2155 ᠬᠠᠢᠷ ᠴᠢᠯᠠᠭᠤ ᠬᠠᠭᠠᠷᠠᠪᠠᠯ
ᠬᠠᠳᠠ ᠪᠣᠯᠬᠤ ᠳ᠋ᠤ᠌ ᠪᠡᠷᠬᠡ
2156 ᠬᠠᠢᠷᠠ ᠠ᠋ᠴᠠ ᠬᠠᠷᠠᠮ
ᠬᠠᠷᠠᠮ ᠠ᠋ᠴᠠ ᠬᠣᠷᠣᠰᠤᠯ
2157 ᠬᠠᠭᠠᠷᠠᠮᠠ ᠬᠦᠢᠲᠡᠨ ᠳ᠋ᠦ᠍ ᠬᠠᠴᠠᠷ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠ
ᠬᠠᠯᠠᠭᠤᠨ ᠨᠠᠷᠠᠨ ᠳ᠋ᠤ᠌ ᠲᠣᠯᠣᠭᠠᠢ ᠪᠠᠨ ᠬᠠᠮᠠᠭᠠᠯᠠ
2158 ᠬᠠᠢᠷᠠᠨ ᠨᠡᠷᠡ ᠶ᠋ᠢ ᠠᠯᠳᠠᠪᠠᠯ
ᠡᠷᠭᠢᠭᠦᠯᠵᠦ ᠠᠪᠬᠤ ᠳ᠋ᠤ᠌ ᠪᠡᠷᠬᠡ
2159 ᠬᠠᠢᠷᠳᠠᠭ ᠮᠣᠷᠢᠨ ᠤ᠋ ᠬᠣᠢᠭᠤᠷ ᠪᠤᠤ ᠭᠠᠷ
ᠬᠠᠯᠠᠮᠵᠢ ᠦᠭᠡᠢ ᠨᠣᠶᠠᠨ ᠤ᠋ ᠡᠮᠦᠨᠡ ᠪᠤᠤ ᠵᠢᠳᠬᠦ
2160 ᠬᠠᠢᠷᠠᠯᠠᠬᠤ ᠳ᠋ᠤ᠌ ᠬᠠᠮᠠᠷ ᠰᠢᠭᠠᠬᠤ
ᠡᠪᠦᠷᠯᠡᠬᠦ ᠳ᠋ᠦ᠍ ᠦᠷᠦ ᠢᠰᠬᠦᠯᠬᠦ
2161 ᠬᠠᠢᠷᠠᠲᠠᠢ ᠪᠣᠯ ᠬᠠᠨᠢ ᠲᠠᠢ
ᠬᠠᠷᠠᠲᠠᠢ ᠪᠣᠯ ᠬᠣᠣᠷ ᠲᠠᠢ
2162 ᠬᠠᠢᠷᠠᠲᠠᠢ ᠪᠣᠯᠪᠠᠴᠤ
ᠬᠠᠢᠴᠢ ᠪᠠᠷ ᠪᠤᠤ ᠲᠣᠭᠯᠠᠭᠤᠯ
2163 ᠬᠠᠢᠷᠬᠠᠨ ᠠᠭᠤᠯᠠ ᠶ᠋ᠢ ᠴᠠᠰᠤ ᠳᠠᠷᠤᠳᠠᠭ
ᠬᠠᠢᠷᠠᠨ ᠪᠡᠶᠡ ᠶ᠋ᠢ ᠨᠠᠰᠤ ᠳᠠᠷᠤᠳᠠᠭ
2164 ᠬᠠᠢᠬᠤᠷᠬᠤ ᠦᠭᠡᠢ ᠬᠦᠨᠳᠦ ᠦᠭᠡ ᠬᠡᠯᠡᠭᠰᠡᠨ ᠡᠴᠡ
ᠬᠠᠯᠠᠭᠤᠨ ᠨᠣᠷᠮᠠ ᠳ᠋ᠤ᠌ ᠤᠰᠤ ᠠᠰᠬᠠᠭᠰᠠᠨ ᠠᠳᠠᠯᠢ
2165 ᠬᠠᠯᠠ ᠦᠵᠡᠪᠡᠯ ᠤᠬᠠᠭᠠᠷᠠᠨᠠ
ᠭᠠᠯ ᠦᠵᠡᠪᠡᠯ ᠤᠶᠠᠷᠠᠨᠠ
2166 ᠬᠠᠯᠠ ᠦᠵᠡᠵᠦ
ᠬᠠᠯᠠᠭᠤᠨ ᠴᠢᠯᠠᠭᠤ ᠳᠣᠯᠢᠶᠠᠬᠤ
( ᠬᠠᠯᠠ ᠦᠵᠡᠵᠦ ᠬᠠᠰᠢᠷ ᠰᠠᠭᠤᠬᠤ)
2167 ᠬᠠᠯᠠᠮᠵᠢ ᠮᠠᠭᠤᠲᠠᠢ ᠨᠥᠬᠥᠷ
ᠬᠠᠷᠠ ᠡᠷᠢᠶᠡᠨ ᠮᠣᠭᠠᠢ ᠲᠠᠢ ᠠᠳᠠᠯᠢ
2168 ᠬᠠᠯᠠᠮᠵᠢ ᠦᠭᠡᠢ ᠰᠠᠳᠤᠨ ᠠ᠋ᠴᠠ
ᠬᠠᠷᠠ ᠡᠯᠢᠭᠡ ᠶ᠋ᠢᠨ ᠬᠥᠮᠦᠨ ᠳᠡᠭᠡᠷᠡ
2169 ᠬᠠᠯᠠᠮᠵᠢᠲᠠᠢ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠣᠢᠷᠠ
ᠬᠠᠵᠢᠭ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠬᠣᠯᠠ
2170 ᠬᠣᠵᠢᠭᠢᠷ ᠨᠢ ᠬᠠᠯᠵᠠᠨ ᠢ᠋ᠶ᠋ᠠᠨ
ᠬᠥᠯ ᠦᠭᠡᠢ ᠨᠢ ᠬᠠᠵᠠᠭᠠᠷ ᠢ᠋ᠶ᠋ᠠᠨ
2171 ᠬᠠᠯᠠᠭᠤᠨ ᠵᠠᠭᠤᠷᠠ ᠪᠠᠨ ᠡᠪ ᠢ᠋ᠶ᠋ᠡᠨ ᠬᠢᠴᠢᠶᠡ
ᠬᠣᠲᠠ ᠵᠠᠭᠤᠷᠠ ᠪᠠᠨ ᠮᠠᠯ ᠢ᠋ᠶ᠋ᠠᠨ ᠬᠢᠴᠢᠶᠡ
2172 ᠬᠠᠯᠠᠭᠤᠨ ᠨᠠᠷᠠᠨ ᠳ᠋ᠤ᠌ ᠬᠠᠭᠠᠯᠲᠠ
ᠬᠦᠢᠲᠡᠨ ᠵᠢᠪᠠᠷ ᠲᠤ ᠬᠥᠨᠵᠢᠯᠡ ᠪᠣᠯᠬᠤ
2173 ᠬᠠᠮᠠᠷ ᠮᠠᠭᠤ ᠥᠪᠡᠷ ᠦ᠋ᠨ ᠬᠢ
ᠬᠠᠯᠠᠮᠵᠢ ᠮᠠᠭᠤ ᠬᠠᠨᠢ ᠶ᠋ᠢᠨ ᠬᠢ
2174 ᠬᠠᠮᠪᠤ ᠯᠠᠮᠠ ᠪᠠᠨ ᠳᠣᠭᠣᠭᠰᠢ ᠪᠠᠨ ᠲᠦᠯᠬᠢᠵᠦ
ᠬᠠᠷᠢ ᠶ᠋ᠢᠨ ᠳᠠᠩᠵᠢᠶᠠᠳ ᠢ ᠳᠡᠭᠡᠭᠰᠢ ᠨᠢ ᠵᠠᠯᠠᠬᠤ
2175 ᠬᠠᠮᠠᠷ ᠤ᠋ᠨ ᠨᠢᠰᠦ ᠴᠢᠷᠠᠢ ᠳᠠᠷᠤᠨᠠ
ᠪᠡᠶᠡ ᠶ᠋ᠢᠨ ᠪᠣᠬᠢᠷ ᠨᠡᠷᠡ ᠳᠠᠷᠤᠨᠠ
2176 ᠬᠠᠮᠠᠷ ᠤ᠋ᠨ ᠨᠢᠰᠦ ᠡᠵᠡᠨ ᠢ᠋ᠶ᠋ᠡᠨ ᠳᠠᠭᠠᠨᠠ
ᠬᠠᠷᠠᠯᠠᠭ ᠪᠤᠬᠠ ᠦᠨᠢᠶᠡ ᠪᠡᠨ ᠳᠠᠭᠠᠨᠠ
2177 ᠬᠠᠮᠲᠤᠷᠠᠵᠤ ᠬᠢᠪᠡᠯ ᠴᠢᠨᠠᠷᠲᠠᠢ
ᠬᠠᠨᠢᠯᠠᠵᠤ ᠶᠠᠪᠤᠪᠠᠯ ᠬᠥᠭᠵᠢᠯ ᠲᠡᠢ
2178 ᠬᠠᠮᠲᠤᠳᠬᠠᠭᠰᠠᠨ ᠤ᠋ ᠪᠤᠶᠠᠨ ᠶᠡᠬᠡ
ᠬᠠᠭᠠᠴᠠᠭᠤᠯᠤᠭᠰᠠᠨ ᠤ᠋ ᠬᠢᠯᠢᠨᠴᠡ ᠶᠡᠬᠡ
2179 ᠬᠠᠮᠠᠭᠤ ᠲᠠᠢ ᠮᠠᠯ ᠢᠵᠢᠯᠢ ᠪᠡᠨ ᠪᠠᠷᠠᠳᠠᠭ
ᠬᠠᠷᠠ ᠰᠠᠨᠠᠭᠠ ᠪᠡᠶᠡ ᠪᠡᠨ ᠪᠠᠷᠠᠳᠠᠭ
2180 ᠬᠠᠮᠠᠭᠤᠲᠠᠢ ᠬᠥᠮᠦᠨ
ᠬᠠᠳᠠ ᠬᠠᠷᠠᠭᠠᠳ ᠢᠨᠢᠶᠡᠬᠦ
2181 ᠬᠠᠮᠬᠤᠤᠯ ᠳᠡᠭᠡᠷᠡ ᠰᠠᠭᠤᠵᠤ
ᠬᠠᠯᠠᠭᠠᠢ ᠳᠡᠭᠡᠷᠡ ᠬᠡᠪᠲᠡᠬᠦ
2182 ᠬᠠᠨᠠ ᠪᠠᠷ ᠣᠷᠣᠭᠠᠳ ᠬᠠᠭᠠᠯᠭᠠ ᠪᠠᠷ ᠪᠠᠭᠲᠠᠬᠤ ᠦᠭᠡᠢ
ᠬᠠᠭᠠᠯᠭᠠ ᠪᠠᠷ ᠣᠷᠣᠭᠠᠳ ᠭᠡᠷ ᠲᠦ᠍ ᠪᠠᠭᠲᠠᠬᠤ ᠦᠭᠡᠢ
2183 ᠬᠠᠨᠠᠲᠤ ᠭᠡᠷ ᠬᠣᠯᠠᠳᠴᠤ
ᠬᠠᠳᠠᠨ ᠭᠡᠷ ᠣᠢᠷᠠᠳᠬᠤ
2184 ᠬᠠᠨᠢ ᠪᠠᠨ ᠪᠠᠷᠢᠵᠤ
ᠢᠵᠢᠯᠢ ᠪᠡᠨ ᠢᠳᠡᠬᠦ
2185 ᠬᠠᠨᠢ ᠠ᠋ᠴᠠ ᠪᠠᠨ ᠬᠠᠭᠠᠴᠠᠬᠤ ᠪᠠᠷ
ᠬᠠᠷᠠ ᠲᠣᠯᠣᠭᠠᠢ ᠠ᠋ᠴᠠ ᠪᠠᠨ ᠬᠠᠭᠠᠴᠠ
2186 ᠬᠠᠨᠢᠯᠠᠭᠠᠳ ᠨᠥᠬᠥᠷ ᠢ᠋ᠶ᠋ᠡᠨ ᠪᠦᠦ ᠮᠠᠭᠤᠯᠠ
ᠬᠠᠯᠲᠤᠷᠢᠭᠠᠳ ᠵᠠᠮ ᠢ᠋ᠶ᠋ᠠᠨ ᠪᠦᠦ ᠮᠠᠭᠤᠯᠠ
2187 ᠬᠠᠨᠢᠯᠠᠪᠠᠯ ᠥᠲᠡᠯᠲᠡᠯᠡ ᠪᠡᠨ
ᠬᠠᠢᠷᠠᠯᠠᠪᠠᠯ ᠥᠰᠬᠡᠲᠡᠯᠡ ᠪᠡᠨ
2188 ᠬᠠᠨᠢᠯᠠᠭᠰᠠᠨ ᠢ᠋ᠶ᠋ᠠᠨ ᠬᠠᠭᠤᠷᠪᠠᠯ
ᠬᠠᠷᠠ ᠪᠡᠶᠡ ᠪᠡᠨ ᠬᠠᠭᠤᠷᠤᠨᠠ
2189 ᠬᠠᠩᠭᠢᠷᠴᠠᠭ ᠡᠮᠡᠭᠡᠯ ᠮᠣᠷᠢ ᠪᠠᠨ ᠪᠠᠷᠠᠬᠤ
ᠬᠠᠷᠢᠶᠠᠯᠴᠢ ᠡᠬᠡᠨᠡᠷ ᠬᠠᠨᠢ ᠪᠠᠨ ᠵᠣᠪᠠᠭᠠᠬᠤ
2190 ᠬᠠᠨᠠ ᠶ᠋ᠢᠨ ᠢᠷᠣᠭᠠᠷ ᠲᠤ ᠲᠥᠷᠥᠵᠦ
ᠬᠠᠳᠠᠨ ᠤ᠋ ᠢᠷᠣᠭᠠᠷ ᠲᠤ᠌ ᠬᠡᠪᠲᠡᠳᠡᠭ
2191 ᠬᠠᠷᠠ ᠭᠡᠷ ᠲᠡᠭᠡᠨ ᠬᠠᠭᠠᠨ
ᠪᠣᠷᠣ ᠭᠡᠷ ᠲᠡᠭᠡᠨ ᠪᠣᠭᠳᠠ
2192 ᠬᠠᠷᠠ ᠨᠣᠬᠠᠢ ᠡᠭᠦᠳᠡᠨ ᠳ᠋ᠦ᠍ ᠪᠤᠭ
ᠬᠠᠷᠠᠮᠴᠢ ᠡᠬᠡᠨᠡᠷ ᠭᠡᠢᠴᠢᠨ ᠳ᠋ᠦ᠍ ᠪᠤᠭ
2193 ᠬᠠᠷᠠ ᠨᠣᠬᠠᠢ ᠬᠣᠲᠠ ᠶ᠋ᠢᠨ ᠶᠠᠩᠰᠢᠶᠠ
ᠬᠠᠷᠠᠮᠴᠢ ᠡᠷᠡ ᠭᠡᠷ ᠦ᠋ᠨ ᠶᠠᠩᠰᠢᠶᠠ
2194 ᠬᠠᠷᠠ ᠰᠠᠨᠠᠭᠠ ᠪᠡᠶᠡ ᠪᠡᠨ ᠣᠳᠤᠨᠠ
ᠬᠠᠰᠠᠭ ᠲᠡᠷᠭᠡ ᠪᠤᠬᠠ ᠪᠠᠨ ᠢᠳᠡᠨᠡ
2195 ᠬᠠᠷᠠ ᠰᠠᠨᠠᠭᠠ ᠬᠣᠣᠷ
ᠬᠠᠷᠠᠮᠴᠢ ᠰᠡᠳᠬᠢᠯ ᠲᠤᠱᠠ (ᠲᠤᠰᠢᠶᠠ)
2196 ᠬᠠᠷᠠ ᠦᠬᠡᠷ ᠡᠴᠡ ᠴᠠᠭᠠᠨ ᠲᠤᠭᠤᠯ ᠭᠠᠷᠬᠤ
ᠬᠤᠷᠴᠠ ᠬᠥᠮᠦᠨ ᠡᠴᠡ ᠡᠷᠳᠡᠮᠲᠦ ᠬᠦᠦ ᠲᠥᠷᠥᠬᠦ
2197 ᠬᠠᠷᠠ ᠬᠥᠮᠦᠨ ᠦ᠌ ᠲᠥᠯᠥᠭᠡ
ᠰᠢᠷᠠ ᠬᠥᠮᠦᠨ ᠵᠢᠳᠬᠦᠬᠦ
2198 ᠬᠠᠷᠠ ᠬᠡᠷᠢᠶᠡ ᠮᠢᠬᠠᠨ ᠳ᠋ᠤ᠌ ᠳᠤᠷᠠᠲᠠᠢ
ᠬᠠᠷᠭᠢᠰ ᠨᠣᠶᠠᠨ ᠵᠢᠩᠰᠡᠨ ᠳ᠋ᠦ᠍ ᠳᠤᠷᠠᠲᠠᠢ
2199 ᠬᠠᠷᠠ ᠬᠡᠷᠢᠶᠡ ᠤᠯᠠᠢ ᠳᠡᠭᠡᠷᠡ
ᠬᠠᠭᠠᠳ ᠨᠣᠶᠠᠳ ᠬᠠᠤᠯᠢ ᠳᠡᠭᠡᠷᠡ
2200 ᠬᠠᠷᠠ ᠬᠡᠷᠢᠶᠡ ᠴᠠᠭᠠᠨ ᠪᠣᠯᠬᠤ ᠦᠭᠡᠢ
ᠬᠠᠮᠤᠭ ᠠᠮᠢᠲᠠᠨ ᠪᠤᠷᠬᠠᠨ ᠪᠣᠯᠬᠤ ᠦᠭᠡᠢ
2201 ᠬᠠᠷᠠ ᠢᠮᠠᠭᠠᠨ ᠠ᠋ᠴᠠ ᠬᠠᠯᠲᠠᠷ ᠢᠰᠢᠭᠡ
ᠬᠠᠷᠢᠶᠠᠯᠴᠢ ᠡᠮᠡ ᠡᠴᠡ ᠬᠡᠷᠡᠭᠦᠯᠴᠢ ᠥᠬᠢᠨ
2202 ᠬᠠᠷᠢᠶᠠᠯ ᠬᠠᠷᠢᠭᠤ ᠦᠭᠡᠢ
ᠢᠷᠦᠭᠡᠯ ᠦᠷᠡ ᠲᠡᠢ
2203 ᠬᠠᠷᠢᠶᠠᠯᠴᠢ ᠡᠬᠡᠨᠡᠷ ᠡᠴᠡ
ᠬᠠᠪᠠ ᠨᠣᠬᠠᠢ ᠳᠡᠭᠡᠷᠡ᠃
2204 ᠬᠠᠷᠢᠶᠠᠯ ᠤ᠋ᠨ ᠦᠵᠦᠭᠦᠷ ᠲᠦ᠍ ᠴᠢᠰᠤ
ᠢᠷᠦᠭᠡᠯ ᠦ᠋ᠨ ᠦᠵᠦᠭᠦᠷ ᠲᠦ᠍ ᠲᠣᠰᠣ
2205 ᠬᠠᠷᠠᠢᠬᠤ ᠳ᠋ᠤ᠌ ᠬᠥᠯ ᠪᠣᠯᠵᠤ
ᠬᠠᠵᠠᠢᠬᠤ ᠳ᠋ᠤ᠌ ᠲᠦᠰᠢᠭ ᠪᠣᠯᠬᠤ
2206 ᠬᠠᠷᠠᠮᠯᠠᠭᠰᠠᠨ( ᠬᠠᠷᠠᠮᠨᠠᠭᠰᠠᠨ) ᠶᠠᠭᠤᠮᠠ
ᠬᠠᠷᠠ ᠨᠣᠬᠠᠢ ᠶ᠋ᠢᠨ ᠬᠣᠭᠣᠯᠠ ᠪᠣᠯᠬᠤ
2207 ᠬᠠᠷᠠᠮᠯᠠᠭᠰᠠᠨ( ᠬᠠᠷᠠᠮᠨᠠᠭᠰᠠᠨ) ᠢ᠋
ᠬᠠᠷᠠ ᠨᠣᠬᠠᠢ ᠳᠣᠯᠢᠶᠠᠵᠤ
ᠬᠠᠢᠷᠠᠯᠠᠭᠰᠠᠨ ᠢ᠋
ᠰᠢᠷᠠ ᠨᠣᠬᠠᠢ ᠬᠤᠯᠠᠭᠠᠢᠯᠠᠬᠤ
2208 ᠬᠠᠷᠠᠮᠴᠢ ᠪᠠᠶᠠᠨ ᠬᠣᠭᠣᠰᠣᠨ ᠠ᠋ᠴᠠ ᠳᠣᠣᠷᠠ
ᠬᠠᠷᠠᠲᠠᠢ ᠰᠡᠴᠡᠨ ᠲᠡᠨᠡᠭ ᠡᠴᠡ ᠳᠣᠣᠷᠠ
2209 ᠬᠠᠷᠠᠮᠴᠢ ᠰᠡᠳᠬᠢᠯ ᠬᠣᠪᠳᠣᠭ ᠰᠠᠨᠠᠭᠠ
ᠬᠠᠷᠠ ᠲᠣᠯᠣᠭᠠᠢ ᠳ᠋ᠤ᠌ ᠳᠠᠷᠤᠯᠲᠠ ᠪᠣᠯᠬᠤ
2210 ᠬᠠᠷᠠᠮᠴᠢ ᠬᠥᠮᠦᠨ ᠪᠠᠶᠠᠨ ᠪᠣᠯᠳᠠᠭ
ᠬᠠᠲᠠᠭᠤ ᠬᠥᠮᠦᠨ ᠨᠣᠶᠠᠨ ᠪᠣᠯᠳᠠᠭ
2211 ᠬᠠᠷᠠᠮᠴᠢ ᠬᠥᠮᠦᠨ ᠬᠠᠨᠢ ᠳ᠋ᠠᠭᠠᠨ ᠬᠠᠯᠠ ᠲᠠᠢ
ᠬᠠᠳᠤᠷᠭᠠᠴᠢ ᠭᠠᠬᠠᠢ ᠵᠤᠯᠵᠠᠭᠠᠨ ᠳ᠋ᠠᠭᠠᠨ ᠬᠠᠯᠠ ᠲᠠᠢ
2212 ᠬᠠᠷᠠᠮᠴᠢ ᠬᠥᠮᠦᠨ ᠳ᠋ᠦ᠍ ᠬᠠᠨᠢ ᠬᠣᠯᠠ
ᠬᠠᠱᠠᠩ ᠮᠣᠷᠢᠨ ᠳ᠋ᠤ᠌ ᠭᠠᠵᠠᠷ ᠬᠣᠯᠠ
2213 ᠬᠠᠷᠠᠮᠴᠢ ᠬᠥᠮᠦᠨ ᠳ᠋ᠦ᠍ ᠬᠠᠨᠢ ᠦᠭᠡᠢ
ᠬᠠᠷᠠ ᠤᠰᠤᠨ ᠳ᠋ᠤ᠌ ᠥᠷᠥᠮᠡ ᠦᠭᠡᠢ
2214 ᠬᠠᠷᠠᠮᠴᠢ ᠬᠥᠮᠦᠨ ᠦ᠌ ᠰᠠᠨᠠᠭᠠ ᠳᠦᠭᠦᠷᠳᠡᠭ ᠦᠭᠡᠢ
ᠬᠠᠷᠠ ᠨᠣᠬᠠᠢ ᠶ᠋ᠢᠨ ᠭᠡᠳᠡᠰᠦ ᠴᠠᠳᠳᠠᠭ ᠦᠭᠡᠢ
2215 ᠬᠠᠷᠠᠮᠴᠢ ᠬᠥᠮᠦᠨ ᠦ᠌ ᠦᠭᠡᠢ ᠣᠯᠠᠨ
ᠬᠣᠣᠷᠲᠤ ᠬᠥᠮᠦᠨ ᠦ᠌ ᠮᠡᠬᠡ ᠣᠯᠠᠨ
2216 ᠬᠠᠷᠠᠮᠴᠢ ᠡᠵᠡᠨ ᠦ᠌
ᠬᠢᠲᠤᠭᠠ ᠮᠣᠬᠣᠭᠣ
2217 ᠬᠠᠷᠠᠩᠭᠤᠢ ᠰᠥᠨᠢ ᠭᠠᠵᠠᠷ ᠬᠣᠯᠠ
ᠬᠠᠷᠠᠮᠴᠢ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠬᠣᠯᠠ
2218 ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢᠨ ᠵᠡᠭᠦᠳᠦ
ᠭᠡᠭᠡᠨ ᠡᠳᠦᠷ ᠦ᠋ᠨ ᠪᠣᠳᠣᠯ ᠪᠣᠯᠬᠤ
2219 ᠬᠠᠷᠠᠩᠭᠤᠢ ᠶ᠋ᠢ ᠭᠡᠷᠡᠯ ᠢᠳᠡᠳᠡᠭ
ᠬᠠᠲᠠᠭᠤ ᠶ᠋ᠢ ᠵᠥᠭᠡᠯᠡᠨ ᠢᠳᠡᠳᠡᠭ
