– ᠠ(A) –
1 ᠠ ᠦᠰᠦᠭ ᠡᠷᠳᠡᠮ ᠦ᠋ᠨ ᠳᠡᠭᠡᠵᠢ
ᠠᠶᠠᠭᠠ ᠴᠠᠢ ᠢᠳᠡᠭᠡᠨ ᠦ᠌ ᠳᠡᠭᠡᠵᠢ
2 ᠠᠪᠤ ᠨᠢ ᠪᠦᠭᠦᠳᠡ ᠶ᠋ᠢᠨ ᠬᠠᠭᠠᠨ
ᠠᠬᠠ ᠨᠢ ᠳᠡᠭᠦᠦ ᠶ᠋ᠢᠨ ᠬᠠᠭᠠᠨ
3 ᠠᠪᠤ ᠡᠵᠢ ᠦᠷᠡ ᠶ᠋ᠢᠨ ᠲᠦᠰᠢᠭ
ᠠᠬᠠ ᠡᠭᠡᠴᠢ ᠪᠡᠶᠡ ᠶ᠋ᠢᠨ ᠲᠦᠰᠢᠭ
4 ᠠᠪᠤ ᠡᠵᠢ ᠲᠡᠢ ᠪᠡᠨ ᠵᠥᠷᠢᠯᠳᠦᠪᠡᠯ ᠠᠴᠢᠯᠠᠯ ᠢ᠋ᠶ᠋ᠠᠨ ᠪᠠᠷᠠᠨᠠ
ᠠᠬᠠ ᠳᠡᠭᠦᠦ ᠲᠡᠢ ᠪᠡᠨ ᠮᠠᠭᠤᠳᠠᠯᠴᠠᠪᠠᠯ ᠬᠦᠨᠳᠦ ᠪᠡᠨ ᠪᠠᠷᠠᠨᠠ
5 ᠠᠪᠤ ᠪᠠᠨ ᠰᠠᠨᠠᠪᠠᠯ ᠠᠪᠠᠭᠠ ᠪᠠᠨ
ᠡᠵᠢ ᠪᠡᠨ ᠰᠠᠨᠠᠪᠠᠯ ᠨᠠᠭᠠᠴᠤ ᠪᠠᠨ
6 ᠠᠪᠤ ᠶ᠋ᠢ ᠪᠡᠨ ᠠᠮᠢᠳᠤ ᠳ᠋ᠤ᠌
ᠠᠷᠵᠠᠢᠬᠤ ᠰᠠᠬᠠᠯ ᠪᠤᠤ ᠳᠡᠯᠪᠢ
7 ᠠᠪᠤ ᠶ᠋ᠢᠨ ᠠᠴᠢ ᠶ᠋ᠢ ᠥᠩᠭᠡᠷᠡᠭᠰᠡᠨ ᠦ᠌ ᠬᠣᠢᠨᠠ
ᠠᠢᠯ ᠤ᠋ᠨ ᠠᠴᠢ ᠶ᠋ᠢ ᠨᠡᠭᠦᠭᠰᠡᠨ ᠦ᠌ ᠬᠣᠢᠨᠠ
8 ᠠᠪᠤ ᠶ᠋ᠢᠨ ᠪᠣᠢ ᠳ᠋ᠤ᠌ ᠬᠥᠮᠦᠨ ᠲᠠᠨᠢ
ᠠᠭᠲᠠ ᠶ᠋ᠢᠨ ᠪᠣᠢ ᠳ᠋ᠤ᠌ ᠭᠠᠵᠠᠷ ᠦᠵᠡ
9 ᠠᠪᠤ ᠶ᠋ᠢᠨ ᠰᠤᠷᠭᠠᠯ ᠠᠯᠲᠠ
ᠡᠵᠢ ᠶ᠋ᠢᠨ ᠰᠤᠷᠭᠠᠯ ᠡᠷᠳᠡᠨᠢ
10 ᠠᠪᠤ ᠶ᠋ᠢᠨ ᠤᠷᠭᠠ ᠶ᠋ᠢ ᠪᠠᠷᠢᠵᠤ ᠰᠤᠷ
ᠠᠳᠤᠭᠤ ᠮᠠᠯ ᠴᠢᠨᠢ ᠥᠰᠦᠨᠡ
ᠡᠵᠢ ᠶ᠋ᠢᠨ ᠵᠡᠭᠦᠦ ᠶ᠋ᠢ ᠪᠠᠷᠢᠵᠤ ᠰᠤᠷ
ᠡᠷᠳᠡᠮ ᠦᠢᠯᠡ ᠴᠢᠨᠢ ᠪᠦᠲᠦᠨᠡ
11 ᠠᠪᠤ ᠶ᠋ᠢᠨ ᠦᠭᠡᠢ ᠳ᠋ᠦ᠍ ᠠᠬᠠ ᠠᠪᠤ
ᠡᠵᠢ ᠶ᠋ᠢᠨ ᠦᠭᠡᠢ ᠳ᠋ᠦ᠍ ᠡᠭᠡᠴᠢ ᠡᠵᠢ
12 ᠠᠪᠤ ᠶ᠋ᠢᠨ ᠬᠦᠦ ᠠᠳᠠᠯᠢ ᠦᠭᠡᠢ
ᠠᠷᠪᠠᠨ ᠬᠤᠷᠤᠭᠤ ᠲᠡᠭᠰᠢ ᠦᠭᠡᠢ
13 ᠠᠪᠤ ᠶ᠋ᠢᠨ ᠬᠦᠦ ᠶ᠋ᠢᠨ ᠵᠠᠩ ᠨᠢ ᠨᠢᠭᠡ
ᠠᠴᠢᠶᠠ ᠲᠠᠢ ᠲᠡᠮᠡᠭᠡᠨ ᠦ᠌ ᠬᠥᠯ ᠨᠢ ᠨᠢᠭᠡ
14 ᠠᠭᠠᠭ ᠨᠢ ᠶᠡᠬᠡᠲᠡᠵᠦ
ᠠᠵᠢᠯ ᠨᠢ ᠪᠠᠭᠠᠳᠠᠬᠤ
15 ᠠᠭᠠᠳᠠᠷ ᠪᠣᠷᠣᠭᠠᠨ ᠤ᠋ ᠰᠡᠭᠦᠯ ᠳ᠋ᠦ᠍
ᠠᠭᠠᠷ ᠠᠷᠢᠭᠤᠨ ᠪᠠᠢᠳᠠᠭ
16 ᠠᠭᠠᠯᠢ ᠦᠭᠡᠢ ᠬᠥᠮᠦᠨ ᠢᠨᠢᠶᠡᠮᠡᠲᠡᠭᠡᠢ
ᠠᠵᠢᠯ ᠦᠭᠡᠢ ᠬᠥᠮᠦᠨ ᠤᠨᠲᠠᠮᠠᠳᠠᠭᠠᠢ
17 ᠠᠭᠠᠰᠢ ᠵᠠᠩ ᠤ᠋ᠨ ᠨᠣᠮᠣᠬᠠᠨ ᠨᠢ ᠰᠠᠢᠨ
ᠠᠳᠤᠭᠤ ᠮᠠᠯ ᠤ᠋ᠨ ᠲᠠᠷᠭᠤᠨ ᠨᠢ ᠰᠠᠢᠨ
18 ᠠᠭᠠᠰᠢ ᠶ᠋ᠢ ᠰᠤᠷᠬᠤ ᠪᠠᠷ
ᠠᠵᠢᠯ ᠢ᠋ ᠰᠤᠷ
19 ᠠᠭᠠᠰᠢ ᠲᠠᠢ ᠬᠥᠮᠦᠨ᠂ ᠬᠦᠨᠳᠦ ᠪᠡᠨ ᠪᠠᠷᠠᠬᠤ
ᠠᠵᠢᠯᠴᠢ ᠬᠥᠮᠦᠨ᠂ ᠠᠯᠳᠠᠷ ᠨᠢ ᠳᠠᠭᠤᠷᠢᠰᠬᠤ
20 ᠠᠪᠤᠭᠠ ᠦᠭᠡᠢ ᠠᠪᠠᠭᠠᠢ ᠶ᠋ᠢᠨ ᠴᠢᠷᠠᠢ ᠰᠠᠢᠬᠠᠨ
ᠠᠯᠠᠭᠠ ᠦᠭᠡᠢ ᠦᠨᠡᠭᠡᠨ ᠦ᠌ ᠠᠷᠠᠰᠤ ᠰᠠᠢᠬᠠᠨ
21 ᠠᠪᠬᠤ ᠭᠡᠪᠡᠯ ᠪᠥᠬᠥᠢᠵᠦ
ᠥᠭᠬᠦ ᠭᠡᠪᠡᠯ ᠭᠡᠳᠡᠢᠬᠦ
22 ᠠᠪᠬᠤ ᠬᠥᠮᠦᠨ ᠳ᠋ᠦ᠍ ᠨᠢᠭᠡ ᠦᠭᠡ ᠴᠤ᠌ ᠡᠷᠳᠡᠨᠢ
ᠣᠷᠬᠢᠬᠤ ᠬᠥᠮᠦᠨ ᠳ᠋ᠦ᠍ ᠮᠢᠩᠭᠠᠨ ᠦᠭᠡ ᠴᠤ᠌ ᠣᠯᠢᠭ
23 ᠠᠪᠬᠤ ᠳ᠋ᠤ᠌ ᠠᠭᠤᠯᠠ ᠶ᠋ᠢᠨ ᠴᠢᠨᠡᠭᠡ ᠪᠣᠯᠪᠠᠴᠤ ᠴᠢᠮᠠᠯᠠᠬᠤ
ᠥᠭᠬᠦ ᠳ᠋ᠦ᠍ ᠠᠯᠠᠭᠠᠨ ᠴᠢᠨᠡᠭᠡ ᠪᠣᠯᠪᠠᠴᠤ ᠬᠠᠷᠠᠮᠨᠠᠬᠤ
24 ᠠᠪᠬᠤ ᠶ᠋ᠢ ᠮᠡᠳᠡᠪᠡᠯ ᠥᠭᠬᠦ ᠶ᠋ᠢ ᠮᠡᠳᠡ
ᠥᠭᠬᠦ ᠶ᠋ᠢ ᠮᠡᠳᠡᠪᠡᠯ ᠠᠪᠬᠤ ᠪᠠᠨ ᠮᠡᠳᠡ
25 ᠠᠪᠠ ᠳ᠋ᠤ᠌ ᠭᠠᠷᠬᠤ ᠬᠥᠮᠦᠨ ᠳ᠋ᠦ᠍ ᠨᠣᠬᠠᠢ ᠬᠡᠷᠡᠭ ᠲᠡᠢ
