- ᠨ (Н) -
915 ᠨᠠᠭᠠᠳᠤᠮ ᠶᠡᠬᠡᠳᠡᠪᠡᠯ ᠨᠠᠰᠤ ᠣᠬᠣᠷᠰᠤᠨᠠ
ᠨᠠᠮᠤᠷ ᠤ᠋ᠨ ᠬᠤᠷᠠ ᠶᠡᠬᠡᠳᠡᠪᠡᠯ ᠦᠶᠡᠷ ᠪᠣᠯᠤᠨᠠ
916 ᠨᠠᠭᠠᠳᠤᠮ ᠤ᠋ᠨ ᠶᠡᠬᠡ ᠨᠢ ᠠᠵᠢᠯ ᠳ᠋ᠤ᠌ ᠰᠠᠭᠠᠳ
ᠨᠠᠢᠷ ᠤ᠋ᠨ ᠤᠷᠲᠤ ᠨᠢ ᠨᠣᠢᠷᠣᠨ ᠳ᠋ᠤ᠌ ᠰᠠᠭᠠᠳ
917 ᠨᠠᠰᠢ(ᠨᠠᠭᠠᠰᠢ) ᠪᠠᠨ ᠬᠠᠷᠠᠵᠤ ᠢᠨᠢᠶᠡᠵᠦ
ᠴᠠᠰᠢ (ᠴᠠᠭᠠᠰᠢ)ᠪᠠᠨ ᠬᠠᠷᠠᠵᠤ ᠤᠬᠢᠯᠠᠬᠤ
918 ᠨᠠᠪᠴᠢ ᠴᠡᠴᠡᠭ ᠨᠠᠷᠠᠨ ᠠ᠋ᠴᠠ
ᠨᠠᠰᠤᠨ ᠤ᠋ ᠵᠢᠷᠭᠠᠯ ᠠᠢᠯ ᠠ᠋ᠴᠠ
919 ᠨᠠᠪᠴᠢ ᠰᠢᠷᠠᠯᠠᠪᠠᠯ ᠨᠠᠮᠤᠷᠰᠢᠨᠠ
ᠨᠠᠭᠠᠳᠤᠮ ᠶᠡᠬᠡᠳᠡᠪᠡᠯ ᠭᠡᠷᠡᠯᠲᠦᠨᠡ
920 ᠨᠠᠢᠯᠵᠠᠭᠤᠷ ᠢ᠋ ᠵᠠᠰᠠᠵᠤ ᠨᠢᠷᠤᠭᠤ ᠪᠣᠯᠭᠠᠬᠤ
ᠨᠢᠯᠬᠠ ᠶ᠋ᠢ ᠥᠰᠬᠡᠵᠦ ᠡᠷᠡ ᠪᠣᠯᠭᠠᠬᠤ
921 ᠮᠠᠢᠮᠠᠢ ᠨᠠᠮ ᠲᠠᠢ᠂ ᠥᠨᠳᠥᠷ ᠲᠡᠢ
ᠨᠠᠰᠤ ᠵᠠᠯᠠᠭᠤ ᠲᠠᠢ᠂ ᠬᠥᠭᠰᠢᠨ ᠲᠡᠢ
922 ᠨᠠᠢ᠍ᠮᠠᠨ ᠰᠠᠷᠠ ᠶ᠋ᠢᠨ ᠭᠠᠩ ᠬᠡᠴᠡᠭᠦᠦ
ᠨᠠᠶᠠ ᠬᠦᠷᠦᠭᠡᠳ ᠬᠣᠭᠣᠰᠣᠷᠠᠬᠤ ᠬᠡᠴᠡᠭᠦᠦ
923 ᠨᠠᠢᠷ ᠠᠬᠠ ᠠ᠋ᠴᠠ ᠪᠠᠨ
ᠨᠠᠭᠠᠳᠤᠮ ᠳᠡᠭᠦᠦ ᠡᠴᠡ ᠪᠡᠨ
924 ᠨᠠᠢᠷ ᠤ᠋ᠨ ᠪᠣᠭᠣᠨᠢ ᠨᠢ ᠰᠠᠢᠨ
ᠨᠠᠰᠤᠨ ᠤ᠋ ᠤᠷᠲᠤ ᠨᠢ ᠰᠠᠢᠨ
925 ᠨᠠᠮᠤᠭ ᠭᠠᠵᠠᠷ ᠵᠤᠰᠠᠵᠤ
ᠡᠭᠡᠪᠦᠷ ᠭᠠᠵᠠᠷ ᠡᠪᠦᠯᠵᠢ
926 ᠨᠠᠮᠤᠷ ᠡᠪᠡᠰᠦ ᠣᠪᠣᠭᠠᠯᠠᠬᠤ ᠦᠭᠡᠢ ᠪᠣᠯ
ᠬᠠᠪᠤᠷ ᠦᠬᠦᠳᠡᠯ ᠣᠪᠣᠭᠠᠯᠠᠨᠠ
927 ᠨᠠᠮᠤᠷ ᠲᠣᠰᠣ ᠪᠠᠨ ᠭᠦᠵᠡᠭᠡᠯᠡᠪᠡᠯ
ᠬᠠᠪᠤᠷ ᠲᠤᠭᠤᠯ ᠢ᠋ᠶ᠋ᠠᠨ ᠭᠦᠵᠡᠭᠡᠯᠡᠨᠡ
928 ᠨᠠᠮᠤᠷᠵᠢᠨ ᠨᠠᠷᠭᠢᠪᠠᠯ
ᠡᠪᠦᠯᠵᠢᠨ ᠦᠷᠴᠢᠢᠨᠡ
929 ᠨᠠᠮᠤᠷ ᠲᠠᠭᠠᠨ ᠳᠡᠯᠪᠡᠷᠡᠲᠡᠯᠡ ᠪᠡᠨ ᠢᠳᠡᠵᠦ
ᠬᠠᠪᠤᠷ ᠲᠠᠭᠠᠨ ᠬᠠᠲᠠᠩᠭᠢᠷᠠᠲᠠᠯᠠ ᠪᠠᠨ ᠥᠯᠥᠰᠬᠦ
930 ᠨᠠᠮᠤᠷ ᠲᠠᠭᠠᠨ ᠲᠠᠷᠭᠤ ᠦᠭᠡᠢ ᠮᠠᠯ
ᠡᠪᠦᠯ ᠳ᠋ᠡᠭᠡᠨ ᠡᠴᠡᠩᠭᠢ
931 ᠨᠠᠮᠤᠷ ᠤ᠋ᠨ ᠮᠠᠭᠤ ᠪᠣᠷᠣᠭᠠ ᠲᠠᠢ
ᠬᠠᠪᠤᠷ ᠤ᠋ᠨ ᠮᠠᠭᠤ ᠰᠠᠯᠬᠢ ᠲᠠᠢ
932 ᠨᠠᠮᠤᠷ ᠤ᠋ᠨ ᠡᠪᠡᠰᠦ ᠶ᠋ᠢ ᠪᠦᠷᠢᠯᠵᠦ ᠢᠳᠡᠭᠦᠯ
ᠬᠠᠪᠤᠷ ᠤ᠋ᠨ ᠡᠪᠡᠰᠦ ᠶ᠋ᠢ ᠬᠠᠮᠤᠵᠤ ᠢᠳᠡᠭᠦᠯ
933 ᠨᠠᠷᠠ ᠭᠠᠷᠬᠤ ᠪᠠᠷ ᠪᠠᠢᠭᠠᠯᠢ ᠰᠡᠷᠭᠦᠳᠡᠭ
ᠨᠣᠮ ᠤᠩᠰᠢᠬᠤ ᠪᠠᠷ ᠲᠠᠷᠢᠬᠢ ᠰᠡᠷᠭᠦᠳᠡᠭ
934 ᠨᠠᠷᠠ ᠭᠠᠷᠪᠠᠯ ᠳᠤᠯᠠᠭᠠᠷᠠᠨᠠ
ᠨᠠᠰᠤ ᠠᠬᠢᠪᠠᠯ ᠬᠡᠷᠰᠡᠦᠵᠢᠨᠡ
935 ᠨᠠᠷᠠ ᠰᠠᠷᠠ ᠡᠭᠡᠯᠵᠢᠯᠡᠨᠡ
ᠨᠠᠰᠤ ᠵᠢᠯ ᠥᠩᠭᠡᠷᠡᠨᠡ
936 ᠨᠠᠷᠠ ᠬᠤᠷᠠ ᠲᠡᠩᠴᠡᠪᠡᠯ
ᠨᠠᠪᠴᠢ ᠴᠡᠴᠡᠭ ᠳᠡᠯᠭᠡᠷᠡᠬᠦ
937 ᠨᠠᠷᠠ ᠬᠦᠷᠢᠶᠡᠯᠡᠪᠡᠯ ᠵᠤᠳᠯᠠᠬᠤ
ᠰᠠᠷᠠ ᠬᠦᠷᠢᠶᠡᠯᠡᠪᠡᠯ ᠰᠠᠯᠬᠢᠯᠠᠬᠤ
938 ᠨᠠᠷᠠ ᠰᠢᠩᠭᠡᠪᠡᠯ ᠰᠠᠷᠠ ᠵᠠᠯᠭᠠᠵᠤ
