758 ᠮᠠᠨᠢ ᠲᠣᠭᠠᠯᠠᠬᠤ ᠳ᠋ᠤ᠌ ᠡᠷᠢᠭᠡ ᠬᠡᠷᠡᠭ ᠲᠡᠢ

ᠮᠠᠯ ᠬᠠᠷᠢᠭᠤᠯᠬᠤ ᠳ᠋ᠤ᠌ ᠰᠢᠯᠪᠢᠭᠦᠷ ᠬᠡᠷᠡᠭ ᠲᠡᠢ

 

759 ᠮᠠᠭᠠᠳ ᠳᠡᠭᠡᠳᠦᠰ ᠢ᠋ ᠣᠯᠵᠤ ᠨᠥᠬᠥᠷᠯᠡ

ᠮᠠᠭᠤ ᠶᠠᠪᠤᠳᠠᠯᠲᠠᠨ ᠠ᠋ᠴᠠ ᠨᠠᠰᠤᠳᠠ ᠬᠣᠯᠠᠳᠠ

 

760 ᠮᠠᠭᠲᠠᠪᠠᠯ ᠲᠩᠷᠢ ᠲᠤᠯᠭᠠᠵᠤ

ᠮᠠᠭᠤᠯᠠᠪᠠᠯ ᠭᠠᠵᠠᠷ ᠣᠷᠣᠭᠤᠯᠬᠤ

 

761 ᠮᠠᠭᠲᠠᠯ᠎ᠠ ᠭᠡᠵᠦ ᠪᠤᠤ ᠪᠡᠶᠡᠰ

ᠮᠠᠭᠤᠯᠠᠯ᠎ᠠ ᠭᠡᠵᠦ ᠪᠤᠤ ᠭᠤᠨᠢ

 

762 ᠮᠠᠭᠲᠠᠭᠰᠠᠨ ᠬᠥᠮᠦᠨ ᠦ᠌

ᠮᠠᠯᠠᠭᠠᠢ ᠨᠢ ᠴᠣᠭᠣᠷᠬᠠᠢ

 

763 ᠮᠠᠭᠲᠠᠭᠰᠠᠨ ᠬᠡᠦᠬᠡᠨ ᠬᠤᠷᠢᠮ ᠳ᠋ᠠᠭᠠᠨ

ᠪᠠᠷᠳᠠᠭᠰᠠᠨ ᠪᠥᠬᠡ ᠠᠮᠠᠨ ᠳ᠋ᠠᠭᠠᠨ

 

764 ᠮᠠᠢᠵᠢᠭᠢ ᠬᠢᠰᠬᠢᠭᠴᠢᠳ ᠦ᠋ᠨ ᠬᠥᠯ ᠴᠡᠴᠡᠷᠡᠵᠦ

ᠮᠠᠭᠤ ᠰᠠᠨᠠᠭᠠᠲᠠᠨ ᠤ᠋ ᠵᠢᠷᠦᠬᠡ ᠴᠡᠴᠡᠷᠡᠬᠦ

 

765 ᠮᠠᠢᠯᠠᠭᠰᠠᠭᠠᠷ ᠮᠠᠢᠯᠠᠭᠰᠠᠭᠠᠷ ᠮᠠᠯ ᠪᠣᠯᠳᠠᠭ

ᠤᠬᠢᠯᠠᠭᠰᠠᠭᠠᠷ ᠤᠬᠢᠯᠠᠭᠰᠠᠭᠠᠷ ᠬᠥᠮᠦᠨ ᠪᠣᠯᠳᠠᠭ

 

766 ᠮᠠᠯ ᠭᠡᠬᠦ ᠳ᠋ᠦ᠍ ᠶᠠᠰᠤ ᠨᠢ ᠬᠠᠪᠲᠠᠢᠵᠤ

ᠮᠢᠬ᠎ᠠ ᠭᠡᠬᠦ ᠳ᠋ᠦ᠍ ᠮᠠᠩᠨᠠᠢ ᠨᠢ ᠲᠡᠨᠢᠢᠬᠦ

 

767 ᠮᠠᠯ ᠥᠰᠬᠡᠬᠦ ᠳ᠋ᠦ᠍ ᠲᠤᠰᠠ ᠦᠭᠡᠢ ᠪᠣᠯ

ᠮᠢᠬ᠎ᠠ ᠢᠳᠡᠬᠦ ᠪᠡᠷ ᠬᠢᠲᠤᠭ᠎ᠠ ᠪᠠᠨ ᠪᠤᠤ ᠬᠤᠷᠴᠠᠯᠠ

 

768 ᠮᠠᠯ ᠲᠠᠷᠭᠤ ᠮᠠᠭᠤ ᠲᠠᠢ ᠨᠢ

ᠮᠠᠯᠯᠠᠭ᠎ᠠ ᠮᠠᠭᠤ ᠶ᠋ᠢᠨ ᠰᠢᠨᠵᠢ

 