ᠠᠳᠤᠭᠤᠨ ᠳ᠋ᠤ᠌ ᠭᠠᠷᠬᠤ ᠬᠥᠮᠦᠨ ᠳ᠋ᠦ᠍ ᠤᠷᠭᠠ ᠬᠡᠷᠡᠭ ᠲᠡᠢ
26 ᠠᠪᠠ ᠳ᠋ᠤ᠌ ᠭᠠᠷᠪᠠᠯ ᠭᠠᠨᠵᠤᠭᠠ ᠲᠠᠢ
ᠠᠶᠠᠨ ᠳ᠋ᠤ᠌ ᠭᠠᠷᠪᠠᠯ ᠣᠯᠵᠠ ᠲᠠᠢ
27 ᠠᠪᠳᠠᠷᠠ ᠳᠦᠭᠦᠷᠡᠩ ᠠᠯᠲᠠ ᠪᠣᠯᠪᠠᠴᠤ ᠲᠤᠨᠲᠠᠷᠠᠳᠠᠭ
ᠠᠪᠤᠷᠭᠤ ᠴᠤᠤᠲᠠᠢ ᠪᠥᠬᠡ ᠪᠣᠯᠪᠠᠴᠤ ᠥᠲᠡᠯᠳᠡᠭ
28 ᠠᠪᠳᠠᠷᠠ ᠳ᠋ᠤ᠌ ᠪᠠᠢᠲᠠᠯᠠ ᠠᠯᠤᠰ ᠠ᠋ᠴᠠ ᠡᠷᠢᠬᠦ
ᠭᠠᠷ ᠲᠤ ᠪᠠᠢᠲᠠᠯᠠ ᠭᠠᠳᠠᠨᠠ ᠠ᠋ᠴᠠ ᠡᠷᠢᠬᠦ
29 ᠠᠪᠤᠷᠢ ᠮᠠᠭᠤᠲᠠᠢ ᠨᠣᠶᠠᠨ ᠲᠠᠢ ᠨᠥᠬᠥᠷᠯᠡᠬᠦ ᠪᠡᠷ
ᠠᠶᠠᠳᠠᠭᠤ ᠵᠠᠩ ᠲᠠᠢ ᠨᠣᠬᠠᠢ ᠲᠠᠢ ᠨᠥᠬᠥᠷᠯᠡᠭᠰᠡᠨ ᠨᠢ ᠳᠡᠭᠡᠷᠡ
30 ᠠᠪᠤᠷᠢ ᠰᠠᠢᠲᠤ ᠠᠢᠯ ᠳ᠋ᠤ᠌ ᠬᠣᠨᠣᠬᠤ
ᠠᠮᠠ ᠮᠠᠭᠤᠲᠤ ᠬᠡᠭᠡᠷᠡ ᠬᠣᠨᠣᠬᠤ
31 ᠠᠪᠤᠷᠢ ᠦᠭᠡᠢ ᠪᠣᠯ ᠨᠢᠭᠤᠷ ᠢ᠋ᠶ᠋ᠠᠨ ᠪᠠᠷᠠᠨᠠ
ᠠᠷᠪᠢ ᠦᠭᠡᠢ ᠪᠣᠯ ᠡᠳ᠋ ᠢ᠋ᠶ᠋ᠡᠨ ᠪᠠᠷᠠᠨᠠ
32 ᠠᠪᠤᠷᠢ ᠶ᠋ᠢᠨ ᠰᠣᠭᠲᠣᠭᠤ ᠭᠠᠷᠳᠠᠭ ᠦᠭᠡᠢ
ᠠᠷᠢᠬᠢᠨ ᠤ᠋ ᠰᠣᠭᠲᠣᠭᠤ ᠭᠠᠷᠳᠠᠭ
33 ᠠᠪᠤᠨᠠ ᠭᠡᠪᠡᠯ ᠠᠯᠠᠭᠠ ᠪᠠᠨ ᠲᠤᠰᠤᠨᠠ
ᠥᠭᠭᠦᠨᠡ ᠭᠡᠪᠡᠯ ᠥᠷᠥᠴᠡ ᠪᠡᠨ ᠲᠠᠲᠠᠨᠠ
34 ᠠᠪᠤᠭᠰᠠᠨ ᠥᠭᠭᠦᠭᠰᠡᠨ ᠢ᠋ᠶ᠋ᠡᠷ ᠪᠣᠯᠳᠠᠭ ᠦᠭᠡᠢ
ᠠᠷᠭᠠ ᠵᠦᠢ ᠪᠡᠷ ᠪᠣᠯᠳᠠᠭ
35 ᠠᠪᠤᠭᠰᠠᠨ ᠬᠥᠮᠦᠨ ᠦ᠌ ᠭᠠᠷ ᠵᠥᠭᠡᠯᠡᠨ
ᠠᠮᠲᠠᠯᠠᠭᠰᠠᠨ ᠬᠥᠮᠦᠨ ᠦ᠌ ᠠᠮᠠ ᠵᠥᠭᠡᠯᠡᠨ
36 ᠠᠪᠤᠭᠰᠠᠨ ᠢ᠋ᠶ᠋ᠠᠨ ᠮᠠᠷᠲᠠᠪᠠᠯ ᠠᠳᠠᠭ ᠤ᠋ᠨ ᠰᠢᠨᠵᠢ
ᠡᠷᠭᠢᠭᠦᠯᠵᠦ ᠥᠭᠬᠦ ᠨᠢ ᠡᠷᠬᠢᠮ ᠦ᠋ᠨ ᠰᠢᠨᠵᠢ
37 ᠠᠭᠰᠤᠮ ᠮᠣᠷᠢᠨ ᠳ᠋ᠤ᠌ ᠤᠷᠭᠠ ᠪᠦᠦ ᠠᠯᠲᠠ
ᠠᠯᠢᠪᠠ ᠬᠥᠮᠦᠨ ᠳ᠋ᠦ᠍ ᠦᠭᠡ ᠪᠦᠦ ᠠᠯᠲᠠ
38 ᠠᠭᠰᠤᠮ ᠬᠥᠮᠦᠨ ᠦ᠌ ᠴᠡᠭᠡᠵᠢ ᠪᠠᠭᠠ
ᠠᠷᠭᠠᠮᠵᠢᠶᠠ ᠲᠠᠢ ᠮᠣᠷᠢᠨ ᠤ᠋ ᠪᠡᠯᠴᠢᠭᠡᠷ ᠪᠠᠭᠠ
39 ᠠᠭᠰᠤᠷᠤᠭᠰᠠᠨ ᠬᠥᠮᠦᠨ ᠳ᠋ᠦ᠍
ᠤᠨᠲᠠᠷᠠᠭᠰᠠᠨ ᠭᠠᠯ
40 ᠠᠭᠲᠠ ᠠᠯᠳᠠᠪᠠᠯ ᠪᠠᠷᠢᠵᠤ ᠪᠣᠯᠳᠠᠭ
ᠠᠮᠠ ᠠᠯᠳᠠᠪᠠᠯ ᠪᠠᠷᠢᠵᠤ ᠪᠣᠯᠳᠠᠭ ᠦᠭᠡᠢ
41 ᠠᠭᠲᠠ ᠮᠣᠷᠢ ᠰᠠᠢᠨ ᠪᠣᠯ ᠠᠯᠤᠰ ᠤ᠋ᠨ ᠵᠠᠮ ᠳ᠋ᠤ᠌ ᠲᠦᠰᠢᠭ
ᠠᠬᠠ ᠳᠡᠭᠦᠦ ᠰᠠᠢᠨ ᠪᠣᠯ ᠠᠯᠢ ᠠᠯᠢᠨ ᠳ᠋ᠠᠭᠠᠨ ᠲᠦᠰᠢᠭ
42 ᠠᠭᠲᠠ ᠪᠠᠨ ᠰᠢᠯᠭᠠᠵᠤ ᠤᠷᠤᠯᠳᠤᠭᠠᠨ ᠳ᠋ᠤ᠌ ᠣᠷᠣ
ᠪᠢᠷᠠ ᠪᠠᠨ ᠮᠡᠳᠡᠵᠦ ᠪᠠᠷᠢᠯᠳᠤᠭᠠᠨ ᠳ᠋ᠤ᠌ ᠣᠷᠣ
43 ᠠᠳᠠᠭ ᠤ᠋ᠨ ᠵᠠᠷᠭᠤ
ᠠᠷᠪᠠ ᠬᠣᠨᠣᠭ ᠲᠤ᠌
44 ᠠᠳᠠᠭ ᠤ᠋ᠨ ᠨᠣᠶᠠᠨ ᠠᠯᠪᠠᠲᠤ ᠳ᠋ᠠᠭᠠᠨ ᠪᠠᠭᠠᠲᠤᠷ
ᠠᠳᠠᠭ ᠤ᠋ᠨ ᠡᠷᠡ ᠠᠪᠠᠭᠠᠢ ᠳ᠋ᠠᠭᠠᠨ ᠪᠠᠭᠠᠲᠤᠷ
45 ᠠᠳᠤᠭᠤᠰᠤ ᠠᠮᠢᠲᠠᠨ ᠳ᠋ᠤ᠌ ᠳᠠᠢᠰᠤᠨ ᠣᠯᠠᠨ
ᠠᠯᠪᠠᠲᠤ ᠬᠥᠮᠦᠨ ᠳ᠋ᠦ᠍ ᠨᠣᠶᠠᠨ ᠣᠯᠠᠨ
46 ᠠᠳᠤᠭᠤ ᠠᠵᠢᠷᠭᠠ ᠦᠭᠡᠢ ᠪᠣᠯ ᠰᠦᠷᠦᠭ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ
ᠭᠠᠯᠠᠭᠤ ᠲᠦᠷᠦᠭᠦᠦ ᠦᠭᠡᠢ ᠪᠣᠯ ᠴᠤᠪᠤᠭᠠ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ
47 ᠠᠳᠤᠭᠤᠨ ᠠ᠋ᠴᠠ ᠬᠦᠯᠦᠭ ᠲᠣᠳᠣᠷᠠᠬᠤ
ᠠᠷᠠᠳ ᠠ᠋ᠴᠠ ᠪᠠᠭᠠᠲᠤᠷ ᠰᠢᠯᠭᠠᠷᠠᠬᠤ
48 ᠠᠳᠤᠭᠤᠨ ᠤ᠋ ᠠᠯᠠᠭ ᠰᠠᠢᠬᠠᠨ
ᠠᠶᠠᠭᠠᠨ ᠤ᠋ ᠠᠯᠠᠭ ᠮᠠᠭᠤᠬᠠᠢ
49 ᠠᠳᠤᠭᠤᠨ ᠤ᠋ ᠪᠠᠨ ᠬᠢᠷᠢ ᠪᠡᠷ ᠢᠰᠬᠡᠷᠴᠦ
ᠬᠥᠨᠵᠢᠯᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠢᠷᠢ ᠪᠡᠷ ᠵᠢᠭᠢ
50 ᠠᠵᠢᠭᠴᠢ ᠪᠠᠢᠬᠤ ᠠᠵᠢᠯ ᠳ᠋ᠤ᠌ ᠲᠤᠰᠠᠲᠠᠢ
ᠠᠰᠢᠭᠴᠢ ᠪᠠᠢᠬᠤ ᠠᠯᠳᠠᠷ ᠲᠤ᠌ ᠬᠣᠣᠷᠲᠠᠢ
51 ᠠᠵᠢᠯ ᠭᠡᠪᠡᠯ ᠴᠠᠭᠠᠰᠢ ᠪᠠᠨ
ᠠᠰᠢᠭ ᠭᠡᠪᠡᠯ ᠨᠠᠭᠠᠰᠢ ᠪᠠᠨ
52 ᠠᠵᠢᠯ ᠨᠢ ᠠᠯᠠᠭᠠ ᠶ᠋ᠢᠨ ᠴᠢᠨᠡᠭᠡ
ᠲᠠᠢᠯᠤᠨ ᠨᠢ ᠲᠠᠯᠠ ᠶ᠋ᠢᠨ ᠴᠢᠨᠡᠭᠡ
53 ᠠᠵᠢᠯ ᠰᠤᠷᠪᠠᠯ ᠠᠮᠢᠳᠤᠷᠠᠯ ᠳ᠋ᠤ᠌ ᠲᠤᠰᠠ ᠲᠠᠢ
ᠠᠶᠤᠵᠤ ᠶᠠᠪᠤᠪᠠᠯ ᠠᠮᠢᠨ ᠳ᠋ᠤ᠌ ᠥᠯᠵᠡᠢ ᠲᠡᠢ
54 ᠠᠵᠢᠯ ᠬᠢᠪᠡᠯ ᠠᠮᠠ ᠬᠥᠳᠡᠯᠦᠨᠡ
ᠠᠯᠬᠠᠢᠷᠠᠵᠤ ᠰᠠᠭᠤᠪᠠᠯ ᠠᠮᠢᠳᠤᠷᠠᠯ ᠳᠣᠷᠣᠢᠲᠠᠨᠠ
55 ᠠᠵᠢᠯ ᠬᠢᠪᠡᠯ ᠳᠠᠭᠤᠰᠲᠠᠯᠠ
ᠳᠠᠪᠤᠰᠤ ᠬᠢᠪᠡᠯ ᠠᠭᠤᠰᠲᠠᠯᠠ
56 ᠠᠵᠢᠯ ᠬᠢᠵᠦ ᠬᠥᠮᠦᠨ ᠪᠣᠯᠳᠠᠭ
ᠠᠷᠤ ᠳᠠᠪᠠᠵᠤ ᠬᠦᠯᠦᠭ ᠪᠣᠯᠳᠠᠭ
57 ᠠᠵᠢᠯ ᠬᠢᠭᠰᠡᠨ ᠨᠢ ᠠᠮᠠᠨ ᠳ᠋ᠠᠭᠠᠨ ᠲᠣᠰᠣ ᠲᠠᠢ
ᠠᠵᠢᠯ ᠦᠭᠡᠢ ᠰᠠᠭᠤᠭᠰᠠᠨ ᠨᠢ ᠠᠮᠠᠨ ᠳ᠋ᠠᠭᠠᠨ ᠤᠰᠤ ᠲᠠᠢ
58 ᠠᠵᠢᠯ ᠳ᠋ᠤ᠌ ᠳᠠᠳᠤᠯᠭᠠ
ᠠᠴᠢᠶᠠᠨ ᠳ᠋ᠤ᠌ ᠲᠠᠲᠠᠯᠭᠠ
59 ᠠᠵᠢᠯᠯᠠᠪᠠᠯ ᠠᠯᠲᠠ ᠣᠯᠤᠨᠠ
ᠠᠯᠬᠠᠢᠷᠠᠪᠠᠯ ᠶᠠᠰᠤ ᠬᠡᠮᠡᠯᠢᠨᠡ
60 ᠠᠵᠢᠯᠴᠢ ᠬᠥᠮᠦᠨ ᠠᠮᠠᠨ ᠤ᠋ ᠬᠡᠰᠢᠭ ᠲᠡᠢ
ᠵᠠᠯᠬᠠᠭᠤ ᠬᠥᠮᠦᠨ ᠵᠠᠶᠠᠭᠠ ᠮᠠᠭᠤ ᠲᠠᠢ
61 ᠠᠵᠢᠯᠴᠢ ᠬᠥᠮᠦᠨ ᠲᠣᠰᠣ ᠢᠳᠡᠬᠦ
ᠠᠷᠠᠯᠵᠢᠶᠠᠴᠢ ᠬᠥᠮᠦᠨ ᠬᠠᠷᠢᠶᠠᠯ ᠢᠳᠡᠬᠦ
62 ᠠᠵᠢᠯ ᠢ᠋ ᠠᠷᠭᠠ ᠪᠠᠷ
ᠬᠡᠴᠡᠭᠦᠦ ᠶ᠋ᠢ ᠡᠪ ᠢ᠋ᠶ᠋ᠡᠷ
63 ᠠᠵᠢᠯ ᠤ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠠᠮᠢᠳᠤᠷᠠᠯ ᠥᠭᠡᠳᠡᠯᠡᠬᠦ
ᠪᠡᠯᠴᠢᠭᠡᠷ ᠦ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠮᠠᠯ ᠲᠠᠷᠭᠤᠯᠠᠬᠤ
64 ᠠᠢᠯ ᠠᠢᠮᠠᠭ ᠡᠶᠡᠲᠡᠢ ᠨᠢ ᠰᠠᠢᠬᠠᠨ
ᠠᠬᠠ ᠳᠡᠭᠦᠦ ᠨᠠᠷ ᠨᠠᠢᠷᠲᠠᠢ ᠨᠢ ᠰᠠᠢᠬᠠᠨ
65 ᠠᠢᠯ ᠪᠠᠰᠤᠭᠰᠠᠨ ᠬᠥᠮᠦᠨ ᠨᠥᠮᠥᠭᠡᠨ ᠢ᠋ᠶ᠋ᠡᠷ ᠣᠷᠣᠬᠤ
ᠠᠳᠤᠭᠤ ᠪᠠᠰᠤᠭᠰᠠᠨ ᠬᠥᠮᠦᠨ ᠠᠮᠠᠭᠠᠢ ᠦᠭᠡᠢ ᠪᠡᠷ ᠤᠨᠤᠬᠤ
66 ᠠᠢᠯ ᠲᠣᠭᠣᠷᠢᠵᠤ ᠣᠯᠢᠭ ᠪᠦᠦ ᠶᠠᠪᠤ
ᠰᠠᠩ ᠲᠣᠭᠣᠷᠢᠵᠤ ᠱᠠᠯᠢᠭ ᠪᠤᠤ ᠶᠠᠪᠤ
67 ᠠᠢᠯ ᠬᠥᠮᠦᠨ ᠦ᠌ ᠠᠮᠢ ᠨᠢᠭᠡ
ᠰᠠᠭᠠᠬᠠᠯᠲᠠ ᠬᠥᠮᠦᠨ ᠦ᠌ ᠰᠠᠨᠠᠭᠠ ᠨᠢᠭᠡ
68 ᠠᠢᠯ ᠬᠡᠰᠦᠬᠦ ᠶ᠋ᠢᠨ ᠣᠷᠣᠨ ᠳ᠋ᠤ᠌
ᠠᠶᠠᠭᠠ ᠪᠠᠨ ᠤᠬᠢᠶᠠᠪᠠᠯ ᠳᠡᠭᠡᠷᠡ
69 ᠠᠢᠯ ᠬᠡᠰᠦᠬᠦ ᠪᠡᠷ ᠠᠳᠤᠭᠤᠨ ᠳ᠋ᠠᠭᠠᠨ ᠶᠠᠪᠤ
ᠠᠯᠬᠠᠢᠷᠠᠵᠤ ᠬᠡᠪᠲᠡᠬᠦ ᠪᠡᠷ ᠠᠷᠭᠠᠯ ᠳ᠋ᠠᠭᠠᠨ ᠶᠠᠪᠤ