2220 ᠬᠠᠷᠠᠩᠭᠤᠢ ᠶ᠋ᠢ ᠲᠤᠭᠤᠯᠪᠠᠯ
ᠭᠡᠭᠡ ᠶ᠋ᠢ ᠦᠵᠡᠨᠡ
ᠬᠠᠲᠠᠭᠤ ᠶ᠋ᠢ ᠲᠤᠭᠤᠯᠪᠠᠯ
ᠵᠢᠷᠭᠠᠯ ᠢ᠋ ᠡᠳ᠋ᠯᠡᠨᠡ
2221 ᠬᠠᠷᠠᠩᠭᠤᠢ ᠳ᠋ᠤ᠌ ᠵᠤᠯᠠ ᠪᠣᠯᠵᠤ
ᠬᠠᠯᠠᠭᠤᠨ ᠳ᠋ᠤ᠌ ᠰᠡᠭᠦᠳᠡᠷ ᠪᠣᠯᠬᠤ
2222 ᠬᠠᠷᠠᠬᠤ ᠨᠢᠳᠦᠨ ᠦ᠌ ᠴᠡᠴᠡᠭᠡᠢ ᠮᠡᠲᠦ
ᠬᠠᠯᠠᠭᠤᠨ ᠵᠢᠷᠦᠬᠡᠨ ᠦ᠌ ᠲᠣᠯᠢ ᠮᠡᠲᠦ
2223 ᠬᠠᠷᠪᠤᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠮᠡᠷᠭᠡᠨ ᠣᠯᠠᠨ
ᠪᠠᠷᠢᠯᠳᠤᠭᠠ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠪᠥᠬᠡ ᠣᠯᠠᠨ
2224 ᠬᠠᠷᠪᠤᠭᠰᠠᠨ ᠰᠤᠮᠤ
ᠬᠠᠷᠢᠵᠤ ᠢᠷᠡᠳᠡᠭ ᠦᠭᠡᠢ
2225 ᠬᠠᠷᠭᠢᠰ ᠭᠡᠭᠴᠢ ᠮᠠᠭᠤ ᠡᠷᠡ ᠶ᠋ᠢᠨ ᠶᠠᠪᠤᠳᠠᠯ
ᠰᠢᠳᠤᠷᠭᠤ ᠭᠡᠭᠴᠢ ᠴᠢᠳᠠᠯᠲᠠᠢ ᠬᠥᠮᠦᠨ ᠦ᠌ ᠶᠣᠰᠣ
2226 ᠬᠠᠷᠢᠮᠠᠲᠠᠭᠠᠢ ᠬᠥᠮᠦᠨ ᠦ᠌ ᠬᠠᠯᠠᠰᠢᠷᠠᠬᠤ ᠨᠢ ᠣᠯᠠᠨ
ᠬᠠᠵᠢᠭ ᠬᠥᠮᠦᠨ ᠦ᠌ ᠤᠴᠠᠭᠠᠷᠯᠠᠬᠤ ᠨᠢ ᠣᠯᠠᠨ
2227 ᠬᠠᠷᠢᠬᠤ ᠰᠢᠪᠠᠭᠤᠨ ᠤ᠋ ᠨᠢᠰᠬᠦ ᠨᠢ ᠣᠨᠳᠣᠣ
ᠬᠠᠨᠢᠯᠠᠬᠤ ᠬᠥᠮᠦᠨ ᠦ᠌ ᠬᠠᠷᠠᠬᠤ ᠨᠢ ᠣᠨᠳᠣᠣ
2228 ᠬᠠᠷᠠᠴᠤ ᠬᠥᠮᠦᠨ ᠠᠷᠢᠬᠢ ᠤᠤᠭᠤᠪᠠᠯ
ᠬᠠᠭᠠᠨ ᠲᠠᠢ ᠠᠳᠠᠯᠢ ᠠᠭᠠᠰᠢᠯᠠᠬᠤ
2229 ᠬᠠᠷᠠ ᠶ᠋ᠢ ᠴᠠᠭᠠᠨ ᠪᠣᠯᠭᠠᠵᠤ
ᠬᠤᠯᠤᠭᠠᠨᠠ ᠶ᠋ᠢ ᠵᠠᠭᠠᠨ ᠪᠣᠯᠭᠠᠬᠤ
2230 ᠬᠠᠷᠢ ᠳ᠋ᠤ᠌ ᠥᠭᠭᠦᠭᠰᠡᠨ ᠬᠡᠦᠬᠡᠨ
ᠬᠠᠳᠠᠨ ᠳ᠋ᠤ᠌ ᠬᠠᠷᠪᠤᠭᠰᠠᠨ ᠰᠤᠮᠤ
2231 ᠬᠠᠳᠬᠤᠯᠳᠤᠬᠤ ᠳᠠᠢᠰᠤᠨ ᠳ᠋ᠤ᠌
ᠠᠮᠢ ᠪᠠᠨ ᠪᠤᠤ ᠬᠠᠢᠷᠠᠯᠠ
ᠬᠠᠯᠠᠮᠵᠢᠯᠠᠬᠤ ᠬᠥᠮᠦᠨ ᠳ᠋ᠦ᠍
ᠶᠠᠭᠤᠮᠠ ᠪᠠᠨ ᠪᠤᠤ ᠬᠠᠢᠷᠠᠯᠠ
2232 ᠬᠠᠲᠠᠷᠢᠶᠠᠴᠢ ᠮᠣᠷᠢᠨ ᠤ᠋ ᠬᠣᠨᠳᠣᠯᠠᠢ ᠨᠣᠢᠲᠠᠨ
ᠬᠠᠷᠢᠶᠠᠯᠴᠢ ᠡᠬᠡᠨᠡᠷ ᠦ᠋ᠨ ᠠᠮᠠ ᠨᠣᠢᠲᠠᠨ
2233 ᠬᠠᠲᠠᠭᠰᠠᠨ ᠲᠣᠭᠣᠷᠢᠮ ᠠ᠋ᠴᠠ ᠬᠠᠮᠤᠭ ᠰᠢᠪᠠᠭᠤ ᠵᠠᠢᠯᠠᠨᠠ
ᠬᠠᠷᠠ ᠳᠣᠲᠣᠷᠠᠲᠠᠨ ᠠ᠋ᠴᠠ ᠬᠠᠨᠢ ᠨᠥᠬᠥᠷ ᠵᠠᠢᠯᠠᠨᠠ
2234 ᠬᠠᠲᠠᠭᠰᠠᠨ ᠨᠠᠪᠴᠢ ᠱᠠᠷᠴᠢᠭᠢᠨᠠᠪᠠᠯ
ᠬᠠᠷᠠ ᠰᠠᠯᠬᠢ ᠭᠠᠷᠤᠨᠠ
ᠬᠠᠷᠠ ᠰᠢᠷᠭᠤᠯᠵᠢ ᠣᠪᠣᠭᠠᠷᠠᠯᠳᠤᠪᠠᠯ
ᠬᠤᠷᠠ ᠪᠣᠷᠣᠭᠠ ᠣᠷᠣᠨᠠ
2235 ᠬᠠᠲᠠᠭᠤ ᠭᠠᠵᠠᠷ ᠪᠠᠭᠤᠪᠠᠯ
ᠣᠷᠣᠬᠤ ᠭᠠᠷᠬᠤ ᠳ᠋ᠤ᠌ ᠮᠠᠲᠠᠯ ᠲᠠᠢ
ᠬᠠᠷᠠᠮᠴᠢ ᠪᠡᠷᠢ ᠲᠡᠢ ᠪᠣᠯᠪᠠᠯ
ᠬᠤᠷᠢᠮ ᠬᠢᠬᠦ ᠳ᠋ᠦ᠍ ᠶᠠᠪᠤᠳᠠᠯ ᠲᠠᠢ
2236 ᠬᠠᠲᠠᠭᠤ ᠰᠡᠳᠬᠢᠯ ᠵᠢᠳᠠ
ᠬᠠᠷᠠ ᠰᠠᠨᠠᠭᠠ ᠬᠣᠣᠷ
2237 ᠬᠠᠲᠠᠭᠤᠵᠢᠵᠤ ᠶᠠᠪᠤᠪᠠᠯ ᠠᠰᠢᠳᠠ ᠲᠤᠰᠠᠲᠠᠢ
ᠦᠨᠡᠨᠴᠢ ᠶᠠᠪᠤᠪᠠᠯ ᠡᠭᠦᠷᠢᠳᠡ ᠲᠤᠰᠠᠲᠠᠢ
2238 ᠬᠠᠬᠠᠭᠰᠠᠨ ᠳᠡᠭᠡᠷᠡ ᠨᠢ ᠨᠢᠳᠤᠷᠴᠤ
ᠬᠠᠵᠠᠢᠭᠰᠠᠨ ᠳᠡᠭᠡᠷᠡ ᠨᠢ ᠲᠦᠯᠬᠢᠬᠦ
2239 ᠬᠠᠴᠠᠷ ᠤ᠋ᠨ ᠭᠬᠢᠷ ᠢ᠋ ᠤᠬᠢᠶᠠᠬᠤ ᠳ᠋ᠤ᠌ ᠠᠷᠢᠯᠤᠨᠠ
ᠬᠠᠷᠠ ᠰᠠᠨᠠᠭᠠ ᠶ᠋ᠢ ᠬᠤᠰᠤᠪᠠᠴᠤ ᠠᠷᠢᠯᠬᠤ ᠦᠭᠡᠢ
2240 ᠬᠠᠰᠢᠶᠠ ᠮᠠᠭᠤᠲᠠᠢ ᠪᠣᠯ
ᠮᠠᠯ ᠢ᠋ᠶ᠋ᠠᠨ ᠠᠯᠳᠠᠬᠤ ᠶ᠋ᠢᠨ ᠲᠡᠮᠳᠡᠭ
2241 ᠬᠠᠨᠢ ᠮᠠᠭᠤᠲᠠᠢ ᠪᠣᠯ
ᠬᠥᠮᠦᠨ ᠢ᠋ᠶ᠋ᠡᠨ ᠠᠯᠳᠠᠬᠤ ᠶ᠋ᠢᠨ ᠲᠡᠮᠳᠡᠭ
2242 ᠬᠢᠪᠡᠯ ᠪᠤᠤ ᠠᠶᠤ
ᠠᠶᠤᠪᠠᠯ ᠪᠤᠤ ᠬᠢ
2243 ᠬᠡᠢᠮᠣᠷᠢ ᠨᠢ ᠳᠣᠷᠣᠢᠲᠠᠵᠤ
ᠬᠡᠰᠢᠭ ᠪᠤᠶᠠᠨ ᠨᠢ ᠵᠠᠢᠯᠠᠬᠤ
2244 ᠬᠢᠭᠰᠡᠨ ᠠᠵᠢᠯ ᠢ᠋ᠶ᠋ᠠᠨ ᠡᠷᠭᠢᠵᠦ ᠬᠠᠷᠠ
ᠬᠡᠯᠡᠭᠰᠡᠨ ᠦᠭᠡ ᠪᠡᠨ ᠡᠷᠭᠢᠭᠦᠯᠵᠦ ᠪᠣᠳᠣ
2245 ᠬᠢᠬᠦ ᠦᠭᠡᠢ ᠬᠥᠮᠦᠨ ᠦ᠌ ᠦᠭᠡ ᠨᠢ ᠣᠯᠠᠨ
ᠬᠥᠭᠵᠢᠬᠦ ᠦᠭᠡᠢ ᠭᠠᠯ ᠤ᠋ᠨ ᠤᠲᠤᠭᠠ ᠨᠢ ᠶᠡᠬᠡ
2246 ᠬᠢᠬᠦ ᠳ᠋ᠦ᠍ ᠪᠤᠤ ᠵᠠᠯᠬᠠᠭᠤᠷᠠ
ᠰᠤᠷᠬᠤ ᠳ᠋ᠤ᠌ ᠪᠤᠤ ᠮᠡᠳᠡᠮᠡᠬᠡᠢᠷᠡ
2247 ᠬᠢᠯᠢᠩ ᠶᠡᠬᠡᠲᠦ ᠶ᠋ᠢ ᠠᠷᠭᠠ ᠪᠠᠷ
ᠬᠢᠯᠢᠨᠴᠡ ᠶᠡᠬᠡᠲᠦ ᠶ᠋ᠢ ᠨᠣᠮ ᠢ᠋ᠶ᠋ᠠᠷ
2248 ᠬᠢᠯᠢᠩ ᠬᠣᠷᠣᠰᠤᠯ ᠠ᠋ᠴᠠ ᠭᠠᠷᠤᠨᠠ
ᠬᠢᠯᠢᠰ ᠪᠤᠷᠤᠭᠤ ᠠ᠋ᠴᠠ ᠭᠠᠷᠤᠨᠠ
2249 ᠬᠢᠷᠢ ᠪᠡᠨ ᠮᠡᠳᠡᠵᠦ
ᠪᠢᠷᠠ ᠪᠠᠨ ᠲᠠᠨᠢ
2250 ᠬᠢᠷᠢ ᠪᠡᠨ ᠮᠡᠳᠡᠬᠦ ᠦᠭᠡᠢ ᠳᠡᠭᠡᠷᠡᠩᠭᠦᠢ ᠵᠠᠩ
ᠬᠢᠭᠰᠡᠨ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠮᠡᠯᠵᠢᠬᠦ ᠵᠠᠩ
2251 ᠬᠢᠷᠢ ᠪᠡᠨ ᠮᠡᠳᠡᠬᠦ ᠦᠭᠡᠢ ᠬᠡᠷᠢᠶᠡ
ᠯᠤᠤ ᠶ᠋ᠢᠨ ᠮᠢᠬᠠᠨ ᠳ᠋ᠤ᠌ ᠳᠤᠷᠠᠯᠠᠬᠤ
2252 ᠬᠢᠷᠢ ᠡᠴᠡ ᠪᠡᠨ ᠢᠯᠡᠭᠦᠦ ᠬᠡᠲᠦᠷᠡᠳᠡᠭ ᠦᠭᠡᠢ
ᠬᠡᠮᠵᠢᠶᠡ ᠡᠴᠡ ᠪᠡᠨ ᠢᠯᠡᠭᠦᠦ ᠥᠭᠳᠡᠭ ᠦᠭᠡᠢ
2253 ᠬᠢᠴᠢᠶᠡᠭᠰᠡᠨ ᠬᠥᠮᠦᠨ ᠦ᠌ ᠭᠡᠳᠡᠰᠦ ᠴᠠᠳᠬᠤᠯᠠᠩ
ᠵᠠᠯᠬᠠᠭᠤᠷᠠᠭᠰᠠᠨ ᠬᠥᠮᠦᠨ ᠦ᠌ ᠭᠡᠳᠡᠰᠦ ᠥᠯᠥᠰᠬᠦᠯᠡᠩ
2254 ᠬᠡᠰᠢᠭ ᠦᠭᠡᠢ ᠬᠥᠮᠦᠨ ᠦ᠌ ᠠᠮᠠᠨ ᠳ᠋ᠤ᠌
ᠬᠡᠰᠢᠭ ᠲᠡᠢ ᠬᠣᠭᠣᠯᠠ ᠣᠷᠣᠳᠠᠭ ᠦᠭᠡᠢ
2255 ᠬᠣᠪ ᠵᠥᠭᠡᠭᠡᠭᠰᠡᠨ ᠬᠥᠮᠦᠨ ᠦ᠌ ᠠᠮᠠ ᠵᠠᠪ ᠦᠭᠡᠢ
ᠬᠣᠮᠣᠯ ᠲᠡᠭᠦᠭᠰᠡᠨ ᠬᠥᠮᠦᠨ ᠦ᠌ ᠭᠠᠷ ᠵᠠᠪ ᠦᠭᠡᠢ
2256 ᠬᠣᠪ ᠦᠭᠡ ᠲᠤᠰᠠ ᠦᠭᠡᠢ
ᠬᠣᠨᠢᠨ ᠤ᠋ ᠪᠦᠯᠡᠬᠡ ᠱᠥᠯᠥ ᠦᠭᠡᠢ
2257 ᠬᠣᠪᠳᠣᠭ ᠬᠥᠮᠦᠨ ᠬᠡᠷᠢᠶᠡ ᠲᠡᠢ ᠠᠳᠠᠯᠢ
ᠬᠣᠪᠴᠢ ᠬᠥᠮᠦᠨ ᠨᠣᠬᠠᠢ ᠲᠠᠢ ᠠᠳᠠᠯᠢ
2258 ᠬᠣᠪᠳᠣᠭ ᠬᠥᠮᠦᠨ ᠦ᠌
ᠬᠦᠰᠡᠯ ᠨᠢ ᠬᠠᠨᠳᠠᠭ ᠦᠭᠡᠢ
2259 ᠬᠣᠪᠳᠣᠭ ᠬᠥᠮᠦᠨ ᠦ᠌
ᠰᠠᠨᠠᠭᠠ ᠬᠠᠩᠬᠤ ᠦᠭᠡᠢ
ᠬᠣᠣᠷᠲᠤ ᠬᠥᠮᠦᠨ ᠦ᠌
ᠰᠡᠳᠬᠢᠯ ᠵᠥᠭᠡᠯᠡᠷᠡᠬᠦ ᠦᠭᠡᠢ
2260 ᠬᠣᠪᠳᠣᠭ ᠬᠥᠮᠦᠨ ᠦ᠌ ᠬᠣᠳᠣᠭᠣᠳᠣ
ᠬᠣᠪᠴᠢ ᠬᠥᠮᠦᠨ ᠦ᠌ ᠬᠣᠩᠰᠢᠶᠠᠷ
2261 ᠬᠣᠪ ᠲᠤ ᠠᠰᠢᠭ ᠦᠭᠡᠢ
ᠬᠤᠳᠠᠯ ᠳ᠋ᠤ᠌ ᠦᠨᠡ ᠦᠭᠡᠢ
2262 ᠬᠣᠪ ᠢ᠋ᠶ᠋ᠠᠷ ᠬᠣᠭᠣᠯᠠ ᠬᠢᠬᠦ
ᠬᠣᠣᠷᠠᠵᠠ ᠪᠠᠷ ᠤᠮᠳᠠ ᠬᠢᠬᠦ
2263 ᠬᠣᠪᠴᠢ ᠬᠥᠮᠦᠨ ᠠᠢᠯ ᠡᠪᠳᠡᠨᠡ
ᠬᠣᠪᠳᠣᠭ ᠨᠣᠬᠠᠢ ᠭᠡᠷ ᠪᠤᠵᠠᠷᠯᠠᠨᠠ
2264 ᠬᠣᠪᠴᠢ ᠬᠥᠮᠦᠨ ᠬᠣᠰᠢᠭᠤ ᠪᠠᠨ ᠴᠢᠰᠤᠳᠠᠳᠠᠭ
ᠢᠷᠦᠭᠡᠯᠴᠢ ᠬᠥᠮᠦᠨ ᠬᠣᠰᠢᠭᠤ ᠪᠠᠨ ᠲᠣᠰᠣᠳᠠᠳᠠᠭ
2265 ᠬᠣᠪᠴᠢ ᠬᠥᠮᠦᠨ ᠳ᠋ᠦ᠍ ᠨᠣᠶᠠᠨ ᠠᠮᠠᠷᠠᠭ
ᠪᠠᠭᠠᠷᠠᠩ ᠬᠥᠮᠦᠨ ᠳ᠋ᠦ᠍ ᠨᠣᠬᠠᠢ ᠠᠮᠠᠷᠠᠭ
2266 ᠬᠣᠪᠴᠢ ᠬᠥᠮᠦᠨ ᠦ᠌ ᠬᠣᠩᠰᠢᠶᠠᠷ
ᠬᠣᠣᠷᠲᠤ ᠮᠣᠭᠠᠢ ᠶ᠋ᠢᠨ ᠰᠢᠳᠦ
2267 ᠬᠣᠪᠴᠢ ᠬᠥᠮᠦᠨ ᠲᠡᠢ ᠶᠠᠷᠢᠯᠴᠠᠪᠠᠯ
ᠬᠥᠮᠦᠨ ᠦ᠌ ᠮᠠᠭᠤ ᠶᠢ ᠲᠤᠭᠤᠯᠬᠤ
ᠬᠤᠳᠠᠯᠴᠢ ᠬᠥᠮᠦᠨ ᠲᠡᠢ ᠠᠭᠤᠯᠵᠠᠪᠠᠯ
ᠥᠪᠡᠷ ᠦ᠋ᠨ ᠢᠶᠠᠨ ᠮᠠᠭᠤ ᠶ᠋ᠢ ᠮᠡᠳᠡᠬᠦ
2268 ᠬᠣᠭ ᠨᠣᠪᠰᠢ ᠦᠭᠡᠢ ᠪᠣᠯ ᠭᠡᠷ ᠴᠡᠪᠡᠷ
ᠬᠡᠷᠡᠭᠦᠯ ᠱᠤᠤᠭᠢᠶᠠᠨ ᠦᠭᠡᠢ ᠪᠣᠯ ᠰᠡᠳᠬᠢᠯ ᠠᠮᠤᠷ
2269 ᠬᠣᠳᠣᠭᠣᠳᠣ ᠨᠢ ᠴᠠᠳᠪᠠᠴᠤ
ᠬᠣᠮᠣᠬᠠᠢ ᠰᠡᠳᠬᠢᠯ ᠨᠢ ᠴᠠᠳᠬᠤ ᠦᠭᠡᠢ
2270 ᠬᠣᠶᠠᠷ ᠪᠡᠶᠡ ᠲᠠᠭᠠᠷᠠᠬᠤ ᠦᠭᠡᠢ ᠪᠣᠯ
ᠰᠠᠯᠬᠤ ᠶ᠋ᠢᠨ ᠲᠡᠮᠳᠡᠭ
ᠬᠣᠭᠣᠯᠠ ᠤᠮᠳᠠ ᠪᠠᠨ ᠭᠣᠯᠣᠪᠠᠯ
ᠥᠯᠥᠰᠬᠦ ᠶ᠋ᠢᠨ ᠲᠡᠮᠳᠡᠭ
2271 ᠬᠣᠶᠠᠷ ᠳᠠᠯᠠᠢ ᠬᠣᠯᠠ ᠣᠷᠣᠰᠢᠪᠠᠴᠤ
ᠠᠭᠤᠷ ᠮᠠᠨᠠᠨ ᠢ᠋ᠶ᠋ᠠᠷ ᠨᠡᠢᠯᠡᠳᠡᠭ
ᠬᠣᠶᠠᠷ ᠬᠥᠮᠦᠨ ᠬᠣᠯᠠ ᠲᠥᠷᠥᠪᠡᠴᠦ
ᠶᠠᠪᠤᠳᠠᠯ ᠵᠠᠮ ᠳ᠋ᠠᠭᠠᠨ ᠤᠴᠠᠷᠠᠳᠠᠭ
2272 ᠬᠣᠶᠠᠷ ᠨᠠᠷᠠ ᠭᠠᠷᠪᠠᠯ
ᠬᠤᠳᠳᠤᠭ ᠤ᠋ᠨ ᠤᠰᠤ ᠰᠢᠷᠭᠢᠨᠡ
ᠬᠣᠶᠠᠷ ᠬᠠᠭᠠᠨ ᠰᠠᠭᠤᠪᠠᠯ
ᠬᠠᠮᠤᠭ ᠤᠯᠤᠰ ᠮᠥᠬᠥᠨᠡ
2273 ᠬᠣᠶᠠᠷ ᠨᠣᠬᠠᠢ ᠶ᠋ᠢᠨ ᠬᠣᠭᠣᠷᠣᠨᠳᠣ
ᠶᠠᠰᠤ ᠪᠢᠲᠡᠭᠡᠢ ᠬᠠᠶᠠ
ᠬᠣᠶᠠᠷ ᠨᠥᠬᠥᠷ ᠦ᠋ᠨ ᠬᠣᠭᠣᠷᠣᠨᠳᠣ
ᠬᠣᠪ ᠪᠢᠲᠡᠭᠡᠢ ᠵᠥᠭᠡᠭᠡ
2274 ᠬᠣᠶᠠᠷ ᠰᠠᠢᠨ ᠬᠥᠮᠦᠨ ᠬᠠᠷᠰᠢ ᠪᠣᠯᠤᠯᠴᠠᠬᠤ ᠦᠭᠡᠢ
ᠬᠣᠶᠠᠷ ᠮᠠᠭᠤ ᠬᠥᠮᠦᠨ ᠬᠦᠷᠰᠢ ᠪᠣᠯᠤᠯᠴᠠᠬᠤ ᠦᠭᠡᠢ
2275 ᠬᠣᠶᠠᠷ ᠰᠡᠯᠡᠮᠡ
ᠨᠢᠭᠡ ᠬᠤᠢ ᠳ᠋ᠤ᠌ ᠪᠠᠭᠲᠠᠬᠤ ᠦᠭᠡᠢ
2276 ᠬᠣᠶᠠᠷ ᠬᠥᠮᠦᠨ ᠬᠡᠷᠡᠯᠳᠦᠬᠦ ᠳ᠋ᠦ᠍
ᠬᠣᠷᠢᠨ ᠬᠥᠮᠦᠨ ᠰᠠᠯᠭᠠᠳᠠᠭ
2277 ᠬᠣᠶᠠᠷ ᠬᠥᠮᠦᠨ ᠡᠪᠲᠡᠢ ᠪᠣᠯ
ᠲᠡᠮᠦᠷ ᠬᠡᠷᠡᠮ ᠮᠡᠲᠦ ᠪᠠᠲᠤ
ᠬᠣᠷᠢᠨ ᠬᠥᠮᠦᠨ ᠡᠪ ᠦᠭᠡᠢ ᠪᠣᠯ
ᠡᠪᠳᠡᠷᠬᠡᠢ ᠬᠡᠷᠡᠮ ᠮᠡᠲᠦ ᠬᠡᠪᠡᠷᠡᠭ
2278 ᠬᠣᠶᠠᠷ ᠰᠡᠴᠡᠨ ᠨᠢᠭᠡᠳᠪᠡᠯ
ᠰᠠᠢᠨ ᠦᠢᠯᠡ ᠬᠢᠬᠦ
ᠬᠣᠶᠠᠷ ᠲᠡᠨᠡᠭ ᠨᠢᠭᠡᠳᠪᠡᠯ
ᠮᠠᠭᠤ ᠪᠠᠯᠠᠭ ᠲᠠᠷᠢᠬᠤ
2279 ᠬᠣᠢᠲᠤ ᠤᠷᠲᠤ ᠵᠦᠭ ᠮᠡᠳᠡᠬᠦ ᠦᠭᠡᠢ
ᠬᠣᠶᠠᠷ ᠭᠤᠷᠪᠠ ᠶ᠋ᠢᠨ ᠲᠣᠭᠠ ᠮᠡᠳᠡᠬᠦ ᠦᠭᠡᠢ
2280 ᠬᠣᠢᠲᠤ ᠬᠣᠷᠮᠣᠢ ᠪᠠᠨ ᠠᠪᠴᠤ
ᠤᠷᠲᠤ ᠬᠣᠷᠮᠣᠢ ᠪᠠᠨ ᠨᠥᠬᠥᠬᠦ
2281 ᠬᠣᠢᠲᠤᠬᠢ ᠪᠠᠨ ᠪᠣᠳᠣᠪᠠᠯ ᠰᠡᠴᠡᠨ
ᠬᠣᠣᠷᠲᠠᠨ ᠢ᠋ᠶ᠋ᠠᠨ ᠳᠠᠷᠤᠪᠠᠯ ᠪᠠᠭᠠᠲᠤᠷ
2282 ᠬᠣᠢᠨᠠ ᠢᠷᠡᠭᠰᠡᠨ ᠨᠢ ᠬᠣᠢᠮᠣᠷ ᠲᠤ
ᠤᠷᠢᠳ ᠢᠷᠡᠭᠰᠡᠨ ᠨᠢ ᠡᠭᠦᠳᠡᠨ ᠳ᠋ᠦ᠍
2283 ᠬᠣᠢᠨᠠ ᠠ᠋ᠴᠠ ᠢᠷᠡᠭᠡᠳ ᠬᠣᠲᠠ ᠮᠠᠨ ᠤ ᠬᠢ
ᠬᠣᠲᠠᠨ ᠳ᠋ᠤ᠌ ᠣᠷᠣᠭᠠᠳ ᠬᠣᠨᠢ ᠮᠠᠨ ᠤ ᠬᠢ ᠭᠡᠬᠦ
2284 ᠬᠣᠯᠠ ᠭᠠᠵᠠᠷ ᠲᠤ ᠮᠣᠷᠢ ᠪᠠᠨ ᠬᠠᠢᠷᠠᠯᠠ
ᠬᠣᠪᠣᠷ ᠴᠠᠭ ᠲᠤ ᠬᠦᠨᠡᠰᠦ ᠪᠡᠨ ᠭᠠᠮᠨᠠ
2285 ᠬᠣᠯᠠ ᠣᠢᠷᠠ ᠬᠣᠶᠠᠷ ᠤ᠋ᠨ ᠬᠣᠭᠣᠷᠣᠨᠳᠣ
ᠬᠣᠩᠬᠣᠨ ᠤ᠋ ᠬᠡᠯᠡ ᠰᠢᠭ ᠪᠥᠩᠵᠢᠭᠡᠨᠡᠬᠦ
2286 ᠬᠣᠯᠠ ᠬᠠᠷᠪᠤᠵᠤ ᠮᠡᠷᠭᠡᠨ ᠪᠣᠯᠳᠠᠭ ᠦᠭᠡᠢ
ᠬᠤᠳᠠᠯ ᠬᠡᠯᠡᠵᠦ ᠰᠡᠴᠡᠨ ᠪᠣᠯᠳᠠᠭ ᠦᠭᠡᠢ
2287 ᠬᠣᠯᠠ ᠶᠠᠪᠤᠬᠤ ᠳ᠋ᠤ᠌ ᠣᠢᠷᠠ ᠠ᠋ᠴᠠ
ᠶᠡᠬᠡ ᠶ᠋ᠢ ᠬᠢᠬᠦ ᠳ᠋ᠦ᠍ ᠪᠠᠭᠠ ᠠ᠋ᠴᠠ
2288 ᠬᠣᠯᠠ ᠶ᠋ᠢ ᠴᠢᠬᠢ ᠪᠡᠷ ᠢ᠋ᠶ᠋ᠡᠨ ᠳᠣᠭᠣᠯᠳᠠᠭ
ᠣᠢᠷᠠ ᠶ᠋ᠢ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠦᠵᠡᠳᠡᠭ
2289 ᠬᠣᠯᠠ ᠶ᠋ᠢᠨ ᠬᠥᠮᠦᠨ ᠳ᠋ᠦ᠍ ᠬᠣᠭᠣᠯᠠ ᠬᠢ
ᠣᠢᠷᠠ ᠶ᠋ᠢᠨ ᠬᠥᠮᠦᠨ ᠳ᠋ᠦ᠍ ᠣᠷᠣ ᠵᠠᠰᠠ
2290 ᠬᠣᠮᠣᠬᠠᠢ ᠨᠢᠳᠦ ᠬᠣᠷᠣᠬᠠᠢ ᠳ᠋ᠤ᠌ ᠴᠠᠳᠬᠤ
ᠬᠣᠯᠠᠴᠢ ᠰᠠᠨᠠᠭᠠ ᠴᠡᠩᠭᠡᠯ ᠳ᠋ᠦ᠍ ᠴᠠᠳᠬᠤ
2291 ᠬᠣᠮᠣᠬᠠᠢ ᠬᠥᠮᠦᠨ
ᠬᠣᠶᠠᠷ ᠪᠡᠶᠡ ᠲᠡᠢ ᠪᠣᠯᠬᠤ ᠠ᠋ᠴᠠ ᠪᠤᠴᠠᠬᠤ ᠦᠭᠡᠢ
2292 ᠬᠣᠩ ᠬᠡᠷᠢᠶᠡ ᠳᠤᠤᠭᠠᠷᠪᠠᠯ
ᠬᠣᠪᠳᠣᠭ ᠴᠢᠨᠣᠠ ᠢᠷᠡᠳᠡᠭ
2293 ᠬᠣᠩ ᠬᠡᠷᠢᠶᠡ ᠬᠣᠭᠣᠰᠣᠨ ᠬᠠᠰᠬᠢᠷᠳᠠᠭ ᠦᠭᠡᠢ
ᠬᠣᠨᠢ ᠮᠠᠯ ᠬᠣᠭᠣᠰᠣᠨ ᠦᠷᠭᠦᠳᠡᠭ ᠦᠭᠡᠢ
2294 ᠬᠣᠩ ᠬᠡᠷᠢᠶᠡ ᠤᠯᠠᠢᠴᠢ
ᠬᠣᠶᠠᠷ ᠬᠡᠦᠬᠡᠨ ᠵᠢᠲᠥᠭᠡᠴᠢ
2295 ᠬᠣᠨᠵᠢᠩ ᠤ᠋ᠨ ᠡᠴᠦᠰ ᠥᠪᠡᠷ ᠲᠡᠭᠡᠨ
ᠬᠣᠪ ᠤ᠋ᠨ ᠡᠴᠦᠰ ᠡᠵᠡᠨ ᠳ᠋ᠡᠭᠡᠨ
2296 ᠬᠣᠨᠢᠨ ᠤ᠋ ᠠᠷᠠᠰᠤ ᠨᠥᠮᠥᠷᠦᠭᠰᠡᠨ ᠴᠢᠨᠣᠠ
ᠬᠣᠶᠠᠷ ᠨᠢᠭᠤᠷ ᠭᠠᠷᠭᠠᠭᠰᠠᠨ ᠬᠥᠮᠦᠨ
2297 ᠬᠣᠨᠢᠨ ᠤ᠋ ᠲᠣᠯᠣᠭᠠᠢ ᠡᠯᠭᠦᠭᠡᠳ
ᠨᠣᠬᠠᠢ ᠶ᠋ᠢᠨ ᠮᠢᠬᠠ ᠬᠤᠳᠠᠯᠳᠤᠬᠤ
2298 ᠬᠣᠨᠣᠴᠠ ᠬᠣᠨᠣᠴᠠ ᠳ᠋ᠠᠭᠠᠨ
ᠳᠤᠷᠠ ᠦᠭᠡᠢ
ᠬᠣᠨᠣᠭᠤᠯᠤᠭᠰᠠᠨ ᠠᠢᠯ ᠬᠣᠶᠠᠭᠤᠯᠠ ᠳ᠋ᠤᠨᠢ
ᠳᠤᠷᠠ ᠦᠭᠡᠢ
2299 ᠬᠣᠨᠢ ᠭᠠᠲᠤᠯᠤᠭᠰᠠᠨ ᠤᠰᠤ ᠶ᠋ᠢ
ᠴᠢᠨᠣᠠ ᠰᠢᠨᠤᠨ ᠳᠣᠯᠢᠶᠠᠬᠤ
2300 ᠬᠣᠨᠢ ᠭᠡᠬᠦ ᠳ᠋ᠦ᠍ ᠬᠣᠢᠰᠢ ᠤᠬᠤᠷᠢᠳᠠᠭ
ᠬᠣᠪ ᠬᠢᠬᠦ ᠳ᠋ᠦ᠍ ᠣᠷᠣᠭᠰᠢ ᠳᠠᠪᠰᠢᠳᠠᠭ
2301 ᠬᠣᠨᠢ ᠨᠢᠭᠡ ᠲᠥᠷᠥᠭᠡᠳ
ᠮᠢᠩᠭᠠ ᠪᠠᠷ ᠦᠷᠡᠵᠢᠨᠡ
ᠴᠢᠨᠣᠠ ᠠᠷᠪᠠ ᠪᠠᠷ ᠲᠥᠷᠥᠭᠡᠳ ᠴᠦ᠍
ᠰᠦᠷᠦᠭ ᠪᠣᠯᠬᠤ ᠦᠭᠡᠢ
2302 ᠬᠣᠨᠢ ᠨᠢ ᠴᠦ᠍ ᠮᠡᠨᠳᠦ
ᠴᠢᠨᠣᠠ ᠨᠢ ᠴᠦ᠍ ᠴᠠᠳᠬᠤᠯᠠᠩ
2303 ᠬᠣᠨᠢᠨ ᠤ᠋ ᠬᠡᠰᠢᠭ ᠳᠠᠭᠠᠷᠢᠵᠤ
ᠬᠣᠨᠣᠴᠠ ᠶ᠋ᠢᠨ ᠡᠭᠡᠯᠵᠢ ᠢᠷᠡᠬᠦ
2304 ᠬᠣᠭᠣᠯᠠ ᠪᠣᠯᠲᠠᠯᠠ
ᠰᠢᠭᠢᠷᠡ ᠵᠤᠭᠠ
2305 ᠬᠣᠭᠣᠯᠠ ᠬᠣᠷᠣᠭᠠᠵᠤ ᠬᠣᠨᠣᠭ ᠥᠩᠭᠡᠷᠡᠭᠡᠬᠦ
ᠴᠠᠢ ᠤᠤᠭᠤᠵᠤ ᠴᠠᠭ ᠥᠩᠭᠡᠷᠡᠭᠡᠬᠦ
2306 ᠬᠣᠭᠣᠯᠠᠨ ᠤ᠋ ᠪᠠᠭᠠ ᠨᠢ ᠠᠮᠲᠠᠲᠠᠢ
ᠣᠯᠵᠠᠨ ᠤ᠋ ᠶᠡᠬᠡ ᠨᠢ ᠠᠰᠢᠭᠲᠠᠢ
2307 ᠬᠣᠭᠣᠯᠠᠨ ᠤ᠋ ᠰᠠᠢᠨ ᠢ᠋ ᠬᠥᠮᠦᠨ ᠳ᠋ᠦ᠍ ᠥᠭ
ᠬᠤᠪᠴᠠᠰᠤᠨ ᠤ᠋ ᠰᠠᠢᠨ ᠢ᠋ ᠪᠡᠶᠡ ᠳ᠋ᠡᠭᠡᠨ ᠡᠮᠦᠰ
2308 ᠬᠣᠭᠣᠯᠠᠢ ᠳᠡᠭᠡᠷᠡ ᠨᠢ ᠬᠢᠲᠤᠭᠠ ᠲᠠᠯᠪᠢᠵᠤ
ᠬᠣᠰᠬᠢᠨᠠᠭ ᠤᠷᠤᠭᠤ ᠨᠢ ᠵᠢᠳᠠ ᠪᠠᠷ ᠬᠠᠳᠬᠤᠬᠤ
2309 ᠬᠣᠭᠣᠯᠠ ᠲᠠᠢ ᠴᠢᠨᠣᠠ ᠬᠣᠩᠭᠢᠯ ᠳ᠋ᠤ᠌
ᠬᠣᠭᠣᠯᠠ ᠦᠭᠡᠢ ᠴᠢᠨᠣᠠ ᠬᠣᠮᠣᠷᠭᠠᠨ ᠳ᠋ᠤ᠌
2310 ᠬᠣᠭᠣᠰᠣᠨ ᠠᠮᠠ
ᠬᠣᠯᠬᠢᠨᠳᠠᠭ ᠭᠤᠲᠤᠯ
2311 ᠬᠣᠭᠣᠰᠣᠨ ᠫᠤᠤ ᠠ᠋ᠴᠠ
ᠬᠣᠷᠢᠨ ᠬᠥᠮᠦᠨ ᠠᠶᠤᠳᠠᠭ
2312 ᠬᠣᠭᠣᠰᠣᠨ ᠰᠠᠨᠠᠭᠠ ᠬᠥᠨᠳᠡᠢ ᠴᠡᠭᠡᠵᠢ
ᠬᠣᠯᠠ ᠶᠠᠪᠤᠬᠤ ᠦᠭᠡᠢ
2313 ᠬᠣᠭᠣᠰᠣᠨ ᠦᠭᠡᠨ ᠳ᠋ᠦ᠍ ᠲᠤᠰᠠ ᠦᠭᠡᠢ
ᠬᠤᠪᠠᠬᠠᠢ ᠮᠣᠳᠣᠨ ᠳ᠋ᠤ᠌ ᠮᠥᠴᠢᠷ ᠦᠭᠡᠢ
2314 ᠬᠣᠭᠣᠰᠣᠨ ᠬᠣᠨᠣᠵᠤ
ᠬᠣᠶᠠᠷ ᠢᠳᠡᠬᠦ ᠦᠭᠡᠢ
2315 ᠬᠣᠭᠣᠰᠣᠨ ᠴᠡᠭᠡᠵᠢᠨ ᠳ᠋ᠦ᠍ ᠡᠷᠳᠡᠮ ᠦᠭᠡᠢ
ᠬᠣᠪᠴᠢ ᠬᠥᠮᠦᠨ ᠳ᠋ᠦ᠍ ᠢᠴᠢᠭᠦᠷᠢ ᠦᠭᠡᠢ
2316 ᠬᠣᠣᠷ ᠪᠠᠭᠠ ᠪᠣᠯᠪᠠᠴᠤ
ᠠᠮᠢᠨ ᠳ᠋ᠤ᠌ ᠬᠦᠷᠬᠦ ᠠᠶᠤᠯ ᠲᠠᠢ
2317 ᠬᠣᠣᠷ ᠢᠳᠡᠭᠰᠡᠨ ᠱᠠᠭᠠᠵᠠᠭᠠᠢ ᠰᠢᠭ᠋
ᠬᠣᠶᠠᠷ ᠢᠳᠡᠭᠰᠡᠨ ᠴᠢᠨᠣᠠ ᠰᠢᠭ᠋
2318 ᠬᠣᠣᠷ ᠨᠢ ᠪᠤᠴᠠᠯᠵᠤ
ᠬᠣᠨᠵᠢᠩ ᠨᠢ ᠬᠥᠳᠡᠯᠬᠦ
2319 ᠬᠣᠣᠷ ᠨᠢ ᠮᠣᠭᠠᠢ ᠲᠠᠢ ᠠᠳᠠᠯᠢ
ᠬᠣᠪᠳᠣᠭ ᠨᠢ ᠴᠢᠨᠣᠠ ᠲᠠᠢ ᠠᠳᠠᠯᠢ
2320 ᠬᠣᠣᠷᠳᠠᠵᠤ ᠪᠤᠰᠤᠳ ᠤ᠋ᠨ ᠭᠡᠮ ᠢ᠋ ᠪᠦᠦ ᠮᠠᠯᠲᠠ
ᠬᠣᠪᠰᠣᠷᠠᠵᠤ ᠬᠡᠷᠡᠭ ᠦᠭᠡᠢ ᠦᠭᠡ ᠪᠦᠦ ᠬᠡᠯᠡ
2321 ᠬᠣᠷᠮᠣᠢ ᠳᠡᠭᠡᠷᠡ ᠪᠡᠨ ᠰᠢᠭᠡᠯᠭᠡᠬᠦ ᠦᠷᠡ ᠦᠭᠡᠢ ᠪᠣᠯ
ᠬᠡᠭᠦᠷ ᠦ᠋ᠨ ᠳᠡᠭᠡᠷᠡ ᠪᠡᠨ ᠰᠢᠷᠣᠢ ᠨᠡᠮᠡᠬᠦ ᠬᠥᠮᠦᠨ ᠦᠭᠡᠢ
2322 ᠬᠣᠷᠤᠨ ᠰᠠᠨᠠᠭᠠ ᠥᠪᠡᠷ ᠲᠦ᠍ ᠬᠠᠷᠰᠢ
ᠬᠣᠮᠣᠬᠠᠢ ᠰᠡᠳᠬᠢᠯ ᠭᠥᠷᠥᠩᠬᠡᠨ ᠳ᠋ᠦ᠍ ᠬᠠᠷᠰᠢ
2323 ᠬᠣᠷᠤᠨ ᠦᠭᠡ ᠬᠢᠲᠤᠭᠠ
ᠬᠣᠷᠤᠨ ᠰᠠᠨᠠᠭᠠ ᠵᠢᠳᠠ
2324 ᠬᠣᠣᠷᠲᠤ ᠢᠳᠡᠭᠡᠨ ᠳ᠋ᠦ᠍ ᠳᠤᠷᠠᠯᠠᠵᠤ
ᠪᠡᠶᠡ ᠪᠡᠨ ᠪᠦᠦ ᠪᠠᠷᠠ
ᠬᠠᠤᠯᠢ ᠪᠤᠰᠤ ᠪᠠᠷ ᠶᠠᠪᠤᠵᠤ
ᠬᠦᠨᠳᠦ ᠪᠡᠨ ᠪᠦᠦ ᠪᠠᠷᠠ
2325 ᠬᠣᠣᠷᠲᠤ ᠮᠣᠭᠠᠢ ᠰᠢᠭ᠋ ᠬᠢᠬᠤᠷᠠᠵᠤ
ᠬᠣᠪᠳᠣᠭ ᠴᠢᠨᠣᠠ ᠰᠢᠭ᠋ ᠠᠷᠬᠢᠷᠠᠬᠤ
2326 ᠬᠣᠣᠷᠲᠤ ᠮᠣᠭᠠᠢ ᠶ᠋ᠢ ᠨᠠᠷᠢᠨ ᠭᠡᠵᠦ ᠪᠦᠦ ᠪᠡᠷᠢ
ᠬᠤᠯᠠᠭᠠᠢ ᠬᠤᠳᠠᠯ ᠢ᠋ ᠥᠴᠦᠬᠡᠨ ᠭᠡᠵᠦ ᠪᠦᠦ ᠪᠠᠰᠤ
2327 ᠬᠣᠣᠷᠲᠤ ᠮᠣᠭᠠᠢ ᠶ᠋ᠢᠨ ᠬᠡᠯᠡ ᠤᠷᠲᠤ
ᠬᠣᠪᠴᠢ ᠬᠥᠮᠦᠨ ᠦ᠌ ᠬᠣᠩᠰᠢᠶᠠᠷ ᠤᠷᠲᠤ
2328 ᠬᠣᠣᠷᠲᠤ ᠰᠤᠮᠤ ᠪᠠᠷ ᠨᠢᠭᠡ ᠶ᠋ᠢ ᠠᠯᠠᠳᠠᠭ
ᠬᠣᠷᠤᠨ ᠦᠭᠡ ᠪᠡᠷ ᠮᠢᠩᠭᠠ ᠶ᠋ᠢ ᠠᠯᠠᠳᠠᠭ
2329 ᠬᠣᠣᠷᠲᠤ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠦᠭᠡᠢ
ᠬᠤᠯᠴᠢᠭᠠᠷ ᠬᠥᠮᠦᠨ ᠳ᠋ᠦ᠍ ᠢᠲᠡᠭᠡᠯ ᠦᠭᠡᠢ
2330 ᠬᠣᠣᠷᠲᠠᠨ ᠢ᠋ ᠬᠣᠣᠷ ᠢ᠋ᠶ᠋ᠠᠷ ᠨᠢ
ᠰᠢᠷᠠᠳᠡᠨ ᠢ᠋ ᠰᠢᠷᠠ ᠪᠠᠷ ᠨᠢ
2331 ᠬᠣᠣᠷᠲᠠᠢ ᠪᠣᠯ ᠨᠥᠬᠥᠷ ᠢ᠋ ᠴᠦ᠍ ᠲᠡᠪᠴᠢ
ᠲᠤᠰᠠᠲᠠᠢ ᠪᠣᠯ ᠳᠠᠢᠰᠤᠨ ᠢ᠋ ᠴᠦ᠍ ᠲᠡᠳᠬᠦ
2332 ᠬᠣᠣᠷᠲᠠᠢ ᠴᠦ᠍ ᠭᠡᠰᠡᠨ
ᠪᠡᠶᠡ ᠳ᠋ᠦ᠍ᠨᠢ ᠬᠦᠷᠬᠦ ᠪᠡᠷ ᠠᠲᠤᠷᠢᠳᠠᠭ
2333 ᠬᠣᠷᠣᠬᠠᠢ ᠳ᠋ᠤ᠌ ᠨᠢᠭᠦᠯ ᠦᠭᠡᠢ
ᠬᠣᠣᠷᠲᠠᠨ ᠳ᠋ᠤ᠌ ᠰᠠᠢᠨ ᠦᠭᠡᠢ
2334 ᠬᠣᠲᠠ ᠳᠦᠭᠦᠷᠡᠩ ᠪᠣᠯ
ᠬᠥᠬᠦᠦᠷ ᠳᠦᠭᠦᠷᠡᠩ
2335 ᠬᠣᠱᠣᠩ ᠦᠭᠡ ᠬᠣᠭᠣᠯᠠᠢ ᠳ᠋ᠤ᠌
ᠬᠣᠩᠬᠣ ᠳᠠᠮᠠᠷᠤ ᠯᠠᠮᠠ ᠳ᠋ᠤ᠌
2336 ᠬᠣᠰᠢᠭᠤ ᠨᠡᠮᠡᠬᠦ ᠪᠡᠷ
ᠬᠤᠷᠤᠭᠤ ᠨᠡᠮᠡ
2337 ᠬᠥᠪᠴᠢ ᠶ᠋ᠢᠨ ᠥᠨᠳᠥᠷ ᠲᠡᠮᠡᠭᠡᠨ ᠵᠣᠬᠢᠬᠤ ᠦᠭᠡᠢ
ᠬᠡᠳᠦ ᠨᠠᠷᠢᠨ ᠡᠪᠡᠰᠦ ᠦᠬᠡᠷ ᠲᠦ᠍ ᠵᠣᠬᠢᠬᠤ ᠦᠭᠡᠢ
2338 ᠬᠥᠩᠭᠡᠨ ᠳ᠋ᠦ᠍ ᠬᠦᠵᠦᠭᠦᠦ ᠪᠡᠨ
ᠬᠥᠨᠳᠡᠯᠡᠨ ᠳ᠋ᠦ᠍ ᠬᠥᠯ ᠢ᠋ᠶ᠋ᠡᠨ
2339 ᠬᠥᠭᠰᠢᠳ ᠢ᠋ ᠪᠦᠦ ᠱᠣᠣᠯᠠ
ᠬᠡᠦᠬᠡᠳ ᠢ᠋ ᠪᠦᠦ ᠱᠣᠭᠯᠠ
2340 ᠬᠥᠭᠰᠢᠨ ᠠᠵᠢᠷᠭᠠ
ᠵᠢᠷᠣᠭᠠ ᠰᠤᠷᠬᠤ
2341 ᠬᠥᠭᠰᠢᠨ ᠠᠵᠢᠷᠭᠠ ᠳ᠋ᠤ᠌ ᠵᠢᠷᠣᠭᠠ ᠰᠤᠷᠭᠠᠵᠤ
ᠬᠥᠯᠳᠡᠭᠦᠦ ᠭᠠᠵᠠᠷ ᠲᠤ ᠭᠠᠳᠠᠰᠤ ᠱᠢᠭᠠᠬᠤ
2342 ᠬᠥᠭᠰᠢᠨ ᠬᠣᠨᠢ ᠪᠠᠨ ᠠᠯᠠᠬᠤ ᠳ᠋ᠤ᠌
ᠭᠡᠷ ᠵᠠᠭᠤᠷᠠ ᠪᠠᠨ ᠵᠥᠪᠯᠡ
2343 ᠬᠥᠭᠰᠢᠨ ᠨᠣᠬᠠᠢ ᠴᠢᠨᠣᠠ ᠳ᠋ᠤ᠌ ᠬᠠᠭᠤᠷᠲᠠᠬᠤ ᠦᠭᠡᠢ
ᠬᠠᠰᠢᠷ ᠬᠥᠮᠦᠨ ᠮᠠᠨᠠᠭᠠᠨ ᠳ᠋ᠤ᠌ ᠣᠰᠣᠯᠳᠠᠬᠤ ᠦᠭᠡᠢ
2344 ᠬᠥᠭᠰᠢᠨ ᠬᠥᠮᠦᠨ
ᠬᠡᠦᠬᠡᠳ ᠬᠣᠶᠠᠷ ᠠᠳᠠᠯᠢ
2345 ᠬᠥᠭᠰᠢᠨ ᠬᠥᠮᠦᠨ ᠰᠠᠭᠤᠨ ᠵᠢᠷᠭᠠᠨᠠ
ᠵᠠᠯᠠᠭᠤ ᠬᠥᠮᠦᠨ ᠶᠠᠪᠤᠨ ᠵᠢᠷᠭᠠᠨᠠ
2346 ᠬᠥᠭᠰᠢᠨ ᠬᠥᠮᠦᠨ ᠦᠬᠦᠬᠦ ᠪᠡᠷ ᠢ᠋ᠶ᠋ᠡᠨ ᠠᠶᠤᠯᠭᠠᠳᠠᠭ
ᠬᠡᠦᠬᠡᠳ ᠤᠬᠢᠯᠠᠬᠤ ᠪᠠᠷ ᠢ᠋ᠶ᠋ᠠᠨ ᠠᠶᠤᠯᠭᠠᠳᠠᠭ