769 ᠮᠠᠯ ᠲᠡᠵᠢᠭᠡᠪᠡᠯ ᠠᠮᠠ ᠲᠣᠰᠣᠳᠠᠨ᠎ᠠ

ᠬᠥᠮᠦᠨ ᠲᠡᠵᠢᠭᠡᠪᠡᠯ ᠬᠦᠴᠦ ᠨᠡᠮᠡᠨ᠎ᠡ

 

770 ᠮᠠᠯ ᠡᠵᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠣᠯᠳᠠᠭ

ᠮᠠᠯᠠᠭᠠᠢ ᠲᠣᠯᠣᠭᠠᠢ ᠪᠠᠷ ᠢ᠋ᠶ᠋ᠠᠨ ᠪᠣᠯᠳᠠᠭ

 

771 ᠮᠠᠩᠬᠠᠨ ᠳ᠋ᠤ᠌ ᠤᠨᠤᠬᠤ ᠳ᠋ᠤ᠌ ᠲᠡᠮᠡᠭᠡ

ᠮᠢᠬ᠎ᠠ ᠶ᠋ᠢ ᠨᠢ ᠢᠳᠡᠬᠦ ᠳ᠋ᠦ᠍ ᠬᠣᠨᠢ

 

772 ᠮᠠᠷᠭᠠᠰᠢ ᠶ᠋ᠢᠨ ᠥᠭᠡᠬᠦᠨ ᠡᠴᠡ

ᠥᠨᠥᠳᠥᠷ ᠦ᠋ᠨ ᠠᠭᠤᠰᠬᠢ

 

773 ᠮᠢᠬ᠎ᠠ ᠢᠳᠡᠶ᠎ᠡ ᠭᠡᠪᠡᠯ ᠮᠠᠯ ᠢ᠋ᠶ᠋ᠠᠨ ᠮᠠᠯᠯᠠ

ᠲᠠᠯᠬ᠎ᠠ ᠢᠳᠡᠶ᠎ᠡ ᠭᠡᠪᠡᠯ ᠲᠠᠷᠢᠶ᠎ᠠ ᠪᠠᠨ ᠳᠠᠷᠢ

 

774 ᠮᠢᠬ᠎ᠠ ᠢᠳᠡᠵᠦ ᠥᠰᠦᠭᠰᠡᠨ ᠴᠢᠨᠣ᠎ᠠ ᠶ᠋ᠢᠨ

ᠰᠠᠨᠠᠭ᠎ᠠ ᠨᠢ ᠬᠡᠵᠢᠶᠡᠳᠡ ᠬᠣᠨᠢᠨ ᠳ᠋ᠤ᠌

 

775 ᠮᠢᠬ᠎ᠠ ᠣᠭᠲᠣᠯᠤᠭᠰᠠᠨ ᠬᠥᠮᠦᠨ ᠭᠠᠷ ᠢ᠋ᠶ᠋ᠠᠨ ᠲᠣᠰᠣᠳᠠᠳᠠᠭ

ᠵᠠᠬ᠎ᠠ ᠭᠠᠷᠤᠭᠰᠠᠨ ᠬᠥᠮᠦᠨ ᠮᠥᠩᠭᠥ ᠪᠡᠨ ᠪᠠᠷᠠᠳᠠᠭ

 

776 ᠮᠢᠬᠠᠨ ᠬᠡᠯᠡ ᠬᠠᠵᠠᠢᠵᠤ

ᠮᠠᠢᠵᠢᠭᠢ ᠭᠤᠲᠤᠯ ᠬᠠᠯᠲᠤᠷᠢᠳᠠᠭ

 

777 ᠮᠢᠬᠠᠨ ᠤ᠋ ᠲᠠᠷᠭᠤᠨ ᠨᠢ

ᠦᠭᠡᠨ ᠦ᠌ ᠴᠥᠭᠡᠨ ᠨᠢ

 

778 ᠮᠢᠬᠠᠨ ᠤ᠋ ᠬᠠᠭᠠᠨ ᠨᠢᠳᠦ

ᠶᠠᠰᠤᠨ ᠤ᠋ ᠬᠠᠭᠠᠨ ᠰᠢᠳᠦ

 

779 ᠮᠢᠬᠠᠨ ᠤ᠋ ᠰᠢᠷᠬ᠎ᠠ ᠡᠳᠡᠭᠡᠳᠡᠭ

ᠦᠭᠡᠨ ᠦ᠌ ᠰᠢᠷᠬ᠎ᠠ ᠡᠳᠡᠭᠡᠳᠡᠭ ᠦᠭᠡᠢ

 

780 ᠮᠣᠭᠠᠢ ᠭᠤᠷᠪᠠ ᠲᠠᠰᠤᠷᠠᠪᠠᠴᠤ

ᠬᠦᠷᠪᠡᠯ ᠦ᠋ᠨ ᠴᠢᠨᠡᠭᠡ

 

781 ᠮᠣᠭᠠᠢ ᠮᠣᠳᠣ ᠣᠷᠢᠶᠠᠵᠤ

ᠮᠠᠭᠤ ᠰᠠᠨᠠᠭ᠎ᠠ ᠪᠡᠶ᠎ᠡ ᠣᠷᠢᠶᠠᠨ᠎ᠠ

 