70 ᠠᠢᠯ ᠳ᠋ᠤ᠌ ᠣᠴᠢᠪᠠᠯ ᠬᠦᠨᠳᠦᠲᠡᠢ ᠨᠢ ᠰᠠᠢᠨ
ᠠᠶᠠᠨ ᠳ᠋ᠤ᠌ ᠶᠠᠪᠤᠪᠠᠯ ᠭᠠᠯᠲᠠᠢ ᠨᠢ ᠰᠠᠢᠨ
71 ᠠᠢᠯᠴᠢᠨ ᠬᠥᠮᠦᠨ ᠭᠤᠲᠤᠯ ᠦᠭᠡᠢ
ᠠᠷᠢᠬᠢᠴᠢᠨ ᠬᠥᠮᠦᠨ ᠵᠣᠭᠣᠰ ᠦᠭᠡᠢ
72 ᠠᠢᠯ ᠤ᠋ᠨ ᠨᠣᠬᠠᠳ ᠬᠡᠮᠬᠢᠯᠳᠦᠪᠡᠴᠦ
ᠠᠶᠤᠯ ᠢᠷᠡᠬᠦ ᠪᠡᠷ ᠨᠢ ᠨᠢᠭᠡᠳᠳᠡᠭ
73 ᠠᠶᠤᠮᠠᠬᠠᠢ ᠬᠥᠮᠦᠨ ᠠᠮᠢ ᠪᠠᠨ ᠠᠪᠤᠷᠠᠬᠤ ᠦᠭᠡᠢ
ᠠᠭᠠᠯᠢ ᠦᠭᠡᠢ ᠬᠥᠮᠦᠨ ᠨᠡᠷᠡ ᠪᠡᠨ ᠠᠪᠤᠷᠠᠬᠤ ᠦᠭᠡᠢ
74 ᠠᠶᠤᠮᠠᠬᠠᠢ ᠬᠥᠮᠦᠨ ᠨᠡᠷᠡᠯᠬᠡᠦ
ᠠᠷᠢᠬᠢᠴᠢᠨ ᠬᠥᠮᠦᠨ ᠰᠢᠷᠠᠯᠠᠬᠤ
75 ᠠᠶᠤᠮᠠᠬᠠᠢ ᠬᠥᠮᠦᠨ ᠰᠡᠭᠦᠳᠡᠷ ᠡᠴᠡ ᠪᠡᠨ ᠠᠶᠤᠳᠠᠭ
ᠠᠵᠢᠯ ᠦᠭᠡᠢ ᠬᠥᠮᠦᠨ ᠰᠦᠷ ᠡᠴᠡ ᠨᠢ ᠠᠶᠤᠳᠠᠭ
76 ᠠᠢᠷᠠᠭ ᠴᠠᠭᠠᠨ ᠪᠣᠯᠪᠠᠴᠤ ᠠᠷᠢᠬᠢ ᠨᠢ ᠬᠠᠷᠠ
ᠴᠠᠰᠤ ᠴᠠᠭᠠᠨ ᠪᠣᠯᠪᠠᠴᠤ ᠤᠰᠤ ᠨᠢ ᠬᠠᠷᠠ
77 ᠠᠶᠤᠭᠰᠠᠨ ᠬᠥᠮᠦᠨ ᠠᠳᠤᠭᠤ ᠦᠷᠭᠦᠭᠡᠬᠦ
ᠢᠴᠢᠭᠰᠡᠨ ᠬᠥᠮᠦᠨ ᠬᠥᠮᠦᠨ ᠠᠯᠠᠬᠤ
78 ᠠᠶᠤᠭᠰᠠᠨ ᠬᠥᠮᠦᠨ ᠳ᠋ᠦ᠍
ᠠᠷᠭᠠᠯ ᠬᠥᠳᠡᠯᠬᠦ
79 ᠠᠶᠤᠬᠤ ᠪᠠᠨ ᠠᠷᠠᠰᠤᠨ ᠳ᠋ᠤ᠌ ᠪᠣᠭᠣᠵᠤ
ᠢᠴᠢᠬᠦ ᠪᠡᠨ ᠢᠰᠡᠭᠡᠢ ᠳ᠋ᠦ᠍ ᠪᠣᠭᠣᠬᠤ
80 ᠠᠯᠪᠠ ᠢᠳᠡᠳᠡᠭ ᠨᠣᠶᠠᠨ
ᠠᠮᠢᠳᠤ ᠪᠠᠷ ᠢᠳᠡᠳᠡᠭ ᠥᠳᠥ
81 ᠠᠯᠪᠠ ᠮᠡᠳᠡᠬᠦ ᠦᠭᠡᠢ ᠨᠣᠶᠠᠨ ᠤᠯᠤᠰ ᠤ᠋ᠨ ᠴᠢᠳᠬᠥᠷ
ᠠᠭᠠᠰᠢ ᠮᠠᠭᠤᠲᠠᠢ ᠬᠥᠮᠦᠨ ᠣᠯᠠᠨ ᠤ᠋ ᠴᠢᠳᠬᠥᠷ
82 ᠠᠯᠠᠭᠠ ᠶ᠋ᠢᠨ ᠴᠢᠨᠡᠭᠡ ᠭᠠᠵᠠᠷ ᠠ᠋ᠴᠠ
ᠠᠷᠪᠠᠨ ᠪᠤᠬᠠᠯ ᠠᠪᠬᠤ
ᠬᠣᠷᠮᠣᠢ ᠶ᠋ᠢᠨ ᠴᠢᠨᠡᠭᠡ ᠭᠠᠵᠠᠷ ᠠ᠋ᠴᠠ
ᠬᠣᠷᠢᠨ ᠪᠤᠬᠠᠯ ᠠᠪᠬᠤ
83 ᠠᠯᠲᠠ ᠪᠡᠶᠡ ᠳ᠋ᠦ᠍ ᠠᠮᠠ ᠭᠡᠷᠡᠴᠢ
ᠠᠯᠪᠠᠨ ᠪᠢᠴᠢᠭ ᠲᠦ᠍ ᠲᠠᠮᠠᠭᠠ ᠭᠡᠷᠡᠴᠢ
84 ᠠᠯᠳᠠᠭᠠ ᠪᠠᠨ ᠪᠦᠦ ᠠᠭᠤᠴᠢᠯᠠ
ᠠᠮᠵᠢᠯᠲᠠ ᠪᠠᠨ ᠪᠦᠦ ᠳᠠᠷᠤ
85 ᠠᠯᠳᠠᠭᠰᠠᠨ ᠬᠥᠮᠦᠨ ᠠᠷᠪᠠᠨ ᠨᠢᠭᠦᠯ ᠲᠡᠢ
ᠠᠪᠤᠭᠰᠠᠨ ᠬᠥᠮᠦᠨ ᠨᠢᠭᠡ ᠨᠢᠭᠦᠯ ᠲᠡᠢ
86 ᠠᠯᠲᠠ ᠶ᠋ᠢ ᠨᠢ ᠠᠪᠤᠭᠠᠳ ᠳᠡᠯᠢᠮ ᠳᠡᠭᠡᠷᠡ
ᠠᠳᠬᠤ ᠶ᠋ᠢ ᠨᠢ ᠠᠪᠤᠭᠠᠳ ᠴᠢᠮᠬᠢ ᠳᠡᠭᠡᠷᠡ
87 ᠠᠯᠢᠶᠠ ᠬᠥᠮᠦᠨ ᠠᠪᠤᠷᠢ ᠦᠭᠡᠢ
ᠠᠭᠰᠤᠮ ᠮᠣᠷᠢ ᠵᠢᠷᠣᠭᠠ ᠦᠭᠡᠢ
88 ᠠᠯᠢᠶᠠ ᠬᠥᠮᠦᠨ ᠬᠠᠤᠯᠢ ᠳ᠋ᠤ᠌ ᠬᠠᠷᠰᠢ
ᠠᠷᠢᠬᠢᠴᠢᠨ ᠬᠥᠮᠦᠨ ᠮᠥᠩᠭᠥᠨ ᠳ᠋ᠦ᠍ ᠬᠠᠷᠰᠢ
89 ᠠᠯᠮᠠᠰ ᠡᠷᠳᠡᠨᠢ ᠵᠦᠯᠭᠦᠬᠦ ᠳᠣᠳᠣᠮ ᠥᠩᠭᠡ ᠣᠷᠣᠵᠤ
ᠠᠪᠤ ᠶ᠋ᠢᠨ ᠬᠦᠦ ᠶᠠᠪᠤᠬᠤ ᠳᠣᠳᠣᠮ ᠤᠬᠠᠭᠠᠨ ᠰᠠᠭᠤᠳᠠᠭ
90 ᠠᠯᠤᠰ ᠵᠠᠮ ᠢ᠋ ᠬᠥᠭᠡᠭᠡᠪᠡᠯ ᠠᠭᠲᠠ ᠮᠣᠷᠢ ᠪᠠᠨ ᠭᠠᠮᠨᠠ
ᠠᠮᠢ ᠪᠡᠶᠡ ᠪᠡᠨ ᠪᠣᠳᠣᠪᠠᠯ ᠠᠭᠠᠰᠢ ᠵᠠᠩ ᠢ᠋ᠶ᠋ᠠᠨ ᠵᠠᠰᠠ
91 ᠠᠯᠤᠰ ᠶᠠᠪᠤᠬᠤ ᠳ᠋ᠤ᠌ ᠰᠡᠳᠬᠢᠯ ᠰᠡᠷᠭᠦᠨᠡ
ᠠᠵᠢᠯ ᠬᠢᠬᠦ ᠳ᠋ᠦ᠍ ᠵᠢᠳᠬᠦᠯ ᠰᠡᠷᠭᠦᠨᠡ
92 ᠠᠯᠠᠭᠰᠠᠨ ᠪᠠᠭᠠᠪᠠᠭᠠᠢ ᠶ᠋ᠢᠨ ᠠᠮᠠᠨ ᠳ᠋ᠤ᠌
ᠬᠤᠷᠤᠭᠤ ᠪᠠᠨ ᠬᠢᠭᠴᠢ ᠣᠯᠠᠨ
93 ᠠᠯᠠᠭᠰᠠᠨ ᠤ᠋ ᠨᠢᠭᠦᠯ ᠶᠡᠬᠡ
ᠠᠪᠤᠷᠠᠭᠰᠠᠨ ᠤ᠋ ᠪᠤᠶᠠᠨ ᠶᠡᠬᠡ