ᠨᠠᠰᠤ ᠠᠬᠢᠪᠠᠯ ᠦᠷᠡ ᠵᠠᠯᠭᠠᠬᠤ
939 ᠨᠠᠷᠠᠨ ᠳ᠋ᠤ᠌ ᠤᠨᠲᠠᠵᠤ
ᠰᠠᠷᠠᠨ ᠳ᠋ᠤ᠌ ᠪᠥᠭᠡᠰᠦ ᠪᠡᠨ ᠲᠡᠭᠦᠬᠦ
940 ᠨᠠᠷᠭᠢᠶᠠᠨ— ᠵᠠᠯᠠᠭᠤ ᠨᠠᠰᠤᠨ ᠤ᠋ ᠣᠬᠢ
ᠨᠠᠮᠤᠷ ᠴᠠᠭ— ᠤᠯᠠᠷᠢᠯ ᠤ᠋ᠨ ᠣᠬᠢ
941 ᠨᠠᠷᠠᠨ ᠠ᠋ᠴᠠ ᠢᠯᠡᠭᠦᠦ ᠭᠡᠷᠡᠯ ᠲᠡᠢ ᠶᠠᠭᠤᠮᠠ ᠦᠭᠡᠢ
ᠨᠠᠮᠤᠷ ᠠ᠋ᠴᠠ ᠢᠯᠡᠭᠦᠦ ᠪᠠᠶᠠᠨ ᠤᠯᠠᠷᠢᠯ ᠦᠭᠡᠢ
942 ᠨᠠᠷᠠᠨ ᠠ᠋ᠴᠠ ᠬᠣᠷᠭᠣᠳᠠᠵᠤ ᠪᠣᠯᠳᠠᠭ
ᠨᠠᠰᠤ ᠪᠠᠷᠠᠬᠤ ᠠ᠋ᠴᠠ ᠬᠣᠷᠭᠣᠳᠠᠵᠤ ᠪᠣᠯᠳᠠᠭ ᠦᠭᠡᠢ
943 ᠨᠠᠷᠠᠨ ᠤ᠋ ᠭᠡᠷᠡᠯ ᠬᠦᠷᠪᠡᠯ ᠳ᠋ᠦ᠍ ᠬᠠᠷᠰᠢ
ᠡᠷᠳᠡᠮ ᠦ᠋ᠨ ᠭᠡᠷᠡᠯ ᠲᠡᠨᠡᠭ ᠲᠦ᠍ ᠬᠠᠷᠰᠢ
944 ᠨᠠᠷᠠᠨ ᠤ᠋ ᠭᠡᠷᠡᠯ ᠢᠯᠴᠢ ᠲᠡᠢ
ᠨᠠᠭᠠᠴᠤ ᠬᠥᠮᠦᠨ ᠬᠦᠨᠳᠦ ᠲᠡᠢ
945 ᠨᠠᠷᠠᠨ ᠤ᠋ ᠭᠡᠷᠡᠯ
ᠡᠭᠦᠯᠡ ᠦᠭᠡᠢ ᠪᠣᠯ ᠨᠡᠩ ᠰᠠᠢᠨ
ᠨᠠᠰᠤᠨ ᠤ᠋ ᠪᠠᠭᠠ ᠳ᠋ᠤ᠌ ᠡᠷᠳᠡᠮ ᠰᠤᠷᠬᠤ ᠳ᠋ᠤ᠌
ᠵᠠᠯᠬᠠᠭᠤ ᠦᠭᠡᠢ ᠪᠣᠯ ᠳᠠᠩᠴᠤ ᠰᠠᠢᠨ
946 ᠨᠠᠷᠠ ᠲᠠᠢ ᠪᠣᠯ ᠲᠠᠭᠠᠷᠠᠬᠤ ᠦᠭᠡᠢ
ᠨᠠᠢᠷ ᠲᠠᠢ ᠪᠣᠯ ᠥᠯᠥᠰᠬᠦ ᠦᠭᠡᠢ
947 ᠨᠠᠷᠠ ᠲᠠᠢ ᠭᠠᠵᠠᠷ ᠭᠡᠷ ᠢ᠋ᠶ᠋ᠡᠨ ᠪᠠᠷᠢᠵᠤ
ᠨᠣᠭᠣᠭᠠ ᠲᠠᠢ ᠭᠠᠵᠠᠷ ᠮᠠᠯ ᠢ᠋ᠶ᠋ᠠᠨ ᠪᠡᠯᠴᠢᠭᠡ
948 ᠨᠠᠰᠤᠨ ᠳ᠋ᠤ᠌ ᠬᠣᠨᠣᠭ ᠨᠡᠮᠡᠵᠦ
ᠴᠠᠰᠤᠨ ᠳ᠋ᠤ᠌ ᠬᠢᠷᠠᠭᠤ ᠨᠡᠮᠡᠬᠦ
949 ᠨᠠᠰᠤᠲᠠᠢ ᠬᠥᠮᠦᠨ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ
ᠨᠢᠯᠬᠠ ᠬᠡᠦᠬᠡᠳ ᠦᠵᠡᠭᠰᠡᠨ ᠢ᠋ᠶ᠋ᠡᠨ
950 ᠨᠠᠰᠤᠲᠠᠨ ᠤ᠋ ᠰᠤᠷᠭᠠᠯ
ᠨᠠᠷᠠᠨ ᠤ᠋ ᠭᠡᠷᠡᠯ
951 ᠨᠣᠶᠠᠳ ᠭᠡᠳᠡᠢᠵᠦ
ᠠᠷᠠᠳ ᠪᠥᠬᠥᠢᠬᠦ
952 ᠨᠣᠶᠠᠳ ᠦᠭᠡᠢᠷᠡᠪᠡᠯ ᠳᠡᠭᠡᠷᠡᠮ ᠪᠣᠯᠤᠨᠠ
ᠪᠠᠶᠠᠳ ᠦᠭᠡᠢᠷᠡᠪᠡᠯ ᠬᠤᠯᠠᠭᠠᠢ ᠪᠣᠯᠤᠨᠠ
953 ᠨᠣᠶᠠᠳ ᠭᠡᠷᠡᠯᠲᠦᠭᠰᠡᠨ ᠭᠠᠵᠠᠷ ᠪᠠᠯᠠᠭ ᠲᠠᠢ
ᠨᠣᠬᠠᠢ ᠬᠡᠮᠬᠢᠯᠳᠦᠭᠰᠡᠨ ᠭᠠᠵᠠᠷ ᠤᠯᠠᠢ ᠲᠠᠢ
954 ᠨᠣᠶᠠᠳ ᠲᠤ᠌ ᠢᠲᠡᠭᠡᠭᠰᠡᠨ ᠡᠴᠡ
ᠨᠣᠬᠠᠢ ᠳ᠋ᠠᠭᠠᠨ ᠢᠳᠡᠭᠡ
955 ᠨᠣᠶᠠᠳ ᠢ᠋ ᠳᠠᠭᠠᠵᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠷ ᠨᠣᠬᠠᠢ ᠪᠣᠯᠬᠤ
ᠪᠠᠶᠠᠳ ᠢ᠋ ᠳᠠᠭᠠᠵᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠷ ᠪᠣᠭᠣᠯ ᠪᠣᠯᠬᠤ
956 ᠨᠣᠶᠠᠳ ᠪᠦᠬᠦᠨ ᠠᠷᠢᠭᠤᠨ ᠡᠰᠡ ᠶᠠᠪᠤᠪᠠᠯ
ᠪᠠᠭᠤᠷᠠᠭᠰᠠᠨ ᠬᠣᠢᠨᠠ ᠪᠠᠨ ᠭᠡᠮᠰᠢᠨᠡ
ᠪᠠᠶᠠᠨ ᠪᠦᠬᠦᠨ ᠡᠰᠡ ᠡᠳ᠋ᠯᠡᠪᠡᠯ
ᠦᠭᠡᠢᠷᠡᠭᠰᠡᠨ ᠬᠣᠢᠨᠠ ᠪᠠᠨ ᠭᠡᠮᠰᠢᠨᠡ
957 ᠨᠣᠶᠠᠨ ᠭᠡᠵᠦ ᠳᠤᠯᠳᠤᠢᠳᠬᠤ ᠬᠡᠷᠡᠭ ᠦᠭᠡᠢ
ᠨᠣᠬᠠᠢ ᠭᠡᠵᠦ ᠳᠣᠷᠣᠮᠵᠢᠯᠠᠬᠤ ᠬᠡᠷᠡᠭ ᠦᠭᠡᠢ
958 ᠨᠣᠶᠠᠨ ᠨᠣᠶᠠᠨ ᠳ᠋ᠠᠭᠠᠨ ᠡᠭᠡᠯᠢ ᠲᠡᠢ
ᠨᠣᠬᠠᠢ ᠭᠥᠯᠦᠭᠡᠨ ᠳ᠋ᠡᠭᠡᠨ ᠬᠠᠢᠷᠠ ᠲᠠᠢ
959 ᠨᠣᠶᠠᠨ ᠰᠠᠭᠤᠪᠠᠯ ᠠᠯᠪᠠᠲᠤ ᠪᠠᠨ ᠮᠡᠳᠡ
ᠨᠣᠬᠠᠢ ᠲᠠᠢ ᠪᠣᠯ ᠬᠣᠭᠣᠯᠠ ᠶ᠋ᠢ ᠨᠢ ᠮᠡᠳᠡ
960 ᠨᠣᠶᠠᠨ ᠤᠷᠪᠠᠭᠠᠴᠢ
ᠨᠣᠬᠠᠢ ᠰᠢᠷᠪᠠᠭᠠᠴᠢ
961 ᠨᠣᠶᠠᠨ᠂ ᠠᠪᠬᠤ ᠪᠣᠯᠬᠤ ᠪᠠᠷ ᠠᠵᠢᠷᠭᠠ ᠰᠢᠭ᠋
ᠥᠭᠬᠦ ᠪᠣᠯᠬᠤ ᠪᠠᠷ ᠨᠣᠬᠠᠢ ᠰᠢᠭ᠋
962 ᠨᠣᠶᠠᠨ ᠪᠣᠯᠤᠶᠠ ᠭᠡᠪᠡᠯ
ᠵᠠᠷᠤᠴᠠ ᠪᠠᠨ ᠰᠠᠢᠨ ᠲᠣᠷᠳᠠ
963 ᠨᠣᠶᠠᠨ ᠬᠥᠮᠦᠨ ᠨᠤᠲᠤᠭ ᠲᠠᠭᠠᠨ ᠬᠦᠨᠳᠦ ᠲᠡᠢ
ᠨᠣᠮ ᠲᠠᠢ ᠬᠥᠮᠦᠨ ᠭᠠᠵᠠᠷ ᠪᠣᠯᠭᠠᠨ ᠳ᠋ᠤ᠌ ᠬᠦᠨᠳᠦ ᠲᠡᠢ
964 ᠨᠣᠶᠠᠨ ᠬᠥᠮᠦᠨ ᠴᠠᠭᠠᠨ ᠪᠣᠯᠪᠠᠴᠤ ᠰᠡᠵᠢᠭ ᠲᠡᠢ
ᠨᠣᠮ ᠤ᠋ᠨ ᠦᠰᠦᠭ ᠬᠠᠷᠠ ᠪᠣᠯᠪᠠᠴᠤ ᠰᠢᠮᠡ ᠲᠡᠢ
965 ᠨᠣᠶᠠᠨ ᠬᠥᠮᠦᠨ ᠢ᠋ ᠢᠲᠡᠭᠡᠵᠦ ᠪᠣᠯᠬᠤ ᠦᠭᠡᠢ
ᠨᠣᠢᠲᠠᠨ ᠮᠣᠳᠣ ᠶ᠋ᠢ ᠲᠦᠰᠢᠵᠦ ᠪᠣᠯᠬᠤ ᠦᠭᠡᠢ
966 ᠨᠣᠶᠠᠨ ᠠ᠋ᠴᠠ ᠠᠶᠤᠪᠠᠯ ᠵᠠᠷᠭᠤ ᠪᠤᠤ ᠬᠢ
ᠨᠣᠬᠠᠢ ᠠ᠋ᠴᠠ ᠠᠶᠤᠪᠠᠯ ᠪᠠᠳᠢᠷᠴᠢᠨ ᠪᠤᠤ ᠪᠣᠯ
967 ᠨᠣᠶᠠᠨ ᠤ᠋ ᠪᠠᠶᠠᠨ
ᠨᠣᠬᠠᠢ ᠶ᠋ᠢᠨ ᠲᠠᠷᠭᠤᠨ ᠬᠣᠶᠠᠷ ᠠᠳᠠᠯᠢ
968 ᠨᠣᠶᠠᠨ ᠤ᠋ ᠮᠠᠭᠤ ᠪᠠᠷ ᠠᠯᠪᠠᠲᠤ ᠲᠠᠷᠠᠳᠠᠭ
ᠨᠣᠬᠠᠢ ᠶ᠋ᠢᠨ ᠮᠠᠭᠤ ᠪᠠᠷ ᠬᠣᠲᠠ ᠲᠠᠷᠠᠳᠠᠭ
969 ᠨᠣᠶᠠᠨ ᠤ᠋ ᠬᠠᠢᠷᠠ
ᠨᠣᠬᠠᠢ ᠶ᠋ᠢᠨ ᠨᠢᠷᠤᠭᠤᠨ ᠳᠡᠭᠡᠷᠡᠬᠢ ᠴᠠᠰᠤ ᠲᠠᠢ ᠠᠳᠠᠯᠢ
970 ᠨᠣᠢᠷᠮᠤᠭᠯᠠᠵᠤ ᠰᠠᠭᠤᠬᠤ ᠪᠠᠷ
ᠨᠣᠮ ᠭᠠᠷᠴᠠᠭᠯᠠᠨ
971 ᠨᠣᠢᠷᠣᠨ ᠠ᠋ᠴᠠ ᠮᠣᠷᠢ ᠪᠠᠨ
ᠴᠢᠮᠦᠭᠡᠨ ᠡᠴᠡ ᠬᠢᠲᠤᠭᠠ ᠪᠠᠨ
972 ᠨᠣᠢᠷ ᠲᠠᠢ ᠬᠣᠨᠣᠶᠠ ᠭᠡᠪᠡᠯ
ᠨᠣᠬᠠᠢ ᠪᠠᠨ ᠰᠠᠢᠨ ᠲᠣᠷᠳᠠ
973 ᠨᠣᠢᠷ ᠲᠠᠢ ᠬᠥᠮᠦᠨ ᠢ᠋ ᠰᠡᠷᠡᠭᠡᠬᠦ ᠳ᠋ᠦ᠍ ᠪᠡᠷᠬᠡ
ᠵᠠᠯᠬᠠᠭᠤ ᠬᠥᠮᠦᠨ ᠢ᠋ ᠵᠠᠷᠤᠬᠤ ᠳ᠋ᠤ᠌ ᠪᠡᠷᠬᠡ
974 ᠨᠤᠤᠷᠠᠭᠰᠠᠨ ᠬᠠᠳᠠᠭ
ᠪᠡᠯᠡᠭ ᠲᠤ ᠶᠠᠪᠤᠳᠠᠭ ᠦᠭᠡᠢ
ᠨᠣᠶᠠᠨ ᠦᠭᠡᠢ ᠠᠯᠪᠠᠲᠤ ᠠ᠋ᠴᠠ
ᠱᠤᠤᠭᠢᠶᠠᠨ ᠲᠠᠰᠤᠷᠠᠳᠠᠭ ᠦᠭᠡᠢ
975 ᠨᠣᠣᠰᠣ ᠦᠭᠡᠢ ᠲᠡᠮᠡᠭᠡ ᠪᠣᠷᠣᠭᠠᠨ ᠳ᠋ᠤ᠌ ᠴᠡᠴᠡᠷᠡᠳᠡᠭ
ᠨᠣᠮ ᠦᠭᠡᠢ ᠪᠠᠨᠳᠢ ᠬᠤᠷᠠᠯ ᠳ᠋ᠤ᠌ ᠴᠡᠴᠡᠷᠡᠳᠡᠭ
976 ᠨᠣᠮ ᠤᠩᠰᠢᠬᠤ ᠦᠭᠡᠢ ᠪᠣᠯ ᠤᠬᠠᠭᠠᠨ ᠠᠲᠠᠷᠰᠢᠨᠠ
ᠨᠣᠭᠣᠭᠠ ᠤᠷᠭᠤᠬᠤ ᠦᠭᠡᠢ ᠪᠣᠯ ᠬᠥᠷᠥᠰᠥ ᠠᠲᠠᠷᠰᠢᠨᠠ
977 ᠨᠣᠮ ᠤᠳᠬᠠ ᠲᠠᠢ
ᠨᠠᠰᠤ ᠲᠣᠭᠠ ᠲᠠᠢ
978 ᠨᠣᠮ ᠳ᠋ᠤ᠌ ᠲᠤᠢᠯ ᠦᠭᠡᠢ
ᠣᠶᠤᠨ ᠳ᠋ᠤ᠌ ᠣᠷᠣᠢ ᠦᠭᠡᠢ
979 ᠨᠣᠮ ᠠ᠋ᠴᠠ ᠢᠯᠡᠭᠦᠦ ᠡᠷᠳᠡᠮ ᠦᠭᠡᠢ ᠪᠣᠯᠪᠠᠴᠤ
