ᠪᠠᠬᠠᠷᠬᠠᠯ ᠪᠠ ᠪᠠᠬᠠᠷᠲᠠᠯ
                                                               ᠦᠵᠡᠰᠬᠦᠯᠡᠩ

       ᠨᠢᠭᠤᠷ ᠨᠣᠮ  facebook  ᠳᠡᠭᠡᠷ᠎ᠡ ᠲᠠᠰᠤᠷᠠᠯᠲᠠ ᠦᠭᠡᠢ ᠭᠡᠮᠡᠷ ᠮᠣᠩᠭᠣᠯ ᠪᠢᠴᠢᠭᠰᠡᠨ ᠵᠦᠢᠯ ᠭᠠᠷᠭᠠᠭᠠᠳ ᠪᠠᠢᠭ᠎ᠠ sanaa sihnee   ᠰᠢᠨ᠎ᠡ ᠰᠠᠨᠠᠭ᠎ᠠ ᠭᠡᠬᠦ ᠭᠡᠰᠡᠨ ᠨᠢ ᠰᠠᠨᠠᠭ᠎ᠠ ᠰᠢᠨ᠎ᠡ  ᠪᠣᠯᠣᠭᠰᠠᠨ ᠪᠠᠢᠬᠤ  ᠭᠡᠳᠡᠭ ᠡᠷᠬᠢᠮ ᠮᠠᠨ ᠪᠥᠮᠪᠥᠷᠴᠡᠭ facebook ᠬᠠᠭᠤᠳᠠᠰᠤᠨ  ᠮᠣᠩᠭᠣᠯ ᠪᠢᠴᠢᠭ ᠬᠡᠷᠡᠭᠯᠡᠭᠰᠡᠨ   ᠣᠨ  ᠰᠢᠯᠢᠳᠡᠭ  ᠡᠨᠡ ᠲᠡᠷᠡ ᠡᠷᠭᠦᠮᠵᠢᠯᠡᠬᠦ ᠬᠡᠷᠡᠭᠲᠡᠢ ᠳ᠋ᠡ᠃ ᠪᠠᠬᠠᠷᠠᠮᠠᠷ᠂  ᠪᠠᠰᠠ ᠬᠠᠵᠠᠭᠤ ᠨᠢ ᠬᠠᠷᠠᠭᠠᠳ ᠪᠠᠬᠠᠷᠳᠠᠮᠠᠷ᠃
       ᠥᠪᠥᠷ ᠮᠣᠩᠭᠣᠯ ᠵᠢᠳᠬᠦᠯᠲᠡᠨ ᠨᠠᠷ ᠬᠦᠮᠦᠨ ᠡᠷᠬᠡ ᠠᠰᠠᠭᠤᠳᠠᠯ ᠳᠡᠯᠡᠬᠡᠢ ᠨᠡᠢᠲᠡ ᠲᠠᠨᠢᠯᠴᠠᠭᠤᠯᠬᠤ ᠭᠡᠵᠦ ᠭᠤᠴᠢᠭᠠᠳ ᠵᠢᠯ ᠬᠥᠭᠡᠭᠡᠴᠡᠯᠳᠦᠭᠰᠡ ᠳ᠋ᠦᠩ᠂ ᠡᠳᠦᠭᠡ ᠳᠡᠯᠡᠬᠡᠢ ᠬᠥᠭᠵᠢᠭᠰᠡᠨ   ᠣᠷᠣᠨ ᠵᠠᠰᠠᠭ ᠭᠠᠵᠠᠷ ᠥᠪᠥᠷ ᠮᠣᠩᠭᠣᠯ ᠠᠩᠬᠠᠷᠤᠯ ᠠᠪᠴᠤ᠂ ᠡᠮᠦᠨ᠎ᠡ ᠨᠢ ᠳᠤᠤᠭᠠᠷᠴᠤ ᠡᠬᠢᠯᠡᠵᠦ ᠪᠠᠢᠨ᠎ᠠ᠃ ᠨᠥᠬᠥᠴᠡᠯ ᠪᠠᠢᠳᠠᠯ ᠨᠢ ᠶᠠᠮᠠᠷ ᠪᠣᠯᠵᠤ ᠪᠠᠢᠭ᠎ᠠ ᠠᠰᠠᠭᠤᠵᠤ ᠰᠤᠷᠠᠬᠤ᠂ ᠮᠡᠳᠡᠭᠡᠯᠡᠯ ᠪᠢᠴᠢᠬᠦ᠂ ᠬᠣᠯᠪᠣᠭᠳᠠᠬᠤ ᠤᠷᠠᠨ ᠪᠦᠲᠦᠭᠡᠯ ᠬᠢᠬᠦ ᠰᠣᠨᠢᠷᠬᠠᠯ ᠲᠠᠢ ᠡᠲᠡᠭᠡᠳ  ᠣᠯᠠᠰᠢᠷᠠᠭᠰᠠᠭᠠᠷ ᠪᠠᠢᠨ᠎ᠠ᠃ ᠥᠪᠥᠷ ᠮᠣᠩᠭᠣᠯ ᠬᠡᠯᠡ ᠰᠤᠷᠴᠤ ᠬᠡᠷᠡᠭᠯᠡᠭᠳᠡᠭ ᠨᠢ ᠬᠡᠳᠦᠢ ᠪᠠᠢᠨ᠎ᠠ᠂ ᠨᠡᠢᠭᠡᠮ ᠬᠠᠷᠢᠯᠴᠠᠭᠠᠨ ᠴᠠᠬᠢᠮ ᠬᠡᠷᠡᠭᠰᠡᠯ ᠬᠢᠷᠢ ᠣᠯᠠᠨ ᠬᠦᠮᠦᠨ ᠮᠣᠩᠭᠣᠯ ᠬᠡᠯᠡ ᠪᠠ ᠪᠢᠴᠢᠭ ᠠᠰᠢᠭᠯᠠᠵᠤ ᠪᠠᠢᠨ᠎ᠠ᠂ ᠵᠢᠱᠢᠶ᠎ᠡ ᠨᠢ ᠹᠸᠢᠢᠰᠪᠦ᠋ᠺ ᠳᠡᠭᠡᠷ᠎ᠡ ᠬᠡᠳᠦᠨ ᠬᠦᠮᠦᠨ ᠮᠣᠩᠭᠣᠯ  ᠪᠣᠰᠣᠭ᠎ᠠ  ᠪᠢᠴᠢᠭ ᠶᠠᠭᠤᠮ᠎ᠠ ᠨᠡᠢᠲᠡᠯᠡᠵᠦ ᠪᠠᠢᠨ᠎ᠠ ᠭᠡᠵᠦ ᠰᠤᠷᠪᠤᠯᠵᠢᠯᠠᠬᠤ ᠶᠠᠪᠤᠳᠠᠯ ᠮᠥᠳᠳᠥ ᠯᠠ ᠲᠤᠯᠭᠠᠷᠠᠨ᠎ᠠ᠃ sanaa shinee    ᠭᠠᠭᠴᠠᠭᠠᠷ᠂  ᠭᠠᠭᠴᠠ ᠳᠠᠢᠴᠢᠨ ᠭᠠᠭᠴᠠᠭᠠᠷᠳᠠᠬᠤ ᠦᠭᠡᠢ   ᠪᠢᠴᠢᠵᠦ ᠪᠠᠢᠭ᠎ᠠ ᠭᠡᠵᠦ ᠪᠠᠷᠳᠠᠮ ᠬᠡᠯᠡᠯᠲᠡᠢ ᠪᠢᠰᠢ᠃ ᠭᠡᠳ ᠪᠣᠳᠣᠬᠤ ᠪᠠᠬᠠᠷᠳᠠᠮᠠᠷ᠂ ᠪᠠᠴᠢᠮᠳᠠᠮᠠᠷ᠃