94 ᠠᠯᠤᠰ ᠢ᠋ ᠬᠠᠷᠠᠪᠠᠯ ᠠᠮᠢᠨ ᠳ᠋ᠤ᠌ ᠲᠤᠰᠠᠲᠠᠢ
ᠬᠣᠯᠠ ᠶ᠋ᠢ ᠪᠣᠳᠣᠪᠠᠯ ᠬᠣᠵᠢᠮ ᠲᠤᠰᠠᠲᠠᠢ
95 ᠠᠯᠤᠰ ᠤ᠋ᠨ ᠠᠯᠲᠠᠨ ᠮᠠᠯᠠᠭᠠᠢ ᠠ᠋ᠴᠠ
ᠥᠪᠡᠷ ᠦ᠋ᠨ ᠡᠪᠡᠰᠦᠨ ᠮᠠᠯᠠᠭᠠᠢ ᠶ᠋ᠢ
96 ᠠᠯᠲᠠ ᠭᠠᠵᠠᠷ ᠠ᠋ᠴᠠ
ᠠᠯᠳᠠᠷ ᠨᠣᠮ ᠠ᠋ᠴᠠ
97 ᠠᠯᠲᠠ ᠶᠡᠬᠡᠲᠦ ᠶ᠋ᠢᠨ ᠠᠪᠤᠷᠢ ᠮᠠᠭᠤᠬᠠᠢ
ᠬᠣᠭᠰᠢᠯ ᠶᠡᠬᠡᠲᠦ ᠶ᠋ᠢᠨ ᠵᠡᠭᠦᠳᠦ ᠮᠠᠭᠤᠬᠠᠢ
98 ᠠᠯᠲᠠ ᠮᠥᠩᠭᠥ ᠶ᠋ᠢ ᠡᠷᠢᠭᠡᠳ ᠣᠯᠳᠠᠨᠠ
ᠠᠪᠤ ᠡᠵᠢ ᠶ᠋ᠢ ᠡᠷᠢᠭᠡᠳ ᠣᠯᠳᠠᠬᠤ ᠦᠭᠡᠢ
99 ᠠᠯᠲᠠ ᠨᠢ ᠪᠠᠢᠪᠠᠯ
ᠠᠪᠬᠤ ᠶᠠᠭᠤᠮᠠ ᠣᠯᠠᠳᠬᠤ
100 ᠠᠯᠲᠠ ᠬᠡᠳᠦᠢ ᠤᠳᠠᠭᠰᠠᠨ ᠴᠦ᠍ ᠥᠩᠭᠡ ᠨᠢ ᠬᠤᠪᠢᠷᠠᠬᠤ ᠦᠭᠡᠢ
ᠠᠯᠳᠠᠷᠲᠠᠨ ᠬᠡᠳᠦᠢ ᠦᠬᠦᠭᠰᠡᠨ ᠴᠦ᠍ ᠨᠡᠷᠡ ᠨᠢ ᠮᠠᠷᠲᠠᠭᠳᠠᠬᠤ ᠦᠭᠡᠢ
101 ᠠᠯᠲᠠ ᠰᠢᠷᠣᠢ ᠳ᠋ᠤ᠌ ᠳᠠᠷᠤᠭᠳᠠᠳᠠᠭ
ᠠᠯᠳᠠᠷ ᠮᠥᠩᠬᠡᠳᠡ ᠳᠠᠷᠤᠭᠳᠠᠳᠠᠭ ᠦᠭᠡᠢ
102 ᠠᠯᠲᠠ ᠪᠠᠷ ᠰᠣᠯᠢᠬᠤ ᠦᠭᠡᠢ ᠴᠠᠭ ᠡᠷᠳᠡᠨᠢ
ᠠᠬᠢᠭᠠᠳ ᠣᠯᠳᠠᠬᠤ ᠦᠭᠡᠢ ᠨᠠᠰᠤ ᠡᠷᠳᠡᠨᠢ
103 ᠠᠯᠲᠠᠨ ᠳᠡᠯᠡᠬᠡᠢ ᠶ᠋ᠢ ᠨᠠᠷᠠ ᠭᠡᠢᠭᠦᠯᠳᠡᠭ
ᠠᠷᠠᠳ ᠣᠯᠠᠨ ᠢ᠋ ᠡᠷᠳᠡᠮ ᠭᠡᠢᠭᠦᠯᠳᠡᠭ
104 ᠠᠯᠲᠠᠨ ᠨᠠᠷᠠ ᠤᠨᠲᠠᠷᠠᠬᠤ ᠦᠭᠡᠢ
ᠠᠷᠠᠳ ᠣᠯᠠᠨ ᠨᠤᠭᠤᠷᠠᠬᠤ ᠦᠭᠡᠢ
105 ᠠᠯᠲᠠᠨ ᠤ᠋ ᠳᠡᠷᠭᠡᠳᠡ ᠭᠠᠤᠯᠢ ᠰᠢᠷᠠᠯᠠᠨᠠ
ᠰᠠᠢᠨ ᠤ᠋ ᠳᠡᠷᠭᠡᠳᠡ ᠮᠠᠭᠤ ᠰᠠᠢᠵᠢᠷᠠᠨᠠ
106 ᠠᠯᠲᠠ ᠶ᠋ᠢ ᠨᠢ ᠠᠪᠤᠭᠠᠳ
ᠠᠪᠳᠠᠷᠠ ᠶ᠋ᠢ ᠨᠢ ᠬᠠᠶᠠᠬᠤ
ᠦᠷᠡ ᠶ᠋ᠢ ᠨᠢ ᠠᠪᠤᠭᠠᠳ
ᠡᠬᠡ ᠶ᠋ᠢ ᠨᠢ ᠬᠠᠶᠠᠬᠤ
107 ᠠᠮᠠ ᠶᠡᠬᠡᠲᠦ ᠶ᠋ᠢ ᠠᠩᠭᠠᠢᠬᠤ ᠳ᠋ᠤ᠌
ᠪᠤᠶᠠᠨ ᠶᠡᠬᠡᠲᠦ ᠪᠤᠯᠢᠶᠠᠨᠠ
108 ᠠᠮᠠ ᠨᠡᠭᠡᠭᠡᠬᠦ ᠪᠡᠷ
ᠠᠭᠤᠰᠬᠢ ᠨᠡᠬᠡᠭᠡ
109 ᠠᠮᠠ ᠨᠢ ᠢᠳᠡᠵᠦ
ᠰᠡᠭᠦᠯ ᠨᠢ ᠲᠠᠷᠭᠤᠯᠠᠨᠠ
110 ᠠᠪᠤ ᠨᠢ ᠬᠡᠯᠡᠵᠦ
ᠬᠦᠦ ᠨᠢ ᠳᠠᠭᠠᠨᠠ
111 ᠠᠮᠠ ᠨᠢ ᠴᠠᠭᠠᠨ
ᠠᠵᠢᠯ ᠨᠢ ᠪᠠᠷᠠᠭᠠᠨ
112 ᠠᠮᠠ ᠬᠡᠯᠡ ᠲᠠᠤᠯᠠᠢ ᠠ᠋ᠴᠠ ᠬᠤᠷᠳᠤᠨ
ᠠᠲᠠᠭᠠ ᠲᠠᠩᠭᠠᠷᠢᠭ ᠬᠢᠲᠤᠭᠠᠨ ᠠ᠋ᠴᠠ ᠬᠤᠷᠴᠠ
113 ᠠᠮᠠ ᠬᠡᠯᠡ ᠬᠤᠳᠠᠯᠴᠢ
ᠠᠯᠠᠭ ᠲᠡᠦᠬᠡ ᠦᠨᠡᠨᠴᠢ
114 ᠠᠮᠠ ᠪᠠᠨ ᠬᠢᠴᠢᠶᠡᠬᠦ ᠦᠭᠡᠢ ᠪᠣᠯ ᠭᠠᠢ ᠲᠠᠲᠠᠬᠤ
ᠭᠠᠯ ᠢ᠋ᠶ᠋ᠠᠨ ᠬᠢᠴᠢᠶᠡᠬᠦ ᠦᠭᠡᠢ ᠪᠣᠯ ᠭᠠᠮᠰᠢᠭ ᠪᠣᠯᠬᠤ
115 ᠠᠮᠠ ᠪᠠᠷ ᠢ᠋ᠶ᠋ᠠᠨ ᠭᠡᠢᠭᠦᠯᠦᠭᠴᠢ ᠲᠦᠮᠡᠨ ᠬᠥᠩᠭᠡᠨ ᠡᠴᠡ
ᠠᠵᠢᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠦᠲᠦᠭᠡᠭᠴᠢ ᠨᠢᠭᠡ ᠳᠠᠷᠤᠤ ᠡᠷᠳᠡᠨᠢ
116 ᠠᠮᠠᠨ ᠳᠡᠭᠡᠷᠡ ᠪᠡᠨ ᠠᠴᠢᠲᠤ ᠪᠤᠷᠬᠠᠨ
ᠠᠴᠢᠷ ᠳᠡᠭᠡᠷᠡ ᠪᠡᠨ ᠬᠣᠣᠷᠲᠤ ᠮᠣᠭᠠᠢ
117 ᠠᠮᠠᠨ ᠳᠡᠭᠡᠷᠡ ᠪᠡᠨ ᠪᠠᠯ
ᠠᠯᠤᠰ ᠴᠠᠭᠠᠨᠠ ᠪᠠᠨ ᠵᠢᠳᠠ
118 ᠠᠮᠠᠨ ᠳᠡᠭᠡᠷᠡ ᠪᠡᠨ ᠵᠠ ᠭᠡᠵᠦ
ᠠᠷᠤ ᠬᠣᠢᠨᠠ ᠨᠢ ᠲᠦᠢ ᠭᠡᠬᠦ
119 ᠠᠮᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠣᠯᠵᠠ ᠶ᠋ᠢ
ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠲᠦᠯᠬᠢᠬᠦ
120 ᠠᠮᠠᠨ ᠳ᠋ᠤ᠌ ᠴᠦ᠍ ᠦᠭᠡᠢ
ᠬᠠᠮᠠᠷ ᠲᠤ᠌ ᠴᠦ᠍ ᠦᠭᠡᠢ
121 ᠠᠮᠢ ᠪᠠᠨ ᠪᠣᠳᠣᠭᠰᠠᠨ ᠬᠥᠮᠦᠨ
ᠠᠢᠯ ᠲᠠᠢ ᠪᠠᠨ ᠲᠠᠭᠠᠷᠠᠬᠤ ᠦᠭᠡᠢ
122 ᠠᠮᠢ ᠪᠠᠨ ᠪᠣᠷᠣᠯᠠᠭᠤᠯᠵᠤ
ᠳᠣᠪᠣ ᠪᠠᠨ ᠰᠢᠷᠠᠯᠠᠭᠤᠯᠬᠤ
123 ᠠᠮᠢᠨ ᠬᠤᠪᠢ ᠶ᠋ᠢᠨ ᠠᠰᠢᠭ ᠡᠪᠡᠰᠦᠨ ᠦ᠌ ᠰᠢᠭᠦᠳᠡᠷᠢ ᠲᠡᠢ ᠠᠳᠠᠯᠢ
ᠠᠷᠠᠳ ᠣᠯᠠᠨ ᠤ᠋ ᠠᠰᠢᠭ ᠥᠨᠳᠥᠷ ᠠᠭᠤᠯᠠ ᠲᠠᠢ ᠠᠳᠠᠯᠢ
124 ᠠᠮᠠᠨ ᠠ᠋ᠴᠠ ᠭᠠᠷᠤᠭᠰᠠᠨ ᠦᠭᠡ
ᠠᠯᠲᠠ ᠳᠡᠯᠢᠮ ᠰᠣᠨᠳᠠᠭ
125 ᠠᠮᠠᠨ ᠤ᠋ ᠪᠡᠯᠭᠡ ᠡᠴᠡ
ᠠᠰᠢᠳᠠ ᠶ᠋ᠢᠨ ᠵᠢᠷᠭᠠᠯ
126 ᠠᠮᠠᠨ ᠤ᠋ ᠬᠡᠰᠢᠭ ᠨᠢ
ᠠᠷᠤ ᠳ᠋ᠠᠭᠠᠨ ᠭᠠᠷᠬᠤ
127 ᠠᠮᠤᠷ ᠢ᠋ᠶ᠋ᠠᠨ ᠬᠠᠷᠠᠪᠠᠯ
ᠠᠮᠠ ᠬᠣᠭᠣᠰᠣᠨ
128 ᠠᠮᠠᠰᠠᠷ ᠮᠠᠭᠤ ᠲᠠᠢ ᠰᠠᠪᠠᠨ ᠳ᠋ᠤ᠌ ᠶᠠᠭᠤᠮᠠ ᠪᠤᠤ ᠬᠢ
ᠠᠮᠠ ᠰᠤᠯᠠ ᠲᠠᠢ ᠬᠥᠮᠦᠨ ᠳ᠋ᠦ᠍ ᠦᠭᠡ ᠪᠤᠤ ᠬᠡᠯᠡ
129 ᠠᠮᠠ ᠲᠠᠢ ᠬᠡᠦᠬᠡᠨ ᠢ᠋
ᠠᠪᠳᠠᠷᠠ ᠳ᠋ᠤ᠌ ᠬᠢᠪᠡᠴᠦ ᠳᠠᠷᠤᠭᠳᠠᠬᠤ ᠦᠭᠡᠢ
130 ᠠᠮᠲᠠᠲᠤ ᠦᠭᠡ ᠴᠢᠬᠢᠨ ᠳ᠋ᠦ᠍ ᠲᠠᠭᠠᠲᠠᠢ ᠪᠣᠯᠪᠠᠴᠤ
ᠠᠯᠤᠰ ᠴᠠᠭᠠᠨᠠ ᠪᠠᠨ ᠬᠣᠣᠷᠲᠠᠢ ᠪᠠᠢᠳᠠᠭ
131 ᠠᠮᠲᠠᠲᠤ ᠰᠢᠬᠢᠷ ᠢ᠋ᠶ᠋ᠡᠷ ᠬᠠᠢᠷᠠᠯᠠᠬᠤ ᠪᠠᠷ
ᠠᠷᠢᠭᠤᠨ ᠰᠤᠷᠭᠠᠯ ᠢ᠋ᠶ᠋ᠠᠷ ᠬᠠᠢᠷᠠᠯᠠ
132 ᠠᠮᠲᠠᠰᠢᠭᠰᠠᠨ ᠬᠡᠷᠢᠶᠡ
ᠠᠷᠪᠠᠨ ᠭᠤᠷᠪᠠ ᠡᠷᠭᠢᠬᠦ
133 ᠠᠮᠢ ᠮᠢᠩᠭᠠᠨ ᠯᠠᠩ
ᠠᠯᠳᠠᠷ ᠲᠦᠮᠡᠨ ᠯᠠᠩ
134 ᠠᠮᠢᠳᠤ ᠠᠮᠢᠲᠠᠨ ᠠᠷᠭᠠ ᠪᠠᠨ ᠣᠯᠳᠠᠭ
ᠠᠯᠲᠠᠨ ᠬᠠᠷᠢᠶᠠᠴᠠᠢ ᠡᠭᠦᠷ ᠢ᠋ᠶ᠋ᠡᠨ ᠵᠠᠰᠠᠳᠠᠭ
135 ᠠᠮᠢᠳᠤ ᠬᠥᠮᠦᠨ ᠠᠷᠭᠠ ᠲᠠᠢ
ᠠᠷᠭᠠᠯ ᠤ᠋ᠨ ᠭᠠᠯ ᠴᠣᠭ ᠲᠠᠢ
136 ᠠᠮᠢᠳᠤ ᠬᠥᠮᠦᠨ ᠦ᠌ ᠭᠡᠷᠡᠴᠢ ᠪᠣᠯᠬᠤ ᠪᠠᠷ
ᠦᠬᠦᠭᠰᠡᠨ ᠬᠥᠮᠦᠨ ᠦ᠌ ᠳᠡᠷᠡ ᠪᠣᠯ
137 ᠠᠮᠢᠳᠤ ᠶᠠᠪᠤᠪᠠᠯ ᠠᠯᠲᠠᠨ ᠠᠶᠠᠭᠠᠨ ᠠ᠋ᠴᠠ ᠤᠰᠤ ᠤᠤᠭᠤᠨᠠ
ᠮᠡᠨᠳᠦ ᠶᠠᠪᠤᠪᠠᠯ ᠮᠥᠩᠭᠥᠨ ᠠᠶᠠᠭᠠᠨ ᠠ᠋ᠴᠠ ᠤᠰᠤ ᠤᠤᠭᠤᠨᠠ
138 ᠠᠮᠢᠳᠤᠷᠠᠯ ᠠᠯᠠᠭ ᠲᠠᠢ ᠴᠣᠭᠣᠭ ᠲᠠᠢ
ᠠᠵᠢᠯ ᠠᠯᠳᠠᠭᠠ ᠲᠠᠢ ᠤᠨᠤᠭᠠ ᠲᠠᠢ
139 ᠠᠮᠢᠲᠠᠨ ᠤ᠋ ᠡᠬᠢ ᠨᠢ ᠵᠢᠭᠠᠰᠤ
ᠤᠷᠭᠤᠮᠠᠯ ᠤ᠋ᠨ ᠡᠬᠢ ᠨᠢ ᠬᠤᠯᠤᠰᠤ
140 ᠠᠩᠭᠢᠷ ᠤᠭᠤᠷᠠᠭ ᠢ᠋ ᠡᠵᠢ ᠡᠴᠡ ᠪᠡᠨ
《ᠠ》 ᠦᠰᠦᠭ ᠢ᠋ ᠪᠠᠭᠰᠢ ᠠ᠋ᠴᠠ ᠪᠠᠨ
141 ᠠᠨᠳᠠ ᠪᠣᠯᠤᠯᠴᠠᠬᠤ ᠳ᠋ᠤ᠌ ᠨᠥᠬᠥᠷ ᠰᠠᠢᠬᠠᠨ
ᠠᠮᠲᠠᠯᠠᠵᠤ ᠤᠤᠭᠤᠬᠤ ᠳ᠋ᠤ᠌ ᠠᠢᠷᠠᠭ ᠰᠠᠢᠬᠠᠨ
142 ᠠᠩᠴᠢᠨ ᠬᠥᠪᠴᠢ ᠶ᠋ᠢᠨ ᠠᠶᠠ ᠪᠠᠷ
ᠠᠷᠢᠬᠢᠴᠢᠨ ᠠᠢᠯ ᠤ᠋ᠨ ᠠᠶᠠ ᠪᠠᠷ
143 ᠠᠷᠢᠶᠠᠲᠠᠨ ᠠᠮᠢᠲᠠᠨ ᠤ᠋ ᠦᠰᠦ ᠵᠥᠭᠡᠯᠡᠨ
ᠠᠶᠠ ᠮᠠᠭᠤᠲᠤ ᠶ᠋ᠢᠨ ᠠᠪᠤᠷᠢ ᠵᠥᠭᠡᠯᠡᠨ
144 ᠠᠷᠢᠶᠠᠲᠠᠨ ᠣᠯᠠᠨ ᠪᠣᠯᠪᠠᠴᠤ
ᠠᠷᠰᠯᠠᠨ ᠤ᠋ ᠬᠦᠴᠦᠲᠡᠢ ᠨᠢ ᠴᠥᠭᠡᠨ