ᠰᠤᠷᠤᠭᠠᠳ ᠣᠮᠣᠭ ᠪᠤᠤ ᠡᠭᠦᠰᠭᠡ
980 ᠨᠣᠮ ᠠ᠋ᠴᠠ ᠰᠠᠯᠬᠤ ᠦᠭᠡᠢ ᠬᠥᠮᠦᠨ ᠦ᠌ ᠮᠡᠳᠡᠯᠭᠡ ᠶᠡᠬᠡ
ᠨᠣᠢᠷ ᠠ᠋ᠴᠠ ᠰᠠᠯᠬᠤ ᠦᠭᠡᠢ ᠬᠥᠮᠦᠨ ᠦ᠌ ᠵᠡᠭᠦᠳᠦ ᠶᠡᠬᠡ
981 ᠨᠣᠮᠣᠬᠠᠨ ᠠᠷᠠᠳ ᠢ᠋ ᠳᠠᠷᠤᠯᠠᠵᠤ
ᠨᠣᠶᠠᠳ ᠤ᠋ᠨ ᠪᠥᠭᠰᠡ ᠶ᠋ᠢ ᠳᠣᠯᠢᠶᠠᠬᠤ
982 ᠨᠣᠮᠣᠬᠠᠨ ᠮᠣᠷᠢᠨ ᠳ᠋ᠤ᠌ ᠨᠣᠭᠲᠣ ᠣᠯᠠᠨ
ᠳᠣᠭᠰᠢᠨ ᠮᠣᠷᠢᠨ ᠳ᠋ᠤ᠌ ᠲᠠᠰᠢᠭᠤᠷ ᠣᠯᠠᠨ
983 ᠨᠣᠮ ᠢ᠋ ᠨᠢ ᠰᠤᠷᠬᠤ ᠦᠭᠡᠢ ᠴᠤ᠌
ᠨᠣᠮᠣᠬᠠᠨ ᠢ᠋ ᠨᠢ ᠰᠤᠷ
984 ᠨᠣᠮ ᠢ᠋ ᠦᠵᠡᠵᠦ ᠪᠠᠷᠠᠳᠠᠭ ᠦᠭᠡᠢ
ᠠᠵᠢᠯ ᠢ᠋ ᠰᠤᠷᠴᠤ ᠭᠦᠢᠴᠡᠳᠡᠭ ᠦᠭᠡᠢ
985 ᠨᠣᠮ ᠤ᠋ᠨ ᠬᠥᠮᠦᠨ ᠨᠣᠮᠣᠬᠠᠨ ᠳᠠᠷᠤᠤ
ᠲᠥᠷᠥ ᠶ᠋ᠢᠨ ᠬᠥᠮᠦᠨ ᠲᠥᠯᠥᠪ ᠲᠦᠪᠰᠢᠨ
986 ᠨᠣᠮ ᠤ᠋ᠨ ᠬᠡᠯᠬᠢᠶᠡ ᠡᠷᠳᠡᠮ
ᠨᠣᠶᠠᠨ ᠤ᠋ ᠬᠡᠯᠬᠢᠶᠡ ᠵᠠᠰᠠᠭ
987 ᠨᠣᠬᠠᠳ ᠶᠠᠰᠤ ᠪᠤᠯᠢᠶᠠᠯᠳᠤᠳᠠᠭ
ᠨᠣᠶᠠᠳ ᠬᠡᠭᠡᠯᠢ ᠪᠤᠯᠢᠶᠠᠯᠳᠤᠳᠠᠭ
988 ᠨᠣᠬᠠᠢ ᠠᠯᠢ ᠲᠠᠭᠠᠷᠠᠯᠳᠤᠭᠰᠠᠨ ᠢ᠋ᠶ᠋ᠠᠨ ᠵᠠᠭᠤᠨᠠ
ᠨᠣᠶᠠᠳ ᠠᠯᠢ ᠰᠢᠳᠤᠷᠭᠤ ᠪᠠᠨ ᠳᠠᠷᠤᠯᠠᠨᠠ
989 ᠨᠣᠬᠠᠢ ᠪᠠᠭᠠᠰᠤᠨ ᠳ᠋ᠤ᠌ ᠴᠠᠳᠬᠤ ᠦᠭᠡᠢ
ᠨᠣᠶᠠᠳ ᠬᠡᠭᠡᠯᠢ ᠳ᠋ᠦ᠍ ᠴᠠᠳᠬᠤ ᠦᠭᠡᠢ
990 ᠨᠣᠬᠠᠢ ᠰᠠᠢᠲᠤ ᠶ᠋ᠢᠨ ᠬᠣᠲᠠ ᠲᠠᠢᠪᠤᠩ
ᠨᠣᠶᠠᠳ ᠰᠠᠢᠲᠤ ᠶ᠋ᠢᠨ ᠠᠯᠪᠠᠲᠤ ᠪᠠᠷᠳᠠᠮ
991 ᠨᠣᠬᠠᠢ ᠰᠡᠭᠦᠯ ᠢ᠋ᠶ᠋ᠡᠨ
ᠰᠡᠭᠦᠯ ᠬᠣᠩᠭᠣᠷᠴᠠᠭ ᠢ᠋ᠶ᠋ᠠᠨ
992 ᠨᠣᠬᠠᠢ ᠬᠠᠮᠠᠷ ᠲᠠᠭᠠᠨ ᠬᠦᠷᠬᠦ ᠪᠡᠷ ᠤᠰᠤᠴᠢ
ᠬᠥᠮᠦᠨ ᠠᠮᠢᠨ ᠳ᠋ᠠᠭᠠᠨ ᠬᠦᠷᠬᠦ ᠪᠡᠷ ᠠᠷᠭᠠᠴᠢ
993 ᠨᠣᠬᠠᠢ ᠬᠣᠲᠠ ᠪᠠᠨ ᠮᠠᠨᠠᠳᠠᠭ
ᠨᠣᠶᠠᠨ ᠬᠣᠲᠠ ᠪᠠᠨ ᠮᠥᠯᠵᠢᠳᠡᠭ
994 ᠨᠣᠬᠠᠢ ᠬᠡᠨ ᠦ᠌ ᠬᠣᠭᠣᠯᠠ ᠶ᠋ᠢ ᠢᠳᠡᠪᠡᠯ
ᠲᠡᠭᠦᠨ ᠦ᠌ ᠬᠣᠲᠠ ᠶ᠋ᠢ ᠰᠠᠬᠢᠳᠠᠭ᠃
995 ᠨᠣᠬᠠᠢ ᠰᠢᠭ᠋ ᠬᠡᠷᠡᠭᠦᠯᠴᠢ
ᠵᠠᠷᠠᠭᠠ ᠰᠢᠭ᠋ ᠬᠠᠷᠢᠶᠠᠯᠴᠢ
996 ᠨᠣᠬᠠᠢ ᠶᠠᠪᠠᠭᠠᠨ
ᠭᠠᠬᠠᠢ ᠨᠢᠴᠦᠭᠦᠨ
997 ᠨᠣᠬᠠᠢ ᠪᠠᠨ ᠥᠮᠥᠭᠡᠷᠡᠬᠦ ᠬᠥᠮᠦᠨ
ᠠᠢᠯ ᠲᠠᠢ ᠲᠠᠭᠠᠷᠠᠬᠤ ᠦᠭᠡᠢ
ᠬᠡᠦᠬᠡᠳ ᠢ᠋ᠶ᠋ᠡᠨ ᠥᠮᠥᠭᠡᠷᠡᠬᠦ ᠬᠥᠮᠦᠨ
ᠬᠥᠮᠦᠨ ᠲᠡᠢ ᠲᠠᠭᠠᠷᠠᠬᠤ ᠦᠭᠡᠢ
998 ᠨᠣᠬᠠᠢ ᠦᠭᠡᠢ ᠬᠣᠲᠠ ᠳᠦᠯᠡᠢ
ᠨᠣᠮ ᠦᠭᠡᠢ ᠬᠥᠮᠦᠨ ᠪᠠᠯᠠᠢ
999 ᠨᠣᠬᠠᠢ ᠳ᠋ᠤ᠌ ᠵᠢᠰᠤᠷ ᠦᠭᠡᠢ
ᠨᠣᠶᠠᠨ ᠳ᠋ᠤ᠌ ᠨᠢᠭᠤᠷ ᠦᠭᠡᠢ
1000 ᠨᠣᠬᠠᠢ ᠶ᠋ᠢᠨ ᠠᠮᠠ ᠨᠣᠭᠣᠭᠠᠨ ᠳ᠋ᠤ᠌ ᠡᠪ ᠦᠭᠡᠢ
ᠨᠣᠶᠠᠨ ᠤ᠋ ᠠᠮᠠ ᠶᠣᠰᠣᠨ ᠳ᠋ᠤ᠌ ᠡᠪ ᠦᠭᠡᠢ
1001 ᠨᠣᠬᠠᠢ ᠶ᠋ᠢᠨ ᠭᠡᠳᠡᠰᠦᠨ ᠳ᠋ᠦ᠍
ᠰᠢᠷᠠ ᠲᠣᠰᠣ ᠲᠣᠭᠲᠠᠬᠤ ᠦᠭᠡᠢ
