– ᠠ᠋ (Э) –
2804 ᠡᠪ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ ᠳ᠋ᠦ᠍
ᠡᠪ ᠵᠢᠭᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌
ᠡᠯᠡᠰᠦᠨ ᠳᠡᠭᠡᠷᠡ ᠨᠢᠭᠡ ᠬᠤᠪᠢᠩ
ᠤᠰᠤ ᠠᠰᠬᠠ
2805 ᠡᠪ ᠨᠢᠭᠡᠲᠡᠨ ᠡᠪᠳᠡᠷᠡᠬᠦ ᠦᠭᠡᠢ
ᠦᠨᠡᠨ ᠶᠠᠪᠤᠳᠠᠯᠲᠠᠨ ᠭᠠᠭᠴᠠᠭᠠᠷᠳᠠᠬᠤ ᠦᠭᠡᠢ
2806 ᠡᠪ ᠲᠦᠮᠡᠨ ᠯᠠᠩ
ᠡᠷᠳᠡᠮ ᠮᠢᠩᠭᠠᠨ ᠯᠠᠩ
2807 ᠡᠪ ᠦᠭᠡᠢ ᠬᠥᠮᠦᠨ ᠶᠠᠭ
ᠡᠷᠳᠡᠮ ᠦᠭᠡᠢ ᠬᠥᠮᠦᠨ ᠲᠠᠭ
2808 ᠡᠪ ᠲᠦ᠍ ᠬᠢᠵᠠᠭᠠᠷ ᠦᠭᠡᠢ
ᠡᠷᠳᠡᠮ ᠳ᠋ᠦ᠍ ᠣᠷᠣᠢ ᠦᠭᠡᠢ
2809 ᠡᠪᠳᠡᠷᠡᠯᠴᠡᠭᠰᠡᠨ ᠡᠴᠡ ᠴᠢᠰᠤ ᠭᠠᠷᠳᠠᠭ
ᠡᠪᠯᠡᠭᠰᠡᠨ ᠡᠴᠡ ᠲᠣᠰᠣ ᠭᠠᠷᠳᠠᠭ
2810 ᠡᠪᠳᠡᠷᠡᠬᠦ ᠦᠭᠡᠢ ᠮᠥᠩᠬᠡ
ᠡᠯᠡᠭᠳᠡᠬᠦ ᠦᠭᠡᠢ ᠪᠠᠲᠤ
2811 ᠡᠪᠳᠡᠬᠦ ᠳ᠋ᠦ᠍ ᠬᠢᠯᠪᠠᠷ
ᠡᠪᠯᠡᠭᠦᠯᠬᠦ ᠳ᠋ᠦ᠍ ᠪᠡᠷᠬᠡ
2812 ᠡᠪ ᠢ᠋ ᠬᠢᠴᠢᠶᠡᠮᠵᠢ ᠪᠡᠷ
ᠡᠷᠳᠡᠮ ᠢ᠋ ᠬᠢᠴᠢᠶᠡᠯ ᠢ᠋ᠶ᠋ᠡᠷ
2813 ᠡᠪ ᠢ᠋ ᠡᠷᠲᠡᠨ ᠡᠴᠡ ᠨᠢ
ᠡᠷᠳᠡᠮ ᠢ᠋ ᠡᠬᠢᠨ ᠡᠴᠡ ᠨᠢ
2814 ᠡᠪᠡᠢᠯᠡᠬᠦ ᠪᠦᠷᠢ ᠬᠥᠯ ᠢ᠋ᠶ᠋ᠡᠨ
ᠡᠪᠦᠷ ᠲᠦ᠍ ᠬᠢᠬᠦ
2815 ᠡᠪ ᠦ᠋ᠨ ᠡᠴᠦᠰ ᠲᠦ᠍ ᠲᠣᠰᠣ
ᠡᠪᠳᠡᠷᠡᠯ ᠦ᠋ᠨ ᠡᠬᠢᠨ ᠳ᠋ᠦ᠍ ᠬᠡᠷᠡᠭᠦᠯ
2816 ᠡᠪᠯᠡᠭᠦᠯᠪᠡᠯ ᠡᠪᠡᠷ ᠲᠤᠭᠤᠷᠠᠢ ᠴᠦ᠍ ᠨᠡᠢᠯᠡᠨᠡ
ᠡᠪ ᠦᠭᠡᠢ ᠪᠣᠯ ᠡᠯᠢᠭᠡ ᠪᠥᠭᠡᠷᠡ ᠴᠦ᠍ ᠨᠡᠢᠯᠡᠬᠦ ᠦᠭᠡᠢ
2817 ᠡᠪᠯᠡᠪᠡᠯ ᠪᠦᠲᠦᠨᠡ
ᠬᠣᠪᠯᠠᠪᠠᠯ ᠭᠤᠲᠤᠨᠠ
2818 ᠡᠪᠯᠡᠪᠡᠯ ᠬᠠᠷᠠᠳᠠᠨᠠ
ᠡᠪᠳᠡᠷᠡᠪᠡᠯ ᠭᠣᠮᠣᠳᠠᠨᠠ
2819 ᠡᠪᠯᠡᠪᠡᠯ ᠡᠪ ᠦ᠋ᠨ ᠴᠠᠪᠠᠤ ᠰᠢᠭ᠋
ᠡᠪᠳᠡᠷᠡᠪᠡᠯ ᠡᠷᠢᠶᠡᠨ ᠮᠣᠭᠠᠢ ᠰᠢᠭ᠋
2820 ᠡᠪᠯᠡᠵᠦ ᠮᠠᠭᠤ ᠰᠠᠨᠠᠭᠠᠲᠠᠨ ᠲᠠᠢ ᠪᠦᠦ ᠵᠥᠪᠰᠢ
ᠡᠪᠳᠡᠷᠡᠵᠦ ᠣᠯᠠᠨ ᠵᠠᠩ ᠪᠤᠤ ᠭᠠᠷᠭᠠ
2821 ᠡᠪᠳᠡᠷᠡᠬᠦ ᠲᠥᠷᠥ ᠶ᠋ᠢᠨ ᠨᠣᠶᠠᠨ ᠠ᠋ᠴᠠ
ᠡᠩᠬᠡ ᠲᠥᠷᠥ ᠶ᠋ᠢᠨ ᠬᠣᠨᠢᠴᠢᠨ ᠳᠡᠭᠡᠷᠡ
2822 ᠡᠪᠲᠦ ᠱᠠᠭᠠᠵᠠᠭᠠᠢ ᠪᠤᠭᠤ ᠪᠠᠷᠢᠨᠠ
2823 ᠡᠪᠲᠡᠢ ᠬᠥᠮᠦᠨ ᠲᠡᠢ ᠪᠡᠨ ᠡᠪ ᠡᠪᠳᠡᠷᠡᠬᠦ
ᠡᠷᠡᠭᠦᠯ ᠪᠠᠶᠠᠨ ᠳ᠋ᠠᠭᠡᠨ ᠡᠪᠡᠳᠴᠢᠨ ᠣᠯᠬᠤ
2824 ᠡᠳ᠋ ᠪᠠᠢᠪᠠᠴᠤ ᠥᠷᠢ ᠲᠡᠢ ᠪᠣᠯ