145 ᠠᠷᠢᠶᠠᠲᠠᠨ ᠢ᠋ ᠠᠷᠭᠠ ᠪᠠᠷ
ᠠᠳᠤᠭᠤ ᠶ᠋ᠢ ᠤᠷᠭᠠ ᠪᠠᠷ
146 ᠠᠷᠪᠠᠢ ᠶ᠋ᠢᠨ ᠭᠤᠯᠢᠷ ᠤᠰᠤ ᠳᠠᠭᠠᠭᠠᠳᠠᠭ
ᠠᠪᠤ ᠶ᠋ᠢᠨ ᠬᠦᠦ ᠦᠭᠡ ᠳᠠᠭᠠᠭᠠᠳᠠᠭ
147 ᠠᠷᠪᠠᠨ ᠲᠠᠪᠤᠨ ᠤ᠋ ᠰᠠᠷᠠ ᠰᠢᠭ᠋
ᠠᠲᠠᠷ ᠭᠠᠵᠠᠷ ᠤ᠋ᠨ ᠴᠡᠴᠡᠭ ᠰᠢᠭ
148 ᠠᠷᠪᠠᠨ ᠦᠭᠡᠨ ᠡᠴᠡ ᠨᠢᠭᠡ ᠶ᠋ᠢ ᠲᠣᠭᠲᠠᠭᠠ
ᠠᠷᠪᠠᠨ ᠬᠥᠮᠦᠨ ᠡᠴᠡ ᠨᠢᠭᠡ ᠶ᠋ᠢ ᠲᠠᠨᠢ
149 ᠠᠷᠭᠠ ᠪᠢᠯᠢᠭ ᠢ᠋ ᠡᠰᠡ ᠤᠬᠠᠪᠠᠯ
ᠠᠯᠠᠭᠠᠨ ᠳ᠋ᠠᠭᠠᠨ ᠪᠢᠴᠢᠭᠰᠡᠨ ᠢ᠋ ᠲᠣᠭᠲᠠᠭᠠᠬᠤ ᠳ᠋ᠤ᠌ ᠪᠡᠷᠬᠡ
150 ᠠᠷᠭᠠ ᠨᠢ ᠪᠠᠷᠠᠭᠳᠠᠭᠰᠠᠨ ᠬᠥᠮᠦᠨ
ᠠᠪᠠᠭᠠᠢ ᠶ᠋ᠢᠨ ᠢ᠋ᠶ᠋ᠡᠨ ᠲᠣᠯᠣᠭᠠᠢ ᠶ᠋ᠢ ᠮᠠᠭᠠᠵᠢᠬᠤ
151 ᠠᠷᠭᠠᠳᠠᠬᠤ ᠲᠣᠰᠤᠮ ᠠᠷᠵᠠᠢᠬᠤ
ᠳᠠᠭᠠᠯᠠᠬᠤ ᠲᠣᠰᠤᠮ ᠲᠣᠩᠭᠣᠴᠢᠬᠤ
152 ᠠᠷᠭᠠᠯ ᠠ᠋ᠴᠠ ᠢᠯᠴᠢ ᠭᠠᠷᠤᠨᠠ
ᠠᠵᠢᠯ ᠠ᠋ᠴᠠ ᠲᠣᠰᠣ ᠭᠠᠷᠤᠨᠠ
153 ᠠᠷᠭᠠᠳᠠᠨ ᠠᠷᠪᠠᠨ ᠲᠡᠷᠭᠡ ᠬᠢᠬᠦ ᠳ᠋ᠦ᠍
ᠬᠦᠴᠦᠲᠡᠨ ᠨᠢᠭᠡ ᠯᠡ ᠲᠡᠷᠭᠡ ᠬᠢᠬᠦ
154 ᠠᠷᠭᠠ ᠶ᠋ᠢ ᠣᠯᠪᠠᠯ
ᠪᠡᠷᠬᠡ ᠶ᠋ᠢ ᠳᠠᠪᠠᠨᠠ
155 ᠠᠷᠠᠳ ᠪᠠᠶᠠᠨ ᠪᠣᠯ ᠤᠯᠤᠰ ᠪᠠᠶᠠᠨ
ᠤᠯᠤᠰ ᠪᠠᠶᠠᠨ ᠪᠣᠯ ᠠᠷᠠᠳ ᠪᠠᠶᠠᠨ
156 ᠠᠷᠠᠳ ᠤ᠋ᠨ ᠡᠷᠬᠡ — ᠤᠯᠤᠰ ᠤ᠋ᠨ ᠠᠮᠢ
ᠤᠯᠤᠰ ᠤ᠋ᠨ ᠡᠷᠬᠡ— ᠠᠷᠠᠳ ᠤ᠋ᠨ ᠠᠮᠢ
157 ᠠᠷᠰᠯᠠᠨ ᠪᠠᠷᠳᠠᠮᠨᠠᠵᠤ ᠪᠠᠢᠭᠠᠳ
ᠰᠢᠷᠭᠤᠯᠵᠢ ᠳ᠋ᠤ᠌ ᠪᠠᠷᠢᠭᠳᠠᠬᠤ
158 ᠠᠷᠰᠯᠠᠨ ᠰᠢᠭ᠋ ᠠᠷᠬᠢᠷᠠᠭᠠᠳ
ᠵᠤᠷᠠᠮᠠ ᠰᠢᠭ᠋ ᠵᠢᠭᠤᠲᠠᠬᠤ
159 ᠠᠷᠰᠯᠠᠨ ᠢ᠋ ᠪᠠᠷᠢᠬᠤ ᠳ᠋ᠤ᠌ ᠠᠷᠭᠠ ᠪᠠᠷ
ᠠᠳᠤᠭᠤ ᠶ᠋ᠢ ᠪᠠᠷᠢᠬᠤ ᠳ᠋ᠤ᠌ ᠮᠡᠬᠡ ᠪᠡᠷ
160 ᠠᠷᠰᠯᠠᠨ ᠤ᠋ ᠵᠣᠷᠢᠭ ᠦᠨᠡᠭᠡᠨ ᠳ᠋ᠦ᠍ ᠲᠤᠰᠠ ᠦᠭᠡᠢ
ᠦᠨᠡᠭᠡᠨ ᠦ᠌ ᠠᠷᠭᠠ ᠠᠷᠰᠯᠠᠨ ᠳ᠋ᠤ᠌ ᠲᠤᠰᠠ ᠦᠭᠡᠢ
161 ᠠᠷᠰᠯᠠᠨ ᠤ᠋ ᠨᠢᠷᠤᠭᠤᠨ ᠳ᠋ᠤ᠌ ᠡᠮᠡᠭᠡᠯ ᠵᠣᠬᠢᠬᠤ ᠦᠭᠡᠢ
ᠠᠳᠬᠠᠭ ᠮᠤᠩᠬᠠᠭ ᠲᠤ ᠰᠤᠷᠭᠠᠯ ᠵᠣᠬᠢᠬᠤ ᠦᠭᠡᠢ
162 ᠠᠷᠢᠬᠢ ᠠᠷᠪᠠᠨ ᠬᠠᠵᠠᠭᠠᠢ
ᠲᠠᠮᠠᠬᠢ ᠲᠠᠪᠤᠨ ᠬᠠᠵᠠᠭᠠᠢ
163 ᠠᠷᠢᠬᠢ ᠪᠠᠯᠭᠤᠪᠠᠯ ᠠᠮᠢᠨ ᠳ᠋ᠤ᠌ ᠬᠣᠣᠷ ᠲᠠᠢ
ᠲᠠᠮᠠᠬᠢ ᠲᠠᠲᠠᠪᠠᠯ ᠲᠠᠷᠢᠬᠢᠨ ᠳ᠋ᠤ᠌ ᠬᠣᠣᠷ ᠲᠠᠢ
164 ᠠᠷᠢᠬᠢ ᠳᠡᠷᠡᠰᠦᠨ ᠳ᠋ᠦ᠍ ᠪᠤᠤ ᠠᠪᠲᠠ
ᠠᠳᠬᠠᠭ ᠵᠠᠩ ᠢ᠋ ᠦᠰᠦᠳ ᠲᠡᠪᠴᠢ
165 ᠠᠷᠢᠬᠢ ᠰᠠᠪᠠᠨ ᠠ᠋ᠴᠠ ᠪᠠᠨ ᠪᠤᠰᠤᠳ ᠢ᠋ ᠳᠡᠢᠯᠦᠨᠡ
ᠠᠷᠭᠠ ᠤᠬᠠᠭᠠᠨ ᠮᠤᠢᠬᠤᠷ ᠢ᠋ ᠳᠡᠢᠯᠦᠨᠡ
166 ᠠᠷᠢᠬᠢ ᠲᠠᠮᠠᠬᠢ ᠬᠣᠶᠠᠷ
ᠠᠬᠠ ᠳᠡᠭᠦᠦ ᠬᠣᠶᠠᠷ
167 ᠠᠷᠢᠬᠢ ᠤᠤᠭᠤᠪᠠᠯ
ᠠᠬᠠ ᠳᠡᠭᠦᠦ ᠪᠡᠨ ᠮᠠᠷᠲᠠᠬᠤ
168 ᠠᠷᠢᠬᠢ ᠤᠤᠭᠤᠪᠠᠯ ᠳᠠᠷᠤᠤ ᠨᠢ ᠰᠠᠢᠨ
ᠠᠩ ᠠᠪᠠᠯᠠᠪᠠᠯ ᠮᠡᠷᠭᠡᠨ ᠨᠢ ᠰᠠᠢᠨ
169 ᠠᠷᠢᠬᠢ ᠤᠤᠭᠤᠬᠤ ᠠᠮᠢᠨ ᠳ᠋ᠤ᠌ ᠬᠠᠷᠰᠢ
ᠠᠢᠯ ᠬᠡᠰᠦᠬᠦ ᠠᠵᠢᠯ ᠳ᠋ᠤ᠌ ᠬᠠᠷᠰᠢ
170 ᠠᠷᠢᠬᠢ ᠰᠢᠩᠭᠡᠭᠡᠬᠦ ᠬᠣᠳᠣᠭᠣᠳᠣ ᠠ᠋ᠴᠠ ᠪᠣᠯᠬᠤ