1002 ᠨᠣᠬᠠᠢ ᠶ᠋ᠢᠨ ᠴᠤᠭᠯᠠᠭᠠᠨ ᠶᠠᠰᠤᠨ ᠳᠡᠭᠡᠷᠡ
ᠨᠣᠶᠠᠳ ᠤ᠋ᠨ ᠴᠤᠭᠯᠠᠭᠠᠨ ᠶᠠᠮᠤᠨ ᠳᠡᠭᠡᠷᠡ
1003 ᠨᠣᠬᠠᠢ ᠲᠠᠢ ᠥᠰᠢᠶᠡᠷᠬᠡᠪᠡᠯ ᠬᠣᠷᠮᠣᠢ ᠦᠭᠡᠢ
ᠨᠣᠶᠠᠨ ᠲᠠᠢ ᠥᠰᠢᠶᠡᠷᠬᠡᠪᠡᠯ ᠲᠣᠯᠣᠭᠠᠢ ᠦᠭᠡᠢ
1004 ᠨᠣᠴᠣᠬᠤ ᠭᠠᠯ ᠥᠭᠡᠳᠡ ᠪᠦᠦ ᠣᠴᠢ
ᠨᠣᠷᠭᠠᠬᠤ ᠤᠰᠤ ᠤᠷᠤᠭᠤ ᠪᠦᠦ ᠣᠷᠣ
1005 ᠨᠣᠴᠣᠭᠰᠠᠨ ᠭᠠᠯ ᠤ᠋ᠨ ᠤᠲᠤᠭᠠ ᠳᠡᠭᠡᠭᠰᠢ
ᠨᠣᠮᠣᠬᠠᠨ ᠬᠥᠮᠦᠨ ᠦ᠌ ᠵᠠᠩ ᠳᠣᠭᠣᠭᠰᠢ
1006 ᠨᠥᠮᠥᠷᠢ ᠦᠭᠡᠢ ᠪᠠᠭᠤᠴᠠᠨ ᠳ᠋ᠤ᠌ ᠡᠪᠦᠯᠵᠢᠪᠡᠯ
ᠮᠠᠯ ᠢ᠋ᠶ᠋ᠠᠨ ᠪᠠᠷᠠᠬᠤ ᠶ᠋ᠢᠨ ᠳᠣᠬᠢᠶᠠ
1007 ᠨᠥᠮᠥᠷᠢ ᠦᠭᠡᠢ ᠮᠠᠯ ᠰᠢᠭᠤᠷᠭᠠᠨ ᠳ᠋ᠤ᠌ ᠲᠦᠪᠡᠭᠳᠡᠨᠡ
ᠨᠥᠬᠥᠷ ᠦᠭᠡᠢ ᠬᠥᠮᠦᠨ ᠵᠣᠪᠠᠯᠠᠩ ᠳ᠋ᠤ᠌ ᠲᠦᠪᠡᠭᠳᠡᠨᠡ
1008 ᠨᠥᠭᠡᠴᠡ ᠦᠭᠡᠢ ᠠᠢᠯ ᠭᠠᠴᠢᠭ ᠲᠤ ᠲᠦᠪᠡᠭᠳᠡᠨᠡ
ᠨᠥᠬᠥᠭᠡᠰᠦ ᠦᠭᠡᠢ ᠡᠬᠡᠨᠡᠷ ᠦᠢᠯᠡ ᠳ᠋ᠦ᠍ ᠲᠦᠪᠡᠭᠳᠡᠨᠡ
1009 ᠨᠥᠬᠥᠷ ᠰᠠᠢᠲᠠᠢ ᠬᠥᠮᠦᠨ
ᠨᠥᠮᠥᠷᠢ ᠰᠠᠢᠲᠠᠢ ᠭᠡᠷ
1010 ᠨᠥᠬᠥᠷ᠂ ᠬᠣᠣᠷᠲᠠᠨ ᠢ᠋ᠶ᠋ᠠᠨ
ᠬᠥᠮᠦᠨ ᠥᠪᠡᠷ ᠢ᠋ᠶ᠋ᠡᠨ ᠣᠯᠬᠤ
1011 ᠨᠥᠬᠥᠷ ᠦ᠋ᠨ ᠮᠠᠭᠤ ᠶ᠋ᠢ ᠬᠠᠷᠠᠬᠤ ᠪᠠᠷ
ᠥᠪᠡᠷ ᠦ᠋ᠨ ᠮᠠᠭᠤ ᠶ᠋ᠢ ᠬᠠᠷᠠ
1012 ᠨᠥᠬᠥᠷ ᠦ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠬᠥᠮᠦᠨ ᠥᠭᠡᠳᠡᠯᠡᠵᠦ
ᠨᠠᠭᠤᠷ ᠤ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠵᠢᠭᠠᠰᠤ ᠠᠮᠢᠳᠤᠷᠠᠬᠤ
1013 ᠨᠤᠭᠤᠰᠤ ᠢᠳᠡᠪᠡᠯ
ᠨᠢᠰᠤᠬᠠᠢ ᠪᠣᠯᠳᠠᠭ
1014 ᠨᠤᠭᠤᠰᠤ ᠪᠠᠨ ᠭᠡᠪᠡᠯ ᠨᠠᠭᠤᠷ ᠢ᠋ᠶ᠋ᠠᠨ
ᠨᠤᠲᠤᠭ ᠢ᠋ᠶ᠋ᠠᠨ ᠭᠡᠪᠡᠯ ᠬᠥᠷᠥᠰᠥ ᠪᠡᠨ
1015 ᠨᠢᠯᠪᠤᠰᠤ ᠤᠨᠠᠭᠠᠬᠤ ᠪᠠᠷ
ᠨᠢᠳᠤᠷᠭᠠ ᠵᠠᠩᠭᠢᠳ
1016 ᠨᠢᠯᠪᠤᠰᠤ ᠴᠠᠷ ᠢ᠋ᠶ᠋ᠠᠨ ᠪᠦᠦ ᠵᠠᠯᠭᠢ
ᠨᠢᠭᠤᠭᠰᠠᠨ ᠬᠡᠷᠡᠭ ᠢ᠋ᠶ᠋ᠡᠨ ᠪᠦᠦ ᠬᠡᠯᠡ
1017 ᠨᠤᠮᠤ ᠶ᠋ᠢᠨ ᠬᠥᠪᠴᠢ ᠨᠢ ᠰᠤᠯᠠ ᠪᠣᠯ
ᠰᠤᠮᠤ ᠶ᠋ᠢᠨ ᠲᠤᠰᠤᠯᠲᠠ ᠨᠢ ᠮᠠᠭᠤ
1018 ᠨᠢᠷᠤᠭᠤ ᠮᠠᠭᠤᠲᠠᠢ ᠮᠣᠷᠢ ᠰᠡᠭᠦᠯ ᠢ᠋ᠶ᠋ᠡᠨ ᠰᠢᠷᠪᠠᠬᠤ
ᠨᠤᠭᠤᠰᠤ ᠮᠠᠭᠤᠲᠠᠢ ᠬᠠᠭᠠᠯᠭᠠ ᠭᠡᠳᠡᠷᠭᠦ ᠪᠡᠨ ᠰᠠᠪᠠᠬᠤ
1019 ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠭᠰᠠᠨ ᠬᠥᠪᠡᠭᠦᠨ
ᠨᠠᠭᠤᠷ ᠢ᠋ᠶ᠋ᠠᠨ ᠰᠠᠨᠠᠭᠰᠠᠨ ᠨᠤᠭᠤᠰᠤ
1020 ᠨᠤᠲᠤᠭ ᠤ᠋ᠨ ᠰᠢᠷᠣᠢ ᠠᠯᠲᠠ
ᠨᠠᠭᠤᠷ ᠤ᠋ᠨ ᠤᠰᠤ ᠷᠠᠰᠢᠶᠠᠨ
1021 ᠨᠢᠭᠤᠪᠠᠴᠤ ᠨᠢᠷᠤᠭᠤ ᠨᠢ ᠢᠯᠡᠬᠡᠨ
ᠳᠠᠯᠳᠠᠯᠠᠪᠠᠴᠤ ᠳᠠᠯᠤ ᠨᠢ ᠢᠯᠡᠬᠡᠨ