782 ᠮᠣᠭᠠᠢ ᠮᠥᠷ ᠢ᠋ᠶ᠋ᠡᠨ ᠲᠠᠨᠢᠬᠤ ᠦᠭᠡᠢ

ᠬᠥᠮᠦᠨ ᠪᠡᠶ᠎ᠡ ᠪᠡᠨ ᠮᠡᠳᠡᠬᠦ ᠦᠭᠡᠢ

 

783 ᠮᠣᠭᠠᠢ ᠮᠡᠯᠡᠬᠡᠢ ᠮᠠᠭᠤ ᠪᠣᠯᠪᠠᠴᠤ

ᠯᠤᠤᠰ ᠤ᠋ᠨ ᠬᠠᠭᠠᠨ ᠤ᠋ ᠲᠥᠷᠥᠯ

 

784 ᠮᠣᠭᠠᠢ ᠬᠠᠯᠢᠰᠤ ᠪᠠᠨ ᠬᠡᠭᠡᠪᠡᠴᠦ

ᠴᠢᠨᠠᠷ ᠢ᠋ᠶ᠋ᠠᠨ ᠭᠡᠭᠡᠬᠦ ᠦᠭᠡᠢ

 

785 ᠮᠣᠭᠠᠢ ᠬᠣᠣᠷᠤᠨ ᠳ᠋ᠠᠭᠠᠨ ᠰᠢᠷᠠᠯᠠᠵᠤ

ᠮᠠᠭᠤ ᠬᠥᠮᠦᠨ ᠨᠢᠭᠦᠯ ᠳ᠋ᠡᠭᠡᠨ ᠬᠠᠷᠠᠯᠠᠨ᠎ᠠ

 

786 ᠮᠣᠭᠠᠢ ᠶ᠋ᠢ ᠨᠠᠷᠢᠨ ᠭᠡᠵᠦ ᠪᠦᠦ ᠡᠨᠳᠡ᠂ ᠬᠠᠳᠬᠤᠵᠤ ᠪᠣᠯᠬᠤ

ᠮᠣᠷᠢ ᠶ᠋ᠢ ᠨᠣᠮᠣᠬᠠᠨ ᠭᠡᠵᠦ ᠪᠦᠦ ᠡᠨᠳᠡ᠂ ᠬᠠᠢᠷᠴᠤ ᠪᠣᠯᠬᠤ

 

787 ᠮᠣᠭᠠᠢ ᠳ᠋ᠤ᠌ ᠨᠢᠭᠡ ᠬᠠᠳᠬᠤᠭᠤᠯᠤᠭᠰᠠᠨ ᠬᠥᠮᠦᠨ

ᠮᠣᠳᠣᠨ ᠤ᠋ ᠦᠨᠳᠦᠰᠦ ᠡᠴᠡ ᠴᠦ᠍ ᠠᠶᠤᠬᠤ

 

788 ᠮᠣᠭᠠᠢ ᠶ᠋ᠢᠨ ᠬᠣᠣᠷ ᠰᠢᠳᠦᠨ ᠳ᠋ᠡᠭᠡᠨ

ᠮᠠᠭᠤ ᠬᠥᠮᠦᠨ ᠦ᠌ ᠬᠣᠣᠷ ᠵᠢᠷᠦᠬᠡᠨ ᠳ᠋ᠡᠭᠡᠨ

 

789 ᠮᠣᠭᠠᠢ ᠶ᠋ᠢᠨ ᠬᠦᠰᠡᠯᠡᠩ ᠪᠢᠯᠵᠤᠤᠬᠠᠢ ᠶ᠋ᠢᠨ ᠳᠡᠭᠡᠷ᠎ᠡ

ᠮᠤᠤᠷ ᠤ᠋ᠨ ᠬᠦᠰᠡᠯᠡᠩ ᠬᠤᠯᠤᠭᠠᠨ᠎ᠠ ᠶ᠋ᠢᠨ ᠳᠡᠭᠡᠷ᠎ᠡ

 

790 ᠮᠣᠭᠠᠢ ᠶ᠋ᠢᠨ ᠡᠷᠢᠶᠡᠨ ᠭᠠᠳᠠᠨ᠎ᠠ ᠪᠠᠨ

ᠬᠥᠮᠦᠨ ᠦ᠌ ᠡᠷᠢᠶᠡᠨ ᠳᠣᠲᠣᠷ᠎ᠠ ᠪᠠᠨ

 

791 ᠮᠣᠳᠣ ᠬᠡᠳᠦᠢ ᠥᠨᠳᠥᠷ ᠪᠣᠯᠪᠠᠴᠤ

ᠦᠨᠳᠦᠰᠦ ᠦᠭᠡᠢ ᠪᠣᠯ ᠤᠷᠭᠤᠬᠤ ᠦᠭᠡᠢ

ᠮᠣᠷᠢ ᠬᠡᠳᠦᠢ ᠬᠤᠷᠳᠤᠨ ᠪᠣᠯᠪᠠᠴᠤ

ᠵᠢᠯᠣᠭᠣ ᠦᠭᠡᠢ ᠪᠣᠯ ᠳᠠᠪᠬᠢᠬᠤ ᠦᠭᠡᠢ

 

792 ᠮᠣᠳᠣᠨ ᠤ᠋ ᠨᠠᠪᠴᠢ ᠰᠢᠷᠠᠯᠠᠪᠠᠴᠤ

ᠦᠨᠳᠦᠰᠦ ᠨᠢ ᠰᠢᠷᠠᠯᠠᠬᠤ ᠦᠭᠡᠢ

ᠬᠥᠮᠦᠨ ᠦ᠌ ᠨᠠᠰᠤ ᠬᠥᠭᠰᠢᠷᠡᠪᠡᠴᠦ

ᠵᠣᠷᠢᠭ ᠨᠢ ᠬᠥᠭᠰᠢᠷᠡᠬᠦ ᠦᠭᠡᠢ

 

793 ᠮᠣᠳᠣᠨ ᠬᠢᠷᠥᠭᠡ ᠲᠡᠮᠦᠷ ᠲᠦ᠍ ᠵᠣᠬᠢᠬᠤ ᠦᠭᠡᠢ

ᠮᠠᠭᠤ ᠰᠠᠨᠠᠭ᠎ᠠ ᠪᠡᠶ᠎ᠡ ᠳ᠋ᠦ᠍ ᠵᠣᠬᠢᠬᠤ ᠦᠭᠡᠢ

 

794 ᠮᠣᠩᠭᠣᠯ ᠬᠥᠮᠦᠨ ᠠᠮᠠᠨ ᠪᠡᠯᠭᠡ ᠪᠡᠷ

ᠬᠢᠲᠠᠳ ᠬᠥᠮᠦᠨ ᠠᠯᠠᠭᠠᠨ ᠪᠢᠴᠢᠭ ᠢ᠋ᠶ᠋ᠡᠷ

 

795 ᠮᠣᠩᠭᠣᠯ ᠬᠥᠮᠦᠨ ᠶᠣᠰᠣ ᠪᠠᠨ ᠳᠡᠭᠡᠳᠦᠯᠡᠳᠡᠭ

ᠮᠣᠷᠢᠲᠠᠨ ᠠᠷᠠᠳ ᠬᠦᠯᠦᠭ ᠢ᠋ᠶ᠋ᠡᠨ ᠪᠢᠰᠢᠷᠡᠳᠡᠭ

 

796 ᠮᠣᠩᠭᠣᠯ ᠬᠥᠮᠦᠨ ᠮᠣᠷᠢ ᠪᠠᠨ ᠮᠠᠭᠲᠠᠵᠤ

ᠮᠣᠳᠣᠴᠢᠨ ᠬᠥᠮᠦᠨ ᠬᠢᠷᠥᠭᠡ ᠪᠡᠨ ᠮᠠᠭᠲᠠᠨ᠎ᠠ

 

797 ᠮᠣᠷᠳᠠᠬᠤ ᠨᠢ ᠬᠠᠵᠠᠭᠠᠢ ᠪᠣᠯ

ᠮᠣᠷᠢᠯᠠᠬᠤ ᠨᠢ ᠴᠦ᠍ ᠬᠠᠵᠠᠭᠠᠢ

 

798 ᠮᠣᠷᠢ ᠮᠢᠩᠭᠠᠨ ᠭᠠᠵᠠᠷ ᠶᠠᠪᠤᠪᠠᠴᠤ

ᠲᠥᠷᠥᠭᠰᠡᠨ ᠨᠤᠲᠤᠭ ᠢ᠋ᠶ᠋ᠠᠨ ᠮᠠᠷᠲᠠᠬᠤ ᠦᠭᠡᠢ

 

799 ᠮᠣᠷᠢ ᠰᠠᠢᠲᠠᠢ ᠬᠥᠮᠦᠨ ᠵᠠᠮ ᠮᠡᠳᠡᠬᠦ ᠦᠭᠡᠢ

ᠬᠠᠨᠢ ᠰᠠᠢᠲᠠᠢ ᠬᠥᠮᠦᠨ ᠵᠣᠪᠠᠯᠠᠩ ᠮᠡᠳᠡᠬᠦ ᠦᠭᠡᠢ

 

800 ᠮᠣᠷᠢᠨ ᠠ᠋ᠴᠠ ᠪᠠᠭᠤᠵᠤ ᠪᠣᠯᠬᠤ

ᠦᠭᠡᠨ ᠡᠴᠡ ᠪᠡᠨ ᠪᠤᠴᠠᠵᠤ ᠦᠯᠦ ᠪᠣᠯᠬᠤ

 

801 ᠮᠣᠷᠢᠨ ᠠ᠋ᠴᠠ ᠰᠠᠢᠨ ᠤᠨᠤᠭ᠎ᠠ ᠦᠭᠡᠢ

ᠲᠡᠮᠡᠭᠡᠨ ᠡᠴᠡ ᠰᠠᠢᠨ ᠬᠥᠰᠬᠡ ᠦᠭᠡᠢ

 