2347 ᠬᠥᠭᠰᠢᠨ ᠴᠢᠨᠣᠠ
ᠬᠠᠪᠬᠠᠨ ᠳ᠋ᠤ᠌ ᠣᠷᠣᠬᠤ ᠦᠭᠡᠢ
2348 ᠬᠥᠳᠡᠯᠪᠡᠯ ᠨᠢᠭᠡ ᠶ᠋ᠢ ᠪᠦᠲᠦᠭᠡᠳᠡᠭ
ᠰᠠᠭᠤᠪᠠᠯ ᠨᠢᠭᠡ ᠡᠴᠡ ᠬᠣᠴᠣᠷᠳᠠᠭ
2349 ᠬᠥᠳᠡᠯᠪᠡᠯ ᠬᠥᠯᠥᠰᠥ
ᠵᠣᠭᠰᠣᠪᠠᠯ ᠵᠣᠭᠣᠰ
2350 ᠬᠥᠳᠡᠯᠮᠦᠷᠢ ᠬᠢᠪᠡᠯ ᠴᠠᠳᠬᠤᠯᠠᠩ
ᠬᠥᠨᠵᠢᠯᠡ ᠪᠡᠨ ᠨᠥᠮᠥᠷᠪᠡᠯ ᠳᠤᠯᠠᠭᠠᠨ
2351 ᠬᠥᠳᠡᠯᠦᠭᠰᠡᠨ ᠦ᠌ ᠬᠥᠯᠥᠰᠥ ᠭᠣᠭᠣᠵᠢᠬᠤ
ᠰᠢᠨᠤᠭᠰᠠᠨ ᠤ᠋ ᠰᠢᠯᠦᠰᠦ ᠭᠣᠭᠣᠵᠢᠬᠤ
2352 ᠬᠥᠯ ᠨᠢᠭᠡᠲᠡᠢ
ᠬᠦᠵᠦᠭᠦᠦ ᠬᠣᠯᠪᠣᠭᠠ ᠲᠠᠢ
2353 ᠬᠥᠯ ᠬᠡᠷᠡᠭᠡ ᠲᠡᠢ
ᠬᠦᠵᠦᠭᠦᠦ ᠬᠣᠯᠪᠣᠭᠠ ᠲᠠᠢ
2354 ᠬᠥᠯᠳᠡᠭ ᠦᠭᠡᠢ ᠦᠬᠡᠷ ᠦ᠋ᠨ ᠬᠦᠵᠦᠭᠦᠦ ᠰᠤᠯᠠ
ᠬᠥᠳᠡᠯᠳᠡᠭ ᠦᠭᠡᠢ ᠬᠥᠮᠦᠨ ᠦ᠌ ᠪᠡᠶᠡ ᠰᠤᠯᠠ
2355 ᠬᠥᠯᠳᠡᠭᠦᠦ ᠮᠢᠬᠠᠨ ᠳ᠋ᠤ᠌ ᠨᠣᠬᠠᠢ ᠳᠤᠷᠠᠲᠠᠢ
ᠬᠡᠭᠡᠯᠢ ᠬᠠᠬᠤᠤᠯᠢ ᠳ᠋ᠤ᠌ ᠨᠣᠶᠠᠨ ᠳᠤᠷᠠᠲᠠᠢ
2356 ᠬᠥᠯ ᠢ᠋ᠶ᠋ᠡᠨ ᠬᠦᠷᠬᠦ ᠦᠭᠡᠢ ᠭᠠᠵᠠᠷ ᠶᠠᠪᠤᠵᠤ
ᠬᠡᠯᠡ ᠪᠡᠨ ᠬᠦᠷᠬᠦ ᠭᠠᠵᠠᠷ ᠵᠠᠷᠭᠤᠯᠳᠤᠬᠤ
2357 ᠬᠥᠯ ᠡᠴᠡ ᠨᠢ ᠲᠠᠲᠠᠵᠤ
ᠬᠥᠮᠦᠨ ᠦ᠌ ᠵᠡᠷᠭᠡ ᠳ᠋ᠦ᠍ ᠬᠦᠷᠭᠡᠬᠦ
ᠡᠭᠡᠮ ᠡᠴᠡ ᠨᠢ ᠴᠢᠩᠭᠠᠭᠠᠵᠤ
ᠡᠷᠡ ᠶ᠋ᠢᠨ ᠵᠡᠷᠭᠡ ᠳ᠋ᠦ᠍ ᠬᠦᠷᠭᠡᠬᠦ
2358 ᠬᠥᠯᠥᠰᠥ ᠭᠠᠷᠭᠠᠯ ᠦᠭᠡᠢ ᠠᠵᠢᠯ ᠬᠢᠳᠡᠭ ᠦᠭᠡᠢ
ᠬᠥᠲᠥᠰᠦ ᠬᠠᠢᠴᠢᠯᠠᠯ ᠦᠭᠡᠢ ᠳᠡᠪᠡᠯ ᠣᠶᠣᠳᠠᠭ ᠦᠭᠡᠢ
2359 ᠬᠥᠯᠥᠰᠥ ᠪᠡᠨ ᠭᠣᠭᠣᠵᠢᠭᠤᠯᠵᠤ ᠣᠯᠤᠭᠰᠠᠨ ᠶᠠᠭᠤᠮᠠ
ᠬᠤᠯᠠᠭᠠᠢᠯᠠᠵᠤ ᠣᠯᠤᠭᠰᠠᠨ ᠠ᠋ᠴᠠ ᠢᠯᠡᠭᠦᠦ ᠠᠮᠲᠠᠲᠠᠢ
2360 ᠬᠥᠯ ᠲᠡᠢ ᠨᠢ ᠬᠥᠯᠬᠢᠵᠦ
ᠬᠥᠯ ᠦᠭᠡᠢ ᠨᠢ ᠮᠥᠯᠬᠥᠬᠦ
2361 ᠬᠥᠨᠳᠡᠢ ᠣᠭᠲᠠᠷᠭᠤᠢ ᠱᠠᠲᠤ ᠦᠭᠡᠢ
ᠬᠥᠪᠥᠩ ᠡᠭᠦᠯᠡ ᠣᠭᠣᠰᠣᠷ ᠦᠭᠡᠢ
2362 ᠬᠥᠨᠳᠡᠯᠡᠨ ᠡᠴᠡ ᠬᠥᠯ ᠢ᠋ᠶ᠋ᠡᠨ
ᠬᠠᠵᠠᠭᠤ ᠠ᠋ᠴᠠ ᠬᠠᠪᠢᠷᠭᠠ ᠪᠠᠨ
2363 ᠬᠥᠨᠵᠢᠯᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠢᠷᠢ ᠪᠡᠷ ᠬᠥᠯ ᠢ᠋ᠶ᠋ᠡᠨ ᠵᠢᠭᠢᠵᠦ
ᠬᠦᠯᠦᠭ ᠦ᠋ᠨ ᠢ᠋ᠶ᠋ᠡᠨ ᠬᠢᠷᠢ ᠪᠡᠷ ᠢᠰᠬᠡᠷ
2364 ᠬᠥᠭᠡᠷᠭᠡᠨ ᠬᠥᠮᠦᠨ ᠬᠥᠯ ᠠᠯᠳᠠᠳᠠᠭ
ᠬᠥᠭᠰᠢᠨ ᠮᠣᠷᠢ ᠥᠯ ᠠᠯᠳᠠᠳᠠᠭ
2365 ᠬᠥᠲᠥᠯ ᠳᠠᠪᠠᠬᠤ ᠶ᠋ᠢ ᠨᠢ ᠬᠠᠷᠠᠭᠠ ᠦᠭᠡᠢ ᠪᠣᠯ
ᠬᠦᠯᠦᠭ ᠭᠡᠵᠦ ᠪᠤᠤ ᠮᠠᠭᠲᠠ
ᠬᠥᠲᠥᠰᠦ ᠣᠶᠣᠬᠤ ᠶ᠋ᠢ ᠨᠢ ᠬᠠᠷᠠᠭᠠ ᠦᠭᠡᠢ ᠪᠣᠯ
ᠤᠷᠠᠨ ᠭᠡᠵᠦ ᠪᠤᠤ ᠮᠠᠭᠲᠠ
2366 ᠬᠥᠬᠡ ᠵᠡᠭᠦᠦ
ᠬᠥᠨᠳᠡᠯᠡᠨ ᠬᠠᠳᠬᠤᠳᠠᠭ ᠦᠭᠡᠢ ᠡᠮᠡ
2367 ᠬᠥᠬᠡ ᠣᠭᠲᠠᠷᠭᠤᠢ ᠶ᠋ᠢ ᠬᠡᠮᠵᠢᠵᠦ ᠪᠣᠯᠬᠤ ᠦᠭᠡᠢ
ᠬᠥᠮᠦᠨ ᠦ᠌ ᠤᠬᠠᠭᠠᠨ ᠢ᠋ ᠶᠠᠨᠳᠠᠵᠤ ᠪᠣᠯᠬᠤ ᠦᠭᠡᠢ
2368 ᠬᠥᠬᠡ ᠥᠩᠭᠡ ᠮᠣᠩᠭᠣᠯ ᠤ᠋ᠨ ᠴᠢᠮᠡᠭ
ᠬᠦᠯᠦᠭ ᠮᠣᠷᠢ ᠤᠶᠠᠭᠠᠨ ᠤ᠋ ᠴᠢᠮᠡᠭ
2369 ᠬᠥᠬᠡ ᠲᠩᠷᠢ ᠠᠭᠤᠳᠠᠮ ᠪᠣᠯᠪᠠᠴᠤ
ᠠᠭᠠᠷ ᠢ᠋ᠶ᠋ᠠᠷ ᠬᠣᠯᠪᠣᠭᠠ ᠲᠠᠢ
ᠬᠥᠮᠦᠨ ᠠᠮᠢᠲᠠᠨ ᠣᠯᠠᠨ ᠪᠣᠯᠪᠠᠴᠤ
ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠣᠯᠪᠣᠭᠠ ᠲᠠᠢ
2370 ᠬᠥᠬᠡ ᠲᠩᠷᠢ ᠶ᠋ᠢ ᠡᠭᠦᠯᠡ ᠪᠦᠷᠬᠦᠨᠡ
ᠬᠥᠮᠦᠨ ᠦ᠌ ᠨᠢᠳᠦ ᠶ᠋ᠢ ᠵᠣᠭᠣᠰ ᠪᠦᠷᠬᠦᠨᠡ
2371 ᠬᠥᠬᠥᠭᠡ ᠳᠣᠩᠭᠣᠳᠪᠠᠯ ᠬᠥᠷ ᠪᠠᠶᠠᠷ
ᠣᠭᠣᠯᠢ ᠳᠤᠤᠭᠠᠷᠪᠠᠯ ᠤᠷᠰᠢᠭ ᠵᠣᠪᠠᠯᠠᠩ
2372 ᠬᠥᠬᠦᠭᠡᠨ ᠦ᠌ ᠳᠠᠭᠤ ᠢᠷᠠᠭᠤ ᠳ᠋ᠠᠭᠠᠨ
ᠮᠡᠷᠭᠡᠳ ᠦ᠋ᠨ ᠳᠠᠭᠤ ᠡᠷᠳᠡᠮ ᠳ᠋ᠡᠭᠡᠨ
2373 ᠬᠤᠪᠢ ᠪᠠᠨ ᠪᠣᠳᠣᠪᠠᠯ ᠡᠬᠡᠨᠡᠷ ᠲᠡᠭᠡᠨ ᠨᠡᠷᠡ ᠲᠡᠢ
ᠲᠦᠮᠡᠨ ᠢ᠋ᠶ᠋ᠡᠨ ᠪᠣᠳᠣᠪᠠᠯ ᠲᠦᠮᠡᠨ ᠳ᠋ᠦ᠍ ᠨᠡᠷᠡ ᠲᠡᠢ
2374 ᠬᠤᠪᠢ ᠪᠠᠨ ᠪᠣᠳᠣᠵᠤ
ᠳᠣᠪᠣ ᠪᠠᠨ ᠰᠢᠷᠠᠯᠠᠭᠤᠯᠬᠤ
2375 ᠬᠤᠪᠠᠬᠠᠢ ᠮᠣᠳᠣ ᠵᠢᠮᠢᠰ ᠦᠭᠡᠢ
ᠬᠣᠭᠣᠰᠣᠨ ᠦᠭᠡ ᠦᠨᠡ ᠦᠭᠡᠢ
2376 ᠬᠤᠪᠠᠬᠠᠢ ᠮᠣᠳᠣᠨ ᠠ᠋ᠴᠠ ᠵᠢᠮᠢᠰ ᠤᠷᠭᠤᠵᠤ
ᠬᠤᠷᠠ ᠶ᠋ᠢᠨ ᠤᠰᠤᠨ ᠠ᠋ᠴᠠ ᠵᠢᠭᠠᠰᠤ ᠭᠠᠷᠬᠤ
2377 ᠬᠤᠪᠴᠠᠰᠤ ᠪᠡᠶᠡ ᠶ᠋ᠢᠨ ᠴᠢᠮᠡᠭ
ᠡᠷᠳᠡᠮ ᠤᠬᠠᠭᠠᠨ ᠤ᠋ ᠴᠢᠮᠡᠭ
2378 ᠬᠤᠪᠴᠠᠰᠤ ᠪᠤᠷᠬᠠᠨ
ᠪᠡᠶᠡ ᠴᠢᠳᠬᠥᠷ
2379 ᠬᠤᠪᠢ ᠲᠠᠢ ᠬᠥᠮᠦᠨ
ᠬᠤᠷᠠ ᠪᠣᠷᠣᠭᠠᠨ ᠢ᠋ᠶ᠋ᠠᠷ
2380 ᠬᠤᠳᠳᠤᠭ ᠮᠠᠯᠲᠠᠪᠠᠯ ᠤᠰᠤ ᠭᠠᠷᠬᠤ
ᠬᠣᠲᠠ ᠪᠠᠷᠢᠯᠳᠤᠪᠠᠯ ᠤᠷᠤᠭ ᠪᠣᠯᠬᠤ
2381 ᠬᠤᠳᠳᠤᠭ ᠦᠭᠡᠢ ᠪᠣᠯ
ᠬᠣᠪᠣᠭᠣ ᠬᠡᠷᠡᠭ ᠦᠭᠡᠢ
ᠬᠤᠷᠢᠮ ᠦᠭᠡᠢ ᠪᠣᠯ
ᠳᠠᠭᠤᠴᠢ ᠬᠡᠷᠡᠭ ᠦᠭᠡᠢ
2382 ᠬᠤᠳᠠᠯ ᠭᠡᠳᠡᠭ ᠮᠡᠬᠡ
ᠬᠤᠯᠠᠭᠠᠢ ᠭᠡᠳᠡᠭ ᠵᠠᠯᠢ
2383 ᠬᠤᠳᠠᠯ ᠦᠭᠡ ᠬᠣᠷᠣᠮᠬᠠᠨ ᠪᠦᠲᠦᠭᠡᠪᠡᠴᠦ
ᠬᠣᠢᠰᠢᠳᠠ ᠪᠠᠨ ᠪᠦᠲᠦᠯ ᠦᠭᠡᠢ
2384 ᠬᠤᠳᠠᠯ ᠦᠭᠡ ᠬᠤᠯᠠᠭᠠᠢ ᠲᠠᠢ ᠠᠳᠠᠯᠢ
ᠬᠠᠭᠤᠷᠮᠠᠴᠢ ᠳᠤᠷᠠᠯᠠᠯ ᠬᠥᠭᠡᠰᠦ ᠲᠡᠢ ᠠᠳᠠᠯᠢ
2385 ᠬᠤᠳᠠᠯ ᠦᠭᠡ
ᠬᠣᠲᠠᠷᠭᠠ ᠦᠭᠡᠢ ᠡᠮᠡᠭᠡᠯ ᠠᠳᠠᠯᠢ
2386 ᠬᠤᠳᠠᠯ ᠬᠡᠯᠡᠪᠡᠯ ᠬᠠᠤᠯᠢ ᠪᠣᠢ
ᠬᠤᠯᠠᠭᠠᠢ ᠬᠢᠪᠡᠯ ᠴᠠᠭᠠᠵᠠ ᠪᠣᠢ
2387 ᠬᠤᠳᠠᠯ ᠬᠡᠯᠡᠵᠦ ᠮᠡᠷᠭᠡᠨ ᠪᠣᠯᠬᠤ ᠦᠭᠡᠢ
ᠬᠤᠯᠠᠭᠠᠢ ᠬᠢᠵᠦ ᠪᠠᠶᠠᠨ ᠪᠣᠯᠬᠤ ᠦᠭᠡᠢ
2388 ᠬᠤᠳᠠᠯ ᠬᠡᠯᠡᠵᠦ ᠰᠤᠷᠬᠤ ᠪᠠᠷ
ᠬᠢᠮᠤᠰᠤ ᠪᠠᠨ ᠠᠪᠴᠤ ᠰᠤᠷ
2389 ᠬᠤᠳᠠᠯ ᠦᠭᠡᠢ ᠦᠨᠡᠨ ᠦᠭᠡ
ᠬᠣᠣᠷ ᠦᠭᠡᠢ ᠰᠠᠢᠬᠠᠨ ᠰᠠᠨᠠᠭᠠ
2390 ᠬᠤᠳᠠᠯᠳᠤᠭᠠᠴᠢᠨ ᠬᠥᠮᠦᠨ
ᠬᠤᠪᠢᠯᠭᠠᠨ ᠠᠷᠭᠠ ᠲᠠᠢ
2391 ᠬᠤᠳᠠᠯᠴᠢ ᠬᠥᠮᠦᠨ ᠢᠨᠢᠶᠡᠵᠦ ᠢᠷᠡᠳᠡᠭ
ᠬᠤᠯᠠᠭᠠᠢᠴᠢ ᠬᠥᠮᠦᠨ ᠰᠢᠷᠪᠠᠭᠠᠨᠠᠵᠤ ᠢᠷᠡᠳᠡᠭ
2392 ᠬᠤᠳᠠᠯᠴᠢ ᠬᠥᠮᠦᠨ ᠨᠢᠭᠤᠷ ᠬᠠᠷᠠᠬᠤ
ᠬᠤᠯᠠᠭᠠᠢᠴᠢ ᠬᠥᠮᠦᠨ ᠭᠠᠵᠠᠷ ᠬᠠᠷᠠᠬᠤ
2393 ᠬᠤᠳᠠᠯᠴᠢ ᠬᠥᠮᠦᠨ ᠦᠬᠦᠭᠰᠡᠨ ᠢ᠋ ᠵᠢᠭᠠᠳᠠᠭ
ᠬᠠᠭᠤᠷᠮᠠᠴᠢ ᠬᠥᠮᠦᠨ ᠰᠠᠢᠬᠠᠨ ᠢ᠋ ᠵᠢᠭᠠᠳᠠᠭ
2394 ᠬᠤᠳᠠᠯᠴᠢ ᠬᠥᠮᠦᠨ ᠬᠣᠢᠨᠠ ᠪᠠᠨ ᠮᠠᠭᠤ
ᠬᠤᠰᠠᠷᠠᠩ ᠭᠡᠭᠦᠦ ᠬᠠᠪᠤᠷ ᠲᠠᠭᠠᠨ ᠮᠠᠭᠤ
2395 ᠬᠤᠳᠠᠯᠴᠢ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠰᠢᠷᠦᠭᠦᠨ
ᠬᠤᠯᠠᠭᠠᠢᠴᠢ ᠬᠥᠮᠦᠨ ᠳ᠋ᠦ᠍ ᠴᠠᠭᠠᠵᠠ ᠰᠢᠷᠦᠭᠦᠨ
2396 ᠬᠤᠳᠠᠯᠴᠢ ᠬᠥᠮᠦᠨ ᠦ᠌ ᠠᠮᠠ ᠰᠤᠯᠠ
ᠬᠤᠯᠠᠭᠠᠢᠴᠢ ᠬᠥᠮᠦᠨ ᠦ᠌ ᠭᠠᠷ ᠤᠷᠲᠤ
2397 ᠬᠤᠳᠠᠯᠴᠢ ᠬᠥᠮᠦᠨ ᠦ᠌ ᠭᠡᠷᠡᠴᠢ ᠨᠢ
ᠦᠬᠦᠭᠰᠡᠨ ᠬᠥᠮᠦᠨ
2398 ᠬᠤᠳᠠᠯᠴᠢ ᠬᠥᠮᠦᠨ ᠦ᠌ ᠨᠡᠭᠡᠷᠡᠨ ᠣᠯᠠᠨ
ᠬᠠᠭᠤᠷᠮᠠᠴᠢ ᠬᠥᠮᠦᠨ ᠦ᠌ ᠬᠥᠭᠡᠷᠦᠬᠦᠢ ᠣᠯᠠᠨ
2399 ᠬᠤᠳᠠᠯᠴᠢ ᠬᠥᠮᠦᠨ ᠦ᠌ ᠦᠭᠡ ᠨᠢ ᠡᠪᠲᠡᠢ
ᠬᠤᠯᠠᠭᠠᠢᠴᠢ ᠬᠥᠮᠦᠨ ᠦ᠌ ᠬᠤᠷᠤᠭᠤ ᠨᠢ ᠳᠡᠮᠲᠡᠢ
2400 ᠬᠤᠳᠠᠯᠴᠢ ᠶ᠋ᠢ ᠶᠠᠷᠢᠶᠠ ᠪᠠᠷ ᠨᠢ
ᠬᠤᠯᠠᠭᠠᠢᠴᠢ ᠶ᠋ᠢ ᠮᠥᠷ ᠢ᠋ᠶ᠋ᠡᠷ ᠨᠢ
2401 ᠬᠤᠳᠳᠤᠭ ᠢ᠋ ᠰᠢᠪᠬᠠᠵᠤ ᠮᠡᠳᠡᠳᠡᠭ
ᠬᠤᠲᠤᠭᠲᠤ ᠶ᠋ᠢ ᠰᠢᠯᠭᠠᠵᠤ ᠮᠡᠳᠡᠳᠡᠭ
2402 ᠬᠤᠳᠳᠤᠭ ᠤ᠋ᠨ ᠮᠡᠯᠡᠬᠡᠢ
ᠳᠠᠯᠠᠢ ᠶ᠋ᠢᠨ ᠶᠡᠬᠡ ᠶ᠋ᠢ ᠮᠡᠳᠡᠬᠦ ᠦᠭᠡᠢ
ᠳᠠᠯᠠᠢ ᠶ᠋ᠢᠨ ᠮᠡᠯᠡᠬᠡᠢ
ᠬᠤᠳᠳᠤᠭ ᠤ᠋ᠨ ᠪᠠᠭᠠ ᠶ᠋ᠢ ᠮᠡᠳᠡᠬᠦ ᠦᠭᠡᠢ
2403 ᠬᠤᠳᠳᠤᠭ ᠤ᠋ᠨ ᠤᠰᠤ ᠠᠷᠪᠢᠳᠪᠠᠴᠤ
ᠠᠮᠠᠰᠠᠷ ᠠ᠋ᠴᠠ ᠪᠠᠨ ᠬᠠᠯᠢᠬᠤ ᠦᠭᠡᠢ
ᠪᠤᠯᠠᠭ ᠤ᠋ᠨ ᠤᠰᠤ ᠪᠤᠯᠠᠭᠳᠠᠪᠠᠴᠤ
ᠤᠨᠳᠤᠷᠤᠭᠠ ᠨᠢ ᠲᠠᠰᠤᠷᠠᠬᠤ ᠦᠭᠡᠢ
2404 ᠬᠤᠳᠳᠤᠭ ᠤ᠋ᠨ ᠤᠰᠤ ᠵᠠᠮᠠᠭ ᠦᠭᠡᠢ
ᠬᠤᠳᠠᠯᠴᠢ ᠬᠥᠮᠦᠨ ᠡᠷᠡᠭᠡ ᠦᠭᠡᠢ
2405 ᠬᠤᠳᠳᠤᠭ ᠤ᠋ᠨ ᠤᠰᠤᠨ ᠳ᠋ᠤ᠌ ᠵᠢᠭᠠᠰᠤ ᠦᠭᠡᠢ
ᠬᠠᠭᠤᠷᠠᠢ ᠮᠣᠳᠣᠨ ᠳ᠋ᠤ᠌ ᠨᠠᠪᠴᠢ ᠦᠭᠡᠢ
2406 ᠬᠤᠳᠠᠯ ᠢ᠋ ᠦᠨᠡᠨ ᠭᠦᠢᠴᠡᠬᠦ
ᠬᠤᠷᠳᠤᠨ ᠢ᠋ ᠰᠤᠮᠤ ᠭᠦᠢᠴᠡᠬᠦ
2407 ᠬᠤᠵᠢᠷ ᠲᠠᠢ ᠤᠰᠤ ᠪᠠᠷ ᠨᠢᠭᠤᠷ ᠢ᠋ᠶ᠋ᠠᠨ ᠪᠦᠦ ᠤᠬᠢᠶᠠ
ᠬᠤᠯᠠᠭᠠᠢᠴᠢ ᠬᠥᠮᠦᠨ ᠲᠡᠢ ᠣᠢᠷᠠᠳᠴᠤ ᠪᠤᠤ ᠨᠥᠬᠥᠷᠯᠡ
2408 ᠬᠤᠯᠠᠭᠠᠢ ᠪᠦᠷᠦᠢ ᠳ᠋ᠦ᠍
ᠴᠢᠨᠣᠠ ᠪᠣᠷᠣᠭᠠᠨ ᠳ᠋ᠤ᠌
2409 ᠬᠤᠯᠠᠭᠠᠢ ᠬᠢᠪᠡᠯ ᠪᠠᠷᠢᠭᠳᠠᠨᠠ
ᠬᠤᠳᠠᠯ ᠬᠡᠯᠡᠪᠡᠯ ᠵᠢᠭᠰᠢᠭᠳᠡᠨᠡ
2410 ᠬᠤᠯᠠᠭᠠᠢ ᠬᠢᠭᠡᠳ
ᠬᠢᠮᠤᠰᠤ ᠪᠠᠨ ᠨᠢᠭᠤᠬᠤ
2411 ᠬᠤᠯᠠᠭᠠᠢ ᠬᠢᠵᠦ ᠰᠤᠷᠬᠤ ᠪᠠᠷ
ᠬᠤᠭᠤᠷ ᠲᠣᠭᠯᠠᠵᠤ ᠰᠤᠷ
2412 ᠬᠤᠯᠠᠭᠠᠢ ᠬᠢᠵᠦ ᠬᠤᠯᠮᠠᠯᠵᠠᠵᠤ ᠰᠠᠭᠤᠬᠤ ᠪᠠᠷ
ᠬᠤᠴᠠ ᠪᠠᠨ ᠠᠯᠳᠠᠭᠠᠳ ᠮᠡᠯᠮᠡᠯᠵᠡᠵᠦ ᠰᠠᠭᠤᠭᠰᠠᠨ ᠨᠢ ᠳᠡᠭᠡᠷᠡ
2413 ᠬᠤᠯᠠᠭᠠᠢ ᠶ᠋ᠢ ᠴᠡᠭᠡᠷᠯᠡᠭᠦᠯᠵᠦ
ᠬᠤᠳᠠᠯ ᠢ᠋ ᠮᠣᠬᠣᠭᠠᠬᠤ
2414 ᠬᠤᠯᠠᠭᠠᠢᠯᠠᠵᠤ ᠢᠳᠡᠭᠰᠡᠨ ᠬᠣᠭᠣᠯᠠ ᠪᠣᠯᠬᠤ ᠦᠭᠡᠢ
ᠬᠤᠳᠠᠯ ᠬᠡᠯᠡᠭᠰᠡᠨ ᠦᠭᠡ ᠪᠣᠯᠬᠤ ᠦᠭᠡᠢ
2415 ᠬᠤᠯᠠᠭᠠᠢ ᠶ᠋ᠢᠨ ᠦᠨᠳᠦᠰᠦ ᠶ᠋ᠢ ᠡᠰᠡ ᠲᠠᠰᠤᠯᠪᠠᠯ
ᠬᠣᠵᠢᠮ ᠤ᠋ᠨ ᠬᠣᠣᠷ ᠨᠢ ᠶᠡᠬᠡ
2416 ᠬᠤᠯᠠᠭᠠᠢᠴᠢ ᠬᠡᠩᠭᠡᠷᠭᠡ
ᠳᠡᠯᠡᠳᠴᠦ ᠴᠢᠳᠠᠬᠤ ᠦᠭᠡᠢ
2417 ᠬᠤᠯᠠᠭᠠᠢᠴᠢ ᠬᠥᠮᠦᠨ ᠠᠷᠭᠠ ᠲᠠᠢ
ᠬᠤᠳᠠᠯᠴᠢ ᠬᠥᠮᠦᠨ ᠮᠡᠬᠡ ᠲᠡᠢ
2418 ᠬᠤᠯᠠᠭᠠᠢᠴᠢ ᠬᠥᠮᠦᠨ ᠰᠡᠢᠮᠡᠬᠡᠢ ᠶ᠋ᠢ ᠨᠢ ᠬᠠᠷᠠᠳᠠᠭ
ᠬᠤᠷᠴᠠ ᠬᠥᠮᠦᠨ ᠬᠠᠤᠯᠢ ᠬᠠᠷᠠᠳᠠᠭ
2419 ᠬᠤᠯᠠᠭᠠᠢᠴᠢ ᠬᠥᠮᠦᠨ ᠴᠢᠨᠣᠠ ᠠ᠋ᠴᠠ ᠳᠣᠣᠷᠠ
ᠬᠤᠳᠠᠯᠴᠢ ᠬᠥᠮᠦᠨ ᠦᠨᠡᠭᠡ ᠡᠴᠡ ᠳᠣᠣᠷᠠ
2420 ᠬᠤᠯᠠᠭᠠᠢᠴᠢ ᠬᠥᠮᠦᠨ ᠦ᠌ ᠬᠢᠲᠤᠭᠠ ᠨᠢ ᠬᠤᠷᠴᠠ
ᠬᠤᠳᠠᠯᠴᠢ ᠬᠥᠮᠦᠨ ᠦ᠌ ᠬᠡᠯᠡ ᠨᠢ ᠬᠤᠷᠴᠠ
2421 ᠬᠤᠯᠠᠭᠠᠢᠴᠢ ᠬᠥᠮᠦᠨ ᠢ᠋ ᠮᠥᠷ ᠢ᠋ᠶ᠋ᠡᠷ ᠨᠢ
ᠨᠣᠢᠷᠲᠤ ᠬᠥᠮᠦᠨ ᠢ᠋ ᠤᠨᠲᠠᠭᠠ ᠪᠠᠷ ᠨᠢ
2422 ᠬᠤᠯᠠᠭᠠᠢᠴᠢ ᠶ᠋ᠢᠨ ᠮᠠᠭᠤ ᠬᠠᠶᠠᠭᠠ ᠪᠠᠨ ᠣᠬᠣᠳᠠᠭ
ᠬᠤᠳᠠᠯᠴᠢ ᠶ᠋ᠢᠨ ᠮᠠᠭᠤ ᠭᠡᠷ ᠢ᠋ᠶ᠋ᠡᠨ ᠮᠡᠬᠡᠯᠡᠳᠡᠭ
2423 ᠬᠤᠯᠤᠭᠠᠨᠠ ᠶ᠋ᠢ ᠮᠠᠭᠲᠠᠭᠠᠳ ᠯᠤᠤ ᠪᠣᠯᠭᠠᠬᠤ
ᠵᠠᠭᠠᠨ ᠢ᠋ ᠮᠠᠭᠤᠯᠠᠵᠤ ᠬᠤᠯᠤᠭᠠᠨᠠ ᠪᠣᠯᠭᠠᠬᠤ
2424 ᠬᠤᠯᠤᠭᠠᠨᠠ ᠶ᠋ᠢ ᠮᠢᠷᠢᠶᠠᠭᠰᠠᠨ ᠮᠤᠤᠷ ᠰᠡᠮᠡᠬᠡᠷ
ᠬᠣᠶᠠᠷ ᠬᠥᠮᠦᠨ ᠢ᠋ ᠬᠤᠳᠬᠤᠭᠰᠠᠨ ᠬᠣᠪᠴᠢ ᠰᠡᠮᠡᠬᠡᠷ
2425 ᠬᠤᠯᠤᠰᠤᠨ ᠳ᠋ᠤ᠌ ᠭᠣᠣᠯ ᠦᠭᠡᠢ
ᠬᠤᠳᠠᠯ ᠳ᠋ᠤ᠌ ᠢᠲᠡᠭᠡᠮᠵᠢ ᠦᠭᠡᠢ
2426 ᠬᠢᠮᠤᠰᠤ ᠪᠠᠨ ᠠᠪᠤᠪᠠᠯ ᠬᠣᠭ ᠦᠭᠡᠢ
ᠬᠤᠪᠴᠠᠰᠤ ᠪᠠᠨ ᠤᠬᠢᠶᠠᠪᠠᠯ ᠬᠬᠢᠷ ᠦᠭᠡᠢ
2427 ᠬᠤᠷᠳᠤᠨ ᠭᠡᠵᠦ ᠪᠦᠦ ᠳᠠᠪᠬᠢ
ᠬᠤᠷᠢᠮ ᠭᠡᠵᠦ ᠪᠦᠦ ᠴᠠᠯᠠᠭᠠᠷᠳᠠ
2428 ᠬᠤᠷᠳᠤᠨ ᠮᠣᠷᠢ ᠴᠡᠭᠡᠵᠢ ᠥᠨᠳᠥᠷ
ᠬᠤᠷᠴᠠ ᠬᠥᠮᠦᠨ ᠴᠡᠭᠡᠵᠢ ᠰᠠᠷᠠᠭᠤᠯ
2429 ᠬᠤᠷᠠ ᠲᠠᠢ ᠭᠠᠵᠠᠷ ᠥᠩᠭᠡ ᠲᠡᠢ
ᠬᠠᠤᠯᠢ ᠲᠠᠢ ᠭᠠᠵᠠᠷ ᠳᠢᠭᠯᠢᠮ ᠲᠡᠢ
2430 ᠬᠤᠷᠤᠭᠤ ᠬᠥᠳᠡᠯᠪᠡᠯ
ᠬᠣᠰᠢᠭᠤ ᠬᠥᠳᠡᠯᠦᠨᠡ
2431 ᠬᠤᠷᠴᠠ ᠬᠢᠲᠤᠭᠠ ᠭᠠᠷ ᠲᠤ ᠠᠶᠤᠯ ᠲᠠᠢ
ᠬᠤᠳᠠᠯ ᠦᠭᠡ ᠥᠪᠡᠷ ᠲᠦ᠍ ᠠᠶᠤᠯ ᠲᠠᠢ
2432 ᠬᠤᠷᠠ ᠶ᠋ᠢᠨ ᠳᠠᠷᠠᠭᠠᠬᠢ ᠨᠠᠷᠠ ᠢᠯᠴᠢ ᠲᠡᠢ
ᠬᠤᠳᠠᠯ ᠤ᠋ᠨ ᠳᠠᠷᠠᠭᠠᠬᠢ ᠢᠴᠢᠭᠦᠷᠢ ᠰᠢᠪᠰᠢᠭᠲᠡᠢ
2433 ᠬᠢᠲᠤᠭᠠ ᠦᠵᠦᠭᠦᠷ ᠲᠡᠭᠡᠨ ᠬᠤᠷᠴᠠ
ᠬᠠᠤᠯᠢ ᠬᠢᠵᠠᠭᠠᠷ ᠲᠠᠭᠠᠨ ᠬᠤᠷᠴᠠ
2434 ᠬᠢᠲᠤᠭᠠ ᠬᠡᠳᠦᠢ ᠬᠤᠷᠴᠠ ᠪᠣᠯᠪᠠᠴᠤ
ᠡᠰᠢᠨ ᠳ᠋ᠡᠭᠡᠨ ᠲᠤᠰᠠ ᠦᠭᠡᠢ
ᠡᠮᠴᠢ ᠬᠡᠳᠦᠢ ᠮᠡᠷᠭᠡᠨ ᠪᠣᠯᠪᠠᠴᠤ
ᠪᠡᠶᠡ ᠳ᠋ᠡᠭᠡᠨ ᠲᠤᠰᠠ ᠦᠭᠡᠢ
2435 ᠬᠠᠤᠯᠢ ᠨᠢ ᠭᠠᠤᠯᠢ ᠪᠣᠯᠵᠤ
ᠴᠠᠭᠠᠵᠠ ᠨᠢ ᠴᠠᠭᠠᠰᠤ ᠪᠣᠯᠬᠤ
2436 ᠬᠠᠤᠯᠢ ᠰᠢᠳᠤᠷᠭᠤ
ᠰᠤᠷᠭᠠᠯ ᠰᠡᠴᠡᠨ
2437 ᠬᠠᠤᠯᠢ ᠶ᠋ᠢ ᠭᠠᠤᠯᠢ ᠪᠠᠷ ᠬᠠᠭᠤᠷᠬᠤ
ᠴᠠᠭᠠᠵᠠ ᠶ᠋ᠢ ᠴᠠᠭᠠᠰᠤ ᠪᠠᠷ ᠬᠠᠭᠤᠷᠬᠤ
2438 ᠬᠠᠭᠤᠷᠠᠢ ᠮᠣᠳᠣᠨ ᠤ᠋ ᠵᠢᠩ ᠬᠥᠩᠭᠡᠨ
ᠬᠠᠭᠤᠷᠮᠠᠴᠢ ᠬᠥᠮᠦᠨ ᠦ᠌ ᠵᠠᠩ ᠬᠥᠩᠭᠡᠨ
2439 ᠬᠠᠭᠤᠷᠠᠢ ᠮᠣᠳᠣᠨ ᠳ᠋ᠤ᠌ ᠨᠠᠪᠴᠢ ᠦᠭᠡᠢ
ᠬᠠᠭᠤᠷᠮᠠᠴᠢ ᠦᠭᠡᠨ ᠳ᠋ᠦ᠍ ᠦᠨᠡ ᠦᠭᠡᠢ
2440 ᠬᠠᠭᠤᠷᠠᠢ ᠬᠠᠯᠪᠠᠭᠠ ᠬᠡᠯᠡ ᠬᠣᠯᠭᠣᠬᠤ
ᠬᠣᠭᠣᠰᠣᠨ ᠦᠭᠡ ᠬᠣᠭᠣᠯᠠᠢ ᠣᠷᠢᠶᠠᠬᠤ
2441 ᠬᠠᠭᠤᠷᠠᠢ ᠬᠤᠤᠳᠤᠭ ᠲᠤ ᠤᠰᠤ ᠦᠭᠡᠢ
ᠬᠣᠪᠴᠢ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠦᠭᠡᠢ
2442 ᠬᠠᠭᠤᠷᠮᠠᠴᠢ ᠪᠣᠯ ᠦᠷᠭᠦᠯᠵᠢ ᠲᠦᠭᠰᠢᠬᠦ
ᠵᠢᠰᠤᠷᠴᠢ ᠪᠣᠯ ᠡᠭᠡᠨᠡᠭᠲᠡ ᠰᠡᠵᠢᠭᠯᠡᠭᠳᠡᠬᠦ
2443 ᠬᠠᠭᠤᠷᠮᠠᠴᠢ ᠮᠡᠬᠡ ᠭᠠᠷᠭᠠᠵᠤ
ᠬᠠᠨᠢ ᠪᠠᠨ ᠪᠢᠲᠡᠭᠡᠢ ᠵᠤᠪᠠᠭᠠ
ᠬᠤᠳᠠᠯ ᠬᠣᠪ ᠰᠠᠴᠤᠵᠤ
ᠬᠣᠲᠠ ᠪᠠᠨ ᠪᠢᠲᠡᠭᠡᠢ ᠭᠣᠳᠣᠭᠠ
2444 ᠬᠠᠭᠤᠷᠮᠠᠴᠢ ᠨᠢᠳᠦ
ᠬᠣᠣᠷᠲᠤ ᠰᠤᠮᠤᠨ ᠠ᠋ᠴᠠ ᠠᠶᠤᠯ ᠲᠠᠢ
2445 ᠬᠠᠭᠤᠷᠮᠠᠴᠢ ᠰᠡᠳᠬᠢᠯ ᠦ᠋ᠨ ᠬᠤᠪᠢᠷᠠᠬᠤ ᠨᠢ ᠠᠮᠠᠷᠬᠠᠨ
ᠬᠠᠭᠤᠷᠠᠢ ᠮᠣᠳᠣᠨ ᠤ᠋ ᠬᠤᠭᠤᠷᠠᠬᠤ ᠨᠢ ᠠᠮᠠᠷᠬᠠᠨ
2446 ᠬᠠᠭᠤᠷᠮᠠᠴᠢ ᠬᠥᠮᠦᠨ
ᠬᠠᠤᠯᠢ ᠠ᠋ᠴᠠ ᠠᠶᠤᠳᠠᠭ
2447 ᠬᠠᠭᠤᠷᠮᠠᠴᠢ ᠶᠠᠪᠤᠳᠠᠯ ᠡᠵᠡᠨ ᠳ᠋ᠡᠭᠡᠨ
ᠬᠠᠷᠠ ᠰᠠᠨᠠᠭᠠ ᠪᠡᠶᠡ ᠳ᠋ᠡᠭᠡᠨ
2448 ᠬᠠᠭᠤᠷᠬᠤ ᠬᠤᠳᠠᠯᠴᠢ ᠶ᠋ᠢᠨ ᠵᠢᠭᠡ
ᠬᠢᠮᠤᠰᠤᠯᠠᠬᠤ ᠬᠤᠯᠠᠭᠠᠢᠴᠢ ᠶ᠋ᠢᠨ ᠵᠢᠭᠡ
2449 ᠬᠠᠭᠤᠷᠮᠠᠭ ᠠᠮᠠᠷᠠᠭ ᠬᠠᠭᠠᠴᠠᠬᠤ ᠳ᠋ᠤ᠌ ᠬᠢᠯᠪᠠᠷ
ᠬᠠᠭᠤᠷᠠᠢ ᠮᠣᠳᠣ ᠬᠤᠭᠤᠷᠠᠬᠤ ᠳ᠋ᠤ᠌ ᠬᠢᠯᠪᠠᠷ
2450 ᠬᠠᠭᠤᠷᠤᠭᠰᠠᠭᠠᠷ ᠬᠠᠭᠤᠷᠤᠭᠰᠠᠭᠠᠷ ᠬᠤᠳᠠᠯᠴᠢ
ᠬᠢᠮᠤᠰᠤᠯᠠᠭᠰᠠᠭᠠᠷ ᠬᠢᠮᠤᠰᠤᠯᠠᠭᠰᠠᠭᠠᠷ ᠬᠤᠯᠠᠭᠠᠢᠴᠢ
2451 ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ ᠦᠷᠡ ᠦᠭᠡᠢ
ᠬᠠᠭᠤᠷᠮᠠᠴᠢ ᠬᠥᠮᠦᠨ ᠨᠥᠬᠥᠷ ᠦᠭᠡᠢ
2452 ᠬᠠᠭᠤᠴᠢᠨ ᠦᠭᠡᠨ ᠳ᠋ᠦ᠍ ᠬᠤᠳᠠᠯ ᠦᠭᠡᠢ
ᠬᠤᠷᠮᠤᠰᠲᠠ ᠲᠩᠷᠢ ᠳ᠋ᠦ᠍ ᠣᠷᠣᠢ ᠦᠭᠡᠢ
2453 ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠣᠯᠵᠤ
ᠰᠢᠨᠡ ᠶᠠᠭᠤᠮᠠ ᠵᠤᠯᠠ ᠪᠣᠯᠬᠤ
2454 ᠬᠦᠵᠢᠨ ᠳ᠋ᠦ᠍ ᠳᠥᠯᠥ ᠦᠭᠡᠢ
ᠬᠦᠷᠭᠡᠨ ᠳ᠋ᠦ᠍ ᠨᠢᠯᠪᠤᠰᠤ ᠦᠭᠡᠢ
2455 ᠬᠦᠵᠦᠭᠦᠦ ᠰᠠᠢᠲᠠᠢ ᠨᠢ ᠵᠢᠳᠬᠦᠵᠦ ᠵᠣᠪᠠᠨᠠ
ᠬᠥᠯ ᠰᠠᠢᠲᠠᠢ ᠨᠢ ᠭᠦᠶᠦᠵᠦ ᠵᠣᠪᠠᠨᠠ
2456 ᠬᠦᠢᠲᠡᠨ ᠦ᠌ ᠠᠮᠠ ᠴᠠᠭᠠᠰᠢ ᠪᠠᠨ ᠬᠠᠷᠠᠵᠤ
ᠬᠥᠬᠦᠦᠷ ᠦ᠋ᠨ ᠠᠮᠠ ᠨᠠᠭᠠᠰᠢ ᠪᠠᠨ ᠬᠠᠷᠠᠬᠤ
2457 ᠬᠦᠢᠲᠡᠷᠡᠬᠦ ᠲᠩᠷᠢ ᠶ᠋ᠢᠨ ᠬᠥᠪᠡᠭᠡ ᠨᠢ ᠬᠥᠬᠡ
ᠬᠡᠷᠡᠭᠦᠯᠴᠢ ᠬᠥᠮᠦᠨ ᠦ᠌ ᠤᠷᠤᠭᠤᠯ ᠨᠢ ᠬᠥᠬᠡ
2458 ᠬᠦᠢᠲᠡᠨ ᠬᠡᠳᠦᠢ ᠴᠢᠩᠭᠠᠷᠠᠪᠠᠯ
ᠮᠥᠰᠥ ᠲᠡᠳᠦᠢ ᠬᠥᠯᠳᠡᠳᠡᠭ
ᠬᠡᠷᠡᠭ ᠬᠡᠳᠦᠢ ᠶᠡᠬᠡᠳᠪᠡᠯ
ᠬᠠᠤᠯᠢ ᠲᠡᠳᠦᠢ ᠬᠤᠷᠴᠠᠳᠳᠠᠭ
2459 ᠬᠦᠯᠦᠭ ᠮᠣᠷᠢ ᠪᠡᠯᠴᠢᠭᠡᠷ ᠲᠡᠭᠡᠨ
ᠬᠥᠮᠦᠨ ᠦ᠌ ᠬᠦᠦ ᠨᠤᠲᠤᠭ ᠲᠠᠭᠠᠨ
2460 ᠬᠦᠯᠦᠭ ᠮᠣᠷᠢ ᠬᠥᠮᠦᠨ ᠦ᠌ ᠨᠥᠬᠥᠷ
ᠬᠦᠳᠡᠷ ᠨᠤᠮᠤ ᠵᠣᠷᠢᠭ ᠤ᠋ᠨ ᠨᠥᠬᠥᠷ
2461 ᠬᠦᠯᠦᠭ ᠮᠣᠷᠢ ᠶ᠋ᠢ ᠠᠪᠤᠶᠠ ᠭᠡᠪᠡᠯ
ᠰᠢᠲᠦ ᠶ᠋ᠢ ᠨᠢ ᠦᠵᠡ
ᠬᠥᠮᠦᠨ ᠲᠡᠢ ᠨᠥᠬᠥᠷᠯᠡᠵᠦ ᠶᠠᠪᠤᠶᠠ ᠭᠡᠪᠡᠯ
ᠰᠡᠳᠬᠢᠯ ᠢ᠋ ᠨᠢ ᠮᠡᠳᠡ
2462 ᠬᠦᠯᠦᠭ ᠮᠠᠭᠤᠲᠠᠢ ᠬᠥᠮᠦᠨ ᠳ᠋ᠦ᠍ ᠭᠠᠵᠠᠷ ᠬᠣᠯᠠ
ᠡᠶᠡ ᠮᠠᠭᠤᠲᠠᠢ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠬᠣᠯᠠ
2463 ᠬᠦᠯᠦᠭ ᠦ᠋ᠨ ᠴᠢᠳᠠᠯ ᠢ᠋ ᠮᠡᠳᠡᠬᠦ ᠳ᠋ᠦ᠍ ᠬᠢᠯᠪᠠᠷ
ᠬᠥᠮᠦᠨ ᠦ᠌ ᠰᠡᠳᠬᠢᠯ ᠢ᠋ ᠮᠡᠳᠡᠬᠦ ᠳ᠋ᠦ᠍ ᠪᠡᠷᠬᠡ
2464 ᠬᠥᠮᠦᠨ ᠠᠬᠠ ᠲᠠᠢ
ᠳᠡᠪᠡᠯ ᠵᠠᠬᠠ ᠲᠠᠢ
2465 ᠬᠥᠮᠦᠨ ᠪᠡᠶᠡ ᠪᠡᠨ ᠮᠡᠳᠡᠬᠦ ᠦᠭᠡᠢ
ᠬᠡᠦᠬᠡᠳ ᠵᠠᠩ ᠢ᠋ᠶ᠋ᠠᠨ ᠮᠡᠳᠡᠬᠦ ᠦᠭᠡᠢ
2466 ᠬᠥᠮᠦᠨ ᠪᠣᠯᠬᠤ ᠪᠠᠭᠠ ᠠ᠋ᠴᠠ ᠪᠠᠨ
ᠬᠦᠯᠦᠭ ᠪᠣᠯᠬᠤ ᠤᠨᠠᠭᠠᠨ ᠠ᠋ᠴᠠ ᠪᠠᠨ
2467 ᠬᠥᠮᠦᠨ ᠪᠦᠭᠦᠳᠡ ᠢᠳᠡᠲᠡᠢ
ᠬᠦᠯᠦᠭ ᠪᠦᠭᠦᠳᠡ ᠬᠤᠷᠳᠤ ᠲᠠᠢ
2468 ᠬᠥᠮᠦᠨ ᠭᠡᠮ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ
ᠲᠡᠮᠡᠭᠡ ᠭᠡᠲᠡᠬᠡᠷ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ
2469 ᠬᠥᠮᠦᠨ ᠶᠣᠰᠣ ᠳᠠᠭᠠᠨᠠ
ᠨᠣᠬᠠᠢ ᠶᠠᠰᠤ ᠳᠠᠭᠠᠨᠠ
2470 ᠬᠥᠮᠦᠨ ᠵᠠᠯᠠᠭᠤ ᠪᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
ᠮᠣᠳᠣ ᠰᠢᠯᠤᠭᠤᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
2471 ᠬᠥᠮᠦᠨ ᠵᠠᠯᠠᠭᠤ ᠳ᠋ᠠᠭᠠᠨ
ᠴᠡᠴᠡᠭ ᠵᠤᠨ ᠳ᠋ᠠᠭᠠᠨ