ᠡᠳ᠋ᠯᠡᠬᠦ ᠬᠤᠪᠢ ᠦᠭᠡᠢ
ᠨᠣᠶᠠᠨ ᠰᠠᠭᠤᠪᠠᠴᠤ ᠲᠡᠨᠡᠭ ᠪᠣᠯ
ᠪᠤᠰᠤᠳ ᠢ᠋ ᠲᠡᠳᠬᠦᠬᠦ ᠦᠭᠡᠢ
2825 ᠡᠳ᠋ ᠮᠡᠳᠡᠬᠦ ᠦᠭᠡᠢ ᠬᠥᠮᠦᠨ
ᠡᠳ᠋ ᠦ᠋ᠨ ᠨᠡᠷᠡ ᠶ᠋ᠢ ᠭᠤᠲᠤᠭᠠᠨᠠ
2826 ᠡᠳ᠋ ᠨᠢ ᠮᠥᠩᠬᠡ
ᠡᠵᠡᠨ ᠨᠢ ᠬᠡᠪᠡᠷᠡᠭ
2827 ᠡᠳ᠋ ᠨᠢ ᠡᠵᠡᠨ ᠡᠴᠡ ᠪᠡᠨ ᠪᠣᠯᠬᠤ
ᠡᠬᠡᠨᠡᠷ ᠨᠢ ᠡᠷᠡ ᠡᠴᠡ ᠪᠡᠨ ᠪᠣᠯᠬᠤ
2828 ᠡᠳ᠋ ᠲᠠᠸᠠᠷ ᠨᠡᠷᠡ ᠵᠡᠷᠭᠡ ᠶᠡᠬᠡ ᠪᠣᠯᠪᠠᠴᠤ
ᠡᠷᠳᠡᠮ ᠲᠡᠢ ᠤᠬᠠᠭᠠᠨᠲᠤ ᠬᠥᠮᠦᠨ ᠢ᠋ ᠪᠤᠤ ᠪᠠᠰᠤ
2829 ᠡᠳ᠋ ᠬᠤᠷᠢᠶᠠᠬᠤ ᠪᠠᠷ
ᠡᠷᠳᠡᠮ ᠬᠤᠷᠢᠶᠠ
2830 ᠡᠳ᠋ ᠡᠯᠡᠭᠳᠡᠬᠦ ᠳᠣᠳᠣᠮ ᠥᠩᠭᠡ ᠭᠠᠷᠳᠠᠭ
ᠡᠷᠡ ᠬᠥᠮᠦᠨ ᠵᠣᠪᠠᠬᠤ ᠳᠣᠳᠣᠮ ᠤᠬᠠᠭᠠᠨ ᠨᠡᠮᠡᠭᠳᠡᠳᠡᠭ
2831 ᠡᠳ᠋ ᠦᠭᠡᠢ ᠬᠥᠮᠦᠨ ᠦ᠌ ᠠᠪᠳᠠᠷᠠ ᠬᠣᠭᠣᠰᠣᠨ
ᠡᠷᠳᠡᠮ ᠦᠭᠡᠢ ᠬᠥᠮᠦᠨ ᠦ᠌ ᠴᠡᠭᠡᠵᠢ ᠬᠣᠭᠣᠰᠣᠨ
2832 ᠡᠳ᠋ ᠢ᠋ ᠠᠷᠪᠢᠯᠠᠵᠤ ᠣᠯᠤᠨᠠ
ᠡᠷᠳᠡᠮ ᠢ᠋ ᠬᠢᠴᠢᠶᠡᠵᠦ ᠰᠤᠷᠤᠨᠠ
2833 ᠡᠳ᠋ ᠦ᠋ᠨ ᠠᠰᠢᠭ ᠡᠬᠢᠨ ᠳ᠋ᠡᠭᠡᠨ
ᠡᠷᠳᠡᠮ ᠦ᠋ᠨ ᠠᠰᠢᠭ ᠡᠴᠦᠰ ᠲᠡᠭᠡᠨ
2834 ᠡᠳ᠋ ᠦ᠋ᠨ ᠰᠠᠢᠨ ᠴᠢᠨᠠᠷ ᠠ᠋ᠴᠠ ᠪᠠᠨ
ᠢᠷᠭᠡ ᠶ᠋ᠢᠨ ᠲᠠᠷᠭᠤᠨ ᠰᠡᠭᠦᠯ ᠡᠴᠡ ᠪᠡᠨ
2835 ᠡᠳ᠋ ᠦ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠪᠤᠤ ᠭᠣᠶᠣ
ᠡᠷᠳᠡᠮ ᠦ᠋ᠨ ᠰᠠᠢᠨ ᠢ᠋ᠶ᠋ᠠᠷ ᠭᠣᠶᠣ
2836 ᠡᠳ᠋ ᠦ᠋ᠨ ᠰᠠᠢᠨ ᠢ᠋ ᠥᠪᠡᠷ ᠢ᠋ᠶ᠋ᠡᠨ
ᠢᠳᠡᠭᠡᠨ ᠦ᠌ ᠰᠠᠢᠨ ᠢ᠋ ᠨᠥᠬᠥᠷ ᠲᠡᠭᠡᠨ
2837 ᠡᠳ᠋ ᠦ᠋ᠨ ᠴᠢᠨᠠᠷ ᠢ᠋ ᠡᠳ᠋ᠯᠡᠵᠦ ᠲᠠᠨᠢᠳᠠᠭ
ᠡᠷᠳᠡᠮ ᠦ᠋ᠨ ᠭᠦᠨ ᠢ᠋ ᠰᠤᠷᠴᠤ ᠮᠡᠳᠡᠳᠡᠭ
2838 ᠡᠳ᠋ᠯᠡᠬᠦ ᠭᠠᠮ ᠢ᠋ᠶ᠋ᠠᠷ ᠪᠣᠯᠳᠠᠭ
ᠡᠷᠢᠯ ᠰᠤᠷᠠᠭ ᠢ᠋ᠶ᠋ᠠᠷ ᠣᠯᠳᠠᠳᠠᠭ
2839 ᠡᠳ᠋ ᠲᠦ᠍ ᠦᠯᠦ ᠰᠢᠨᠤᠭᠴᠢ ᠡᠷᠡ ᠶ᠋ᠢᠨ ᠮᠠᠩᠯᠠᠢ
ᠡᠷᠳᠡᠮ ᠳ᠋ᠦ᠍ ᠦᠯᠦ ᠪᠠᠷᠳᠠᠮᠨᠠᠭᠴᠢ ᠮᠡᠷᠭᠡᠨ ᠦ᠌ ᠮᠠᠩᠯᠠᠢ
2840 ᠡᠳ᠋ ᠢ᠋ᠶ᠋ᠡᠷ ᠪᠡᠶᠡ ᠪᠡᠨ ᠴᠢᠮᠡᠬᠦ ᠪᠡᠷ
ᠡᠷᠳᠡᠮ ᠢ᠋ᠶ᠋ᠡᠷ ᠪᠡᠶᠡ ᠪᠡᠨ ᠴᠢᠮᠡ
2841 ᠡᠳ᠋ ᠢ᠋ᠶ᠋ᠡᠷ ᠬᠠᠭᠤᠷᠤᠭᠰᠠᠨ ᠢᠨᠠᠭ
ᠡᠷᠲᠡ ᠣᠷᠣᠢ ᠳ᠋ᠤ᠌ ᠡᠪᠳᠡᠷᠡᠯ ᠲᠡᠢ
2842 ᠡᠳ᠋ ᠲᠡᠢ ᠪᠡᠨ ᠣᠷᠣᠯᠳᠣᠪᠠᠯ ᠡᠪᠳᠡᠷᠡᠬᠦ ᠶ᠋ᠢᠨ ᠲᠡᠮᠳᠡᠭ
