ᠮᠣᠩᠭᠣᠯ ᠰᠣᠶᠣᠯ ᠪᠠ ᠡᠷᠡᠭᠦᠯ ᠮᠡᠨᠳᠦ
                                                         ᠣᠲᠠᠴᠢ

       ᠦᠨᠳᠦᠰᠦᠲᠡᠨ ᠠᠨᠠᠭᠠᠬᠤ ᠤᠬᠠᠭᠠᠨ ᠭᠡᠵᠦ ᠪᠠᠢᠳᠠᠭ ᠨᠢ ᠤᠴᠢᠷ ᠲᠠᠢ᠃ ᠮᠣᠩᠭᠣᠯ ᠬᠢᠮᠢ᠂ ᠹᠢᠽᠢᠺ ᠭᠡᠵᠦ ᠪᠠᠢᠳᠠᠭ ᠦᠭᠡᠢ  ᠮᠣᠩᠭᠣᠯ ᠤᠯᠠᠮᠵᠢᠯᠠᠯᠲᠤ ᠠᠨᠠᠭᠠᠬᠤ ᠤᠬᠠᠭᠠᠨ ᠭᠡᠵᠦ ᠪᠠᠢᠳᠠᠭ᠃ ᠬᠦᠮᠦᠨ ᠡᠷᠡᠭᠦᠯ ᠮᠡᠨᠳᠦ ᠨᠢ ᠰᠡᠳᠬᠢᠯ ᠵᠦᠢ᠂ ᠰᠣᠶᠣᠯ ᠤᠯᠠᠮᠵᠢᠯᠠᠯ᠂ ᠵᠠᠩ ᠳᠠᠳᠬᠠᠯ ᠲᠠᠢ ᠰᠠᠯᠤᠰᠢ ᠦᠭᠡᠢ ᠬᠣᠯᠪᠣᠭ᠎ᠠ ᠲᠠᠢ᠃ ᠲᠡᠭᠡᠪᠡᠯ ᠮᠣᠩᠭᠣᠯ ᠰᠣᠶᠣᠯ ᠨᠢ ᠡᠷᠡᠭᠦᠯ ᠮᠡᠨᠳᠦ ᠶᠠᠮᠠᠷ ᠬᠣᠯᠪᠣᠭᠳᠠᠯ ᠲᠠᠢ ᠪᠣᠢ 
      1.ᠦᠭᠡ ᠬᠡᠯᠡ᠃ ᠬᠢᠲᠠᠳ ᠮᠣᠩᠭᠣᠯ ᠬᠦᠮᠦᠰ ᠠᠳᠠᠯᠢᠬᠠᠨ ᠠᠽᠢ ᠬᠢᠨ ᠬᠤᠪᠢ᠂ ᠴᠢᠷᠠᠢ ᠲᠥᠷᠬᠦ ᠶᠡᠬᠡ ᠢᠯᠭᠠᠭ᠎ᠠ ᠦᠭᠡᠢ᠃ ᠭᠡᠲᠡᠯ᠎ᠡ ᠬᠢᠲᠠᠳ ᠬᠦᠮᠦᠰ ᠳᠣᠲᠣᠷ᠎ᠠ ᠨᠢᠭᠤᠷ ᠴᠢᠷᠠᠢ ᠨᠢ ᠣᠯᠳᠠᠮᠠᠯ   ᠲᠥᠷᠥᠯᠬᠢ ᠪᠤᠰᠤ  ᠪᠠᠢᠳᠠᠯ ᠭᠠᠵᠢᠭ ᠣᠷᠣᠭᠰᠠᠨ᠂ ᠲᠤᠬᠠᠢᠯᠠᠪᠠᠯ ᠰᠢᠳᠦ ᠨᠢ ᠳᠣᠷᠰᠣᠢᠭᠰᠠᠨ᠂ ᠡᠷᠲᠡ ᠮᠠᠭᠤᠳᠠᠭᠰᠠᠨ᠂ ᠲᠦᠭᠦᠰᠢ ᠨᠢ ᠡᠪ ᠦᠭᠡᠢ ᠲᠦᠭᠳᠦᠢᠭᠰᠡᠨ᠂ ᠦᠵᠡᠮᠵᠢ ᠲᠠᠭᠠᠷᠠᠤ ᠵᠡᠷᠭᠡ ᠦᠵᠡᠭᠳᠡᠯ ᠠᠵᠢᠭᠯᠠᠭᠳᠠᠳᠠᠭ᠃ ᠡᠨᠡ  ᠬᠡᠯᠡ ᠲᠡᠢ ᠨᠢ ᠨᠢᠭᠡ ᠬᠡᠮᠵᠢᠶ᠎ᠡ ᠬᠣᠯᠪᠣᠭ᠎ᠠ ᠲᠠᠢ᠃ ᠬᠢᠲᠠᠳ ᠬᠡᠯᠡᠨ ᠳᠥᠷᠪᠡᠨ ᠡᠷᠭᠦᠯᠲᠡ ᠭᠠᠷᠭᠠᠬᠤ ᠭᠡᠵᠦ ᠬᠦᠴᠦᠯᠡᠭᠰᠡᠨ ᠨᠢᠭᠤᠷ ᠪᠤᠯᠴᠢᠩ ᠨᠢ ᠥᠭᠡᠷ᠎ᠡ ᠬᠡᠯᠡᠲᠡᠨ ᠣᠨᠳᠣᠣ ᠳᠠᠢᠴᠢᠯᠠᠭᠳᠠᠳᠠᠭ ᠪᠣᠯᠵᠤ᠂ ᠴᠢᠷᠠᠢ ᠨᠢᠭᠤᠷ ᠲᠥᠷᠬᠦ ᠥᠭᠡᠷᠡᠴᠢᠯᠡᠳᠡᠭ᠃ ᠮᠣᠩᠭᠣᠯ ᠶᠠᠷᠢᠳᠠᠭ ᠬᠦᠮᠦᠰ ᠰᠢᠳᠦ ᠨᠢ ᠶᠡᠷᠦᠩᠬᠡᠢ ᠲᠡᠭᠰᠢ᠂ ᠴᠠᠭᠠᠨ᠂ ᠪᠥᠬᠡᠯᠢᠭ᠂ ᠨᠢᠭᠤᠷ ᠲᠥᠷᠬᠦ ᠨᠢ ᠠᠮᠤᠷᠯᠢᠩᠭᠤᠢ᠂ ᠠᠷᠠᠢ ᠴᠡᠪᠡᠷᠬᠡᠨ ᠬᠠᠷᠠᠭᠳᠠᠳᠠᠭ᠃ ᠮᠣᠩᠭᠣᠯ ᠬᠡᠯᠡᠨ ᠡᠷᠭᠦᠯᠲᠡ ᠴᠢᠯᠦᠭᠡᠲᠡᠢ᠂ ᠬᠥᠭᠵᠢᠮᠯᠢᠭ  ᠶᠠᠷᠢᠬᠤ ᠨᠢ ᠣᠯᠠᠨ᠂ ᠬᠡᠯᠡᠨ ᠦᠵᠦᠭᠦᠷ ᠭᠠᠷᠬᠤ ᠠᠪᠢᠶ᠎ᠠ ᠣᠯᠠᠨ ᠲᠤᠯᠠ ᠰᠢᠳᠦ ᠨᠢ ᠬᠡᠯᠡᠨ ᠪᠠᠢᠩᠭᠤ ᠲᠣᠪᠰᠢᠭᠳᠠᠵᠤ᠂ ᠨᠢᠭᠡ ᠶᠣᠰᠣᠨ ᠳᠠᠰᠬᠠᠯ ᠳᠠᠪᠲᠠᠯᠳᠠ ᠪᠣᠯᠵᠤ ᠰᠢᠳᠦ ᠪᠡᠬᠢᠵᠢᠭᠦᠯᠳᠡᠭ᠃ ᠬᠡᠯᠡ ᠨᠢ ᠰᠢᠳᠦᠨ ᠡᠷᠡᠭᠦᠯ ᠮᠡᠨᠳᠦ᠂ ᠴᠢᠷᠠᠢ ᠨᠢᠭᠤᠷ ᠲᠥᠯᠥᠪᠰᠢᠯ ᠡᠢᠮᠦ ᠬᠣᠯᠪᠣᠭᠳᠠᠯ ᠲᠠᠢ᠃