802 ᠮᠣᠷᠢᠨ ᠤ᠋ ᠴᠢᠮᠡᠭ ᠡᠮᠡᠭᠡᠯ

ᠮᠣᠳᠣᠨ ᠤ᠋ ᠴᠢᠮᠡᠭ ᠮᠥᠴᠢᠷ

 

803 ᠮᠣᠷᠢ ᠦᠭᠡᠢ ᠮᠣᠩᠭᠣᠯ

ᠳᠠᠯᠠᠪᠴᠢ ᠦᠭᠡᠢ ᠪᠦᠷᠭᠦᠳ ᠠᠳᠠᠯᠢ

 

804 ᠮᠣᠷᠢ ᠲᠠᠢ ᠶᠠᠪᠠᠭᠠᠨ ᠬᠣᠶᠠᠷ ᠨᠡᠢᠯᠡᠳᠡᠭ ᠦᠭᠡᠢ

ᠮᠣᠳᠣ ᠴᠢᠯᠠᠭᠤ ᠬᠣᠶᠠᠷ ᠲᠣᠬᠢᠷᠠᠳᠠᠭ ᠦᠭᠡᠢ

 

805 ᠮᠥᠩᠭᠥ ᠦᠨᠡᠨ ᠢ᠋ ᠣᠯᠵᠤ

ᠦᠨᠡᠨ ᠦᠨᠡᠨ ᠢ᠋ᠶ᠋ᠡᠨ ᠣᠯᠬᠤ ᠦᠭᠡᠢ ᠪᠣᠯᠬᠤ

 

806 ᠮᠥᠩᠭᠥᠨ ᠠᠶᠠᠭ᠎ᠠ ᠪᠠᠷᠢᠵᠤ

ᠪᠤᠳᠠᠭ᠎ᠠ ᠭᠤᠶᠤᠬᠤ

 

807 ᠮᠥᠩᠭᠥ ᠮᠠᠭᠤᠳᠠᠪᠠᠯ ᠡᠵᠡᠨ ᠳ᠋ᠡᠭᠡᠨ

ᠬᠡᠦᠬᠡᠨ ᠮᠠᠭᠤᠳᠠᠪᠠᠯ ᠲᠥᠷᠬᠥᠮ ᠳ᠋ᠡᠭᠡᠨ

 

808 ᠮᠥᠩᠭᠥ ᠲᠡᠢ ᠬᠥᠮᠦᠨ

ᠲᠠᠮᠤ ᠶ᠋ᠢᠨ ᠠᠮᠠᠨ ᠳᠡᠭᠡᠷ᠎ᠡ ᠵᠢᠷᠭᠠᠳᠠᠭ

 

809 ᠮᠥᠷᠥ ᠪᠦᠲᠦᠨ ᠡᠴᠡ

ᠨᠡᠷ᠎ᠡ ᠪᠦᠲᠦᠨ ᠨᠢ ᠳᠡᠭᠡᠷ᠎ᠡ

 

810 ᠮᠥᠷᠡᠨ ᠭᠣᠣᠯ ᠢ᠋

ᠬᠣᠪᠣᠭᠣ ᠪᠠᠷ ᠰᠢᠷᠭᠢᠭᠡᠵᠦ ᠪᠣᠯᠬᠤ ᠦᠭᠡᠢ

ᠣᠭᠲᠠᠷᠭᠤᠢ ᠶ᠋ᠢᠨ ᠰᠣᠯᠣᠩᠭ᠎ᠠ ᠶ᠋ᠢ

ᠭᠠᠷ ᠢ᠋ᠶ᠋ᠠᠷ ᠪᠠᠷᠢᠵᠤ ᠪᠣᠯᠬᠤ ᠦᠭᠡᠢ

 

811 ᠮᠥᠷᠡᠨ ᠳᠠᠯᠠᠢ ᠠ᠋ᠴᠠ ᠡᠭᠦᠯᠡ ᠭᠠᠷᠬᠤ

ᠮᠡᠷᠭᠡᠨ ᠤᠬᠠᠭᠠᠨ ᠠ᠋ᠴᠠ ᠠᠷᠭ᠎ᠠ ᠭᠠᠷᠬᠤ

 

812 ᠮᠥᠷᠦᠨ ᠳ᠋ᠡᠭᠡᠨ ᠲᠣᠬᠢᠷᠠᠭᠰᠠᠨ ᠬᠤᠪᠴᠠᠰᠤ ᠡᠮᠦᠰᠴᠦ

ᠮᠣᠷᠢᠨ ᠳ᠋ᠠᠭᠠᠨ ᠲᠣᠬᠢᠷᠠᠭᠰᠠᠨ ᠡᠮᠡᠭᠡᠯ ᠲᠣᠬᠣᠬᠤ

 

813 ᠮᠥᠷᠡᠨ ᠦ᠌ ᠣᠢᠷ᠎ᠠ ᠰᠠᠭᠤᠭᠰᠠᠨ ᠬᠥᠮᠦᠨ

ᠤᠰᠤᠨ ᠳ᠋ᠠᠭᠠᠨ ᠰᠠᠢᠨ

 