ᠡᠬᠡᠨᠡᠷ ᠲᠡᠢ ᠪᠡᠨ ᠣᠷᠣᠯᠳᠣᠪᠠᠯ ᠰᠠᠯᠬᠤ ᠶ᠋ᠢᠨ ᠲᠡᠮᠳᠡᠭ
2443 ᠡᠵᠡᠨ ᠮᠠᠭᠤᠲᠤ ᠮᠠᠯ ᠵᠤᠳ ᠪᠣᠯᠬᠤ ᠳ᠋ᠤ᠌ ᠰᠦᠢᠷᠡᠳᠡᠭ
ᠡᠷᠭᠢ ᠮᠠᠭᠤᠲᠤ ᠤᠰᠤ ᠦᠶᠡᠷ ᠪᠣᠯᠬᠤ ᠳ᠋ᠤ᠌ ᠬᠠᠯᠢᠳᠠᠭ
2844 ᠡᠵᠡᠨ ᠮᠠᠭᠤᠲᠤ ᠶ᠋ᠢᠨ ᠬᠣᠷᠣᠭᠠ ᠬᠦᠢᠲᠡᠨ
ᠡᠵᠢ ᠮᠠᠭᠤᠲᠤ ᠶ᠋ᠢᠨ ᠬᠣᠭᠣᠯᠠ ᠬᠦᠢᠲᠡᠨ
2845 ᠡᠵᠡᠨ ᠨᠢ ᠶᠠᠭᠤᠮᠠ ᠪᠠᠨ ᠮᠡᠳᠡᠳᠡᠭ
ᠡᠷᠭᠢ ᠨᠢ ᠤᠰᠤ ᠪᠠᠨ ᠬᠠᠰᠢᠳᠠᠭ
2846 ᠡᠵᠡᠨ ᠬᠢᠴᠢᠶᠡᠪᠡᠯ
ᠵᠠᠶᠠᠭᠠ ᠬᠢᠴᠢᠶᠡᠨᠡ
2847 ᠡᠵᠡᠨ ᠬᠢᠴᠢᠶᠡᠩᠭᠦᠢ ᠨᠢ ᠳᠡᠭᠡᠷᠡ
ᠲᠦᠰᠢᠮᠡᠯ ᠰᠢᠳᠤᠷᠭᠤ ᠨᠢ ᠳᠡᠭᠡᠷᠡ
2848 ᠡᠶᠡ ᠦᠭᠡᠢ ᠳ᠋ᠦ᠍ ᠬᠠᠨᠢ ᠦᠭᠡᠢ
ᠡᠷᠳᠡᠮ ᠦᠭᠡᠢ ᠳ᠋ᠦ᠍ ᠱᠠᠪᠢ ᠦᠭᠡᠢ
2849 ᠡᠶᠡ ᠡᠪᠳᠡᠷᠡᠭᠦᠯᠳᠡᠭ ᠡᠬᠡᠨᠡᠷ
ᠭᠠᠵᠠᠷ ᠡᠪᠳᠡᠳᠡᠭ ᠭᠠᠬᠠᠢ
2850 ᠡᠶᠡᠯᠳᠡᠭ ᠵᠠᠩ ᠲᠠᠢ ᠰᠠᠢᠨ ᠡᠮᠡ ᠭᠡᠷ ᠦ᠋ᠨ ᠡᠷᠳᠡᠨᠢ
ᠡᠯᠪᠡᠷᠢᠯᠲᠡᠢ ᠰᠠᠢᠨ ᠬᠥᠪᠡᠭᠦᠨ ᠡᠭᠦᠷᠢᠳᠡ ᠶ᠋ᠢᠨ ᠡᠷᠳᠡᠨᠢ
2851 ᠡᠶᠡ ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠦᠰᠲᠡᠨ ᠣᠯᠠᠨ
ᠡᠮᠨᠢᠭ ᠮᠣᠷᠢᠨ ᠳ᠋ᠤ᠌ ᠲᠠᠰᠢᠭᠤᠷ ᠣᠯᠠᠨ
2852 ᠡᠶᠡ ᠲᠡᠢ ᠬᠥᠮᠦᠨ ᠳ᠋ᠦ᠍ ᠨᠥᠬᠥᠷ ᠣᠯᠠᠨ
ᠡᠢᠯᠦᠭᠰᠡᠨ ᠮᠣᠷᠢᠨ ᠳ᠋ᠤ᠌ ᠤᠷᠭᠠ ᠣᠯᠠᠨ
2853 ᠡᠯᠪᠡᠭ ᠲᠠᠷᠢᠶᠠ ᠲᠠᠷᠢᠭᠰᠠᠨ ᠬᠥᠮᠦᠨ
ᠡᠪᠦᠯ ᠳ᠋ᠡᠭᠡᠨ ᠵᠢᠷᠭᠠᠯ
ᠡᠷᠳᠡᠮ ᠨᠣᠮ ᠰᠤᠷᠤᠭᠰᠠᠨ ᠬᠥᠮᠦᠨ
ᠡᠴᠦᠰ ᠲᠡᠭᠡᠨ ᠵᠢᠷᠭᠠᠯ
2854 ᠡᠯᠢᠭᠡᠨ ᠰᠠᠳᠤᠨ ᠲᠠᠢ ᠪᠠᠨ
ᠡᠪ ᠢ᠋ᠶ᠋ᠡᠨ ᠪᠦᠦ ᠡᠪᠳᠡ
2855 ᠡᠯᠴᠢ ᠬᠥᠮᠦᠨ ᠡᠪᠲᠡᠢ ᠨᠢ ᠰᠠᠢᠨ
ᠡᠷᠢᠯᠴᠢ ᠬᠥᠮᠦᠨ ᠬᠢᠴᠢᠶᠡᠩᠭᠦᠢ ᠨᠢ ᠰᠠᠢᠨ
2856 ᠡᠯᠢᠭᠡ ᠪᠦᠲᠦᠨ ᠬᠡᠦᠬᠡᠳ ᠰᠡᠷᠭᠦᠯᠡᠩ
ᠡᠵᠡᠨ ᠰᠠᠢᠲᠠᠢ ᠮᠠᠯ ᠴᠣᠪᠣᠭᠣ
2857 ᠡᠮ ᠭᠠᠰᠢᠭᠤᠨ ᠴᠦ᠍ ᠡᠪᠡᠳᠴᠢᠨ ᠳ᠋ᠦ᠍ ᠲᠤᠰᠠ ᠲᠠᠢ
ᠦᠭᠡ ᠬᠠᠲᠠᠭᠤ ᠴᠦ᠍ ᠶᠠᠪᠤᠳᠠᠯ ᠳ᠋ᠤ᠌ ᠲᠤᠰᠠ ᠲᠠᠢ
2858 ᠡᠮᠡ ᠮᠠᠭᠤ ᠡᠷᠡ ᠶ᠋ᠢᠨ ᠭᠠᠢ
ᠡᠮᠡᠭᠡᠯ ᠮᠠᠭᠤ ᠮᠣᠷᠢᠨ ᠤ᠋ ᠭᠠᠢ
2859 ᠡᠮ ᠥᠭᠪᠡᠴᠦ ᠡᠳᠡᠭᠡᠬᠦ ᠦᠭᠡᠢ
ᠳᠠᠩ ᠦᠭᠪᠡᠴᠦ ᠲᠠᠭᠠᠷᠠᠬᠤ ᠦᠭᠡᠢ
2860 ᠡᠮᠡ ᠬᠥᠮᠦᠨ ᠡᠷᠡ ᠦᠭᠡᠢ ᠪᠣᠯ
ᠪᠡᠶᠡ ᠳ᠋ᠦ᠍ᠨᠢ ᠡᠵᠡᠨ ᠦᠭᠡᠢ
ᠡᠷᠡ ᠬᠥᠮᠦᠨ ᠡᠮᠡ ᠦᠭᠡᠢ ᠪᠣᠯ
