᠡ ᠵᠢᠨ ᠬᠠᠤᠯᠢ ᠵᠢᠨ ᠲᠦᠰᠦᠯ ᠵᠢᠴᠢ ᠬᠠᠮᠢᠶᠠ ᠪᠦᠬᠦᠢ ᠪᠢᠴᠢᠭ ᠮᠠᠲᠸᠷᠢᠶᠠᠯ ᠵᠢᠡᠨ ᠭᠠᠷᠳᠠᠭᠤᠯᠤᠨ ᠦᠪᠦᠷ ᠮᠤᠩᠭᠤᠯ ᠦᠨ ᠪᠠᠢᠳᠠᠯ ᠢ ᠲᠠᠨᠢᠯᠴᠠᠭᠤᠯᠵᠠᠢ᠃ ᠡᠭᠦᠨ ᠳᠦ ᠪᠠᠰᠠ ᠨᠢᠭᠡ ᠳᠤᠷᠠᠳᠤᠭᠤᠰᠢᠳᠠᠢ ᠨᠢ ᠤᠯᠳᠤᠢ ᠪᠢ ᠴᠤᠬᠤᠯᠵᠠᠵᠤ ᠪᠠᠢᠭᠠ ᠵᠢᠷᠦᠬᠡ ᠪᠡᠨ ᠳᠠᠷᠤᠵᠤ ᠶᠠᠳᠠᠨ ᠠᠮᠸᠷᠢᠺᠠ ᠵᠢᠨ ᠤᠯᠤᠰ ᠦᠨ ᠬᠤᠷᠠᠯ ᠦᠨ ᠭᠡᠰᠢᠭᠦᠨ Young Kim ᠳᠦ ᠬᠠᠳᠠᠭ ᠪᠠᠷᠢᠵᠤ ᠂ ᠦᠪᠦᠷ ᠮᠤᠩᠭᠤᠯ ᠦᠨ ᠪᠠᠢᠳᠠᠯ ᠳᠦ ᠠᠩᠬᠠᠷᠤᠯ ᠵᠢᠡᠨ ᠬᠠᠨᠳᠤᠭᠤᠯᠵᠤ ᠪᠠᠢᠭᠠ ᠳᠤ ᠴᠢᠨᠢ ᠮᠠᠰᠢ ᠶᠡᠬᠡ ᠲᠠᠯᠠᠷᠬᠠᠵᠤ ᠪᠠᠢᠨᠠ ᠭᠡᠬᠦ ᠳᠦ ᠲᠡᠷᠡᠪᠡᠷ ︽ᠲᠠᠨᠠᠷ ᠦᠨ ᠪᠠᠢᠳᠠᠯ ᠢ ᠪᠢ ᠰᠤᠨᠤᠰᠤᠯᠠ᠂ ᠠᠮᠸᠷᠢᠺᠠ ᠵᠢᠨ ᠤᠯᠤᠰ ᠲᠦᠷᠦᠴᠢᠳ ᠦᠪᠦᠷ ᠮᠤᠩᠭᠤᠯ ᠦᠨ ᠪᠠᠢᠳᠠᠯ ᠢ ᠤᠢᠯᠠᠭᠠᠵᠤ ᠡᠬᠢᠯᠡᠵᠦ ᠪᠠᠢᠨᠠ᠂ ᠲᠠᠨᠠᠷ ᠠᠵᠢᠯ ᠵᠢᠡᠨ ᠦᠷᠭᠦᠯᠵᠢᠯᠡᠨ ᠰᠠᠢᠳᠤᠷ ᠬᠢᠭᠡᠷᠡᠢ︾ᠭᠡᠵᠦ ᠪᠢᠯᠡ᠃
ᠡᠨᠳᠡ ᠳᠠᠷᠤᠵᠤ Young Kim ᠦᠨ ᠪᠢᠴᠢᠯᠭᠡ ᠵᠢ ᠬᠠᠷᠠᠭᠠᠷᠠᠢ᠃
ᠦᠪᠦᠷ ᠮᠤᠩᠭᠤᠯ ᠬᠦᠮᠦᠰ ᠪᠢᠳᠡ ᠦᠪᠡᠷ ᠦᠨ ᠭᠡᠰᠡᠨ ᠤᠯᠤᠰ ᠲᠦᠷᠦ ᠵᠢᠨ ᠡᠷᠬᠢᠮᠰᠦᠭ ᠬᠦᠰᠡᠯ ᠲᠠᠢ ᠪᠤᠯᠬᠤ ᠴᠠᠭ ᠢᠷᠡᠵᠡᠢ᠃ ᠡᠨᠡ ᠮᠦᠷᠦᠭᠡᠳᠦᠯ ᠭᠠᠭᠴᠠ ᠮᠢᠨᠦᠬᠢ ᠪᠢᠰᠢ ᠭᠡᠳᠡᠭ ᠨᠢ ᠮᠡᠳᠡᠭᠡᠵᠢ᠃ ᠡᠨᠡ ᠮᠦᠷᠦᠭᠡᠳᠦᠯ ᠪᠤᠯ ᠦᠪᠦᠷ ᠮᠤᠩᠭᠤᠯ ᠵᠢᠡᠨ ᠭᠡᠵᠦ ᠴᠤᠬᠢᠯᠠᠭᠰᠠᠨ ᠪᠦᠬᠦ ᠬᠦᠮᠦᠰ ᠦᠨ ᠵᠢᠷᠦᠬᠡ ᠶᠤᠮ᠂᠂᠂
ᠠᠵᠢᠯ ᠳᠠᠭᠤᠰᠴᠦ᠂ ᠪᠢᠳᠡᠨ ᠢ ᠭᠠᠷᠴᠦ ᠢᠷᠡᠬᠦ ᠳᠦ ᠤᠷᠤᠢ ᠪᠤᠯᠴᠢᠬᠠᠭᠰᠠᠨ ᠪᠠᠢᠪᠠ᠃ ᠭᠡᠬᠦ ᠳᠦ ᠪᠡᠨ ᠦᠪᠦᠷ ᠮᠤᠩᠭᠤᠯ ᠳᠦ ᠶᠠᠭ ᠦᠷᠯᠦᠭᠡ ᠪᠤᠯᠵᠤ᠂ ᠨᠠᠷᠠ ᠳᠤᠷᠤᠨᠠ ᠵᠦᠭ ᠡᠴᠡ ᠮᠠᠨᠳᠤᠭᠰᠠᠭᠠᠷ ᠂ ᠡᠬᠡ ᠤᠷᠤᠨ ᠪ ᠮᠢᠨᠢ ᠪᠦᠬᠦ ᠨᠤᠳᠤᠭ ᠢ ᠭᠡᠢᠭᠦᠯᠦᠨ ᠲᠤᠶᠠᠭᠠᠯᠠᠵᠤ ᠪᠠᠢᠯᠠ᠃