814 ᠮᠥᠰᠥ ᠴᠠᠰᠤᠨ ᠤ᠋ ᠤᠰᠤ ᠨᠢᠭᠡ

ᠮᠥᠷᠭᠥᠯ ᠵᠠᠯᠪᠠᠷᠢᠯ ᠤ᠋ᠨ ᠰᠦᠰᠦᠭ ᠨᠢᠭᠡ

 

815 ᠮᠥᠰᠥᠨ ᠳᠡᠭᠡᠷ᠎ᠡ ᠶᠠᠪᠤᠬᠤ ᠬᠥᠮᠦᠨ ᠲᠣᠯᠣᠭᠠᠢ ᠪᠠᠨ

ᠮᠥᠩᠭᠥᠨ ᠳᠡᠭᠡᠷ᠎ᠡ ᠶᠠᠪᠤᠬᠤ ᠬᠥᠮᠦᠨ ᠠᠮᠢ ᠪᠠᠨ

 

816 ᠮᠥᠴᠢᠷ ᠢ᠋ ᠨᠢ ᠬᠤᠭᠤᠯᠬᠤ ᠳ᠋ᠤ᠌

ᠦᠨᠳᠦᠰᠦ ᠨᠢ ᠦᠯᠡᠳᠡᠳᠡᠭ

 

817 ᠮᠥᠬᠥᠬᠦ ᠴᠠᠭ ᠢᠷᠡᠪᠡᠯ

ᠮᠢᠩᠭᠠᠨ ᠪᠤᠷᠬᠠᠨ ᠴᠤ᠌ ᠬᠡᠷᠡᠭ ᠦᠭᠡᠢ

 

818 ᠮᠥᠴᠢᠷ ᠪᠦᠲᠦᠨ ᠮᠣᠳᠣ ᠪᠠᠢᠳᠠᠭ ᠦᠭᠡᠢ

ᠡᠯᠢᠭᠡ ᠪᠦᠲᠦᠨ ᠬᠥᠮᠦᠨ ᠪᠠᠢᠳᠠᠭ ᠦᠭᠡᠢ

 

819 ᠮᠤᠩᠬᠠᠭ ᠢ᠋ᠶ᠋ᠠᠨ ᠲᠡᠳᠬᠦᠬᠦ ᠦᠭᠡᠢ ᠮᠡᠷᠭᠡᠳ ᠠᠯᠳᠠᠷ ᠦᠭᠡᠢ

ᠲᠦᠰᠢᠭ ᠢ᠋ᠶ᠋ᠡᠨ ᠬᠠᠷᠠᠳᠠᠬᠤ ᠮᠤᠩᠬᠠᠭ ᠬᠠᠨᠢ ᠦᠭᠡᠢ

 

820 ᠮᠤᠩᠬᠠᠭ ᠤ᠋ᠨ ᠡᠷᠳᠡᠮ ᠠᠮᠠᠨ ᠳ᠋ᠤᠨᠢ

ᠮᠡᠷᠭᠡᠨ ᠦ᠌ ᠡᠷᠳᠡᠮ ᠴᠡᠭᠡᠵᠢᠨ ᠳ᠋ᠦ᠍ᠨᠢ

 

821 ᠮᠤᠷᠤᠢ ᠰᠤᠮᠤ ᠶ᠋ᠢ ᠵᠠᠰᠠᠪᠠᠯ ᠫᠠᠢ ᠤᠨᠤᠵᠤ ᠪᠣᠯᠤᠨ᠎ᠠ

ᠮᠤᠩᠬᠠᠭ ᠬᠥᠮᠦᠨ ᠢ᠋ ᠰᠤᠷᠭᠠᠪᠠᠯ ᠰᠡᠴᠡᠨ ᠪᠣᠯᠵᠤ ᠮᠡᠳᠡᠨ᠎ᠡ

 

822 ᠮᠠᠭᠤ ᠠᠮᠢᠳᠤ ᠶᠠᠪᠤᠬᠤ ᠪᠠᠷ

ᠰᠠᠢᠨ ᠨᠡᠷ᠎ᠡ ᠲᠡᠢ ᠦᠬᠦᠭᠰᠡᠨ ᠨᠢ ᠳᠡᠭᠡᠷ᠎ᠡ

 

823 ᠮᠠᠭᠤ ᠠᠨᠳᠠ ᠠ᠋ᠴᠠ

ᠰᠠᠢᠨ ᠲᠠᠨᠢᠯ ᠳᠡᠭᠡᠷ᠎ᠡ

 

824 ᠮᠠᠭᠤ ᠳᠠᠢᠰᠤᠨ ᠲᠠᠨᠢᠳᠠᠭ ᠲᠠᠭᠠᠨ ᠪᠠᠭᠠᠲᠤᠷ

ᠮᠠᠭᠤ ᠡᠷ᠎ᠡ ᠡᠮ᠎ᠡ ᠳ᠋ᠡᠭᠡᠨ ᠪᠠᠭᠠᠲᠤᠷ

 

825 ᠮᠠᠭᠤ ᠳᠤᠤᠭᠠᠷᠤᠭᠰᠠᠨ ᠠ᠋ᠴᠠ

ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠨᠢ ᠳᠡᠭᠡᠷ᠎ᠡ

 