        ᠪᠢᠴᠢᠳᠡᠭ ᠦᠭᠡᠢ ᠵᠠᠩᠰᠢᠯ᠂ ᠵᠤᠷᠰᠢᠯ᠂ ᠦᠵᠡᠭᠳᠡᠯ ᠭᠠᠢᠬᠠᠮᠠᠷ ᠵᠦᠢᠯ ᠪᠢᠰᠢ ᠭᠡᠵᠦ ᠪᠣᠯᠬᠤ ᠲᠠᠯ᠎ᠠ ᠪᠤᠢ᠃ ᠳᠠᠭᠤᠴᠢᠨ ᠲᠡᠭᠷᠢ  ᠳᠥᠴᠢᠨ ᠵᠢᠯ ᠬᠡᠯᠡᠶ᠎ᠡ ᠭᠡᠰᠡᠨ ᠬᠡᠯᠡᠵᠦ ᠴᠢᠳᠠᠭ᠎ᠠ ᠦᠭᠡᠢ  ᠭᠡᠵᠦ ᠳᠠᠭᠤᠯᠠᠵᠤ ᠪᠠᠢᠭᠰᠠᠨ ᠰᠢᠭ᠋᠂ ᠥᠪᠥᠷ ᠮᠣᠩᠭᠣᠯᠴᠤᠳ ᠦᠨᠡᠨ ᠪᠣᠳᠣᠯ ᠪᠢᠴᠢᠵᠦ ᠴᠢᠳᠠᠳᠠᠭ ᠦᠭᠡᠢ ᠪᠣᠯᠣᠭᠰᠠᠨ ᠶᠠᠪᠤᠳᠠᠯ ᠪᠠᠷᠤᠭ 100 ᠵᠢᠯ ᠲᠡᠦᠬᠡ ᠲᠡᠢ᠃ ᠮᠣᠩᠭᠣᠯ ᠪᠢᠴᠢᠭ ᠴᠠᠭᠠᠰᠤ ᠴᠣᠬᠣᠷᠯᠠᠳᠠᠭ ᠭᠣᠣᠯ ᠵᠦᠢᠯ ᠨᠢ ᠰᠢᠯᠦᠭ᠂ ᠤᠷᠠᠨ ᠵᠣᠬᠢᠶᠠᠯ ᠣᠷᠣᠨᠴᠤᠭ᠂ ᠢᠯᠠᠩᠭᠤᠶ᠎ᠠ  ᠪᠦᠳᠡᠭᠢ ᠰᠢᠯᠦᠭ  ᠭᠡᠵᠦ ᠣᠷᠴᠢᠭᠤᠯᠬᠤ ᠦᠭᠡᠢ ᠪᠣᠯ ᠬᠦᠮᠦᠨ ᠭᠦᠦᠷᠡᠬᠦ ᠦᠭᠡᠢ ᠡᠳ᠋᠂ ᠠᠯᠪᠠᠨ ᠳᠠᠭᠠᠭᠠᠯᠭᠠᠪᠤᠷᠢ ᠲᠠᠢ ᠠᠵᠢᠯ ᠪᠢᠴᠢᠭ ᠬᠠᠷ᠎ᠠ᠂ ᠬᠢᠲᠠᠳ ᠬᠡᠯᠡᠨ ᠬᠢᠬᠦ ᠣᠷᠴᠢᠭᠤᠯᠤᠯᠭ᠎ᠠ᠃ ᠲᠡᠦᠬᠡ ᠰᠣᠶᠣᠯ ᠲᠤᠬᠠᠢ ᠡᠮᠬᠢᠳᠬᠡᠯ ᠭᠡᠳ ᠦᠨ᠎ᠡ ᠴᠡᠨ᠎ᠡ ᠲᠡᠢ ᠬᠡᠪᠯᠡᠯ ᠣᠯᠠᠨ ᠭᠠᠷᠤᠭᠰᠠᠨ ᠨᠢ ᠰᠠᠢᠰᠢᠶᠠᠯᠲᠠᠢ᠃ ᠭᠡᠪᠡᠴᠦ᠂ ᠠᠬᠤᠢ ᠪᠠᠢᠳᠠᠯ᠂ ᠬᠤᠪᠢ ᠲᠠᠪᠢᠯᠠᠩ᠂ ᠢᠷᠡᠭᠡᠳᠦᠢ᠂ ᠣᠷᠣᠰᠢᠵᠤ ᠲᠤᠯᠭᠠᠷᠠᠵᠤ ᠪᠦᠬᠦᠢ ᠠᠰᠠᠭᠤᠳᠠᠯ᠂ ᠬᠦᠮᠦᠰ ᠬᠥᠮᠥᠷᠢᠭᠰᠡᠨ ᠲᠣᠭᠣᠭᠠᠨ ᠤᠬᠠᠮᠰᠠᠷ ᠴᠢᠯᠦᠭᠡᠯᠡᠬᠦ᠂ ᠳᠡᠯᠡᠬᠡᠢ ᠳᠠᠬᠢᠨ ᠲᠠᠢ ᠲᠠᠨᠢᠯᠴᠠᠵᠤ ᠨᠢᠳᠦ ᠲᠠᠢᠯᠬᠤ᠂ ᠪᠣᠳᠠᠲᠤ ᠪᠠᠢᠳᠠᠯ ᠳᠡᠯᠡᠬᠡᠢ ᠨᠡᠢᠲᠡ ᠮᠡᠳᠡᠭᠳᠡᠬᠦ ᠭᠡᠬᠦ ᠮᠡᠲᠦ ᠲᠠᠯ᠎ᠠ ᠪᠢᠴᠢᠬᠦ ᠪᠣᠯᠣᠮᠵᠢ ᠮᠠᠭᠤᠲᠠᠢ ᠰᠢᠯᠲᠠᠭᠠᠨ᠂ ᠲᠡᠢᠮᠦ ᠰᠠᠨᠠᠭᠠᠷᠬᠠᠯ ᠨᠢ ᠪᠠᠭᠤᠷᠠᠵᠤ᠂ ᠪᠠᠯᠠᠷᠠᠵᠤ᠂ ᠪᠦᠷ degeneration ᠳᠣᠷᠣᠢᠲᠠᠯ᠂ ᠮᠠᠭᠤᠳᠠᠯ ᠣᠷᠣᠭᠰᠠᠨ᠂ ᠲᠡᠢᠮᠦ ᠶᠠᠭᠤᠮ᠎ᠠ ᠪᠢᠴᠢᠬᠦ ᠴᠢᠳᠠᠪᠤᠷᠢ ᠠᠯᠳᠠᠭᠰᠠᠨ ᠬᠡᠷᠡᠭ᠃ 
       ᠭᠡᠲᠡᠯ᠎ᠡ ᠠᠮᠢᠲᠠᠨ ᠤᠷᠭᠤᠮᠠᠯ degeneration ᠳᠣᠷᠣᠢᠲᠠᠯ ᠡᠭᠦᠰᠴᠦ ᠶᠠᠮᠠᠷ ᠨᠢᠭᠡᠨ ᠴᠢᠳᠠᠪᠤᠷᠢ ᠠᠯᠳᠠᠬᠤ ᠬᠠᠵᠠᠭᠤ evolution ᠬᠤᠪᠢᠰᠤᠯ ᠪᠤᠢ ᠪᠣᠯᠵᠤ᠂ ᠰᠢᠨ᠎ᠡ ᠴᠢᠳᠠᠪᠤᠷᠢ ᠪᠠᠢᠭᠠᠯᠢ ᠣᠷᠴᠢᠨ ᠲᠠᠢ ᠵᠣᠬᠢᠴᠠᠬᠤ ᠦᠵᠡᠭᠳᠡᠯ ᠪᠤᠢ᠃ ᠵᠢᠱᠢᠶ᠎ᠡ ᠨᠢ᠂ ᠪᠡᠯᠴᠢᠭᠡᠷ ᠮᠠᠭᠤᠳᠠᠭᠠᠳ ᠡᠪᠡᠰᠦ ᠨᠣᠭᠣᠭ᠎ᠠ ᠥᠨᠳᠥᠷ ᠤᠷᠭᠤᠬᠤ ᠦᠭᠡᠢ ᠪᠣᠯᠣᠭᠠᠳ ᠤᠳᠠᠬᠤ ᠦᠬᠡᠷ ᠬᠡᠯᠡ ᠣᠷᠢᠶᠠᠯᠭᠠᠵᠤ ᠪᠢᠰᠢ᠂ ᠠᠳᠤᠭᠤ ᠰᠢᠭ᠋ ᠴᠢᠮᠬᠢᠯᠡᠵᠦ ᠢᠳᠡᠬᠦ ᠪᠣᠯᠳᠠᠭ ᠭᠡᠵᠦ ᠮᠠᠯᠴᠢᠳ ᠶᠠᠷᠢᠳᠠᠭ᠃ ᠦᠨᠳᠦᠰᠦᠲᠡᠨ ᠣᠷᠣᠰᠢᠨ ᠦᠯᠡᠳᠡᠬᠦ ᠬᠡᠯᠡ ᠪᠠ ᠪᠢᠴᠢᠭ ᠬᠡᠷᠡᠭᠯᠡᠬᠦ ᠯᠠ ᠤᠴᠢᠷᠲᠠᠢ᠃ ᠬᠡᠷᠡᠭᠯᠡᠬᠦ ᠠᠷᠭ᠎ᠠ ᠣᠯᠬᠤ  ᠬᠤᠪᠢᠰᠬᠤ ᠯᠠ ᠬᠡᠷᠡᠭᠲᠡᠢ᠃ ᠲᠡᠷᠡ ᠬᠤᠪᠢᠰᠤᠯ ᠨᠢᠭᠡ ᠬᠡᠯᠪᠡᠷᠢ ᠨᠢ᠂ ᠴᠠᠬᠢᠮ ᠣᠷᠴᠢᠨ ᠠᠰᠢᠭᠯᠠᠵᠤ᠂ ᠰᠠᠨᠠᠯ ᠪᠣᠳᠣᠯ᠂ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ᠂ ᠰᠤᠷᠤᠭᠰᠠᠨ ᠮᠡᠳᠡᠭᠰᠡᠨ ᠴᠠᠭ ᠳᠠᠷᠤᠢ ᠨᠢ ᠭᠢᠯᠠᠰ ᠬᠢᠲᠡᠯ᠎ᠡ ᠨᠡᠢᠲᠡᠯᠡᠵᠦ ᠪᠠᠢᠬᠤ ᠶᠠᠪᠤᠳᠠᠯ᠃
       ᠣᠯᠠᠨ ᠤᠯᠤ ᠨᠥᠯᠥᠭᠡ ᠪᠦᠬᠦᠢ ᠬᠡᠪᠯᠡᠯ ᠮᠡᠳᠡᠭᠡᠯᠡᠯ ᠭᠠᠵᠠᠷ ᠰᠤᠷᠪᠤᠯᠵᠢᠯᠠᠭᠴᠢ   ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠨᠡᠢᠭᠡᠮ ᠪᠠᠢᠭᠤᠯᠤᠯᠭ᠎ᠠ ᠢᠳᠡᠪᠬᠢᠲᠡᠨ ᠨᠠᠷ ᠥᠪᠡᠷ ᠲᠡᠢ ᠴᠢᠨᠢ ᠠᠭᠤᠯᠵᠠᠵᠤ opinion poll ᠰᠠᠨᠠᠯ ᠠᠰᠠᠭᠤᠯᠭ᠎ᠠ ᠶᠠᠪᠤᠭᠤᠯᠤᠨ᠎ᠠ ᠭᠡᠵᠦ ᠪᠣᠳᠣᠶ᠎ᠠ᠃   ᠮᠣᠩᠭᠣᠯ ᠬᠡᠯᠡ ᠬᠣᠷᠢᠭᠯᠠᠵᠤ ᠪᠠᠢᠭ᠎ᠠ ᠲᠠᠯ᠎ᠠ ᠲᠠ ᠶᠠᠭᠤ ᠪᠣᠳᠣᠳᠠᠭ ᠪᠤᠢ   ᠭᠡᠪᠡᠯ᠂   ᠡᠷᠡᠰ ᠡᠰᠡᠷᠭᠦᠴᠡᠨ᠎ᠡ᠂ ᠲᠡᠮᠡᠴᠡᠨ᠎ᠡ  ᠭᠡᠵᠦ ᠬᠠᠷᠢᠭᠤᠯᠬᠤ ᠪᠢᠵᠡ᠃   ᠲᠠ internet ᠠᠰᠢᠭᠯᠠᠵᠤ ᠮᠣᠩᠭᠣᠯ ᠪᠢᠴᠢᠳᠡᠭ ᠦᠦ   ᠭᠡᠪᠡᠯ᠂ ᠦᠭᠡᠢ ᠶᠤᠮ ᠴᠢᠨᠢ  ᠦᠭᠡᠢ   ᠯᠠ ᠭᠡᠵᠦ ᠬᠠᠷᠢᠭᠤᠯᠤᠨ᠎ᠠ᠃           ᠡᠢᠮᠦ ᠯᠣᠭᠢᠭ ᠦᠭᠡᠢ ᠦᠢᠯᠡᠳᠦᠯ ᠲᠡᠢ ᠬᠦᠮᠦᠰ ᠲᠡᠳᠡ ᠥᠷᠥ ᠡᠪᠡᠳᠴᠦ ᠳᠡᠮᠵᠢᠬᠦ ᠦᠦ  ᠶᠠᠭᠤ ᠭᠡᠵᠦ ᠳ᠋ᠦᠩᠨᠡᠬᠦ ᠪᠣᠯ  ᠶᠠᠳᠠᠬᠤ᠂ ᠠᠮᠠ ᠠᠵᠢᠯ ᠬᠣᠶᠠᠷ ᠢᠵᠢᠯᠢ ᠪᠠᠢᠯᠭᠠᠶ᠎ᠠ᠂ ᠬᠡᠯᠡᠭᠰᠡᠨ ᠪᠣᠯ ᠲᠡᠷᠡ ᠶᠣᠰᠣ ᠬᠢᠬᠦ ᠨᠢ ᠬᠦᠮᠦᠨ ᠦᠨᠳᠦᠰᠦᠨ ᠵᠠᠷᠴᠢᠮ ᠪᠤᠰᠤ ᠦᠦ 
       ᠮᠣᠩᠭᠣᠯ ᠪᠢᠴᠢᠬᠦ ᠠᠶᠤᠯ ᠡᠷᠡᠰᠳᠡᠯ ᠲᠡᠢ ᠲᠠᠯ᠎ᠠ ᠪᠤᠢ ᠦᠭᠡᠢᠰᠬᠡᠬᠦ ᠦᠭᠡᠢ᠃ ᠴᠠᠬᠢᠮ ᠣᠷᠴᠢᠨ᠂ ᠬᠡᠷᠡᠮ ᠭᠠᠷᠴᠤ ᠪᠠᠢᠭᠠᠳ ᠪᠢᠴᠢᠬᠦ ᠵᠠᠪᠠᠯ  ᠬᠡᠨ ᠭᠡᠳᠡᠭ  ᠵᠠᠷᠯᠠᠬᠤ ᠠᠯᠪᠠ ᠲᠠᠢ ᠶᠤᠮ ᠦᠦ  ᠨᠡᠷ᠎ᠡ  ᠭᠠᠷᠭᠠᠬᠤ ᠦᠭᠡᠢ ᠪᠠᠢᠬᠤ ᠬᠤᠪᠢᠰᠤᠯ ᠪᠠᠢᠵᠤ ᠪᠣᠯᠣᠨ᠎ᠠ ᠪᠢᠵᠡ ᠳ᠋ᠡ᠃
      ᠬᠦᠮᠦᠨ ᠪᠣᠯᠭᠠᠨ hobby ᠳᠣᠩ᠂ ᠵᠢᠯᠪᠢ᠂ ᠬᠣᠷᠣᠬᠠᠢ᠂ ᠬᠣᠷᠣᠬᠠᠢᠰᠢᠯ᠂ ᠳᠤᠷᠠᠰᠢᠯ ᠭᠡᠵᠦ ᠪᠠᠢᠳᠠᠭ᠂ ᠮᠤᠤᠷ ᠨᠣᠬᠠᠢ ᠡᠷᠬᠡᠯᠡᠭᠦᠯᠬᠦ᠂ ᠠᠷᠢᠬᠢ ᠲᠠᠮᠠᠬᠢ ᠡᠳ᠋ᠯᠡᠬᠦ᠂ ᠴᠡᠴᠡᠭ ᠡᠪᠡᠰᠦ ᠲᠠᠷᠢᠬᠤ᠂ ᠤᠴᠢᠷ ᠲᠠᠢ ᠶᠠᠭᠤᠮ᠎ᠠ ᠲᠤᠭᠤᠷᠪᠢᠬᠤ ᠦᠭᠡᠢ  ᠤᠷᠠᠨ ᠪᠢᠴᠢᠯᠭᠡ ᠭᠡᠳ     ᠦᠰᠦᠭ ᠤᠭᠠᠯᠵᠠ ᠵᠢᠷᠤᠵᠤ ᠴᠠᠭ ᠨᠥᠭᠴᠢᠭᠡᠬᠦ ᠁ ᠭᠡᠳ᠃ ᠬᠠᠷᠠᠮᠵᠢ ᠱᠠᠩ ᠭᠣᠷᠢᠯᠠᠬᠤ ᠦᠭᠡᠢ᠂ ᠮᠣᠩᠭᠣᠯ ᠪᠢᠴᠢᠭ ᠨᠢᠭᠡ ᠬᠡᠯᠡᠭᠡᠳ ᠪᠠᠢᠪᠠᠯ᠂ ᠲᠡᠭᠷᠢ ᠪᠤᠷᠬᠠᠨ᠂ ᠲᠡᠷᠲᠡᠭᠡ ᠢᠷᠡᠭᠡᠳᠦᠢ ᠪᠢᠳᠡᠨ ᠢᠪᠡᠭᠡᠨ᠎ᠡ᠃ AI ᠬᠥᠭᠵᠢᠵᠦ ᠪᠠᠢᠭ᠎ᠠ ᠨᠥᠬᠥᠴᠡᠯ ᠮᠣᠩᠭᠣᠯ ᠪᠢᠴᠢᠭᠰᠡᠨ ᠴᠢᠨᠢ ᠳᠡᠯᠡᠬᠡᠢ ᠠᠯᠢ  ᠬᠡᠯᠡ   ᠬᠦᠷᠲᠦᠭᠡᠢ᠂ ᠮᠡᠳᠡᠲᠦᠭᠡᠢ᠂ ᠪᠢᠳᠡᠨ ᠳᠡᠮᠵᠢᠲᠦᠭᠡᠢ    ᠭᠠᠵᠠᠷ ᠪᠣᠯᠭᠠᠨ ᠨᠢᠰᠦᠭᠡᠳ ᠣᠴᠢᠨ᠎ᠠ᠃