ᠡᠷᠳᠡᠮ ᠰᠢᠩᠭᠡᠭᠡᠬᠦ ᠤᠬᠠᠭᠠᠨ ᠠ᠋ᠴᠠ ᠪᠣᠯᠬᠤ
171 ᠠᠷᠢᠬᠢᠨ ᠠ᠋ᠴᠠ ᠠᠶᠤᠯ
ᠰᠠᠷᠬᠤᠳ ᠠ᠋ᠴᠠ ᠰᠠᠮᠠᠭᠤᠨ
172 ᠠᠷᠢᠬᠢᠨ ᠳ᠋ᠤ᠌ ᠰᠣᠭᠲᠣᠭᠰᠠᠨ ᠰᠡᠴᠡᠨ ᠠᠶᠤᠯ ᠲᠠᠢ
ᠡᠷᠳᠡᠮ ᠳ᠋ᠦ᠍ ᠰᠣᠭᠲᠣᠭᠰᠠᠨ ᠲᠡᠨᠡᠭ ᠠᠶᠤᠯ ᠲᠠᠢ
173 ᠠᠷᠢᠬᠢᠨ ᠳ᠋ᠤ᠌ ᠬᠣᠮᠣᠬᠠᠢ ᠪᠦᠷᠢᠯᠬᠦ ᠶ᠋ᠢᠨ ᠳᠣᠬᠢᠶᠠ
ᠠᠯᠳᠠᠷ ᠲᠤ᠌ ᠬᠣᠮᠣᠬᠠᠢ ᠰᠠᠭᠠᠷᠠᠬᠤ ᠶ᠋ᠢᠨ ᠳᠣᠬᠢᠶᠠ
174 ᠠᠷᠢᠬᠢᠨ ᠤ᠋ ᠳᠡᠷᠭᠡᠳᠡ ᠠᠨᠳᠠ ᠣᠯᠠᠨ
ᠠᠶᠤᠯ ᠢᠷᠡᠬᠦ ᠳ᠋ᠦ᠍ ᠠᠳᠠ ᠣᠯᠠᠨ
175 ᠠᠷᠢᠬᠢᠨ ᠤ᠋ ᠵᠠᠮ ᠠᠷᠪᠠᠨ ᠬᠡᠴᠡᠯᠡᠭᠦᠷ ᠲᠡᠢ
ᠲᠠᠮᠠᠬᠢᠨ ᠤ᠋ ᠵᠠᠮ ᠲᠠᠪᠤᠨ ᠲᠠᠰᠢᠭᠤᠷ ᠲᠠᠢ
176 ᠠᠷᠢᠬᠢᠴᠢᠨ ᠬᠥᠮᠦᠨ ᠦ᠌ ᠵᠢᠷᠦᠬᠡ ᠠᠯᠠᠭ ᠡᠷᠢᠶᠡᠨ
ᠲᠠᠮᠠᠬᠢᠴᠢᠨ ᠬᠥᠮᠦᠨ ᠦ᠌ ᠠᠭᠤᠰᠬᠢ ᠲᠠᠷᠯᠠᠨ ᠴᠣᠬᠣᠷ
177 ᠠᠷᠢᠬᠢᠴᠢᠨ ᠬᠥᠮᠦᠨ ᠦ᠌ ᠡᠪᠦᠷ ᠬᠣᠭᠣᠰᠣᠨ
ᠵᠠᠯᠬᠠᠭᠤ ᠬᠥᠮᠦᠨ ᠦ᠌ ᠲᠣᠭᠣᠭᠠ ᠬᠣᠭᠣᠰᠣᠨ
178 ᠠᠷᠴᠠ ᠽᠠᠨᠳᠠᠨ ᠤ᠋ ᠦᠨᠦᠷ ᠰᠠᠢᠬᠠᠨ
ᠠᠬᠠᠮᠠᠳ ᠬᠥᠮᠦᠨ ᠦ᠌ ᠰᠤᠷᠭᠠᠯ ᠰᠠᠢᠬᠠᠨ
179 ᠠᠷᠠᠴᠢᠯᠠᠪᠠᠯ ᠮᠠᠯ ᠥᠰᠴᠦ
ᠠᠷᠪᠢᠯᠠᠪᠠᠯ ᠬᠥᠮᠦᠨ ᠪᠠᠶᠠᠵᠢᠨᠠ
180 ᠠᠰᠬᠠ ᠬᠠᠳᠠᠨ ᠤ᠋ ᠴᠢᠯᠠᠭᠤ ᠬᠠᠲᠠᠭᠤ
ᠠᠪᠤ ᠡᠵᠢ ᠶ᠋ᠢᠨ ᠰᠤᠷᠭᠠᠯ ᠬᠠᠲᠠᠭᠤ
181 ᠠᠰᠠᠭᠤᠵᠤ ᠥᠭᠬᠦ ᠪᠡᠷ
ᠠᠶᠠᠭᠠᠯᠠᠵᠤ ᠥᠭ
182 ᠠᠲᠠᠭᠠᠲᠠᠨ ᠢ᠋ ᠳᠠᠷᠤᠬᠤ ᠳ᠋ᠤ᠌ ᠠᠷᠭᠠ ᠬᠡᠷᠡᠭ ᠲᠡᠢ
ᠠᠮᠢᠳᠤᠷᠠᠯ ᠢ᠋ ᠣᠯᠬᠤ ᠳ᠋ᠤ᠌ ᠠᠵᠢᠯ ᠬᠡᠷᠡᠭ ᠲᠡᠢ
183 ᠠᠲᠠᠭᠠᠴᠢ ᠡᠮᠡ
ᠠᠷᠪᠠᠨ ᠨᠢᠳᠦ ᠲᠡᠢ
184 ᠠᠲᠠᠨ ᠲᠡᠮᠡᠭᠡ ᠠᠴᠢᠶᠠ ᠳᠠᠭᠠᠭᠠᠳᠠᠭ
ᠠᠮᠠᠷᠠᠭ ᠪᠣᠯᠬᠤ ᠶ᠋ᠢ ᠰᠡᠳᠬᠢᠯ ᠮᠡᠳᠡᠳᠡᠭ
185 ᠠᠬᠠ ᠳᠡᠭᠦᠦ ᠨᠠᠷ ᠡᠪ ᠲᠡᠢ ᠪᠣᠯ
ᠠᠪᠳᠠᠷᠠ ᠠᠯᠲᠠᠨ ᠠ᠋ᠴᠠ ᠴᠠᠨᠠ ᠲᠠᠢ
186 ᠠᠬᠠ ᠰᠠᠢᠲᠤ ᠶ᠋ᠢᠨ ᠳᠡᠭᠦᠦ ᠰᠡᠴᠡᠨ
ᠠᠵᠢᠯ ᠰᠠᠢᠲᠤ ᠶ᠋ᠢᠨ ᠭᠡᠷ ᠴᠡᠮᠴᠡᠭᠡᠷ
187 ᠠᠬᠠ ᠳᠡᠭᠦᠦ ᠲᠡᠢ ᠬᠥᠮᠦᠨ ᠲᠠᠯᠠ ᠮᠡᠲᠦ ᠠᠭᠤᠵᠢᠮ
ᠠᠬᠠ ᠳᠡᠭᠦᠦ ᠦᠭᠡᠢ ᠬᠥᠮᠦᠨ ᠠᠯᠠᠭᠠ ᠶ᠋ᠢᠨ ᠴᠢᠨᠡᠭᠡ ᠪᠠᠴᠢᠮ
188 ᠠᠬᠠᠮᠠᠳ ᠬᠥᠮᠦᠨ ᠡᠴᠡ ᠠᠶᠤᠬᠤ ᠰᠡᠴᠡᠨ ᠦ᠌ ᠲᠡᠮᠳᠡᠭ
ᠠᠶᠤᠬᠤ ᠦᠭᠡᠢ ᠪᠠᠢᠬᠤ ᠨᠢ ᠲᠡᠨᠡᠭ ᠦ᠋ᠨ ᠲᠡᠮᠳᠡᠭ
189 ᠠᠬᠠᠮᠠᠳ ᠢ᠋ᠶ᠋ᠠᠨ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ ᠠᠳᠤᠭᠤᠰᠤ ᠪᠣᠯᠵᠤ ᠮᠡᠳᠡᠨᠡ
ᠠᠷᠠᠳ ᠢ᠋ᠶ᠋ᠠᠨ ᠡᠨᠡᠷᠢᠬᠦ ᠦᠭᠡᠢ ᠨᠣᠶᠠᠨ ᠠᠲᠠᠭᠠᠲᠠᠨ ᠪᠣᠯᠵᠤ ᠮᠡᠳᠡᠨᠡ
190 ᠠᠴᠢᠲᠠᠨ ᠢ᠋ᠶ᠋ᠠᠨ ᠡᠷᠭᠦᠬᠦ
ᠪᠠᠴᠢᠲᠠᠨ ᠠ᠋ᠴᠠ ᠵᠠᠢᠯᠠᠬᠤ
191 ᠠᠶᠠᠭᠠ ᠴᠠᠢ ᠶ᠋ᠢᠨ ᠳᠡᠭᠡᠷᠡ
ᠠᠷᠪᠠ ᠬᠤᠪᠢᠯᠬᠤ
192 ᠠᠶᠠᠭᠠ ᠪᠠᠨ ᠭᠣᠯᠣᠬᠤ ᠪᠠᠷ
ᠠᠭᠠᠰᠢ ᠪᠠᠨ ᠭᠣᠯᠣ
193 ᠠᠶᠠᠭᠠᠨ ᠤ᠋ ᠬᠠᠷᠢᠭᠤ ᠡᠳᠦᠷ ᠲᠡᠭᠡᠨ
ᠠᠭᠲᠠᠨ ᠤ᠋ ᠬᠠᠷᠢᠭᠤ ᠵᠢᠯ ᠳ᠋ᠡᠭᠡᠨ
194 ᠠᠶᠠ ᠶ᠋ᠢ ᠣᠯᠪᠠᠯ
ᠠᠷᠳᠠᠭ ᠢ᠋ ᠳᠡᠢᠯᠦᠨᠡ