1022 ᠨᠢᠭᠤᠵᠤ ᠬᠡᠯᠡᠭᠰᠡᠨ ᠦᠭᠡ
ᠨᠤᠲᠤᠭ ᠳᠠᠶᠠᠭᠠᠷ ᠲᠠᠷᠬᠠᠬᠤ
1023 ᠨᠠᠭᠤᠷ ᠠᠮᠤᠷ ᠪᠣᠯ
ᠨᠤᠭᠤᠰᠤ ᠠᠮᠤᠷ
1024 ᠨᠠᠭᠤᠷ ᠬᠡᠳᠦᠢ ᠶᠡᠬᠡ ᠪᠣᠯᠪᠠᠴᠤ
ᠡᠷᠭᠢ ᠪᠡᠨ ᠳᠠᠪᠠᠬᠤ ᠦᠭᠡᠢ
ᠨᠤᠮᠤ ᠬᠡᠳᠦᠢ ᠬᠦᠴᠦᠲᠡᠢ ᠪᠣᠯᠪᠠᠴᠤ
ᠬᠥᠪᠴᠢ ᠪᠡᠨ ᠲᠠᠰᠤᠯᠬᠤ ᠦᠭᠡᠢ
1025 ᠨᠠᠭᠤᠷ ᠰᠢᠷᠭᠢᠪᠡᠯ
ᠵᠢᠭᠠᠰᠤ ᠬᠠᠲᠠᠬᠤ
1026 ᠨᠠᠭᠤᠷ ᠲᠤ ᠤᠷᠭᠤᠭᠰᠠᠨ ᠬᠤᠯᠤᠰᠤ ᠰᠠᠢᠬᠠᠨ
ᠨᠤᠲᠤᠭᠯᠠᠵᠤ ᠵᠠᠩᠰᠢᠭᠰᠠᠨ ᠭᠠᠵᠠᠷ ᠰᠠᠢᠬᠠᠨ
1027 ᠨᠠᠭᠤᠷ ᠤ᠋ᠨ ᠲᠤᠩᠭᠠᠯᠠᠭ ᠲᠤ ᠨᠤᠭᠤᠰᠤ ᠵᠢᠭᠠᠰᠤ
ᠨᠠᠢᠷ ᠤ᠋ᠨ ᠰᠠᠢᠬᠠᠨ ᠳ᠋ᠤ᠌ ᠨᠠᠰᠤᠲᠠᠨ ᠪᠤᠭᠤᠷᠤᠯ
1028 ᠨᠠᠭᠤᠷ ᠤ᠋ᠨ ᠴᠢᠮᠡᠭ ᠨᠤᠭᠤᠰᠤ
ᠨᠤᠲᠤᠭ ᠤ᠋ᠨ ᠴᠢᠮᠡᠭ ᠪᠠᠢᠭᠠᠯᠢ
1029 ᠨᠢᠭᠤᠬᠤ ᠦᠭᠡ ᠶ᠋ᠢ
ᠨᠠᠮᠤᠭ ᠤ᠋ᠨ ᠮᠡᠯᠡᠬᠡᠢ ᠳ᠋ᠦ᠍ ᠴᠤ᠌ ᠪᠦᠦ ᠬᠡᠯᠡ
1030 ᠨᠤᠤᠬᠠ ᠶ᠋ᠢ ᠨᠢ ᠠᠪᠬᠤ ᠭᠡᠳ
ᠨᠢᠳᠦ ᠶ᠋ᠢ ᠨᠢ ᠰᠣᠬᠣᠯᠬᠤ
1031 ᠨᠢᠭᠤᠴᠠ ᠬᠡᠷᠡᠭ ᠵᠠᠳᠠᠷᠠᠬᠤ ᠳ᠋ᠤ᠌ ᠲᠦᠷᠭᠡᠨ
ᠨᠢᠮᠭᠡᠨ ᠴᠠᠰᠤ ᠬᠠᠢᠯᠬᠤ ᠳ᠋ᠤ᠌ ᠬᠤᠷᠳᠤᠨ
1032 ᠨᠢᠭᠦᠯ ᠨᠢ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ
ᠵᠦᠬᠡᠯ ᠨᠢ ᠦᠭᠡ ᠪᠡᠷ ᠢ᠋ᠶ᠋ᠡᠨ
1033 ᠨᠢᠭᠦᠯ ᠬᠢᠪᠡᠯ ᠵᠣᠪᠠᠯ ᠦᠵᠡᠨᠡ
ᠬᠤᠯᠠᠭᠠᠢ ᠬᠢᠪᠡᠯ ᠲᠠᠰᠢᠭᠤᠷ ᠦᠵᠡᠨᠡ
1034 ᠨᠢᠭᠦᠯ ᠬᠢᠵᠦ ᠪᠠᠶᠠᠵᠢᠭᠰᠠᠨ ᠠ᠋ᠴᠠ
ᠨᠢᠴᠦᠭᠦᠨ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
1035 ᠨᠢᠭᠦᠯ ᠦᠭᠡᠢ ᠪᠠᠶᠠᠨ ᠡᠵᠡᠨ ᠢ᠋ᠶ᠋ᠡᠨ ᠣᠯᠤᠨᠠ
ᠨᠢᠳᠦ ᠦᠭᠡᠢ ᠰᠢᠷᠭᠤᠯᠵᠢ ᠨᠦᠬᠡ ᠪᠡᠨ ᠣᠯᠤᠨᠠ
1036 ᠨᠢᠭᠦᠯ ᠦ᠋ᠨ ᠨᠢᠳᠦ ᠶ᠋ᠢ
ᠴᠠᠭᠠᠰᠤ ᠪᠠᠷ ᠬᠠᠭᠤᠷᠬᠤ
1037 ᠨᠢᠭᠦᠯ ᠦ᠋ᠨ ᠡᠷᠬᠡ ᠪᠡᠷ ᠲᠠᠮᠤ ᠳ᠋ᠤ᠌ ᠤᠨᠠᠵᠤ
ᠨᠥᠬᠥᠷ ᠦ᠋ᠨ ᠡᠷᠬᠡ ᠪᠡᠷ ᠬᠤᠯᠠᠭᠠᠢᠴᠢ ᠪᠣᠯᠬᠤ
1038 ᠨᠢᠳᠦ ᠪᠠᠢᠭᠠᠳ ᠰᠣᠬᠣᠷ
ᠴᠢᠬᠢ ᠪᠠᠢᠭᠠᠳ ᠳᠦᠯᠡᠢ
1039 ᠨᠢᠳᠦ ᠭᠡᠳᠡᠭ ᠰᠡᠳᠬᠢᠯ ᠦ᠋ᠨ ᠲᠣᠯᠢ
ᠵᠢᠰᠦ ᠭᠡᠳᠡᠭ ᠪᠡᠶᠡ ᠶ᠋ᠢᠨ ᠲᠣᠯᠢ
1040 ᠨᠢᠳᠦ ᠤᠯᠠᠭᠠᠨ
ᠮᠥᠩᠭᠥ ᠴᠠᠭᠠᠨ
1041 ᠨᠢᠳᠦ ᠬᠤᠷᠴᠠ ᠬᠥᠮᠦᠨ ᠪᠠᠴᠢᠮᠳᠠᠬᠤ ᠦᠭᠡᠢ
ᠭᠠᠷ ᠪᠣᠰᠢᠭᠣ ᠬᠥᠮᠦᠨ ᠬᠣᠵᠢᠮᠳᠠᠬᠤ ᠦᠭᠡᠢ
1042 ᠨᠢᠳᠦ ᠬᠡᠳᠦᠢ ᠶᠡᠬᠡ ᠶ᠋ᠢ ᠦᠵᠡᠪᠡᠴᠦ
ᠭᠡᠷ ᠢ᠋ ᠨᠡᠪᠲᠡ ᠬᠠᠷᠠᠳᠠᠭ ᠦᠭᠡᠢ
ᠴᠢᠬᠢ ᠬᠡᠳᠦᠢ ᠬᠣᠯᠠ ᠶ᠋ᠢ ᠳᠣᠭᠣᠯᠪᠠᠴᠤ
ᠠᠢᠯ ᠢ᠋ ᠨᠡᠪᠲᠡ ᠰᠣᠨᠣᠰᠬᠤ ᠦᠭᠡᠢ
1043 ᠨᠢᠳᠦ ᠦᠭᠡᠢ ᠪᠠᠭᠰᠢ ᠠ᠋ᠴᠠ
ᠰᠢᠳᠦ ᠦᠭᠡᠢ ᠱᠠᠪᠢ