2472 ᠬᠥᠮᠦᠨ ᠢᠵᠢᠯᠢᠳᠬᠦ ᠳᠣᠳᠣᠮ ᠢ᠋ᠶ᠋ᠠᠨ ᠤᠢᠳᠳᠠᠭ
ᠮᠠᠯ ᠤᠳᠠᠬᠤ ᠳᠣᠳᠣᠮ ᠢ᠋ᠶ᠋ᠠᠨ ᠢᠵᠢᠯᠢᠳᠳᠡᠭ
2473 ᠬᠥᠮᠦᠨ ᠶᠡᠬᠡᠲᠡᠢ ᠭᠠᠵᠠᠷ ᠨᠠᠷᠭᠢᠶᠠᠨ ᠲᠠᠢ
ᠬᠡᠦᠬᠡᠳ ᠣᠯᠠᠨ ᠲᠠᠢ ᠭᠠᠵᠠᠷ ᠱᠤᠤᠭᠢᠶᠠᠨ ᠲᠠᠢ
2474 ᠬᠥᠮᠦᠨ ᠮᠠᠭᠤ ᠪᠣᠯᠪᠠᠴᠤ ᠵᠢᠷᠤᠮ ᠲᠠᠢ ᠨᠢ ᠳᠡᠭᠡᠷᠡ
ᠨᠣᠬᠠᠢ ᠮᠠᠭᠤ ᠪᠣᠯᠪᠠᠴᠤ ᠰᠡᠭᠦᠯ ᠲᠡᠢ ᠨᠢ ᠳᠡᠭᠡᠷᠡ
2475 ᠬᠥᠮᠦᠨ ᠮᠠᠭᠤ ᠪᠠᠨ ᠳᠠᠷᠤᠯᠠᠨᠠ
ᠮᠠᠯ ᠮᠠᠭᠤ ᠪᠠᠨ ᠰᠠᠵᠢᠯᠠᠨᠠ
2476 ᠬᠥᠮᠦᠨ ᠮᠠᠭᠤ ᠪᠠᠨ ᠮᠡᠳᠡᠬᠦ ᠦᠭᠡᠢ
ᠬᠦᠷᠢ ᠬᠣᠷᠣᠬᠠᠢ ᠦᠮᠡᠬᠡᠢ ᠪᠡᠨ ᠮᠡᠳᠡᠬᠦ ᠦᠭᠡᠢ
2477 ᠬᠥᠮᠦᠨ ᠰᠣᠨᠣᠰᠬᠤ ᠦᠭᠡᠢ
ᠨᠣᠬᠠᠢ ᠰᠢᠩᠰᠢᠯᠡᠬᠦ ᠦᠭᠡᠢ ᠦᠭᠡ
2478 ᠬᠥᠮᠦᠨ ᠬᠢᠷᠢ ᠪᠡᠷ ᠢ᠋ᠶ᠋ᠡᠨ
ᠲᠡᠮᠡᠭᠡ ᠳᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ
2479 ᠬᠥᠮᠦᠨ ᠬᠣᠭᠣᠯᠠ ᠪᠠᠷ
ᠬᠦᠯᠦᠭ ᠡᠪᠡᠰᠦ ᠪᠡᠷ
2480 ᠬᠥᠮᠦᠨ ᠬᠥᠮᠦᠨ ᠦ᠌ ᠰᠤᠷᠴᠠ ᠣᠨᠳᠣᠣ
ᠨᠤᠲᠤᠭ ᠨᠤᠲᠤᠭ ᠤ᠋ᠨ ᠵᠠᠩᠰᠢᠯ ᠣᠨᠳᠣᠣ
2481 ᠬᠥᠮᠦᠨ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ
ᠰᠢᠪᠠᠭᠤ ᠳᠠᠯᠠᠪᠴᠢ ᠪᠠᠷ ᠢ᠋ᠶ᠋ᠠᠨ
2482 ᠬᠥᠮᠦᠨ ᠬᠡᠳᠦᠢ ᠮᠡᠷᠭᠡᠨ ᠴᠦ᠍
ᠬᠡᠯᠡᠬᠦ ᠡᠴᠡ ᠴᠠᠭᠠᠰᠢ ᠮᠡᠳᠡᠬᠦ ᠦᠭᠡᠢ
ᠴᠠᠭᠠᠰᠤ ᠬᠡᠳᠦᠢ ᠨᠢᠮᠭᠡᠨ ᠴᠦ᠍
ᠴᠢᠴᠢᠬᠦ ᠡᠴᠡ ᠴᠠᠭᠠᠰᠢ ᠴᠣᠭᠣᠷᠠᠳᠠᠭ ᠦᠭᠡᠢ
2483 ᠬᠥᠮᠦᠨ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ
ᠮᠠᠯ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
2484 ᠬᠥᠮᠦᠨ ᠦᠭᠡᠢ ᠭᠠᠵᠠᠷ ᠪᠡᠶᠡ ᠪᠡᠨ ᠰᠢᠨᠵᠢ
ᠬᠥᠮᠦᠨ ᠲᠡᠢ ᠭᠠᠵᠠᠷ ᠦᠭᠡ ᠪᠡᠨ ᠰᠢᠨᠵᠢ
2485 ᠬᠥᠮᠦᠨ ᠦᠭᠡᠢ ᠭᠠᠵᠠᠷ ᠬᠢᠲᠤᠭᠠ ᠪᠠᠷ ᠠᠯᠠᠬᠤ
ᠬᠥᠮᠦᠨ ᠲᠡᠢ ᠭᠠᠵᠠᠷ ᠦᠭᠡ ᠪᠡᠷ ᠠᠯᠠᠬᠤ
2486 ᠬᠦᠨᠳᠦ ᠠᠴᠢᠶᠠ ᠬᠥᠰᠬᠡ ᠳ᠋ᠦ᠍ ᠬᠠᠯᠠᠲᠠᠢ
ᠬᠥᠰᠢᠭᠦᠨ ᠵᠠᠩ ᠪᠡᠶᠡ ᠳ᠋ᠦ᠍ ᠬᠣᠣᠷᠲᠠᠢ
2487 ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠬᠡᠷᠡᠭᠲᠡᠢ
ᠰᠦᠷᠦᠭ ᠲᠦ᠍ ᠡᠵᠡᠨ ᠬᠡᠷᠡᠭᠲᠡᠢ
2488 ᠬᠥᠮᠦᠨ ᠳ᠋ᠦ᠍ ᠰᠡᠳᠬᠢᠯ ᠪᠠᠢᠳᠠᠭ
ᠴᠠᠬᠢᠭᠤᠷ ᠲᠤ᠌ ᠭᠠᠯ ᠪᠠᠢᠳᠠᠭ
2489 ᠬᠥᠮᠦᠨ ᠳ᠋ᠦ᠍ ᠲᠤᠰᠠ ᠬᠢᠪᠡᠯ
ᠥᠪᠡᠷ ᠲᠦ᠍ ᠪᠤᠶᠠᠨ ᠬᠤᠷᠠᠨᠠ
2490 ᠬᠥᠮᠦᠨ ᠳ᠋ᠦ᠍ ᠲᠤᠰᠠᠯᠠᠭᠰᠠᠨ ᠢ᠋ᠶ᠋ᠠᠨ ᠮᠠᠷᠲᠠ
ᠬᠥᠮᠦᠨ ᠢ᠋ᠶ᠋ᠡᠷ ᠲᠤᠰᠠᠯᠠᠭᠤᠯᠤᠭᠰᠠᠨ ᠢ᠋ᠶ᠋ᠠᠨ ᠪᠦᠦ ᠮᠠᠷᠲᠠ
2491 ᠬᠦᠨᠳᠦ ᠶ᠋ᠢ ᠡᠷᠭᠦᠬᠦ ᠳ᠋ᠦ᠍
ᠬᠥᠰᠢᠭᠦᠷᠭᠡ ᠬᠡᠷᠡᠭᠲᠡᠢ
ᠬᠦᠰᠡᠯ ᠢ᠋ ᠪᠡᠶᠡᠯᠡᠭᠦᠯᠬᠦ ᠳ᠋ᠦ᠍
ᠵᠣᠷᠢᠭ ᠬᠡᠷᠡᠭᠲᠡᠢ
2492 ᠬᠦᠨᠳᠦ ᠪᠡᠨ ᠬᠥᠩᠭᠡᠨ ᠢ᠋ᠶ᠋ᠡᠷ
ᠬᠦᠯᠦᠭ ᠢ᠋ᠶ᠋ᠡᠨ ᠡᠯᠵᠢᠭᠡ ᠪᠡᠷ
2493 ᠬᠥᠮᠦᠨ ᠦ᠌ ᠠᠪᠠᠭᠠᠢ ᠲᠣᠭᠣᠰ ᠰᠢᠭ᠋
ᠥᠪᠡᠷ ᠦ᠋ᠨ ᠠᠪᠠᠭᠠᠢ ᠲᠣᠭᠣᠭᠠᠨ ᠤ᠋ ᠪᠠᠷᠢᠭᠤᠯ ᠰᠢᠭ᠋
2494 ᠬᠥᠮᠦᠨ ᠦ᠌ ᠠᠮᠠ ᠪᠠᠷ
ᠪᠤᠳᠠᠭᠠ ᠢᠳᠡᠬᠦ
2495 ᠬᠥᠮᠦᠨ ᠦ᠌ ᠪᠠᠭᠠ ᠠᠳᠠ ᠲᠠᠢ
ᠬᠦᠯᠦᠭ ᠦ᠋ᠨ ᠪᠠᠭᠠ ᠬᠤᠷᠳᠤ ᠲᠠᠢ
2496 ᠬᠥᠮᠦᠨ ᠦ᠌ ᠪᠠᠭᠠ ᠨᠢ ᠬᠥᠳᠡᠯᠵᠦ
ᠰᠢᠪᠠᠭᠤᠨ ᠤ᠋ ᠪᠠᠭᠠ ᠨᠢ ᠵᠢᠷᠭᠢᠳᠡᠭ
2497 ᠬᠥᠮᠦᠨ ᠦ᠌ ᠪᠤᠷᠬᠠᠨ
ᠥᠪᠡᠷ ᠦ᠋ᠨ ᠪᠤᠭ ᠬᠣᠶᠠᠷ ᠠᠳᠠᠯᠢ
2498 ᠬᠥᠮᠦᠨ ᠦ᠌ ᠭᠠᠵᠠᠷ ᠨᠡᠷᠡ ᠪᠡᠨ
ᠥᠪᠡᠷ ᠦ᠋ᠨ ᠭᠠᠵᠠᠷ ᠶᠠᠰᠤ ᠪᠠᠨ
2499 ᠬᠥᠮᠦᠨ ᠦ᠌ ᠭᠠᠷ ᠢ᠋ᠶ᠋ᠠᠷ
ᠮᠣᠭᠠᠢ ᠪᠠᠷᠢᠭᠤᠯᠬᠤ
2500 ᠬᠥᠮᠦᠨ ᠦ᠌ ᠭᠡᠷ ᠲᠤ᠌ ᠲᠣᠰᠣ ᠤᠤᠭᠤᠭᠰᠠᠨ ᠠ᠋ᠴᠠ
ᠥᠪᠡᠷ ᠦ᠋ᠨ ᠭᠡᠷ ᠲᠦ᠍ ᠤᠰᠤ ᠤᠤᠭᠤᠭᠰᠠᠨ ᠨᠢ ᠳᠡᠭᠡᠷᠡ
2501 ᠬᠥᠮᠦᠨ ᠦ᠌ ᠵᠠᠶᠠᠭᠠ
ᠲᠩᠷᠢ ᠶ᠋ᠢᠨ ᠭᠠᠷ ᠲᠤ᠌
2502 ᠬᠥᠮᠦᠨ ᠦ᠌ ᠮᠣᠷᠢ ᠶ᠋ᠢ ᠤᠨᠤᠭᠰᠠᠨ ᠬᠥᠮᠦᠨ ᠤᠷᠤᠯᠳᠤᠮᠠᠳᠠᠭᠠᠢ
ᠬᠥᠮᠦᠨ ᠦ᠌ ᠬᠤᠪᠴᠠᠰᠤ ᠶ᠋ᠢ ᠡᠮᠦᠰᠦᠭᠰᠡᠨ ᠬᠥᠮᠦᠨ ᠪᠠᠷᠢᠯᠳᠤᠮᠠᠳᠠᠭᠠᠢ
2503 ᠬᠥᠮᠦᠨ ᠦ᠌ ᠮᠠᠭᠤ ᠠ᠋ᠴᠠ ᠦᠭᠡ ᠭᠠᠷᠳᠠᠭ
ᠮᠣᠳᠣᠨ ᠤ᠋ ᠮᠠᠭᠤ ᠠ᠋ᠴᠠ ᠦᠨᠡᠰᠦ ᠭᠠᠷᠳᠠᠭ
2504 ᠬᠥᠮᠦᠨ ᠦ᠌ ᠣᠯᠠᠨ ᠬᠥᠮᠦᠨ ᠢ᠋ᠶ᠋ᠡᠨ ᠪᠠᠷᠢᠳᠠᠭ ᠦᠭᠡᠢ
ᠨᠣᠬᠠᠢ ᠶ᠋ᠢᠨ ᠣᠯᠠᠨ ᠨᠣᠬᠠᠢ ᠪᠠᠨ ᠪᠠᠷᠢᠳᠠᠭ
2505 ᠬᠥᠮᠦᠨ ᠦ᠌ ᠰᠠᠢᠨ ᠦᠨᠡᠨᠴᠢ
ᠬᠦᠯᠦᠭ ᠦ᠋ᠨ ᠰᠠᠢᠨ ᠭᠠᠵᠠᠷᠴᠢ
2506 ᠬᠥᠮᠦᠨ ᠦ᠌ ᠰᠠᠢᠨ ᠬᠦᠴᠢᠷ ᠴᠠᠭ ᠲᠤ ᠲᠠᠨᠢᠭᠳᠠᠬᠤ
ᠬᠦᠯᠦᠭ ᠦ᠋ᠨ ᠰᠠᠢᠨ ᠠᠯᠤᠰ ᠤ᠋ᠨ ᠵᠠᠮ ᠳ᠋ᠤ᠌ ᠲᠠᠨᠢᠭᠳᠠᠬᠤ
2507 ᠬᠥᠮᠦᠨ ᠦ᠌ ᠰᠠᠢᠨ ᠢ᠋ ᠲᠦᠰᠢᠵᠦ ᠮᠡᠳᠡ
ᠬᠦᠯᠦᠭ ᠦ᠋ᠨ ᠰᠠᠢᠨ ᠢ᠋ ᠤᠨᠤᠵᠤ ᠮᠡᠳᠡ
2508 ᠬᠥᠮᠦᠨ ᠦ᠌ ᠰᠠᠢᠨ ᠢ᠋ ᠦᠬᠦᠭᠰᠡᠨ ᠬᠣᠢᠨᠠ ᠨᠢ
ᠮᠣᠷᠢᠨ ᠤ᠋ ᠰᠠᠢᠨ ᠢ᠋ ᠵᠠᠷᠤᠭᠰᠠᠨ ᠬᠣᠢᠨᠠ ᠨᠢ
2509 ᠬᠥᠮᠦᠨ ᠦ᠌ ᠰᠠᠢᠬᠠᠨ
ᠬᠥᠮᠦᠨ ᠳ᠋ᠦ᠍ ᠨᠠᠭᠠᠯᠳᠤᠬᠤ ᠥᠬᠡᠢ
2510 ᠬᠥᠮᠦᠨ ᠦ᠌ ᠰᠠᠨᠠᠭᠠ ᠦᠵᠦᠭᠦᠷ ᠦᠭᠡᠢ
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠬᠢᠵᠠᠭᠠᠷ ᠦᠭᠡᠢ
2511 ᠬᠥᠮᠦᠨ ᠦ᠌ ᠲᠠᠮᠢᠷ ᠵᠢᠷᠦᠬᠡᠨ ᠳ᠋ᠡᠭᠡᠨ
ᠬᠦᠯᠦᠭ ᠦ᠋ᠨ ᠲᠠᠮᠢᠷ ᠲᠤᠭᠤᠷᠠᠢ ᠳ᠋ᠠᠭᠠᠨ
2512 ᠬᠥᠮᠦᠨ ᠦ᠌ ᠤᠭ ᠨᠠᠭᠠᠴᠤ
ᠮᠣᠳᠣᠨ ᠤ᠋ ᠤᠭ ᠦᠨᠳᠦᠰᠦ
2513 ᠬᠥᠮᠦᠨ ᠦ᠌ ᠤᠬᠠᠭᠠᠨ ᠢ᠋ᠶ᠋ᠠᠷ ᠶᠠᠪᠤᠳᠠᠭ ᠰᠡᠴᠡᠨ ᠡᠴᠡ
ᠥᠪᠡᠷ ᠦ᠋ᠨ ᠤᠬᠠᠭᠠᠨ ᠢ᠋ᠶ᠋ᠠᠷ ᠶᠠᠪᠤᠳᠠᠭ ᠲᠡᠨᠡᠭ ᠳᠡᠭᠡᠷᠡ
2514 ᠬᠥᠮᠦᠨ ᠦ᠌ ᠦᠭᠡ ᠪᠡᠷ ᠦᠭᠡ ᠪᠤᠤ ᠬᠢ
ᠬᠡᠭᠡᠷᠡ ᠶ᠋ᠢᠨ ᠨᠣᠬᠠᠢ ᠪᠠᠷ ᠨᠣᠬᠠᠢ ᠪᠤᠤ ᠬᠢ
2515 ᠬᠥᠮᠦᠨ ᠦ᠌ ᠦᠭᠡ ᠪᠡᠷ ᠦᠭᠡ ᠬᠢᠵᠦ
ᠬᠥᠲᠥᠰᠥᠨ ᠦ᠌ ᠥᠭᠡᠳᠡᠰᠦ ᠪᠡᠷ ᠳᠡᠪᠡᠯ ᠬᠢᠬᠦ
2516 ᠬᠥᠮᠦᠨ ᠦ᠌ ᠬᠢᠭᠰᠡᠨ ᠢ᠋ ᠦᠨᠡᠯᠡ
ᠥᠪᠡᠷ ᠦ᠋ᠨ ᠬᠢᠭᠰᠡᠨ ᠢ᠋ ᠴᠢᠮᠠᠯᠠ
2517 ᠬᠥᠮᠦᠨ ᠦ᠌ ᠭᠬᠢᠷ ᠢ᠋ ᠬᠠᠷᠠᠬᠤ ᠪᠠᠷ
ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠭᠬᠢᠷ ᠢ᠋ ᠬᠢᠴᠢᠶᠡ
2518 ᠬᠥᠮᠦᠨ ᠦ᠌ ᠬᠣᠣᠷᠯᠠᠯ ᠳᠠᠯᠳᠠ
ᠮᠣᠭᠠᠢ ᠶ᠋ᠢᠨ ᠬᠣᠣᠷᠯᠠᠯ ᠢᠯᠡ
2519 ᠬᠥᠮᠦᠨ ᠦ᠌ ᠬᠠᠭᠤᠴᠢᠨ ᠨᠢ
ᠳᠡᠪᠡᠯ ᠦ᠋ᠨ ᠰᠢᠨᠡ ᠨᠢ
2520 ᠬᠥᠮᠦᠨ ᠦ᠌ ᠬᠦᠦ
ᠬᠦᠷᠡᠩ ᠪᠥᠭᠡᠷᠡ ᠲᠡᠢ
2521 ᠬᠥᠮᠦᠨ ᠦ᠌ ᠬᠦᠦ ᠮᠠᠭᠤ ᠪᠣᠯ
ᠡᠴᠢᠭᠡ ᠶ᠋ᠢᠨ ᠨᠡᠷᠡ ᠶ᠋ᠢ ᠭᠤᠲᠤᠭᠠᠨᠠ
ᠬᠦᠯᠦᠭ ᠤᠨᠠᠭᠠ ᠮᠠᠭᠤ ᠪᠣᠯ
ᠰᠦᠷᠦᠭ ᠦ᠋ᠨ ᠨᠡᠷᠡ ᠶ᠋ᠢ ᠭᠤᠲᠤᠭᠠᠨᠠ
2522 ᠬᠥᠮᠦᠨ ᠦ᠌ ᠬᠦᠦ ᠬᠠᠨᠢ ᠪᠠᠨ ᠰᠣᠩᠭᠣᠳᠠᠭ
ᠬᠦᠯᠦᠭ ᠦ᠋ᠨ ᠬᠦᠦ ᠵᠠᠮ ᠢ᠋ ᠰᠣᠩᠭᠣᠳᠠᠭ
2523 ᠬᠥᠮᠦᠨ ᠦ᠌ ᠬᠦᠦ ᠬᠦᠰᠡᠭᠰᠡᠨ ᠳ᠋ᠡᠭᠡᠨ
ᠬᠦᠯᠦᠭ ᠮᠣᠷᠢ ᠬᠠᠷᠠᠢᠭᠰᠠᠨ ᠳ᠋ᠠᠭᠠᠨ
2524 ᠬᠥᠮᠦᠨ ᠦ᠌ ᠬᠦᠦ ᠳ᠋ᠦ᠍ ᠬᠦᠴᠦ ᠣᠷᠣᠭᠤᠯᠳᠠᠭ ᠰᠤᠷᠭᠠᠯ
ᠬᠦᠯᠦᠭ ᠦ᠋ᠨ ᠤᠨᠠᠭᠠᠨ ᠳ᠋ᠤ᠌ ᠴᠢᠳᠠᠯ ᠣᠷᠣᠭᠤᠯᠳᠠᠭ ᠲᠡᠵᠢᠭᠡᠯ
2525 ᠬᠥᠮᠦᠨ ᠦ᠌ ᠬᠡᠯᠡ
ᠬᠢᠲᠤᠭᠠᠨ ᠤ᠋ ᠢᠷ ᠡᠴᠡ ᠬᠤᠷᠴᠠ
2526 ᠬᠥᠮᠦᠨ ᠦ᠌ ᠬᠡᠷᠡᠭ ᠪᠦᠲᠦᠪᠡᠯ
ᠥᠪᠡᠷ ᠦ᠋ᠨ ᠬᠡᠷᠡᠭ ᠪᠦᠲᠦᠳᠡᠭ
2527 ᠬᠥᠮᠦᠨ ᠦ᠌ ᠡᠯᠡᠭ
ᠬᠡᠦᠬᠡᠳ ᠦ᠋ᠨ ᠳᠣᠭᠣᠭᠢ
2528 ᠬᠥᠮᠦᠨ ᠦ᠌ ᠡᠨᠳᠡᠭᠦᠦ ᠶ᠋ᠢ ᠦᠵᠡᠬᠦ ᠪᠡᠷ
ᠥᠪᠡᠷ ᠦ᠋ᠨ ᠡᠨᠳᠡᠭᠦᠦ ᠶ᠋ᠢ ᠬᠠᠢ
2529 ᠬᠥᠮᠦᠨ ᠦ᠌ ᠡᠷᠬᠡ ᠪᠡᠷ ᠵᠢᠷᠭᠠᠬᠤ ᠪᠠᠷ
ᠥᠪᠡᠷ ᠦ᠋ᠨ ᠡᠷᠬᠡ ᠪᠡᠷ ᠵᠣᠪᠠ
2530 ᠬᠥᠮᠦᠨ ᠦ᠌ ᠡᠷᠬᠡ ᠪᠡᠷ ᠲᠣᠰᠣ ᠤᠤᠭᠤᠬᠤ ᠪᠠᠷ
ᠥᠪᠡᠷ ᠦ᠋ᠨ ᠳᠤᠷᠠ ᠪᠠᠷ ᠤᠰᠤ ᠤᠤᠭᠤ
2531 ᠬᠥᠮᠦᠨ ᠦ᠌ ᠶᠠᠭᠤᠮᠠ ᠬᠦᠰᠡᠭᠰᠡᠨ ᠴᠦ᠍ ᠴᠠᠭᠠᠰᠢ ᠪᠠᠨ
ᠥᠪᠡᠷ ᠦ᠋ᠨ ᠶᠠᠭᠤᠮᠠ ᠥᠰᠢᠭᠰᠡᠨ ᠴᠦ᠍ ᠨᠠᠭᠠᠰᠢ ᠪᠠᠨ
2532 ᠬᠥᠮᠦᠨ ᠦ᠌ ᠶᠠᠭᠤᠮᠠ ᠪᠠᠷ ᠭᠦᠦᠳᠡᠩᠨᠡᠬᠦ
ᠬᠦᠦ ᠲᠡᠢ ᠮᠥᠩᠭᠥ ᠪᠡᠷ ᠸᠠᠳᠠᠩᠨᠠᠬᠤ
2533 ᠬᠥᠮᠦᠨ ᠦ᠌ ᠶᠠᠭᠤᠮᠠᠨ ᠳ᠋ᠤ᠌ ᠪᠦᠦ ᠰᠢᠨᠤ