826 ᠮᠠᠭᠤ ᠵᠠᠰᠠᠭ ᠲᠥᠷᠥ ᠶ᠋ᠢᠨ ᠡᠪᠡᠳᠴᠢᠨ

ᠮᠠᠭᠤ ᠡᠵᠡᠨ ᠭᠡᠷ ᠦ᠋ᠨ ᠡᠪᠡᠳᠴᠢᠨ

 

827 ᠮᠠᠭᠤ ᠢᠳᠡᠰᠢ ᠵᠢᠯ ᠦ᠋ᠨ ᠭᠠᠢ

ᠮᠠᠭᠤ ᠡᠬᠡᠨᠡᠷ ᠨᠠᠰᠤᠨ ᠤ᠋ ᠭᠠᠢ

 

828 ᠮᠠᠭᠤ ᠢᠨᠢᠶᠡᠬᠦ ᠪᠡᠷ

ᠰᠠᠢᠨ ᠤᠬᠢᠯᠠ

 

829 ᠮᠠᠭᠤ ᠯᠠᠮᠠ ᠰᠦᠮ᠎ᠡ ᠶ᠋ᠢᠨ ᠪᠣᠯᠠᠢ

ᠮᠠᠭᠤ ᠡᠮ᠎ᠡ ᠭᠡᠷ ᠦ᠋ᠨ ᠪᠣᠯᠠᠢ

 

830 ᠮᠠᠭᠤ ᠮᠢᠬᠠᠨ ᠤ᠋ ᠳᠠᠯᠳᠠ ᠨᠢ

ᠮᠠᠭᠤ ᠦᠭᠡᠨ ᠦ᠌ ᠢᠯᠡ ᠨᠢ

 

831 ᠮᠠᠭᠤ ᠮᠣᠷᠢ ᠡᠳᠦᠷ ᠦ᠋ᠨ ᠠᠶᠠᠨ ᠢ᠋ ᠳᠠᠭᠠᠭᠠᠬᠤ ᠦᠭᠡᠢ

ᠮᠤᠩᠬᠠᠭ ᠬᠥᠮᠦᠨ ᠦᠭᠡᠨ ᠦ᠌ ᠭᠠᠰᠢᠭᠤᠨ ᠢ᠋ ᠳᠠᠭᠠᠭᠠᠬᠤ ᠦᠭᠡᠢ

 

832 ᠮᠠᠭᠤ ᠨᠣᠮᠲᠤ ᠲᠣᠭᠠᠯᠠᠭᠠᠴᠢ

ᠮᠠᠭᠤ ᠣᠶᠣᠳᠠᠯᠴᠢ ᠦᠭᠡᠯᠡᠭᠡᠴᠢ

 

833 ᠮᠠᠭᠤ ᠨᠣᠬᠠᠢ ᠮᠠᠯ ᠤᠷᠤᠭᠤ ᠬᠤᠴᠠᠳᠠᠭ

ᠮᠠᠭᠤ ᠡᠷ᠎ᠡ ᠡᠮ᠎ᠡ ᠳ᠋ᠡᠭᠡᠨ ᠨᠣᠶᠠᠷᠬᠠᠳᠠᠭ

 

834 ᠮᠠᠭᠤ ᠨᠣᠬᠠᠢ ᠬᠠᠲᠠᠪᠴᠢᠨ ᠤ᠋ ᠪᠤᠭ

ᠮᠠᠭᠤ ᠡᠮ᠎ᠡ ᠭᠡᠷ ᠦ᠋ᠨ ᠪᠤᠭ

 

835 ᠮᠠᠭᠤ ᠨᠢᠭᠤᠬᠤ ᠪᠠᠷ

ᠰᠠᠢᠨ ᠢᠯᠡᠴᠢᠯᠡ

 

836 ᠮᠠᠭᠤ ᠨᠡᠷ᠎ᠡ ᠪᠡᠨ ᠳᠠᠬᠢᠨ ᠪᠤᠤ ᠳᠠᠭᠤᠳᠠᠭᠤᠯ

ᠮᠠᠭᠤ ᠠᠭᠠᠰᠢ ᠪᠠᠨ ᠳᠠᠬᠢᠨ ᠪᠤᠤ ᠦᠵᠡᠭᠦᠯ

 

837 ᠮᠠᠭᠤ ᠨᠢ ᠮᠠᠭᠤ ᠳ᠋ᠠᠭᠠᠨ ᠵᠠᠩᠵᠤᠨ

ᠮᠤᠨᠠ ᠭᠠᠳᠠᠰᠤᠨ ᠳ᠋ᠠᠭᠠᠨ ᠵᠠᠩᠵᠤᠨ

 

838 ᠮᠠᠭᠤ ᠰᠠᠨᠠᠭ᠎ᠠ ᠪᠡᠶ᠎ᠡ ᠪᠡᠨ ᠣᠳᠤᠨ᠎ᠠ

ᠮᠤᠢᠬᠤᠷ ᠶᠠᠪᠤᠳᠠᠯ ᠪᠡᠶ᠎ᠡ ᠪᠡᠨ ᠬᠣᠣᠷᠯᠠᠨ᠎ᠠ

 