1044 ᠨᠢᠳᠦ ᠦᠭᠡᠢ ᠪᠣᠯ ᠵᠠᠮ ᠬᠠᠷᠠᠩᠭᠤᠢ
ᠨᠠᠷᠠ ᠦᠭᠡᠢ ᠪᠣᠯ ᠡᠳᠦᠷ ᠬᠠᠷᠠᠩᠭᠤᠢ
1045 ᠨᠢᠳᠦᠨ ᠳ᠋ᠦ᠍ ᠣᠷᠣᠭᠰᠠᠨ ᠬᠣᠭ
ᠰᠢᠳᠦᠨ ᠳ᠋ᠦ᠍ ᠣᠷᠣᠭᠰᠠᠨ ᠮᠢᠬᠠ
1046 ᠨᠡᠭᠦᠳᠡᠯ ᠦ᠋ᠨ ᠰᠢᠪᠠᠭᠤ ᠵᠠᠮ ᠢ᠋ᠶ᠋ᠠᠨ ᠮᠡᠳᠡᠳᠡᠭ
ᠨᠢᠯᠬᠠ ᠤᠨᠠᠭᠠ ᠡᠬᠡ ᠪᠡᠨ ᠲᠠᠨᠢᠳᠠᠭ
1047 ᠨᠡᠭᠦᠳᠡᠯ ᠢ᠋ᠶ᠋ᠡᠷ ᠵᠤᠰᠠᠪᠠᠯ ᠰᠡᠷᠢᠭᠦᠨ
ᠰᠠᠭᠤᠳᠠᠯ ᠢ᠋ᠶ᠋ᠠᠷ ᠡᠪᠦᠯᠵᠢᠪᠡᠯ ᠳᠤᠯᠠᠭᠠᠨ
1048 ᠨᠡᠭᠦᠳᠡᠯᠯᠡᠬᠦ ᠳ᠋ᠦ᠍ ᠬᠥᠰᠬᠡ ᠬᠡᠷᠡᠭ ᠲᠡᠢ
ᠨᠥᠬᠥᠷᠯᠡᠬᠦ ᠳ᠋ᠦ᠍ ᠠᠨᠳᠠ ᠬᠡᠷᠡᠭ ᠲᠡᠢ
1049 ᠨᠢᠭᠤᠷ ᠪᠥᠬᠡ ᠨᠣᠶᠠᠳ
ᠨᠤᠲᠤᠭ ᠢ᠋ᠶ᠋ᠠᠨ ᠬᠠᠷᠠᠯᠠᠭᠤᠯᠬᠤ
1050 ᠨᠢᠭᠤᠷ ᠥᠭᠬᠦ ᠳ᠋ᠦ᠍
ᠪᠥᠭᠰᠡ ᠥᠭᠬᠦ
1051 ᠨᠢᠭᠤᠷ ᠦᠵᠡᠪᠡᠯ ᠪᠢᠯᠳᠠᠤᠴᠢᠯᠠᠬᠤ
ᠨᠦᠬᠡ ᠦᠵᠡᠪᠡᠯ ᠰᠢᠷᠭᠤᠬᠤ
1052 ᠨᠢᠭᠤᠷ ᠤ᠋ᠨ ᠬᠦ ᠤᠬᠢᠶᠠᠪᠠᠯ ᠠᠷᠢᠯᠤᠨᠠ
ᠨᠢᠭᠦᠯ ᠦ᠋ᠨ ᠬᠦ ᠦᠬᠦᠪᠡᠴᠦ ᠠᠷᠢᠯᠬᠤ ᠦᠭᠡᠢ
1053 ᠨᠡᠭᠦᠷᠡᠰᠦ ᠪᠠᠷᠢᠳᠠᠭ ᠬᠥᠮᠦᠨ ᠦ᠌
ᠭᠠᠷ ᠨᠢ ᠬᠠᠷᠠ
ᠨᠢᠭᠦᠯ ᠶᠡᠬᠡᠲᠡᠢ ᠬᠥᠮᠦᠨ ᠦ᠌
ᠶᠠᠰᠤ ᠨᠢ ᠬᠠᠷᠠ
1054 ᠨᠡᠭᠦᠷᠡᠰᠦ ᠬᠠᠷᠠ ᠪᠣᠯᠪᠠᠴᠤ
ᠢᠯᠴᠢ ᠪᠡᠷ ᠢ᠋ᠶ᠋ᠡᠨ ᠳᠤᠯᠠᠭᠠᠴᠠᠭᠤᠯᠳᠠᠭ
ᠨᠡᠬᠡᠢ ᠰᠢᠷᠦᠭᠦᠨ ᠪᠣᠯᠪᠠᠴᠤ
ᠬᠦᠢᠲᠡᠨ ᠢ ᠬᠠᠯᠬᠠᠯᠠᠳᠠᠭ
1055 ᠨᠡᠭᠦᠷᠡᠰᠦ ᠶ᠋ᠢ ᠵᠦᠯᠭᠦᠭᠡᠳ ᠥᠩᠭᠡ ᠭᠠᠷᠬᠤ ᠦᠭᠡᠢ
ᠨᠢᠭᠦᠯᠲᠡᠨ ᠢ ᠲᠡᠳᠬᠦᠭᠡᠳ ᠪᠤᠶᠠᠨ ᠪᠣᠯᠬᠤ ᠦᠭᠡᠢ
1056 ᠨᠢᠭᠤᠷ ᠤ᠋ᠨ ᠳᠡᠭᠡᠷᠡ ᠨᠢ ᠢᠷᠥᠭᠡᠵᠦ
ᠨᠢᠳᠦᠨ ᠡᠴᠡ ᠳᠠᠯᠳᠠ ᠬᠠᠷᠢᠶᠠᠬᠤ
1057 ᠨᠢᠭᠤᠷ ᠢ᠋ᠶ᠋ᠠᠨ ᠪᠠᠷᠠᠭᠰᠠᠨ ᠬᠥᠮᠦᠨ
ᠨᠢᠳᠦ ᠪᠡᠨ ᠠᠨᠢᠪᠴᠢᠬᠤ ᠨᠢ ᠣᠯᠠᠨ
1058 ᠨᠡᠭᠦᠬᠦ ᠶ᠋ᠢᠨ ᠡᠮᠦᠨᠡ ᠪᠡᠯᠴᠢᠭᠡᠷ ᠢ᠋ᠶ᠋ᠡᠨ
ᠪᠠᠭᠤᠬᠤ ᠶ᠋ᠢᠨ ᠡᠮᠦᠨᠡ ᠪᠠᠭᠤᠷᠢ ᠪᠠᠨ
1059 ᠨᠢᠴᠦᠭᠦᠨ ᠭᠠᠵᠠᠷ ᠤ᠋ᠨ ᠰᠠᠯᠬᠢ ᠶᠡᠬᠡ
ᠨᠢᠮᠭᠡᠨ ᠬᠥᠷᠥᠰᠥᠨ ᠦ᠌ ᠲᠣᠭᠣᠰᠣ ᠶᠡᠬᠡ
1060 ᠨᠢᠭᠡ ᠪᠦᠳᠦᠷᠢᠪᠡᠯ
ᠳᠣᠯᠣᠭᠠ ᠪᠦᠳᠦᠷᠢᠬᠦ
1061 ᠨᠢᠭᠡ ᠵᠢᠯ ᠦ᠋ᠨ ᠰᠠᠢᠨ ᠨᠢ ᠨᠠᠮᠤᠷ ᠲᠠᠭᠠᠨ
ᠨᠢᠭᠡ ᠨᠠᠰᠤᠨ ᠤ᠋ ᠰᠠᠢᠨ ᠨᠢ ᠵᠠᠯᠠᠭᠤ ᠳ᠋ᠠᠭᠠᠨ
1062 ᠨᠢᠭᠡ ᠨᠠᠮᠤᠷ ᠭᠤᠷᠪᠠᠨ ᠬᠠᠪᠤᠷ ᠡᠴᠡ ᠢᠯᠡᠭᠦᠦ ᠦᠨᠡ ᠲᠡᠢ
ᠨᠢᠭᠡ ᠬᠥᠮᠦᠨ ᠭᠤᠷᠪᠠᠨ ᠦᠬᠡᠷ ᠡᠴᠡ ᠢᠯᠡᠭᠦᠦ ᠴᠢᠳᠠᠯ ᠲᠠᠢ
1063 ᠨᠢᠭᠡ ᠨᠢ ᠨᠡᠢᠲᠡ ᠶ᠋ᠢᠨ ᠲᠥᠯᠥᠭᠡ
ᠨᠡᠢᠲᠡ ᠨᠢ ᠨᠢᠭᠡ ᠶ᠋ᠢᠨ ᠲᠥᠯᠥᠭᠡ
1064 ᠨᠢᠭᠡ ᠡᠳᠦᠷ ᠲᠠᠨᠢᠯᠴᠠᠵᠤ
ᠮᠢᠩᠭᠠᠨ ᠡᠳᠦᠷ ᠨᠥᠬᠥᠷᠯᠡᠯᠴᠡᠨᠡ
1065 ᠨᠢᠭᠡ ᠰᠤᠮᠤ ᠪᠠᠷ
ᠬᠣᠶᠠᠷ ᠲᠠᠤᠯᠠᠢ ᠫᠤᠤᠳᠠᠬᠤ