ᠭᠡᠷ ᠲᠦ᠋ᠨᠢ ᠡᠵᠡᠨ ᠦᠭᠡᠢ
2861 ᠡᠮᠵᠡᠭ ᠬᠥᠮᠦᠨ ᠳ᠋ᠦ᠍ ᠵᠣᠪᠠᠯᠠᠩ ᠮᠤᠩᠳᠠᠬᠤ ᠦᠭᠡᠢ
ᠡᠷᠡᠯᠬᠡᠭ ᠬᠥᠮᠦᠨ ᠳ᠋ᠦ᠍ ᠪᠡᠷᠬᠡᠰᠢᠶᠡᠯ ᠪᠠᠢᠳᠠᠭ ᠦᠭᠡᠢ
2862 ᠡᠮᠡ ᠶ᠋ᠢᠨ ᠮᠠᠭᠤ ᠪᠠᠷ ᠭᠤᠲᠤᠵᠤ
ᠡᠮᠴᠢ ᠶ᠋ᠢᠨ ᠮᠠᠭᠤ ᠪᠠᠷ ᠦᠬᠦᠬᠦ
2863 ᠡᠮᠨᠢᠭ ᠮᠣᠷᠢ ᠡᠵᠡᠨ ᠳ᠋ᠡᠭᠡᠨ ᠬᠠᠯᠠ ᠲᠠᠢ
ᠡᠭᠳᠡᠭᠦᠦ ᠰᠠᠨᠠᠭᠠ ᠪᠡᠶᠡ ᠳ᠋ᠡᠭᠡᠨ ᠬᠠᠯᠠ ᠲᠠᠢ
2864 ᠡᠮᠴᠢ ᠶ᠋ᠢᠨ ᠮᠠᠭᠤ ᠠ᠋ᠴᠠ ᠡᠨᠳᠡᠨᠡ
ᠡᠮᠡ ᠶ᠋ᠢᠨ ᠮᠠᠭᠤ ᠠ᠋ᠴᠠ ᠰᠠᠯᠤᠨᠠ
2865 ᠡᠮᠴᠢᠯᠡᠪᠡᠯ ᠡᠳᠡᠭᠡᠷᠡᠨᠡ
ᠲᠡᠳᠬᠦᠪᠡᠯ ᠲᠡᠩᠬᠡᠷᠡᠨᠡ
2866 ᠡᠮᠡᠭᠡᠯ ᠮᠣᠷᠢᠨ ᠤ᠋ ᠴᠢᠮᠡᠭ
ᠡᠬᠡᠨᠡᠷ ᠭᠡᠷ ᠦ᠋ᠨ ᠴᠢᠮᠡᠭ
2867 ᠡᠮᠡᠭᠡᠯ ᠪᠠᠢᠪᠠᠯ ᠮᠣᠷᠢ ᠣᠯᠳᠠᠳᠠᠭ
ᠡᠶᠡ ᠪᠠᠢᠪᠠᠯ ᠨᠥᠬᠥᠷ ᠣᠯᠳᠠᠳᠠᠭ
2868 ᠡᠮᠡᠭᠡᠯ ᠬᠠᠵᠠᠭᠠᠷ ᠮᠣᠷᠢᠨ ᠤ᠋ ᠴᠢᠮᠡᠭ
ᠡᠭᠡᠮᠦᠭ ᠰᠦᠢᠬᠡ ᠴᠢᠬᠢᠨ ᠦ᠌ ᠴᠢᠮᠡᠭ
2869 ᠡᠮᠡᠭᠡᠯ ᠦ᠋ᠨ ᠮᠣᠳᠣᠨ ᠤ᠋ ᠪᠡᠬᠢ ᠨᠢ ᠰᠠᠢᠨ
ᠡᠷᠡ ᠬᠥᠮᠦᠨ ᠦ᠌ ᠰᠢᠳᠤᠷᠭᠤ ᠨᠢ ᠰᠠᠢᠨ
2870 ᠡᠨᠡ ᠪᠡᠶᠡ ᠶ᠋ᠢᠨ ᠢ᠋ᠶ᠋ᠡᠨ ᠵᠠᠯᠠᠭᠤ ᠳ᠋ᠤ᠌ ᠰᠤᠷ
ᠡᠵᠢ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠠᠮᠢᠳᠤ ᠳ᠋ᠤᠨᠢ ᠠᠰᠠᠷᠠ
2871 ᠡᠷᠡ ᠪᠡᠶᠡ ᠥᠰᠴᠦ
ᠡᠵᠢ ᠶ᠋ᠢᠨ ᠳᠡᠪᠡᠯ ᠪᠠᠭᠠᠳᠠᠬᠤ
2872 ᠡᠷᠡ ᠨᠢᠭᠡ ᠭᠡᠨᠡᠳᠡᠳᠡᠭ
ᠡᠷᠭᠢ ᠨᠢᠭᠡ ᠨᠤᠷᠠᠳᠠᠭ
2873 ᠡᠷᠡ ᠥᠰᠳᠡᠭ
ᠢᠰᠡᠭᠡᠢ ᠰᠤᠨᠳᠠᠭ
2874 ᠡᠷᠡ ᠰᠠᠢᠲᠤ ᠡᠬᠡᠨᠡᠷ
ᠡᠷᠭᠢ ᠰᠠᠢᠲᠤ ᠤᠰᠤ
2875 ᠡᠷᠡ ᠰᠠᠢᠲᠠᠢ ᠡᠬᠡᠨᠡᠷ ᠳᠠᠷᠤᠤᠬᠠᠨ
ᠡᠵᠡᠨ ᠰᠠᠢᠲᠠᠢ ᠮᠣᠷᠢ ᠨᠣᠮᠣᠬᠠᠨ
2876 ᠡᠷᠡ ᠬᠥᠮᠦᠨ
ᠳᠣᠯᠣᠭᠠ ᠳᠣᠣᠷᠠᠳᠠᠵᠤ ᠨᠠᠢ᠍ᠮᠠ ᠰᠡᠬᠡᠳᠡᠭ
2877 ᠡᠷᠡ ᠬᠥᠮᠦᠨ ᠵᠣᠷᠢᠭᠲᠠᠢ ᠪᠣᠯ
ᠴᠢᠨᠣᠠ ᠴᠢᠴᠠᠭᠠ ᠠᠯᠳᠠᠨᠠ
2878 ᠡᠷᠡ ᠬᠥᠮᠦᠨ ᠨᠢᠭᠡ ᠰᠡᠳᠬᠢᠯ ᠲᠡᠢ ᠪᠣᠯ ᠡᠷᠳᠡᠨᠢ
ᠬᠣᠶᠠᠷ ᠰᠡᠳᠬᠢᠯ ᠲᠡᠢ ᠪᠣᠯ ᠬᠣᠣᠷ
2879 ᠡᠷᠡ ᠬᠥᠮᠦᠨ ᠡᠷᠦᠬᠡ ᠪᠡᠨ ᠪᠦᠲᠡᠭᠡᠬᠦ ᠳ᠋ᠡᠭᠡᠨ
ᠬᠡᠨ ᠢ᠋ ᠠᠪᠬᠤ ᠪᠠᠨ ᠪᠣᠳᠣᠬᠤ
ᠡᠮᠡ ᠬᠥᠮᠦᠨ ᠡᠷᠦᠬᠡ ᠪᠡᠨ ᠪᠦᠲᠡᠭᠡᠬᠦ ᠳ᠋ᠡᠭᠡᠨ
ᠬᠡᠷᠬᠢᠨ ᠠᠮᠢᠳᠤᠷᠠᠬᠤ ᠪᠠᠨ ᠪᠣᠳᠣᠬᠤ
2880 ᠡᠷᠡ ᠬᠥᠮᠦᠨ ᠲᠤᠭ ᠴᠦ᠍ ᠪᠠᠷᠢᠨᠠ
ᠲᠤᠭᠤᠯ ᠴᠦ᠍ ᠬᠠᠷᠢᠭᠤᠯᠤᠨᠠ
2881 ᠡᠷᠡ ᠬᠥᠮᠦᠨ ᠰᠢᠭ ᠡᠷᠪᠡᠯᠵᠡᠵᠦ
ᠡᠮᠡᠭᠡᠯᠲᠦ ᠮᠣᠷᠢ ᠰᠢᠭ᠋ ᠳᠡᠷᠪᠡᠯᠵᠡᠬᠦ
2882 ᠡᠷᠡ ᠬᠥᠮᠦᠨ ᠦ᠌ ᠵᠢᠷᠭᠠᠯ
ᠡᠵᠡᠭᠦᠢ ᠬᠡᠭᠡᠷᠡ
2883 ᠡᠷᠡ ᠬᠥᠮᠦᠨ ᠦ᠌
ᠵᠠᠮ ᠤ᠋ᠨ ᠬᠦᠵᠦᠭᠦᠦ ᠤᠷᠲᠤ
2884 ᠡᠷᠡ ᠬᠥᠮᠥᠨ ᠦ ᠬᠡ ᠦᠭᠡᠢ ᠨᠢ ᠰᠠᠢᠬᠠᠨ
ᠡᠬᠡᠨᠡᠷ ᠬᠥᠮᠦᠨ ᠦ᠌ ᠥᠭᠯᠢᠭᠡᠴᠢ ᠨᠢ ᠰᠠᠢᠬᠠᠨ
2885 ᠡᠷᠡ ᠬᠥᠮᠦᠨ ᠦ᠌ ᠴᠡᠭᠡᠵᠢᠨ ᠳ᠋ᠦ᠍
ᠡᠮᠡᠭᠡᠯ ᠬᠠᠵᠠᠭᠠᠷ ᠲᠠᠢ ᠮᠣᠷᠢ
2886 ᠡᠷᠡ ᠬᠥᠮᠦᠨ ᠢ᠋ ᠢᠲᠡᠭᠡᠬᠦ ᠪᠡᠷ
ᠡᠷᠡᠬᠡᠢ ᠬᠤᠷᠤᠭᠤ ᠪᠠᠨ ᠢᠳᠡᠭᠡ
2887 ᠡᠷᠡ ᠡᠮᠡ ᠵᠢᠷᠤᠮ ᠲᠠᠢ ᠨᠢ ᠰᠠᠢᠬᠠᠨ
ᠡᠭᠡᠴᠢ ᠳᠡᠭᠦᠦ ᠨᠠᠢᠷᠲᠠᠢ ᠨᠢ ᠰᠠᠢᠬᠠᠨ
2888 ᠡᠷᠡ ᠡᠮᠡ ᠶ᠋ᠢᠨ ᠳᠤᠮᠳᠠ
ᠡᠯᠵᠢᠭᠡ ᠪᠦᠦ ᠵᠢᠷᠣᠭᠠᠯᠠ
2889 ᠡᠷᠢᠪᠡᠯ ᠣᠯᠳᠠᠨᠠ
ᠡᠷᠡᠮᠡᠯᠵᠡᠪᠡᠯ ᠪᠦᠲᠦᠨᠡ
2890 ᠡᠷᠡ ᠡᠨᠳᠡᠪᠡᠴᠦ
ᠡᠷᠭᠢᠵᠦ ᠳᠡᠭᠵᠢᠳᠡᠭ
2891 ᠡᠷᠪᠡᠬᠡᠢ ᠭᠠᠯ ᠳ᠋ᠤ᠌ ᠳᠡᠭᠦᠯᠢᠬᠦ
ᠡᠷᠭᠢᠭᠦᠦ ᠠᠷᠢᠬᠢᠨ ᠳ᠋ᠤ᠌ ᠰᠣᠭᠲᠣᠬᠤ
2892 ᠡᠷᠡ ᠦᠭᠡᠢ ᠭᠡᠷ ᠰᠦᠷ ᠦᠭᠡᠢ
ᠡᠬᠡᠨᠡᠷ ᠦᠭᠡᠢ ᠭᠡᠷ ᠴᠢᠮᠡᠭ ᠦᠭᠡᠢ
2893 ᠡᠷᠡ ᠦᠭᠡᠢ ᠡᠮᠡ ᠵᠠᠪᠬᠠᠢ
ᠡᠷᠭᠢ ᠦᠭᠡᠢ ᠤᠰᠤ ᠵᠠᠳᠠᠭᠠᠢ
2894 ᠡᠷᠭᠢᠭᠦᠦ ᠬᠠᠷᠢᠶᠠᠯ ᠡᠵᠡᠨ ᠳ᠋ᠡᠭᠡᠨ
ᠪᠤᠷᠤᠭᠤ ᠬᠠᠷᠢᠶᠠᠯ ᠪᠡᠶᠡ ᠳ᠋ᠡᠭᠡᠨ
2895 ᠡᠷᠭᠢᠭᠦᠦ ᠬᠥᠮᠦᠨ ᠴᠢᠳᠠᠯ ᠢ᠋ᠶ᠋ᠠᠨ ᠮᠡᠳᠡᠳᠡᠭ ᠦᠭᠡᠢ
ᠡᠴᠡᠩᠬᠡᠢ ᠮᠠᠯ ᠬᠢᠷᠢ ᠪᠡᠨ ᠮᠡᠳᠡᠳᠡᠭ ᠦᠭᠡᠢ
2896 ᠡᠷᠭᠢᠭᠦᠯᠵᠦ ᠮᠥᠯᠵᠢᠬᠦ ᠳ᠋ᠦ᠍ ᠬᠦᠵᠦᠭᠦᠦ ᠰᠠᠢᠬᠠᠨ
ᠡᠷᠭᠢᠭᠡᠳ ᠠᠭᠤᠯᠵᠠᠬᠤ ᠳ᠋ᠤ᠌ ᠡᠵᠢ ᠰᠠᠢᠬᠠᠨ
2897 ᠡᠷᠭᠢᠬᠦ ᠨᠠᠷᠠ
ᠡᠭᠡᠯᠵᠢᠯᠡᠬᠦ ᠠᠵᠢᠯ
2898 ᠡᠷᠡ ᠳ᠋ᠦ᠍ ᠣᠴᠢᠪᠠᠯ ᠡᠵᠢ ᠠᠪᠤ ᠪᠠᠨ ᠮᠠᠷᠲᠠᠬᠤ
ᠡᠪᠡᠳᠴᠢᠨ ᠡᠳᠡᠭᠡᠪᠡᠯ ᠡᠮᠴᠢ ᠶ᠋ᠢ ᠪᠡᠨ ᠮᠠᠷᠲᠠᠬᠤ
2899 ᠡᠷᠳᠡᠮ ᠠᠵᠢᠯ ᠬᠣᠶᠠᠷ
ᠡᠷᠡ ᠵᠣᠷᠢᠭ ᠬᠣᠶᠠᠷ
2900 ᠡᠷᠳᠡᠮ ᠪᠢᠯᠢᠭ
ᠡᠷᠬᠢᠮ ᠪᠠᠶᠠᠨ
2901 ᠡᠷᠳᠡᠮ ᠪᠠᠭᠠᠲᠤ ᠶ᠋ᠢᠨ ᠣᠮᠣᠭ ᠶᠡᠬᠡ
ᠢᠰᠢᠭᠡᠨ ᠤᠬᠤᠨᠠ ᠶ᠋ᠢᠨ ᠭᠦᠶᠦᠳᠡᠯ ᠶᠡᠬᠡ
2902 ᠡᠷᠳᠡᠮ ᠲᠡᠭᠦᠰ ᠬᠥᠮᠦᠨ ᠢ᠋ ᠰᠢᠳᠦ
ᠡᠷᠳᠡᠮ ᠮᠡᠬᠦᠰ ᠬᠥᠮᠦᠨ ᠢ᠋ ᠲᠡᠪᠴᠢ
2903 ᠡᠷᠳᠡᠮ ᠢ᠋ ᠰᠤᠷᠪᠠᠯ ᠠᠮᠢᠨ ᠳ᠋ᠤ᠌ ᠲᠤᠰᠠ
ᠡᠷᠬᠡ ᠶ᠋ᠢ ᠰᠤᠷᠪᠠᠯ ᠠᠵᠢᠯ ᠳ᠋ᠤ᠌ ᠬᠣᠣᠷ
2904 ᠡᠷᠳᠡᠮ ᠢ᠋ ᠬᠢᠴᠢᠶᠡᠯ ᠢ᠋ᠶ᠋ᠡᠷ
ᠡᠷᠢᠯ ᠢ᠋ ᠰᠤᠷᠠᠭ ᠢ᠋ᠶ᠋ᠠᠷ
2905 ᠡᠷᠳᠡᠮ ᠦ᠋ᠨ ᠳᠡᠭᠡᠳᠦ ᠡᠪ
ᠡᠷᠬᠢᠮ ᠦ᠋ᠨ ᠳᠡᠭᠡᠳᠦ ᠡᠬᠡ
2906 ᠡᠷᠳᠡᠮ ᠦ᠋ᠨ ᠤᠬᠠᠭᠠᠨ ᠥᠲᠡᠯᠳᠡᠭ ᠦᠭᠡᠢ
ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠬᠤᠪᠢᠷᠠᠳᠠᠭ ᠦᠭᠡᠢ
2907 ᠡᠷᠳᠡᠮ ᠢ᠋ᠶ᠋ᠡᠷ ᠤᠬᠠᠭᠠᠷᠠᠵᠤ
ᠡᠪ ᠢ᠋ᠶ᠋ᠡᠷ ᠬᠢᠬᠦ
2908 ᠡᠷᠳᠡᠮ ᠡᠴᠡ ᠢᠯᠡᠭᠦᠦ ᠡᠳ᠋ ᠦᠭᠡᠢ
ᠡᠷᠡᠭᠦᠯ ᠡᠴᠡ ᠢᠯᠡᠭᠦᠦ ᠵᠢᠷᠭᠠᠯ ᠦᠭᠡᠢ
2909 ᠡᠷᠳᠡᠮᠲᠦ ᠬᠥᠮᠦᠨ ᠳᠠᠷᠤᠤ
ᠶᠡᠬᠡ ᠮᠥᠷᠡᠨ ᠳᠥᠯᠭᠡᠨ
2910 ᠡᠷᠳᠡᠮᠲᠦ ᠬᠥᠮᠦᠨ ᠤᠯᠤᠰ ᠤ᠋ᠨ ᠴᠢᠮᠡᠭ
ᠡᠶᠡᠲᠡᠢ ᠬᠥᠮᠦᠨ ᠣᠯᠠᠨ ᠤ᠋ ᠲᠡᠷᠢᠭᠦᠨ
2911 ᠡᠷᠳᠡᠮ ᠲᠡᠢ ᠬᠥᠮᠦᠨ ᠳᠠᠯᠠᠢ
ᠡᠷᠳᠡᠮ ᠦᠭᠡᠢ ᠬᠥᠮᠦᠨ ᠪᠠᠯᠠᠢ
2912 ᠡᠷᠳᠡᠮ ᠲᠡᠢ ᠬᠥᠮᠦᠨ ᠨᠡᠷᠡ ᠪᠡᠨ ᠪᠣᠳᠣᠬᠤ
ᠥᠴᠦᠬᠡᠨ ᠬᠥᠮᠦᠨ ᠠᠰᠢᠭ ᠢ᠋ᠶ᠋ᠠᠨ ᠪᠣᠳᠣᠬᠤ
2913 ᠡᠷᠳᠡᠮ ᠲᠡᠢ ᠬᠥᠮᠦᠨ ᠦ᠌ ᠬᠡᠯᠡ ᠵᠥᠭᠡᠯᠡᠨ
ᠡᠮᠴᠢ ᠬᠥᠮᠦᠨ ᠦ᠌ ᠭᠠᠷ ᠵᠥᠭᠡᠯᠡᠨ
2914 ᠡᠷᠳᠡᠮᠲᠡᠨ ᠦᠬᠦᠪᠡᠯ ᠨᠡᠷᠡ ᠨᠢ ᠴᠠᠭᠠᠰᠤᠨ ᠳᠡᠭᠡᠷᠡ
ᠳᠠᠷᠬᠠᠨ ᠦᠬᠦᠪᠡᠯ ᠨᠡᠷᠡ ᠨᠢ ᠡᠳ᠋ ᠳᠡᠭᠡᠷᠡ
2915 ᠡᠷᠳᠡᠮᠲᠡᠨ ᠬᠥᠮᠦᠨ ᠤᠴᠢᠷ ᠶᠠᠪᠤᠳᠠᠯ ᠳ᠋ᠤ᠌ ᠴᠢᠷᠮᠠᠢᠨᠠ
ᠥᠴᠦᠬᠡᠨ ᠬᠥᠮᠦᠨ ᠡᠳ᠋ ᠠᠰᠢᠭ ᠲᠤ᠌ ᠴᠣᠷᠪᠣᠢᠨᠠ
2916 ᠡᠷᠳᠡᠮᠲᠡᠨ ᠬᠥᠮᠦᠨ ᠡᠴᠡ ᠣᠮᠣᠭ ᠭᠠᠷᠬᠤ ᠦᠭᠡᠢ
ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤᠨ ᠠ᠋ᠴᠠ ᠦ ᠭᠠᠷᠬᠤ ᠦᠭᠡᠢ
2917 ᠡᠷᠳᠡᠨᠢ ᠬᠣᠪᠣᠷ ᠪᠣᠯᠪᠠᠴᠤ ᠣᠯᠵᠤ ᠪᠣᠯᠳᠠᠭ
ᠡᠷᠳᠡᠮ ᠭᠦᠨ ᠪᠣᠯᠪᠠᠴᠤ ᠰᠤᠷᠴᠤ ᠪᠣᠯᠳᠠᠭ
2918 ᠡᠷᠳᠡᠨᠢ ᠶ᠋ᠢ ᠲᠠᠨᠢᠬᠤ ᠦᠭᠡᠢ ᠬᠥᠮᠦᠨ
ᠡᠪᠡᠷ ᠢ᠋ ᠡᠷᠳᠡᠨᠢ ᠭᠡᠬᠦ
2919 ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠠᠭᠤᠯᠠ ᠶ᠋ᠢᠨ ᠴᠢᠮᠡᠭ
ᠡᠶᠡᠯᠳᠡᠭ ᠵᠠᠩ ᠬᠥᠮᠦᠨ ᠦ᠌ ᠴᠢᠮᠡᠭ
2920 ᠡᠷᠡ ᠶ᠋ᠢ ᠪᠦᠦ ᠪᠠᠰᠤ