ᠬᠦᠷᠲᠡᠭᠰᠡᠨ ᠬᠥᠷᠥᠩᠭᠡ ᠪᠡᠨ ᠪᠤᠤ ᠴᠢᠮᠠᠯᠠ
2534 ᠬᠥᠮᠦᠨ ᠦ᠌ ᠶᠠᠭᠤᠮᠠᠨ ᠳ᠋ᠤ᠌ ᠬᠣᠩ ᠬᠡᠷᠢᠶᠡ
ᠥᠪᠡᠷ ᠦ᠋ᠨ ᠶᠠᠭᠤᠮᠠᠨ ᠳ᠋ᠤ᠌ ᠥᠨᠳᠡᠭᠡ ᠳᠠᠷᠤᠭᠰᠠᠨ ᠲᠠᠬᠢᠶᠠ
2535 ᠬᠥᠮᠦᠨ ᠢ᠋ ᠠᠷᠭᠠ ᠪᠠᠷ
ᠬᠦᠯᠦᠭ ᠢ᠋ ᠤᠷᠭᠠ ᠪᠠᠷ
2536 ᠬᠥᠮᠦᠨ ᠢ᠋ ᠵᠢᠰᠦ ᠪᠡᠷ ᠨᠢ ᠰᠢᠨᠵᠢᠵᠦ ᠪᠣᠯᠳᠠᠭ ᠦᠭᠡᠢ
ᠤᠰᠤ ᠶ᠋ᠢ ᠤᠭᠤᠲᠠ ᠪᠠᠷ ᠬᠡᠮᠵᠢᠵᠦ ᠪᠣᠯᠳᠠᠭ ᠦᠭᠡᠢ
2537 ᠬᠥᠮᠦᠨ ᠢ᠋ ᠲᠠᠨᠢᠶᠠ ᠭᠡᠪᠡᠯ
ᠠᠭᠠᠰᠢ ᠶ᠋ᠢ ᠨᠢ ᠰᠢᠨᠵᠢ
ᠬᠡᠦᠬᠡᠳ ᠢ᠋ ᠲᠠᠨᠢᠶᠠ ᠭᠡᠪᠡᠯ
ᠲᠣᠭᠯᠠᠭᠠᠮ ᠢ᠋ ᠨᠢ ᠦᠵᠡ
2538 ᠬᠥᠮᠦᠨ ᠢ᠋ ᠲᠠᠨᠢᠶᠠ ᠭᠡᠪᠡᠯ
ᠨᠥᠬᠥᠷ ᠢ᠋ ᠨᠢ ᠰᠢᠨᠵᠢ
ᠨᠤᠲᠤᠭ ᠢ᠋ ᠨᠢ ᠰᠢᠨᠵᠢᠶᠡ ᠭᠡᠪᠡᠯ
ᠤᠰᠤ ᠶ᠋ᠢ ᠨᠢ ᠰᠢᠨᠵᠢ
2539 ᠬᠥᠮᠦᠨ ᠢ᠋ ᠦᠵᠡᠬᠦ ᠨᠢᠳᠦ
ᠪᠡᠶᠡ ᠪᠡᠨ ᠦᠵᠡᠬᠦ ᠲᠣᠯᠢ
2540 ᠬᠥᠮᠦᠨ ᠢ᠋ ᠬᠣᠣᠷᠯᠠᠬᠤ ᠬᠥᠮᠦᠨ ᠦ᠌
ᠬᠡᠯᠡᠨ ᠦ᠌ ᠦᠵᠦᠭᠦᠷ ᠵᠥᠭᠡᠯᠡᠨ
2541 ᠬᠥᠮᠦᠨ ᠢ᠋ ᠬᠡᠯᠡᠬᠦ ᠳ᠋ᠦ᠍
ᠬᠦᠷᠡᠩ ᠡᠷᠢᠶᠡᠨ ᠪᠦᠷᠭᠦᠳ ᠰᠢᠭ
ᠥᠪᠡᠷ ᠢ᠋ ᠪᠡᠨ ᠬᠡᠯᠡᠬᠦ ᠳ᠋ᠦ᠍
ᠥᠨᠳᠡᠭᠡ ᠪᠡᠨ ᠳᠠᠷᠤᠭᠰᠠᠨ ᠰᠢᠪᠠᠭᠤ ᠰᠢᠭ᠋
2542 ᠬᠥᠮᠦᠨ ᠦ᠌ ᠬᠢ ᠠᠳᠠᠯᠢ ᠬᠦᠴᠢᠷ ᠶᠠᠭᠤᠮᠠ ᠦᠭᠡᠢ
ᠬᠦᠯᠢᠶᠡᠬᠦ ᠠᠳᠠᠯᠢ ᠤᠳᠠᠭᠠᠨ ᠶᠠᠭᠤᠮᠠ ᠦᠭᠡᠢ
2543 ᠬᠦᠨᠡᠰᠦ ᠭᠣᠯᠣᠪᠠᠯ ᠬᠣᠭᠣᠯᠠ ᠦᠭᠡᠢ
ᠬᠥᠮᠦᠨ ᠭᠣᠯᠣᠪᠠᠯ ᠨᠥᠬᠥᠷ ᠦᠭᠡᠢ
2544 ᠬᠦᠨᠡᠰᠦ ᠦᠭᠡᠢ ᠪᠣᠯ ᠬᠣᠯᠠ ᠵᠠᠮ ᠳ᠋ᠤ᠌ ᠪᠦᠦ ᠭᠠᠷ
ᠬᠦᠴᠦ ᠦᠭᠡᠢ ᠪᠣᠯ ᠬᠥᠮᠦᠨ ᠲᠡᠢ ᠪᠦᠦ ᠪᠠᠷᠢᠯᠳᠤ
2545 ᠬᠦᠨᠡᠰᠦ ᠪᠡᠨ ᠪᠠᠷᠠᠭᠰᠠᠨ ᠬᠥᠮᠦᠨ ᠢᠳᠡᠮᠡᠬᠡᠢ
ᠲᠦᠯᠡᠰᠢ ᠪᠡᠨ ᠪᠠᠷᠠᠭᠰᠠᠨ ᠬᠥᠮᠦᠨ ᠪᠡᠭᠡᠷᠡᠮᠡᠲᠡᠭᠡᠢ
2546 ᠬᠥᠮᠦᠨ ᠲᠡᠢ ᠭᠠᠵᠠᠷ ᠬᠥᠮᠦᠨ ᠥᠯᠪᠡᠷᠴᠦ ᠦᠬᠦᠳᠡᠭ ᠦᠭᠡᠢ
ᠡᠪᠡᠰᠦ ᠲᠡᠢ ᠭᠠᠵᠠᠷ ᠮᠠᠯ ᠲᠤᠷᠠᠵᠤ ᠦᠬᠦᠳᠡᠭ ᠦᠭᠡᠢ
2547 ᠬᠥᠮᠦᠨ ᠲᠡᠢ ᠭᠠᠵᠠᠷ ᠨᠠᠷᠭᠢᠶᠠᠨ ᠲᠠᠢ
ᠬᠡᠦᠬᠡᠳ ᠲᠡᠢ ᠭᠠᠵᠠᠷ ᠱᠤᠤᠭᠢᠶᠠᠨ ᠲᠠᠢ
2548 ᠬᠥᠮᠦᠨ ᠢ᠋ᠶ᠋ᠡᠷ ᠳᠤᠲᠠᠬᠤ ᠪᠠᠷ
ᠬᠦᠨᠡᠰᠦ ᠪᠡᠷ ᠳᠤᠲᠠ
2549 ᠬᠥᠮᠦᠨ ᠡᠴᠡ ᠵᠢᠱ᠌ᠢᠶᠡ ᠠᠪᠳᠠᠭ
ᠬᠥᠳᠡᠯᠮᠦᠷᠢ ᠡᠴᠡ ᠠᠳᠠᠯ ᠠᠪᠳᠠᠭ
2550 ᠬᠥᠮᠦᠨ ᠡᠴᠡ ᠢᠯᠡᠭᠦᠦ ᠮᠡᠳᠡᠨᠡ ᠭᠡᠵᠦ
ᠪᠡᠶᠡ ᠪᠡᠨ ᠪᠦᠦ ᠮᠠᠭᠲᠠ
ᠬᠦᠴᠦ ᠴᠢᠳᠠᠯ ᠶᠡᠬᠡᠲᠡᠢ ᠭᠡᠵᠦ
ᠬᠥᠮᠦᠨ ᠢ᠋ ᠪᠦᠦ ᠪᠠᠰᠤ
2551 ᠬᠦᠷᠭᠡᠨ ᠬᠥᠮᠦᠨ ᠦ᠌ ᠬᠦᠵᠦᠭᠦᠦ ᠨᠢ ᠪᠡᠬᠢ
ᠬᠥᠮᠦᠨ ᠦ᠌ ᠮᠠᠯ ᠤ᠋ᠨ ᠨᠢᠷᠤᠭᠤ ᠨᠢ ᠪᠡᠬᠢ
2552 ᠬᠦᠷᠡᠯ ᠬᠡᠳᠦᠢ ᠬᠠᠲᠠᠭᠤ ᠴᠦ᠍
ᠬᠥᠭᠡᠷᠭᠡ ᠶ᠋ᠢᠨ ᠭᠠᠯ ᠳ᠋ᠤ᠌ ᠤᠶᠠᠷᠠᠳᠠᠭ
2553 ᠬᠦᠷᠢᠶᠡ ᠨᠡᠭᠦᠬᠦ ᠶ᠋ᠢᠨ ᠲᠥᠯᠥᠭᠡ
ᠬᠣᠶᠠᠷ ᠴᠢᠪᠠᠭᠠᠨᠴᠠ ᠬᠡᠷᠡᠯᠳᠦᠬᠦ
2554 ᠬᠦᠰᠡᠭᠰᠡᠨ ᠶᠠᠭᠤᠮᠠ ᠬᠦᠵᠦᠭᠦᠦ ᠪᠡᠷ ᠲᠠᠲᠠᠨᠠ
ᠬᠦᠴᠦᠯᠡᠭᠰᠡᠨ ᠶᠠᠭᠤᠮᠠ ᠲᠠᠷᠢᠬᠢ ᠪᠠᠷ ᠲᠠᠲᠠᠨᠠ
2555 ᠬᠦᠰᠡᠭᠰᠡᠨ ᠶᠠᠭᠤᠮᠠ ᠪᠠᠨ
ᠬᠥᠰᠡᠷ ᠬᠠᠶᠠᠵᠤ ᠪᠣᠯᠬᠤ ᠦᠭᠡᠢ
ᠵᠣᠷᠢᠭᠰᠠᠨ ᠶᠠᠭᠤᠮᠠ ᠪᠠᠨ
ᠵᠣᠷᠢᠭ ᠢ᠋ᠶ᠋ᠠᠷ ᠨᠢ ᠬᠠᠶᠠᠵᠤ ᠪᠣᠯᠬᠤ ᠦᠭᠡᠢ
2556 ᠬᠦᠰᠡᠯ ᠪᠠᠢᠪᠠᠯ ᠴᠥᠬᠥᠷᠡᠬᠦ ᠦᠭᠡᠢ
ᠬᠦᠴᠦᠨ ᠪᠠᠢᠪᠠᠯ ᠰᠥᠬᠥᠷᠡᠬᠦ ᠦᠭᠡᠢ
2557 ᠬᠦᠰᠡᠯ ᠶᠡᠬᠡ ᠲᠡᠢ ᠪᠡᠷ ᠢ᠋ᠶ᠋ᠡᠨ ᠨᠣᠶᠠᠨ ᠪᠣᠯᠳᠠᠭ ᠦᠭᠡᠢ
ᠬᠦᠴᠦ ᠶᠡᠬᠡ ᠲᠡᠢ ᠪᠡᠷ ᠢ᠋ᠶ᠋ᠡᠨ ᠪᠠᠶᠠᠨ ᠪᠣᠯᠳᠠᠭ ᠦᠭᠡᠢ
2558 ᠬᠦᠦ ᠮᠢᠨᠢ ᠭᠡᠳ ᠳᠤᠬᠤ ᠶ᠋ᠢ ᠨᠢ ᠦᠨᠦᠰᠴᠦ
ᠬᠦᠷᠭᠡᠨ ᠮᠢᠨᠢ ᠭᠡᠳ ᠡᠪᠦᠷ ᠢ᠋ ᠨᠢ ᠠᠭᠤᠳᠠᠯᠬᠤ
2559 ᠬᠦᠦ ᠮᠢᠨᠢ ᠬᠦᠦ ᠮᠢᠨᠢ ᠭᠡᠭᠰᠡᠭᠡᠷ
ᠬᠥᠮᠦᠨ ᠦ᠌ ᠲᠣᠯᠣᠭᠠᠢ ᠳᠡᠭᠡᠷᠡ ᠭᠠᠷᠭᠠᠬᠤ
2560 ᠬᠦᠦ ᠶ᠋ᠢ ᠠᠵᠢᠯ ᠢ᠋ᠶ᠋ᠠᠷ ᠨᠢ
ᠬᠡᠦᠬᠡᠨ ᠢ᠋ ᠦᠢᠯᠡ ᠪᠡᠷ ᠨᠢ
2561 ᠬᠦᠦ ᠲᠡᠢ ᠬᠥᠮᠦᠨ ᠦ᠌ ᠠᠮᠠ ᠨᠢ ᠨᠣᠢᠲᠠᠨ
ᠬᠦᠦ ᠦᠭᠡᠢ ᠬᠥᠮᠦᠨ ᠦ᠌ ᠨᠢᠳᠦ ᠨᠢ ᠨᠣᠢᠲᠠᠨ
2562 ᠬᠡᠦᠬᠡᠳ ᠢ᠋ ᠪᠠᠭᠠ ᠳᠡᠭᠡᠷᠡ ᠨᠢ
ᠬᠦᠷᠭᠡᠨ ᠢ᠋ ᠰᠢᠨᠡ ᠳᠡᠭᠡᠷᠡ ᠨᠢ
2563 ᠬᠡᠦᠬᠡᠳ ᠦ᠋ᠨ ᠰᠡᠳᠬᠢᠯ ᠴᠠᠭᠠᠨ
ᠬᠥᠭᠰᠢᠳ ᠦ᠋ᠨ ᠶᠣᠰᠣ ᠬᠠᠲᠠᠭᠤ
2564 ᠬᠡᠦᠬᠡᠨ ᠦ᠌ ᠮᠠᠭᠤ ᠡᠵᠢ ᠳ᠋ᠡᠭᠡᠨ
ᠡᠳ᠋ ᠦ᠋ᠨ ᠮᠠᠭᠤ ᠡᠵᠡᠨ ᠳ᠋ᠡᠭᠡᠨ
2565 ᠬᠡᠦᠬᠡᠨ ᠢ᠋ᠶ᠋ᠡᠨ ᠮᠠᠭᠲᠠᠭᠰᠠᠨ ᠡᠬᠡ
ᠬᠦᠷᠭᠡᠨ ᠲᠡᠢ ᠪᠡᠨ ᠲᠠᠭᠠᠷᠠᠬᠤ ᠦᠭᠡᠢ
2566 ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠥᠬᠥᠭᠦᠯᠵᠦ ᠪᠠᠢᠬᠤ ᠳ᠋ᠠᠭᠠᠨ
ᠰᠤᠷᠭᠠᠬᠤ ᠦᠭᠡᠢ ᠪᠣᠯ
ᠬᠥᠷᠥᠪᠡᠵᠢᠭᠰᠡᠨ ᠬᠣᠢᠨᠠ ᠨᠢ
ᠬᠥᠮᠦᠵᠢᠭᠦᠯᠵᠦ ᠴᠢᠳᠠᠬᠤ ᠦᠭᠡᠢ
2567 ᠬᠡᠦᠬᠡᠳ ᠠᠪᠤ ᠡᠵᠢ ᠪᠡᠷ ᠢ᠋ᠶ᠋ᠡᠨ ᠲᠦᠷᠢᠶᠡᠰᠦ ᠪᠠᠷᠢᠬᠤ
ᠨᠣᠬᠠᠢ ᠡᠵᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠲᠦᠷᠢᠶᠡᠰᠦ ᠪᠠᠷᠢᠬᠤ
2568 ᠬᠡᠦᠬᠡᠳ ᠠᠭᠠᠰᠢ ᠪᠠᠷ ᠢ᠋ᠶ᠋ᠠᠨ
ᠬᠥᠭᠰᠢᠳ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ
2569 ᠬᠡᠦᠬᠡᠳ ᠡᠬᠡ ᠪᠡᠨ ᠬᠠᠢᠷᠠᠯᠠᠬᠤ ᠰᠡᠳᠬᠢᠯ ᠢ᠋ᠶ᠋ᠡᠷ
ᠪᠤᠰᠤᠳ ᠢ᠋ ᠬᠠᠢᠷᠠᠯᠠᠬᠤ
ᠲᠦᠰᠢᠮᠡᠳ ᠲᠤᠰᠢᠶᠠᠯ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠬᠤ ᠵᠣᠷᠢᠯᠭᠠ ᠪᠠᠷ
ᠤᠯᠤᠰ ᠢ᠋ᠶ᠋ᠠᠨ ᠬᠠᠢᠷᠠᠯᠠᠬᠤ ᠭᠡᠵᠦ ᠶᠠᠷᠢᠬᠤ
2570 ᠬᠦᠴᠦ ᠴᠢᠳᠠᠯ ᠶᠡᠬᠡ ᠲᠡᠢ ᠭᠡᠵᠦ
ᠬᠥᠮᠦᠨ ᠢ᠋ ᠪᠢᠲᠡᠭᠡᠢ ᠪᠠᠰᠤ
ᠬᠥᠮᠦᠨ ᠡᠴᠡ ᠢᠯᠡᠭᠦᠦ ᠮᠡᠳᠡᠨᠡ ᠭᠡᠵᠦ
ᠪᠡᠶᠡ ᠪᠡᠨ ᠪᠢᠲᠡᠭᠡᠢ ᠮᠠᠭᠲᠠ
2571 ᠬᠦᠴᠦ ᠦᠭᠡᠢ ᠬᠥᠮᠦᠨ
ᠬᠥᠪᠴᠢ ᠦᠭᠡᠢ ᠨᠤᠮᠤ
2572 ᠬᠦᠴᠦᠯᠡᠭᠰᠡᠨ ᠡᠴᠡ ᠡᠪ ᠢ᠋ᠶ᠋ᠡᠷ
ᠭᠡᠷᠡᠯᠲᠦᠭᠰᠡᠨ ᠡᠴᠡ ᠡᠶᠡ ᠪᠡᠷ
2573 ᠬᠦᠴᠦᠲᠡᠨ ᠦ᠌ ᠡᠮᠦᠨᠡ ᠬᠠᠪᠠ ᠰᠢᠭ᠋ ᠭᠥᠯᠢᠯᠵᠡᠵᠦ
ᠬᠦᠴᠦ ᠮᠠᠭᠤᠲᠤ ᠶ᠋ᠢᠨ ᠡᠮᠦᠨᠡ ᠠᠷᠰᠯᠠᠨ ᠰᠢᠭ᠋ ᠠᠷᠬᠢᠷᠠᠬᠤ
2574 ᠬᠦᠴᠦᠨ ᠦ᠌ ᠶᠡᠬᠡ ᠪᠡᠶᠡ ᠪᠡᠷ ᠪᠣᠯᠬᠤ ᠦᠭᠡᠢ
ᠬᠥᠮᠦᠨ ᠦ᠌ ᠰᠠᠢᠨ ᠵᠢᠰᠦ ᠪᠡᠷ ᠪᠣᠯᠬᠤ ᠦᠭᠡᠢ
2576 ᠬᠦᠴᠦ ᠪᠡᠷ ᠮᠢᠩᠭᠠᠨ ᠵᠢᠩ ᠢ᠋ ᠡᠷᠭᠦᠬᠦ ᠳ᠋ᠦ᠍
ᠠᠷᠭᠠ ᠪᠠᠷ ᠲᠦᠮᠡᠨ ᠵᠢᠩ ᠢ᠋ ᠡᠷᠭᠦᠳᠡᠭ
2577 ᠬᠡᠪ ᠨᠢ ᠵᠢᠭᠳᠡ ᠪᠣᠯ ᠪᠢᠴᠢᠭ ᠰᠠᠢᠬᠠᠨ
ᠬᠡᠯᠡ ᠨᠢ ᠴᠡᠭᠴᠡ ᠪᠣᠯ ᠶᠠᠷᠢᠶᠠ ᠰᠠᠢᠬᠠᠨ
2578 ᠬᠡᠪᠡᠯᠢ ᠶ᠋ᠢᠨ ᠬᠡᠦᠬᠡᠳ ᠲᠦ᠍ ᠨᠡᠷᠡ ᠦᠭᠡᠢ
ᠬᠡᠰᠦᠭᠦᠯ ᠡᠮᠡ ᠳ᠋ᠦ᠍ ᠦᠷᠡ ᠦᠭᠡᠢ
2579 ᠬᠡᠪᠲᠡᠭᠡᠳ ᠬᠡᠷᠡᠮᠦ ᠠᠩᠨᠠᠳᠠᠭ ᠦᠭᠡᠢ
ᠬᠡᠰᠦᠭᠡᠳ ᠨᠡᠷᠡ ᠰᠠᠢᠵᠢᠷᠠᠳᠠᠭ ᠦᠭᠡᠢ
2580 ᠬᠡᠳᠡᠭᠡᠨᠡ ᠡᠴᠡ ᠵᠢᠭᠤᠲᠠᠭᠰᠠᠨ ᠦᠬᠡᠷ ᠬᠡᠴᠡᠭᠦᠦ
ᠬᠡᠷᠡᠭᠦᠯ ᠳ᠋ᠦ᠍ ᠳᠤᠷᠠᠲᠠᠢ ᠡᠮᠡ ᠬᠡᠴᠡᠭᠦᠦ
2581 ᠬᠡᠳᠡᠷ ᠬᠥᠮᠦᠨ ᠬᠡᠷᠡᠭᠦᠯᠴᠢ
ᠬᠡᠯᠡᠭᠡᠢ ᠬᠥᠮᠦᠨ ᠴᠠᠯᠴᠢᠶᠠ
2582 ᠬᠡᠵᠢᠶᠡ ᠠᠪᠤᠭᠰᠠᠨ ᠢ᠋ᠶ᠋ᠠᠨ ᠮᠡᠳᠡᠳᠡᠭ
ᠬᠡᠵᠢᠶᠡ ᠲᠥᠯᠥᠬᠦ ᠪᠡᠨ ᠮᠡᠳᠡᠳᠡᠭ ᠦᠭᠡᠢ
2583 ᠬᠡᠯᠡ ᠨᠢ ᠤᠷᠠᠨ
ᠬᠡᠯᠡᠭᠰᠡᠨ ᠨᠢ ᠬᠣᠷᠤᠨ
2584 ᠬᠡᠯᠡ ᠲᠠᠤᠯᠠᠢ ᠠ᠋ᠴᠠ ᠬᠤᠷᠳᠤᠨ
ᠲᠠᠩᠭᠠᠷᠢᠭ ᠬᠢᠲᠤᠭᠠᠨ ᠠ᠋ᠴᠠ ᠬᠤᠷᠴᠠ
2585 ᠬᠡᠯᠡ ᠬᠡᠳᠦᠢ ᠬᠤᠷᠴᠠ ᠪᠣᠯᠪᠠᠴᠤ
ᠵᠠᠪᠠᠵᠢ ᠪᠠᠨ ᠴᠣᠭᠣᠯᠵᠤ ᠴᠢᠳᠠᠬᠤ ᠦᠭᠡᠢ
ᠨᠢᠳᠦ ᠬᠡᠳᠦᠢ ᠭᠡᠭᠡᠨ ᠪᠣᠯᠪᠠᠴᠤ
ᠳᠤᠬᠤ ᠪᠠᠨ ᠣᠯᠵᠤ ᠦᠵᠡᠬᠦ ᠦᠭᠡᠢ
2586 ᠬᠡᠯᠡᠪᠡᠯ ᠪᠦᠦ ᠪᠤᠴᠠ
ᠰᠠᠨᠠᠪᠠᠯ ᠪᠦᠦ ᠮᠠᠷᠲᠠ
2587 ᠬᠡᠯᠡᠪᠡᠯ ᠦᠭᠡᠨ ᠳ᠋ᠡᠭᠡᠨ ᠬᠥᠷ
ᠬᠢᠪᠡᠯ ᠵᠣᠷᠢᠭᠰᠠᠨ ᠳ᠋ᠠᠭᠠᠨ ᠬᠥᠷ
2588 ᠬᠡᠯᠡᠨ ᠳ᠋ᠦ᠍ ᠣᠷᠣᠵᠤ ᠦᠭᠡ ᠬᠡᠯᠡᠳᠡᠭ
ᠬᠥᠯ ᠳ᠋ᠦ᠍ ᠣᠷᠣᠵᠤ ᠭᠠᠵᠠᠷ ᠭᠢᠰᠬᠢᠳᠡᠭ
2589 ᠬᠡᠯᠡᠳᠡᠭ ᠨᠢ ᠬᠡᠳᠦᠭᠦᠯᠡ
ᠬᠢᠳᠡᠭ ᠨᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ
2590 ᠬᠡᠯᠡᠵᠦ ᠪᠣᠯᠣᠰᠢ ᠦᠭᠡᠢ
ᠬᠡᠳᠦ ᠶ᠋ᠢᠨ ᠶᠠᠪᠤᠳᠠᠯ
ᠬᠡᠮᠨᠡᠵᠦ ᠪᠣᠯᠣᠰᠢ ᠦᠭᠡᠢ