839 ᠮᠠᠭᠤ ᠰᠠᠨᠠᠭ᠎ᠠ ᠪᠤᠶᠠᠨ ᠢ᠋ᠶ᠋ᠠᠨ ᠪᠠᠷᠠᠨ᠎ᠠ

ᠮᠤᠯᠭᠤᠤ ᠲᠡᠨᠡᠭ ᠬᠦᠨᠳᠦ ᠪᠡᠨ ᠪᠠᠷᠠᠨ᠎ᠠ

 

840 ᠮᠠᠭᠤ ᠰᠠᠨᠠᠭᠠᠨ ᠤ᠋ ᠦᠵᠦᠭᠦᠷ ᠲᠦ᠍ ᠴᠢᠰᠤ

ᠰᠠᠢᠨ ᠰᠠᠨᠠᠭᠠᠨ ᠤ᠋ ᠦᠵᠦᠭᠦᠷ ᠲᠦ᠍ ᠲᠣᠰᠣ

 

841 ᠮᠠᠭᠤ ᠰᠠᠨᠠᠭᠠᠲᠤ ᠴᠢᠬᠢ ᠳᠦᠯᠡᠢ

ᠰᠠᠢᠨ ᠰᠠᠨᠠᠭᠠᠲᠤ ᠨᠢᠳᠦ ᠬᠤᠷᠴᠠ

 

842 ᠮᠠᠭᠤ ᠤᠬᠢᠶᠠᠬᠤ ᠪᠠᠷ

ᠰᠠᠢᠨ ᠰᠡᠭᠰᠦᠷ

 

843 ᠮᠠᠭᠤ ᠦᠵᠡᠭᠰᠡᠨ ᠡᠴᠡ

ᠰᠠᠢᠨ ᠰᠣᠨᠣᠰ

 

844 ᠮᠠᠭᠤ ᠬᠣᠭᠣᠯᠠᠨ ᠠ᠋ᠴᠠ

ᠰᠠᠢᠬᠠᠨ ᠴᠠᠢ ᠳᠡᠭᠡᠷ᠎ᠡ

 

845 ᠮᠠᠭᠤ ᠬᠥᠮᠦᠨ ᠠᠢᠯ ᠠ᠋ᠴᠠ ᠢᠴᠢᠳᠡᠭ

ᠰᠠᠢᠨ ᠬᠥᠮᠦᠨ ᠦᠭᠡᠨ ᠡᠴᠡ ᠢᠴᠢᠳᠡᠭ

 

846 ᠮᠠᠭᠤ ᠬᠥᠮᠦᠨ ᠠᠷᠢᠬᠢᠨ ᠳ᠋ᠤ᠌ ᠴᠢᠩᠭᠠᠷᠠᠨ᠎ᠠ

ᠣᠯᠣᠰᠣᠨ ᠳᠡᠭᠡᠰᠦ ᠤᠰᠤᠨ ᠳ᠋ᠤ᠌ ᠴᠢᠩᠭᠠᠷᠠᠨ᠎ᠠ

 

847 ᠮᠠᠭᠤ ᠬᠥᠮᠦᠨ ᠪᠡᠶ᠎ᠡ ᠪᠡᠨ ᠪᠠᠷᠰ ᠮᠡᠲᠦ ᠰᠠᠨᠠᠨ᠎ᠠ

ᠰᠠᠢᠨ ᠬᠥᠮᠦᠨ ᠪᠡᠶ᠎ᠡ ᠪᠡᠨ ᠮᠡᠰᠡ ᠮᠡᠲᠦ ᠰᠠᠨᠠᠨ᠎ᠠ

 

848 ᠮᠠᠭᠤ ᠬᠥᠮᠦᠨ ᠢᠳᠡᠭᠰᠡᠨ ᠤᠤᠭᠤᠭᠰᠠᠨ ᠢ᠋ᠶ᠋ᠠᠨ

ᠰᠠᠢᠨ ᠬᠥᠮᠦᠨ ᠶᠠᠪᠤᠭᠰᠠᠨ ᠦᠵᠡᠭᠰᠡᠨ ᠢ᠋ᠶ᠋ᠡᠨ

 

849 ᠮᠠᠭᠤ ᠬᠥᠮᠦᠨ ᠰᠣᠨᠵᠢᠭᠤᠴᠢ

ᠮᠤᠬᠤᠷ ᠦᠬᠡᠷ ᠰᠡᠵᠢᠭᠡᠴᠢ

 

850 ᠮᠠᠭᠤ ᠬᠥᠮᠦᠨ ᠦᠭᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠲᠤᠰᠠᠯᠠᠬᠤ

ᠰᠠᠢᠨ ᠬᠥᠮᠦᠨ ᠠᠯᠲᠠ ᠮᠥᠩᠭᠥ ᠪᠡᠷ ᠢ᠋ᠶ᠋ᠡᠨ ᠲᠤᠰᠠᠯᠠᠬᠤ