ᠳᠠᠯᠠᠢ ᠶ᠋ᠢ ᠪᠦᠦ ᠶᠠᠨᠳᠠ
2921 ᠡᠷᠡ ᠶ᠋ᠢ ᠰᠢᠯᠭᠠᠶᠠ ᠭᠡᠪᠡᠯ ᠤᠨᠤᠭᠠ ᠶ᠋ᠢ ᠨᠢ ᠦᠵᠡ
ᠡᠮᠡ ᠶ᠋ᠢ ᠰᠢᠯᠭᠠᠶᠠ ᠭᠡᠪᠡᠯ ᠣᠶᠣᠳᠠᠯ ᠢ᠋ ᠨᠢ ᠦᠵᠡ
2922 ᠡᠷᠡ ᠶ᠋ᠢᠨ ᠵᠢᠯᠣᠭᠣ ᠵᠣᠷᠢᠭ
ᠡᠷᠳᠡᠮ ᠦ᠋ᠨ ᠵᠢᠯᠣᠭᠣ ᠪᠢᠴᠢᠭ
2923 ᠡᠷᠡ ᠶ᠋ᠢᠨ ᠴᠡᠭᠡᠯ ᠳ᠋ᠦ᠍ ᠬᠦᠷᠦᠭᠰᠡᠨ ᠴᠦ᠍
ᠡᠵᠢ ᠠᠪᠤ ᠡᠷᠬᠢᠮ
2924 ᠡᠷᠲᠡ ᠪᠣᠰᠪᠠᠯ ᠨᠢᠭᠡ ᠶ᠋ᠢ ᠦᠵᠡᠵᠦ
ᠣᠷᠣᠢ ᠤᠨᠲᠠᠪᠠᠯ ᠨᠢᠭᠡ ᠶ᠋ᠢ ᠰᠣᠨᠣᠰᠬᠤ
2925 ᠡᠷᠲᠡ ᠪᠣᠰᠪᠠᠯ ᠣᠷᠣᠢ ᠳ᠋ᠠᠭᠠᠨ ᠲᠤᠰᠠ ᠲᠠᠢ
ᠢᠳᠡᠷ ᠲᠡᠭᠡᠨ ᠰᠤᠷᠪᠠᠯ ᠥᠲᠡᠯᠬᠦ ᠳ᠋ᠦ᠍ ᠲᠤᠰᠠ ᠲᠠᠢ
2926 ᠡᠷᠲᠡ ᠪᠣᠰᠪᠠᠯ ᠣᠷᠣᠢ ᠶ᠋ᠢᠨ ᠠᠵᠢᠯ ᠳ᠋ᠤ᠌ ᠲᠤᠰᠠ
ᠡᠷᠳᠡᠮ ᠰᠤᠷᠪᠠᠯ ᠨᠠᠰᠤᠨ ᠤ᠋ ᠦᠢᠯᠡᠰ ᠲᠦ᠍ ᠲᠤᠰᠠ
2927 ᠡᠷᠲᠡᠨ ᠦ᠌ ᠦᠭᠡ ᠶ᠋ᠢ ᠰᠢᠨᠵᠢᠯᠡ
ᠡᠷᠳᠡᠮᠲᠡᠨ ᠦ᠌ ᠶᠠᠷᠢᠶᠠ ᠶ᠋ᠢ ᠴᠢᠩᠨᠠ
2928 ᠡᠷᠡᠭᠦᠯ ᠢ᠋ ᠴᠡᠪᠡᠷ ᠢ᠋ᠶ᠋ᠡᠷ
ᠡᠩᠬᠡ ᠶ᠋ᠢ ᠲᠡᠮᠡᠴᠡᠯ ᠢ᠋ᠶ᠋ᠡᠷ
2929 ᠡᠷᠡᠭᠦᠯ ᠦ᠋ᠨ ᠰᠠᠨᠠᠭᠠ ᠰᠣᠭᠲᠣᠭᠤ ᠳ᠋ᠤ᠌
ᠰᠣᠭᠲᠣᠭᠤ ᠶ᠋ᠢᠨ ᠰᠠᠨᠠᠭᠠ ᠰᠣᠬᠣᠷ ᠲᠦ᠍
2930 ᠡᠷᠬᠡ ᠬᠡᠦᠬᠡᠳ ᠡᠬᠡ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠦᠴᠦᠨ ᠳ᠋ᠦ᠍
ᠡᠷᠳᠡᠮ ᠰᠤᠷᠤᠭᠰᠠᠨ ᠱᠠᠪᠢ ᠪᠠᠭᠰᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠦᠴᠦᠨ ᠳ᠋ᠦ᠍
2931 ᠡᠷᠭᠢ ᠦᠭᠡᠢ ᠤᠰᠤ ᠬᠠᠯᠢᠮᠠᠲᠠᠭᠠᠢ
ᠡᠬᠡᠨᠡᠷ ᠦᠭᠡᠢ ᠬᠥᠮᠦᠨ ᠲᠡᠨᠦᠮᠡᠲᠡᠭᠡᠢ
2932 ᠡᠷᠢᠯ ᠳ᠋ᠦ᠍ ᠮᠣᠷᠳᠠᠬᠤ ᠳ᠋ᠤ᠌ ᠳᠤᠷᠠᠨ ᠬᠡᠷᠡᠭ ᠲᠡᠢ
ᠡᠷᠳᠡᠮ ᠰᠤᠷᠬᠤ ᠳ᠋ᠤ᠌ ᠨᠣᠮ ᠬᠡᠷᠡᠭ ᠲᠡᠢ
2933 ᠡᠷᠢᠶᠡᠨ ᠢᠨᠵᠠᠭᠠ ᠡᠬᠡ ᠶ᠋ᠢ ᠪᠡᠨ ᠰᠠᠨᠠᠬᠤ
ᠡᠴᠢᠭᠡ ᠶ᠋ᠢᠨ ᠬᠦᠦ ᠨᠤᠲᠤᠭ ᠢ᠋ᠶ᠋ᠠᠨ ᠰᠠᠨᠠᠬᠤ
2934 ᠡᠰᠡ ᠳᠠᠰᠤᠭᠰᠠᠨ ᠬᠥᠮᠦᠨ ᠲᠡᠢ
ᠳᠡᠮᠡᠢ ᠪᠤᠤ ᠢᠨᠠᠭᠯᠠ
2935 ᠢᠰᠡᠭᠡᠢ ᠬᠢᠬᠦ ᠭᠠᠵᠠᠷ ᠲᠦ᠍ ᠨᠣᠬᠠᠢ ᠬᠡᠷᠡᠭ ᠦᠭᠡᠢ
ᠡᠮᠨᠢᠭ ᠰᠤᠷᠭᠠᠬᠤ ᠭᠠᠵᠠᠷ ᠲᠦ᠍ ᠬᠡᠦᠬᠡᠳ ᠬᠡᠷᠡᠭ ᠦᠭᠡᠢ
2936 ᠢᠰᠡᠭᠡᠢ ᠶ᠋ᠢᠨ ᠵᠤᠵᠠᠭᠠᠨ ᠨᠢ ᠰᠠᠢᠨ
ᠢᠯᠳᠦᠨ ᠦ᠌ ᠬᠤᠷᠴᠠ ᠨᠢ ᠰᠠᠢᠨ
2937 ᠡᠴᠢᠭᠡ ᠡᠬᠡ ᠴᠢᠰᠤᠨ ᠤ᠋ ᠬᠣᠯᠪᠣᠭᠠ