ᠣᠷᠴᠢᠯᠠᠩ ᠤ᠋ᠨ ᠶᠠᠪᠤᠳᠠᠯ
2591 ᠬᠡᠯᠡᠵᠦ ᠮᠡᠷᠭᠡᠯᠡᠬᠦ ᠪᠡᠷ
ᠬᠢᠵᠦ ᠮᠡᠷᠭᠡᠯᠡ
2592 ᠬᠡᠯᠡᠵᠦ ᠦᠭᠪᠡᠴᠦ ᠴᠢᠬᠢ ᠨᠢ ᠴᠤᠭᠤᠷᠬᠠᠢ
ᠬᠢᠵᠦ ᠥᠭᠪᠡᠴᠦ ᠰᠠᠪᠠ ᠨᠢ ᠴᠣᠭᠣᠷᠬᠠᠢ
2593 ᠬᠡᠯᠡᠵᠦ ᠬᠡᠯᠡ ᠨᠡᠢᠯᠡᠬᠦ ᠦᠭᠡᠢ
ᠬᠡᠪᠲᠡᠵᠦ ᠰᠡᠭᠦᠵᠢ ᠨᠡᠢᠯᠡᠬᠦ ᠦᠭᠡᠢ
2594 ᠬᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠬᠥᠮᠦᠨ ᠬᠡᠷᠡᠭ ᠭᠤᠲᠤᠭᠠᠬᠤ
ᠬᠡᠷᠴᠢᠵᠦ ᠴᠢᠳᠠᠬᠤ ᠦᠭᠡᠢ ᠬᠥᠮᠦᠨ ᠬᠣᠭᠣᠯᠠ ᠭᠤᠲᠤᠭᠠᠬᠤ
2595 ᠬᠡᠯᠡᠨ ᠦ᠌ ᠭᠡᠮ ᠲᠣᠯᠣᠭᠠᠢ ᠳ᠋ᠤ᠌
ᠬᠢᠭᠰᠡᠨ ᠦ᠌ ᠭᠡᠮ ᠪᠡᠶᠡ ᠳ᠋ᠦ᠍
2596 ᠬᠡᠯᠡᠨᠡ ᠭᠡᠪᠡᠯ ᠬᠡᠯᠡ ᠪᠡᠨ ᠪᠢᠯᠡᠭᠦᠳᠡᠵᠦ
ᠬᠢᠨᠡ ᠬᠢᠪᠡᠯ ᠲᠣᠯᠣᠭᠠᠢ ᠪᠠᠨ ᠰᠡᠭᠰᠦᠷᠬᠦ
2597 ᠬᠡᠯᠡᠭᠰᠡᠨ ᠢ᠋ ᠨᠢ ᠢᠲᠡᠭᠡᠬᠦ ᠪᠡᠷ
ᠬᠢᠭᠰᠡᠨ ᠢ᠋ ᠨᠢ ᠢᠳᠡᠭᠡ
2598 ᠬᠡᠯᠡᠭᠰᠡᠨ ᠢ᠋ᠶ᠋ᠡᠨ ᠠᠵᠢᠯ ᠪᠣᠯᠭᠠᠪᠠᠯ
ᠬᠢᠭᠰᠡᠨ ᠪᠦᠬᠦᠨ ᠨᠢ ᠠᠯᠳᠠᠷᠰᠢᠬᠤ
2599 ᠬᠡᠯᠡᠭᠰᠡᠨ ᠢ᠋ᠶ᠋ᠡᠨ ᠴᠡᠩᠨᠠ
ᠬᠢᠭᠰᠡᠨ ᠢ᠋ᠶ᠋ᠡᠨ ᠳ᠋ᠦᠩᠨᠡ
2600 ᠬᠡᠯᠡᠭᠰᠡᠨ ᠦᠭᠡ ᠮᠥᠩᠭᠥ
ᠬᠡᠯᠡᠭᠡ ᠦᠭᠡᠢ ᠦᠭᠡᠢ ᠠᠯᠲᠠ
2601 ᠬᠡᠯᠡᠭᠰᠡᠨ ᠦᠭᠡᠨ ᠳ᠋ᠡᠭᠡᠨ ᠬᠦᠷᠳᠡᠭ ᠦᠭᠡᠢ
ᠬᠢᠭᠰᠡᠨ ᠠᠵᠢᠯ ᠢ᠋ᠶ᠋ᠠᠨ ᠳᠠᠭᠤᠰᠬᠠᠳᠠᠭ ᠦᠭᠡᠢ
2602 ᠬᠡᠯᠡᠭᠰᠡᠨ ᠦᠭᠡᠨ ᠳ᠋ᠡᠭᠡᠨ ᠡᠵᠡᠨ ᠪᠣᠯᠵᠤ
ᠢᠳᠡᠭᠰᠡᠨ ᠬᠣᠭᠣᠯᠠᠨ ᠳ᠋ᠠᠭᠠᠨ ᠰᠠᠪᠠ ᠪᠣᠯᠬᠤ
2603 ᠬᠡᠯᠡᠭᠰᠡᠨ ᠦᠭᠡ ᠪᠡᠷ ᠨᠢ ᠰᠡᠴᠡᠨ ᠢ᠋ ᠨᠢ ᠮᠡᠳᠡᠬᠦ
ᠬᠢᠭᠰᠡᠨ ᠰᠦᠬᠡ ᠪᠡᠷ ᠨᠢ ᠳᠠᠷᠬᠠᠨ ᠢ᠋ ᠨᠢ ᠮᠡᠳᠡᠬᠦ
2604 ᠬᠡᠯᠡᠭᠦᠯᠵᠦ ᠶᠠᠪᠤᠬᠤ ᠨᠡᠷᠡ
ᠬᠡᠪᠲᠡᠵᠦ ᠬᠣᠴᠣᠷᠬᠤ ᠶᠠᠰᠤ
2605 ᠬᠡᠯᠡᠶᠡ ᠭᠡᠰᠡᠨ ᠦᠭᠡ ᠪᠡᠨ
ᠬᠡᠯᠡ ᠳᠣᠣᠷᠠ ᠪᠠᠨ ᠳᠠᠷᠤᠵᠤ
ᠬᠢᠶᠡ ᠭᠡᠰᠡᠨ ᠬᠡᠷᠡᠭ ᠢ᠋ᠶ᠋ᠡᠨ
ᠬᠣᠷᠮᠣᠢ ᠳᠣᠣᠷᠠ ᠪᠠᠨ ᠨᠢᠭᠤᠬᠤ
2606 ᠬᠡᠯᠡᠯᠴᠡᠪᠡᠯ ᠪᠦᠲᠦᠳᠡᠭ
ᠬᠡᠷᠡᠯᠳᠦᠪᠡᠯ ᠪᠤᠲᠠᠷᠠᠳᠠᠭ
2607 ᠬᠡᠯᠡᠯᠴᠡᠵᠦ ᠰᠠᠭᠤᠪᠠᠯ ᠰᠡᠳᠬᠢᠯ ᠦ᠋ᠨ ᠴᠢᠮᠡᠭ
ᠬᠢᠴᠢᠶᠡᠵᠦ ᠶᠠᠪᠤᠪᠠᠯ ᠪᠡᠶᠡ ᠶ᠋ᠢᠨ ᠴᠢᠮᠡᠭ
2608 ᠬᠡᠯᠡᠯᠴᠡᠭᠡᠳ ᠪᠦᠲᠦᠭᠡᠵᠦ ᠴᠢᠳᠠ
ᠬᠡᠷᠡᠯᠳᠦᠭᠡᠳ ᠵᠥᠪᠰᠢᠵᠦ ᠴᠢᠳᠠ
2609 ᠬᠡᠯᠡᠮᠡᠭᠡᠢ ᠬᠥᠮᠦᠨ ᠬᠡᠷᠡᠭᠦᠯᠴᠢ
ᠬᠡᠳᠡᠷ ᠨᠣᠬᠠᠢ ᠵᠠᠭᠤᠭᠠᠴᠢ
2610 ᠬᠡᠯᠡᠨ ᠳᠡᠭᠡᠷᠡ ᠨᠢ ᠰᠢᠬᠢᠷ ᠲᠠᠯᠪᠢᠵᠤ
ᠬᠦᠵᠦᠭᠦᠨ ᠳᠡᠭᠡᠷᠡ ᠨᠢ ᠬᠢᠲᠤᠭᠠ ᠲᠠᠯᠪᠢᠬᠤ
2611 ᠬᠡᠯᠡᠬᠦ ᠶ᠋ᠢᠨ ᠤᠷᠢᠳ ᠪᠣᠯᠭᠣᠮᠵᠢ
ᠬᠢᠬᠦ ᠶ᠋ᠢᠨ ᠤᠷᠢᠳ ᠬᠢᠴᠢᠶᠡᠮᠵᠢ
2612 ᠬᠡᠯᠡᠬᠦᠯᠡᠷ ᠬᠡᠯᠡ ᠵᠣᠪᠠᠨᠠ
ᠰᠠᠨᠠᠬᠤᠯᠠᠷ ᠰᠠᠨᠠᠭᠠ ᠵᠣᠪᠠᠨᠠ
2613 ᠬᠡᠯᠡᠬᠦ ᠨᠢ ᠠᠭᠤᠯᠠ ᠶ᠋ᠢᠨ ᠴᠢᠨᠡᠭᠡ
ᠬᠢᠬᠦ ᠨᠢ ᠬᠡᠳᠡᠭᠡᠨᠡ ᠶ᠋ᠢᠨ ᠴᠢᠨᠡᠭᠡ
2614 ᠬᠡᠯᠡᠬᠦ ᠨᠢ ᠬᠡᠳᠡᠷ
ᠶᠠᠪᠤᠬᠤ ᠨᠢ ᠶᠠᠳᠠᠷ
2615 ᠬᠡᠯᠡᠬᠦ ᠨᠢ ᠬᠡᠨ ᠡᠴᠡ ᠴᠦ᠍ ᠮᠡᠷᠭᠡᠨ
ᠬᠢᠬᠦ ᠨᠢ ᠬᠡᠨ ᠡᠴᠡ ᠴᠦ᠍ ᠲᠡᠨᠡᠭ
2616 ᠬᠡᠯᠡᠬᠦ ᠨᠢ ᠬᠡᠷᠡᠭᠦᠯ ᠮᠡᠲᠦ
ᠬᠢᠯᠢᠩᠨᠡᠬᠦ ᠨᠢ ᠭᠠᠯᠵᠠᠭᠤ ᠮᠡᠲᠦ
2617 ᠬᠡᠯᠡᠬᠦ ᠨᠢ ᠬᠡᠷᠴᠡᠭᠡᠢ
ᠭᠡᠭᠡᠷᠡᠬᠦ ᠨᠢ ᠦᠮᠡᠬᠡᠢ
2618 ᠬᠡᠯᠡᠬᠦ ᠨᠢ ᠴᠠᠭᠠᠨ
ᠬᠢᠬᠦ ᠨᠢ ᠬᠠᠷᠠ
2619 ᠬᠡᠯᠡᠬᠦ ᠨᠢᠭᠡ ᠮᠠᠭᠤ
ᠬᠡᠯᠡᠬᠦ ᠦᠭᠡᠢ ᠪᠠᠢᠬᠤ ᠬᠣᠶᠠᠷ ᠮᠠᠭᠤ
2620 ᠬᠡᠯᠡᠬᠦ ᠦᠭᠡ ᠬᠡᠮᠵᠢᠶᠡ ᠲᠡᠢ
ᠬᠠᠷᠠᠬᠤ ᠨᠢᠳᠦ ᠬᠢᠵᠠᠭᠠᠷ ᠲᠠᠢ
2621 ᠬᠡᠯᠡᠬᠦ ᠦᠭᠡ ᠶ᠋ᠢ ᠡᠵᠡᠨ ᠳ᠋ᠦ᠍ᠨᠢ
ᠲᠠᠯᠪᠢᠬᠤ ᠮᠣᠷᠢ ᠶ᠋ᠢ ᠢᠵᠢᠯᠢ ᠳ᠋ᠦ᠍ᠨᠢ
2622 ᠬᠡᠯᠡᠬᠦ ᠳ᠋ᠦ᠍ ᠠᠮᠠᠷᠬᠠᠨ
ᠬᠢᠬᠦ ᠳ᠋ᠦ᠍ ᠬᠡᠴᠡᠭᠦᠦ
2623 ᠬᠡᠯᠡᠬᠦ ᠪᠡᠷ ᠢ᠋ᠶ᠋ᠡᠨ ᠮᠡᠷᠡᠢᠯ ᠦᠭᠡᠢ
ᠬᠢᠬᠦ ᠪᠡᠷ ᠢ᠋ᠶ᠋ᠡᠨ ᠮᠡᠷᠡᠢ
2624 ᠬᠡᠮᠵᠢᠵᠦ ᠲᠣᠭᠲᠠᠭᠠᠭᠰᠠᠨ ᠴᠠᠭ ᠠ᠋ᠴᠠ ᠪᠢᠲᠡᠭᠡᠢ ᠬᠣᠵᠢᠮᠳᠠ
ᠳᠡᠮᠵᠢᠵᠦ ᠬᠢᠯᠴᠡᠬᠦ ᠠᠵᠢᠯ ᠠ᠋ᠴᠠ ᠪᠢᠲᠡᠭᠡᠢ ᠪᠤᠯᠲᠠ
2625 ᠭᠡᠮ ᠡᠴᠡ ᠪᠡᠨ ᠬᠡᠲᠦᠷᠡᠬᠦ
ᠴᠠᠭ ᠠ᠋ᠴᠠ ᠪᠠᠨ ᠰᠠᠭᠠᠲᠠᠬᠤ
2626 ᠬᠡᠨᠵᠡ ᠨᠣᠭᠣᠭᠠ ᠨᠠᠷᠢᠬᠠᠨ ᠪᠣᠯᠪᠠᠴᠤ
ᠬᠥᠷᠥᠰᠥ ᠶ᠋ᠢ ᠨᠡᠪᠲᠡᠯᠬᠦ ᠴᠢᠳᠠᠯᠲᠠᠢ
ᠬᠡᠲᠡ ᠶ᠋ᠢᠨ ᠭᠠᠯ ᠥᠴᠦᠬᠡᠨ ᠪᠣᠯᠪᠠᠴᠤ
ᠲᠦᠢᠮᠡᠷ ᠡᠭᠦᠰᠬᠡᠬᠦ ᠴᠢᠳᠠᠯᠲᠠᠢ
2627 ᠬᠡᠷᠡᠭ ᠦ᠋ᠨ ᠡᠵᠡᠨ
ᠬᠡᠩᠭᠡᠷᠭᠡ ᠶ᠋ᠢᠨ ᠳᠣᠬᠢᠭᠤᠷ
2628 ᠬᠡᠷᠡᠭ ᠢ᠋ᠶ᠋ᠡᠨ ᠮᠡᠳᠡᠬᠦ ᠦᠭᠡᠢ ᠨᠣᠶᠠᠨ ᠶᠠᠪᠤᠬᠤ ᠪᠠᠷ
ᠬᠡᠷᠡᠭ ᠢ᠋ᠶ᠋ᠡᠨ ᠮᠡᠳᠡᠬᠦ ᠪᠣᠭᠣᠯ ᠶᠠᠪᠤᠭᠰᠠᠨ ᠨᠢ ᠳᠡᠭᠡᠷᠡ
2629 ᠬᠡᠷᠰᠡᠦ ᠲᠠᠤᠯᠠᠢ ᠵᠠᠮ ᠤ᠋ᠨ ᠵᠠᠬᠠ ᠳ᠋ᠤ᠌
ᠬᠡᠷᠰᠡᠦ ᠬᠡᠦᠬᠡᠳ ᠡᠪᠦᠭᠡᠳ ᠦ᠋ᠨ ᠵᠠᠬᠠ ᠳ᠋ᠤ᠌
2630 ᠬᠡᠷᠰᠡᠦ ᠶ᠋ᠢᠨ ᠦᠭᠡᠨ ᠳ᠋ᠦ᠍ ᠣᠷᠣᠪᠠᠯ
ᠬᠡᠭᠡᠷᠡ ᠬᠣᠨᠣᠬᠤ ᠦᠭᠡᠢ
2631 ᠬᠡᠷᠡᠭᠦᠯ ᠲᠡᠮᠡᠴᠡᠯ ᠶᠡᠬᠡᠳᠡᠪᠡᠯ ᠬᠡᠰᠢᠭ ᠪᠤᠶᠠᠨ ᠳᠣᠷᠣᠢᠲᠠᠬᠤ
ᠬᠡᠲᠦᠷᠬᠡᠢ ᠰᠢᠨᠤᠯ ᠶᠡᠬᠡᠳᠡᠪᠡᠯ ᠡᠳ᠋ ᠠᠭᠤᠷᠠᠰᠤ ᠪᠠᠷᠠᠭᠳᠠᠬᠤ
2632 ᠬᠡᠷᠡᠭᠦᠯᠴᠢ ᠬᠥᠮᠦᠨ ᠲᠡᠢ ᠪᠦᠦ ᠨᠥᠬᠥᠷᠯᠡ
ᠬᠡᠰᠦᠭᠦᠯᠴᠢ ᠬᠥᠮᠦᠨ ᠢ᠋ ᠪᠦᠦ ᠳᠠᠭᠠ
2633 ᠬᠡᠷᠴᠡᠭᠡᠢ ᠰᠡᠳᠬᠢᠯᠲᠦ ᠬᠥᠪᠡᠭᠦᠨ ᠡᠴᠢᠭᠡ ᠳ᠋ᠡᠭᠡᠨ ᠳᠠᠢᠰᠤᠨ
ᠲᠠᠴᠢᠶᠠᠩᠭᠤᠢ ᠠᠭᠤᠷᠲᠤ ᠡᠮᠡ ᠡᠷᠡ ᠳ᠋ᠡᠭᠡᠨ ᠳᠠᠢᠰᠤᠨ
2634 ᠬᠡᠷᠴᠡᠭᠡᠢᠷᠬᠡᠵᠤ ᠬᠡᠷᠡᠭᠦᠯ ᠪᠦᠦ ᠡᠭᠦᠰᠬᠡ
ᠬᠡᠭᠵᠡᠭᠦᠷᠬᠡᠵᠦ ᠣᠮᠣᠭ ᠪᠦᠦ ᠡᠭᠦᠰᠬᠡ
2635 ᠬᠡᠷᠡᠭ ᠭᠠᠷᠭᠠᠬᠤ ᠠ᠋ᠴᠠ ᠤᠷᠢᠳ ᠰᠡᠷᠭᠡᠢᠯᠡ
ᠬᠡᠷᠡᠮ ᠨᠤᠷᠠᠬᠤ ᠠ᠋ᠴᠠ ᠤᠷᠢᠳ ᠵᠠᠰᠠ
2636 ᠬᠡᠷᠡᠭ ᠵᠠᠷᠭᠤ ᠭᠡᠪᠡᠯ
ᠬᠡᠯᠡ ᠠᠮᠠ ᠪᠠᠨ ᠪᠢᠯᠡᠭᠦᠳᠡᠬᠦ
2637 ᠬᠡᠷᠡᠭ ᠲᠠᠷᠢᠵᠤ
ᠬᠡᠩᠭᠡᠷᠭᠡ ᠳᠡᠯᠡᠳᠬᠦ
2638 ᠬᠡᠷᠡᠭ ᠬᠢᠭᠰᠡᠨ ᠬᠥᠮᠦᠨ ᠦ᠌
ᠵᠢᠷᠦᠬᠡ ᠨᠢ ᠠᠮᠤᠷ ᠦᠭᠡᠢ
ᠬᠡᠲᠦᠷᠡᠲᠡᠯᠡ ᠢᠳᠡᠭᠰᠡᠨ ᠬᠥᠮᠦᠨ ᠦ᠌
ᠭᠡᠳᠡᠰᠦ ᠨᠢ ᠠᠮᠤᠷ ᠦᠭᠡᠢ
2639 ᠭᠡᠷᠡᠯᠲᠦᠭᠰᠡᠭᠡᠷ ᠪᠠᠢᠭᠠᠳ
ᠬᠡᠳᠦ ᠶ᠋ᠢᠨ ᠢ᠋ᠶ᠋ᠡᠨ ᠵᠢᠷᠭᠠᠯ ᠢ᠋ ᠠᠯᠳᠠᠬᠤ
2640 ᠬᠡᠷᠡᠯᠳᠦᠬᠦ ᠳ᠋ᠡᠭᠡᠨ ᠰᠡᠴᠡᠨ
ᠬᠢᠬᠦ ᠳ᠋ᠡᠭᠡᠨ ᠮᠤᠩᠬᠠᠭ
2641 ᠬᠡᠷᠢᠶᠡ ᠮᠢᠩᠭᠠᠨ ᠵᠢᠯ ᠠᠮᠢᠳᠤᠷᠠᠪᠠᠴᠤ
ᠬᠠᠷᠠ ᠪᠠᠷ ᠢ᠋ᠶ᠋ᠠᠨ
ᠬᠡᠷᠡᠭ ᠮᠢᠩᠭᠠᠨ ᠵᠢᠯ ᠪᠣᠯᠪᠠᠴᠤ
ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
2642 ᠬᠡᠷᠢᠶᠡ ᠬᠠᠷᠠ ᠪᠣᠯᠪᠠᠴᠤ
ᠡᠯᠢᠭᠡᠨ ᠳ᠋ᠡᠭᠡᠨ ᠴᠠᠭᠠᠨ
ᠬᠥᠮᠦᠨ ᠬᠠᠷᠠᠲᠠᠢ ᠪᠣᠯᠪᠠᠴᠤ
ᠦᠷᠡ ᠳ᠋ᠡᠭᠡᠨ ᠵᠥᠭᠡᠯᠡᠨ
2643 ᠬᠡᠷᠢᠶᠡ ᠬᠡᠷᠢᠶᠡᠨ ᠦ᠌ ᠪᠡᠨ
ᠬᠠᠷᠠ ᠶ᠋ᠢ ᠭᠠᠢᠬᠠᠬᠤ
2644 ᠬᠡᠲᠦᠷᠬᠡᠢ ᠮᠡᠷᠭᠡᠳ ᠲᠤ ᠰᠤᠷᠭᠠᠯ ᠲᠤᠰᠠᠲᠠᠢ
ᠬᠡᠳᠡᠷ ᠲᠡᠨᠡᠭ ᠲᠤ ᠭᠡᠰᠬᠡᠯ ᠲᠤᠰᠠᠲᠠᠢ
2645 ᠬᠡᠴᠡᠭᠦᠦ ᠶ᠋ᠢ ᠦᠵᠡᠬᠦ ᠦᠭᠡᠢ ᠪᠣᠯ
ᠬᠡᠷᠰᠡᠦ ᠪᠣᠯᠬᠤ ᠦᠭᠡᠢ
2646 ᠬᠡᠭᠡᠨᠴᠢᠷ ᠬᠥᠮᠦᠨ ᠬᠡᠭᠡᠷᠡ ᠦᠬᠦᠨᠡ
ᠭᠠᠩᠭᠠᠩ ᠬᠥᠮᠦᠨ ᠭᠠᠳᠠᠨᠠ ᠦᠬᠦᠨᠡ
2647 ᠬᠡᠭᠡᠷᠡ ᠬᠣᠨᠣᠵᠤ
ᠬᠡᠴᠡ ᠳᠡᠷᠡᠯᠡᠬᠦ
2648 ᠬᠡᠭᠡᠷᠡ ᠶ᠋ᠢᠨ ᠭᠠᠯᠠᠭᠤ ᠨᠢᠰᠦᠨ ᠦᠯᠦ ᠬᠦᠷᠬᠦ ᠭᠠᠵᠠᠷ ᠡᠴᠡ
ᠬᠥᠮᠦᠨ ᠦ᠌ ᠬᠦᠦ ᠡᠷᠳᠡᠨᠢ ᠡᠪᠦᠷᠲᠦᠯᠡᠵᠦ ᠢᠷᠡᠨᠡ
2649 ᠬᠡᠭᠡᠷᠡ ᠶ᠋ᠢᠨ ᠭᠠᠯ ᠢ᠋ ᠦᠯᠢᠶᠡᠳᠡᠭ ᠦᠭᠡᠢ
ᠬᠡᠭᠡᠯ ᠲᠡᠢ ᠭᠡᠭᠦᠦ ᠶ᠋ᠢ ᠤᠨᠤᠳᠠᠭ ᠦᠭᠡᠢ
2650 ᠬᠡᠭᠡᠷᠡ ᠶ᠋ᠢᠨ ᠦᠭᠡ ᠶ᠋ᠢ
ᠭᠡᠷ ᠲᠦ᠍ ᠪᠤᠤ ᠬᠡᠯᠡ
ᠭᠡᠷ ᠦ᠋ᠨ ᠦᠭᠡ ᠶ᠋ᠢ
ᠪᠤᠰᠤᠳ ᠲᠤ ᠪᠤᠤ ᠬᠡᠯᠡ
2651 ᠬᠡᠭᠡᠷᠡ ᠶ᠋ᠢᠨ ᠬᠥᠮᠦᠨ ᠬᠡ ᠥᠬᠡᠢ
ᠬᠡᠲᠡ ᠶ᠋ᠢᠨ ᠭᠠᠯ ᠤᠲᠤᠭᠠ ᠦᠭᠡᠢ
2652 ᠬᠡᠭᠡᠷᠡ ᠪᠡᠷ ᠭᠡᠷ ᠬᠢᠵᠦ
ᠬᠡᠴᠡ ᠪᠡᠷ ᠳᠡᠷᠡ ᠬᠢᠬᠦ
2653 ᠬᠢᠯᠭᠠᠰᠤᠨ ᠳᠡᠭᠡᠰᠦ ᠤᠶᠠᠭᠠᠨ ᠳ᠋ᠤ᠌ ᠪᠡᠬᠢ
ᠬᠢᠨᠠᠭᠤᠷ ᠬᠥᠮᠦᠨ ᠠᠵᠢᠯ ᠳ᠋ᠤ᠌ ᠰᠠᠢᠨ
2654 ᠬᠢᠲᠠᠳ ᠬᠠᠩᠰᠢᠨ ᠳ᠋ᠤ᠌
ᠢᠮᠠᠭᠠ ᠬᠠᠳᠠᠨ ᠳ᠋ᠤ᠌
2655 ᠬᠢᠲᠠᠳ ᠬᠢᠷᠠ ᠳ᠋ᠤ᠌ ᠭᠠᠷᠬᠤ
ᠬᠢᠷᠰᠠ ᠶ᠋ᠢᠨ ᠰᠡᠭᠦᠯ ᠲᠣᠯᠣᠭᠠᠢ ᠳ᠋ᠤ᠌ ᠭᠠᠷᠬᠤ᠃