1066 ᠨᠢᠭᠡ ᠲᠡᠮᠡᠭᠡᠨ ᠦ᠌ ᠬᠣᠷᠭᠣᠯ ᠳ᠋ᠤ᠌
ᠮᠢᠩᠭᠠᠨ ᠲᠡᠮᠡᠭᠡ ᠬᠠᠯᠲᠤᠷᠢᠬᠤ
1067 ᠨᠢᠭᠡ ᠦᠬᠡᠷ ᠦ᠋ᠨ ᠡᠪᠡᠷ ᠢ᠋ ᠳᠡᠯᠡᠰᠬᠦ ᠳ᠋ᠦ᠍
ᠮᠢᠩᠭᠠᠨ ᠦᠬᠡᠷ ᠦ᠋ᠨ ᠡᠪᠡᠷ ᠳᠣᠷᠭᠢᠨᠠ
1068 ᠨᠢᠭᠡ ᠬᠤᠳᠠᠯᠴᠢ
ᠨᠥᠭᠦᠭᠡ ᠬᠤᠳᠠᠯᠴᠢ ᠳ᠋ᠠᠭᠠᠨ ᠢᠲᠡᠭᠡᠳᠡᠭ ᠦᠭᠡᠢ
1069 ᠨᠢᠭᠡ ᠬᠤᠷᠤᠭᠤ ᠶ᠋ᠢ ᠬᠠᠵᠠᠪᠠᠯ
ᠪᠦᠬᠦ ᠪᠡᠶᠡ ᠡᠪᠡᠳᠬᠦ
1070 ᠨᠢᠭᠡ ᠴᠠᠭ ᠤ᠋ᠨ ᠡᠨᠳᠡᠭᠦᠷᠡᠯ ᠡᠴᠡ
ᠨᠢᠭᠡ ᠨᠠᠰᠤᠨ ᠤ᠋ ᠭᠡᠮᠰᠢᠯ ᠪᠣᠯᠬᠤ
1071 ᠨᠢᠭᠡ ᠴᠢᠬᠢ ᠪᠡᠷ ᠢ᠋ᠶ᠋ᠡᠨ ᠳᠤᠭᠤᠯᠤᠭᠠᠳ
ᠨᠥᠭᠦᠭᠡ ᠴᠢᠬᠢ ᠪᠡᠷ ᠢ᠋ᠶ᠋ᠡᠨ ᠭᠠᠷᠭᠠᠬᠤ
1072 ᠨᠢᠭᠡ ᠡᠬᠡ ᠡᠴᠡ ᠴᠤᠪᠤᠵᠤ ᠲᠥᠷᠥᠭᠡᠳ
ᠨᠢᠭᠡ ᠭᠡᠷ ᠲᠦ᠍ ᠪᠠᠭᠲᠠᠬᠤ ᠦᠭᠡᠢ
1073 ᠨᠢᠭᠡ ᠳ᠋ᠦ᠍ ᠳᠤᠷᠠᠯᠠᠪᠠᠯ ᠵᠢᠷᠭᠠᠯ
ᠨᠡᠮᠡᠵᠦ ᠳᠤᠷᠠᠯᠠᠪᠠᠯ ᠵᠣᠪᠠᠯᠠᠩ
1074 ᠨᠢᠭᠡ ᠶ᠋ᠢ ᠮᠡᠳᠡᠪᠡᠯ
ᠨᠡᠮᠡᠭᠡᠳ ᠬᠣᠶᠠᠷ ᠢ᠋ ᠮᠡᠳᠡᠬᠦ
1075 ᠨᠢᠭᠡ ᠶ᠋ᠢ ᠣᠯᠪᠠᠯ ᠠᠷᠪᠠ ᠶ᠋ᠢ ᠣᠯᠤᠨᠠ
ᠨᠢᠭᠡ ᠶ᠋ᠢ ᠠᠯᠳᠠᠪᠠᠯ ᠠᠷᠪᠠ ᠶ᠋ᠢ ᠠᠯᠳᠠᠨᠠ
1076 ᠨᠡᠷᠡ ᠣᠯᠬᠤ ᠨᠠᠰᠤᠨ ᠤ᠋ ᠬᠢ
ᠨᠡᠷᠡ ᠬᠤᠭᠤᠷᠠᠬᠤ ᠡᠳᠦᠷ ᠦ᠋ᠨ ᠬᠢ
1077 ᠨᠡᠷᠡ ᠨᠢᠭᠡᠲᠦ ᠶ᠋ᠢᠨ ᠴᠢᠬᠢ ᠨᠢᠭᠡ
ᠨᠢᠭᠦᠯ ᠶᠡᠬᠡᠲᠦ ᠶ᠋ᠢᠨ ᠲᠠᠮᠤ ᠨᠢᠭᠡ
1078 ᠨᠡᠷᠡ ᠬᠤᠭᠤᠷᠠᠬᠤ ᠪᠠᠷ
ᠶᠠᠰᠤ ᠬᠤᠭᠤᠷᠠ
1079 ᠨᠡᠷᠡ ᠦᠭᠡᠢ ᠵᠤᠨ᠂ ᠵᠤᠨ ᠪᠢᠰᠢ
ᠨᠠᠷᠭᠢᠶᠠᠨ ᠦᠭᠡᠢ ᠨᠠᠢᠷ᠂ ᠨᠠᠢᠷ ᠪᠢᠰᠢ
1080 ᠨᠡᠷᠡ ᠶ᠋ᠢ ᠵᠠᠯᠠᠭᠤ ᠠ᠋ᠴᠠ ᠨᠢ
ᠠᠵᠢᠯ ᠢ᠋ ᠪᠠᠭᠠ ᠠ᠋ᠴᠠ ᠨᠢ
1081 ᠨᠡᠷᠡᠯᠬᠡᠦ ᠬᠥᠮᠦᠨ ᠳ᠋ᠦ᠍ ᠬᠣᠭᠣᠯᠠ ᠦᠭᠡᠢ
ᠨᠠᠷᠢᠨ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠦᠭᠡᠢ
1082 ᠨᠡᠷᠡᠯᠬᠡᠭᠡᠳ ᠨᠡᠷᠡ ᠪᠡᠨ ᠢᠳᠡᠬᠦ ᠦᠭᠡᠢ
ᠬᠠᠷᠢᠭᠠᠳ ᠭᠡᠷ ᠢ᠋ᠶ᠋ᠡᠨ ᠢᠳᠡᠬᠦ ᠦᠭᠡᠢ
1083 ᠨᠡᠷᠡ ᠪᠡᠨ ᠪᠠᠷᠠᠭᠰᠠᠨ ᠠ᠋ᠴᠠ
ᠨᠠᠰᠤ ᠪᠠᠨ ᠪᠠᠷᠠᠭᠰᠠᠨ ᠨᠢ ᠳᠡᠭᠡᠷᠡ
1084 ᠨᠡᠷᠡ ᠪᠡᠨ ᠪᠣᠳᠣᠵᠤ ᠶᠠᠪᠤ
ᠪᠢᠷᠠ ᠪᠠᠨ ᠮᠡᠳᠡᠵᠦ ᠠᠭᠠᠰᠢᠯᠠ
1085 ᠨᠡᠷᠡ ᠪᠡᠨ ᠪᠤᠤ ᠭᠡᠭᠡ
ᠬᠦᠨᠳᠦ ᠪᠡᠨ ᠪᠤᠤ ᠠᠯᠲᠠ
1086 ᠨᠡᠷᠡ ᠪᠡᠨ ᠪᠣᠳᠣᠪᠠᠯ ᠬᠢᠴᠢᠶᠡᠵᠦ ᠶᠠᠪᠤ
ᠨᠢᠭᠤᠷ ᠢ᠋ᠶ᠋ᠠᠨ ᠪᠣᠳᠣᠪᠠᠯ ᠤᠬᠢᠶᠠᠵᠤ ᠶᠠᠪᠤ
1087 ᠨᠢᠯᠬᠠ ᠨᠣᠭᠣᠭᠠᠨ ᠳ᠋ᠤ᠌ ᠬᠤᠷᠠ ᠬᠡᠷᠡᠭ ᠲᠡᠢ
ᠨᠢᠯᠬᠠ ᠬᠡᠦᠬᠡᠳ ᠲᠦ᠍ ᠰᠤᠷᠭᠠᠯ ᠬᠡᠷᠡᠭ ᠲᠡᠢ
1088 ᠨᠢᠯᠠᠭᠠᠨᠠᠭᠤᠷ ᠵᠠᠩ ᠨᠡᠷᠡ ᠪᠠᠷᠠᠨᠠ
ᠨᠢᠯᠤᠭᠤᠨ ᠬᠥᠮᠦᠨ ᠴᠠᠭ ᠪᠠᠷᠠᠨᠠ