ᠡᠬᠡᠨᠡᠷ ᠨᠥᠬᠥᠷ ᠨᠠᠰᠤᠨ ᠤ᠋ ᠬᠣᠯᠪᠣᠭᠠ
2938 ᠡᠬᠡ ᠮᠠᠭᠤ ᠪᠣᠯᠪᠠᠴᠤ
ᠡᠯᠢᠭᠡ ᠨᠢ ᠬᠠᠯᠠᠭᠤᠨ
2939 ᠡᠬᠡ ᠮᠠᠭᠤᠳᠠᠨ ᠤ᠋ ᠬᠡᠦᠬᠡᠨ ᠢ᠋ ᠪᠢᠲᠡᠭᠡᠢ ᠠᠪ
ᠡᠭᠦᠳᠡ ᠮᠠᠭᠤᠳᠠᠨ ᠤ᠋ ᠬᠣᠢᠮᠣᠷ ᠪᠢᠲᠡᠭᠡᠢ ᠰᠠᠭᠤ
2940 ᠡᠬᠡ ᠨᠢ ᠪᠦᠪᠡᠢᠯᠠᠵᠦ ᠬᠠᠢᠷᠠᠯᠠᠳᠠᠭ
ᠡᠴᠢᠭᠡ ᠨᠢ ᠦᠪᠠᠢᠯᠠᠵᠤ ᠬᠠᠢᠷᠠᠯᠠᠳᠠᠭ
2941 ᠡᠬᠡ ᠨᠢ ᠬᠡᠭᠡᠷ ᠠᠯᠠᠭ ᠪᠣᠯ
ᠤᠨᠠᠭᠠ ᠨᠢ ᠰᠢᠭᠢᠷᠡ ᠠᠯᠠᠭ
2942 ᠡᠬᠡ ᠬᠥᠮᠦᠨ ᠦᠷᠡ ᠪᠡᠨ ᠬᠠᠷᠠᠵᠤ ᠪᠠᠢᠬᠤ ᠳ᠋ᠠᠭᠠᠨ
ᠭᠣᠣᠯ ᠨᠢ ᠲᠠᠰᠤᠷᠠᠳᠠᠭ ᠦᠭᠡᠢ
2943 ᠡᠬᠡ ᠶ᠋ᠢ ᠨᠢ ᠡᠴᠡᠭᠡᠬᠦ ᠦᠭᠡᠢ
ᠲᠤᠭᠤᠯ ᠢ᠋ ᠨᠢ ᠲᠤᠷᠠᠭᠠᠬᠤ ᠦᠭᠡᠢ
2944 ᠡᠬᠡ ᠶ᠋ᠢᠨ ᠰᠡᠳᠬᠢᠯ ᠦᠷᠡ ᠳ᠋ᠦ᠍
ᠦᠷᠡ ᠶ᠋ᠢᠨ ᠰᠠᠨᠠᠭᠠ ᠠᠭᠤᠯᠠᠨ ᠳ᠋ᠤ᠌
2945 ᠡᠬᠡᠲᠦ ᠥᠨᠥᠴᠢᠨ ᠥᠭᠡᠳᠡᠯᠡᠳᠡᠭ
ᠡᠴᠢᠭᠡᠲᠦ ᠥᠨᠥᠴᠢᠨ ᠤᠷᠤᠭᠤᠳᠠᠳᠠᠭ
2946 ᠡᠬᠡ ᠲᠡᠢ ᠬᠥᠮᠦᠨ ᠡᠯᠢᠭᠡ ᠪᠦᠲᠦᠨ
ᠦᠷᠡ ᠲᠡᠢ ᠬᠥᠮᠦᠨ ᠠᠮᠠ ᠳᠦᠭᠦᠷᠡᠩ
2947 ᠡᠬᠡ ᠳ᠋ᠦ᠍ ᠦᠷᠡ ᠰᠠᠢᠬᠠᠨ
ᠡᠷᠡ ᠳ᠋ᠦ᠍ ᠴᠢᠳᠠᠯ ᠰᠠᠢᠬᠠᠨ
2948 ᠡᠴᠢᠭᠡ ᠶ᠋ᠢᠨ ᠠᠴᠢ᠂ ᠡᠬᠡ ᠶ᠋ᠢᠨ ᠰᠦ ᠶ᠋ᠢ
ᠡᠨᠡ ᠨᠠᠰᠤᠨ ᠳ᠋ᠤ᠌ ᠬᠠᠷᠢᠭᠤᠯᠠᠵᠤ ᠪᠠᠷᠠᠬᠤ ᠦᠭᠡᠢ
2949 ᠡᠴᠡᠭᠰᠡᠨ ᠮᠣᠷᠢᠨ ᠳ᠋ᠤ᠌ ᠬᠠᠵᠠᠭᠠᠷ ᠬᠦᠨᠳᠦ
ᠶᠠᠳᠠᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠴᠢᠬᠢ ᠬᠦᠨᠳᠦ
2950 ᠡᠴᠡᠭᠰᠡᠨ ᠬᠥᠮᠦᠨ ᠡᠮᠡᠭᠡᠯ ᠳᠡᠷᠡᠯᠡᠬᠦ
ᠲᠤᠢᠯᠳᠠᠭᠰᠠᠨ ᠬᠥᠮᠦᠨ ᠲᠤᠯᠭᠠ ᠲᠦᠰᠢᠬᠦ
2951 ᠡᠴᠢᠭᠡ ᠬᠦᠦ ᠡᠶᠡ ᠲᠡᠢ ᠰᠠᠢᠬᠠᠨ
ᠡᠷᠡ ᠡᠮᠡ ᠠᠮᠠᠷᠠᠭ ᠰᠠᠢᠬᠠᠨ
2952 ᠡᠭᠡᠳᠡᠭᠰᠡᠨ ᠬᠣᠢᠨᠠ ᠰᠦ ᠪᠣᠯᠬᠤ ᠦᠭᠡᠢ
ᠡᠪᠳᠡᠷᠡᠭᠰᠡᠨ ᠬᠣᠢᠨᠠ ᠪᠦᠲᠦᠨ ᠪᠣᠯᠬᠤ ᠦᠭᠡᠢ
2953 ᠡᠵᠢ ᠦᠭᠡᠢ ᠥᠬᠢᠨ ᠦ᠌ ᠪᠥᠭᠰᠡ ᠲᠣᠮᠣ
ᠡᠴᠢᠭᠡ ᠦᠭᠡᠢ ᠬᠥᠪᠡᠭᠦᠨ ᠦ᠌ ᠲᠣᠯᠣᠭᠠᠢ ᠲᠣᠮᠣ
2954 ᠡᠵᠢ ᠲᠡᠢ ᠬᠥᠮᠦᠨ ᠡᠩ ᠲᠡᠢ ᠲᠣᠷᠭᠠ ᠰᠢᠭ᠋
ᠠᠪᠤ ᠲᠠᠢ ᠬᠥᠮᠦᠨ ᠠᠷ ᠲᠠᠢ ᠲᠣᠷᠭᠠ ᠰᠢᠭ᠋
2955 ᠡᠵᠢ ᠪᠡᠷ ᠢ᠋ᠶ᠋ᠡᠨ ᠵᠢᠭᠠᠯᠭᠠᠬᠤ ᠨᠢ ᠥᠬᠢᠨ ᠦ᠌ ᠶᠣᠰᠣ
ᠡᠴᠢᠭᠡ ᠪᠡᠨ ᠵᠠᠯᠭᠠᠮᠵᠢᠯᠠᠬᠤ ᠨᠢ ᠬᠦᠦ ᠶ᠋ᠢᠨ ᠵᠢᠷᠤᠮ