     2.ᠳᠠᠭᠤᠤ ᠬᠥᠭᠵᠢᠮ ᠪᠥᠵᠢᠭ᠃ ᠮᠣᠩᠭᠣᠯ ᠤᠷᠲᠤ ᠳᠠᠭᠤᠤ ᠨᠢ ᠠᠭᠤᠰᠬᠢᠨ ᠠᠵᠢᠯᠯᠠᠭ᠎ᠠ᠂ ᠪᠣᠭᠣᠨᠢ ᠳᠠᠭᠤᠤ ᠨᠢ ᠴᠢᠰᠤᠨ ᠡᠷᠭᠢᠯᠲᠡ ᠰᠠᠢᠨ ᠨᠥᠯᠥᠭᠡᠯᠡᠳᠡᠭ᠂ ᠶᠠᠳᠠᠷᠠᠭ᠎ᠠ ᠴᠢᠯᠡᠭᠡ ᠲᠠᠢᠯᠳᠠᠭ᠃ ᠮᠣᠩᠭᠣᠯ ᠰᠣᠶᠣᠯ ᠬᠢᠵᠠᠭᠠᠷᠯᠠᠵᠤ ᠪᠠᠢᠲᠠᠯ᠎ᠠ ᠭᠤᠳᠤᠮᠵᠢ ᠲᠠᠯᠠᠪᠠᠢ ᠪᠥᠵᠢᠭᠯᠡᠵᠦ ᠳᠠᠭᠤᠯᠠᠳᠠᠭ ᠬᠢᠲᠠᠳ ᠬᠥᠭᠰᠢᠴᠦᠦᠯ ᠮᠣᠩᠭᠣᠯ ᠠᠶ᠎ᠠ ᠳᠠᠭᠤᠤ ᠰᠠᠯᠬᠤ ᠳᠤᠷ᠎ᠠ ᠦᠭᠡᠢ ᠪᠠᠢᠭ᠎ᠠ᠃ ᠮᠣᠩᠭᠣᠯ ᠳᠠᠭᠤᠤ ᠬᠥᠭᠵᠢᠮ ᠬᠢᠲᠠᠳ ᠠᠯᠢ ᠡᠷᠲᠡᠨ ᠠᠴᠢ ᠲᠤᠰᠠ ᠥᠭᠭᠦᠭᠰᠡᠭᠡᠷ ᠢᠷᠡᠭᠰᠡᠨ᠃
     3.ᠪᠡᠶ᠎ᠡ ᠲᠠᠮᠢᠷ᠂ ᠰᠫᠣᠷᠲ᠃ ᠡᠷ᠎ᠡ ᠭᠤᠷᠪᠠᠨ ᠨᠠᠭᠠᠳᠤᠮ ᠮᠣᠩᠭᠣᠯ ᠡᠷᠡᠭᠲᠡᠢᠴᠦᠳ ᠴᠢᠭᠢᠷᠠᠭᠵᠢᠵᠤ ᠪᠢᠯᠳᠠᠷᠵᠢᠳᠠᠭ ᠲᠡᠳᠦᠢ ᠦᠭᠡᠢ᠂ ᠡᠷᠡᠭᠲᠡᠢᠴᠦᠳ ᠡᠷᠡᠭᠦᠯ ᠴᠢᠭᠢᠷᠠᠭ ᠪᠠᠢᠳᠠᠯ ᠨᠢ ᠦᠨᠳᠦᠰᠦᠨ ᠡᠷᠡᠭᠦᠯ ᠮᠡᠨᠳᠦ᠂ ᠪᠡᠶ᠎ᠡ ᠪᠢᠯᠳᠠᠷ ᠰᠢᠭᠤᠳ ᠨᠥᠯᠥᠭᠡᠯᠡᠳᠡᠭ᠃ ᠠᠳᠤᠭᠤ ᠮᠠᠯ ᠲᠠᠢ ᠪᠡᠶᠡᠳᠡᠨ ᠬᠠᠷᠢᠯᠴᠠᠬᠤ ᠠᠵᠢᠯ ᠬᠥᠳᠡᠯᠮᠦᠷᠢ ᠨᠢ ᠬᠦᠮᠦᠨ ᠪᠡᠶ᠎ᠡ ᠬᠠᠲᠠᠭᠤᠵᠢᠭᠤᠯᠳᠠᠭ᠃ ᠮᠣᠩᠭᠣᠯ ᠬᠥᠪᠡᠭᠦᠳ ᠬᠠᠷ᠎ᠠ ᠪᠠᠭ᠎ᠠ ᠪᠠᠷᠢᠯᠳᠤᠨ᠎ᠠ᠃ ᠦᠶ᠎ᠡ ᠲᠡᠩ ᠬᠥᠪᠡᠭᠦᠳ ᠪᠠᠷᠢᠯᠳᠤᠵᠤ ᠲᠠᠨᠢᠯᠴᠠᠳᠠᠭ᠃   ᠰᠠᠢᠨ ᠡᠷ᠎ᠡ ᠭᠤᠷᠪᠠ  ᠭᠡᠬᠦ ᠮᠡᠲᠦ ᠨᠢᠭᠡᠨ ᠪᠣᠯᠣᠮᠵᠢ ᠣᠯᠭᠣᠵᠤ᠂ ᠪᠢᠳᠡ ᠬᠣᠶᠠᠷ  ᠭᠤᠷᠪᠠ ᠬᠠᠷᠢᠭᠤ ᠲᠠᠢ᠂ ᠬᠦᠴᠦ ᠪᠢᠷ᠎ᠠ ᠣᠢᠷᠠᠯᠴᠠᠭ᠎ᠠ᠂ ᠪᠠᠭ᠎ᠠ    ᠬᠡᠮᠡᠨ ᠳᠤᠷᠠᠰᠴᠤ ᠨᠥᠬᠥᠷᠯᠡᠳᠡᠭ᠃ ᠮᠣᠩᠭᠣᠯᠴᠤᠳ ᠲᠠᠮᠢᠷᠴᠢᠨ ᠦᠨᠳᠦᠰᠦᠲᠡᠨ ᠣᠨᠴᠠᠯᠢᠭ ᠬᠠᠶᠠᠬᠤ ᠦᠭᠡᠢ ᠪᠠᠢᠬᠤ ᠨᠢ ᠡᠷᠡᠭᠦᠯ ᠮᠡᠨᠳᠦ ᠮᠠᠰᠢ ᠶᠡᠬᠡ ᠠᠰᠢᠭᠲᠠᠢ᠃
     4.ᠬᠣᠭᠣᠯᠠ ᠤᠮᠳᠠ᠃ ᠣᠳᠣ ᠮᠣᠩᠭᠣᠯ ᠬᠣᠭᠣᠯᠠ ᠵᠠᠭᠤᠰᠢ ᠲᠥᠷᠥᠯ ᠵᠦᠢᠯ ᠴᠥᠭᠡᠨ᠂ ᠬᠢᠴᠡ ᠨᠢ ᠳᠥᠬᠥᠮ᠂ ᠪᠠᠰᠠ ᠨᠡᠯᠢᠶᠡᠳ ᠨᠢ ᠬᠢᠲᠠᠳ ᠨᠡᠷ᠎ᠡ ᠲᠡᠢ ᠪᠣᠯᠪᠠᠴᠤ᠂ ᠮᠣᠩᠭᠣᠯ ᠬᠣᠭᠣᠯᠠᠨ ᠥᠯ ᠰᠢᠮ᠎ᠡ᠂ ᠲᠡᠵᠢᠭᠡᠯ ᠨᠦᠮᠵᠦᠭ ᠨᠢ ᠮᠣᠩᠭᠣᠯᠴᠤᠳ ᠪᠡᠶ᠎ᠡ ᠬᠠ ᠪᠠᠢᠳᠠᠯ ᠲᠣᠳᠣ ᠬᠠᠷᠠᠭᠳᠠᠨ᠎ᠠ᠃ ᠬᠡᠷᠪᠡ ᠮᠢᠬ᠎ᠠ᠂ ᠰᠦᠨ ᠵᠦᠢᠯ ᠨᠣᠭᠣᠭ᠎ᠠ᠂ ᠵᠢᠮᠢᠰ᠂ ᠤᠰᠤᠨ᠂ ᠪᠤᠷᠴᠠᠭ ᠭᠠᠷᠤᠯ ᠲᠠᠢ ᠭᠡᠬᠦ ᠮᠡᠲᠦ ᠬᠦᠨᠡᠰᠦᠨ ᠮᠠᠲ᠋ᠧᠷᠢᠶᠠᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠠᠰᠢᠭᠯᠠᠪᠠᠯ᠂ ᠤᠯᠠᠮ ᠯᠠ ᠲᠡᠭᠦᠰ ᠰᠠᠢᠨ ᠪᠣᠯᠣᠨ᠎ᠠ᠃ ᠮᠣᠩᠭᠣᠯᠴᠤᠳ ᠪᠦᠷ ᠶᠤᠸᠠᠨ ᠭᠦᠷᠦᠨ ᠦᠶ᠎ᠡ  ᠶᠢᠨ ᠱᠠᠨ ᠵᠸ᠋ᠩ ᠶᠣᠤ  ᠬᠡᠮᠡᠬᠦ ᠬᠣᠭᠣᠯᠠ ᠤᠮᠳᠠ᠂ ᠬᠦᠨᠡᠰᠦ ᠪᠠ ᠡᠮ ᠮᠠᠲ᠋ᠧᠷᠢᠶᠠᠯ ᠠᠴᠢ ᠲᠤᠰᠠ᠂ ᠣᠨᠴᠠᠯᠢᠭ᠂ ᠲᠠᠮᠢᠷᠵᠢᠭᠤᠯᠬᠤ᠂ ᠰᠤᠪᠢᠯᠠᠬᠤ ᠠᠰᠢᠭᠯᠠᠬᠤ ᠲᠤᠬᠠᠢ ᠳᠡᠯᠡᠬᠡᠢ ᠬᠣᠪᠣᠷ ᠰᠤᠳᠤᠷ ᠪᠢᠴᠢᠭᠰᠡᠨ ᠪᠠᠢᠳᠠᠭ᠃   ᠬᠢᠲᠠᠳ ᠪᠢᠴᠢᠭᠳᠡᠵᠦ ᠦᠯᠡᠳᠡᠭᠰᠡᠨ ᠪᠣᠯᠪᠠᠴᠤ᠂ ᠬᠢᠲᠠᠳ ᠡᠷᠳᠡᠮᠲᠡᠳ ᠰᠠᠢᠲᠤᠷ ᠰᠤᠳᠤᠯᠵᠤ ᠲᠠᠢᠯᠪᠤᠷᠢᠯᠠᠵᠤ ᠴᠢᠳᠠᠭ᠎ᠠ ᠦᠭᠡᠢ ᠪᠠᠢᠨ᠎ᠠ᠃ ᠮᠣᠩᠭᠣᠯᠴᠤᠳ ᠠᠩᠬᠠᠷᠤᠯ ᠠᠪᠤᠭᠤᠰᠢᠲᠠᠢ᠃   ᠬᠡᠲᠦ ᠰᠢᠯᠵᠠᠯᠤᠭ᠎ᠠ ᠦᠭᠡᠢ ᠮᠢᠬ᠎ᠠ᠂ ᠪᠣᠷᠴᠠ᠂ ᠬᠤᠷᠤᠳ ᠠᠭᠠᠷᠤᠤᠯ᠂ ᠬᠠᠭᠤᠷᠤᠭᠰᠠᠨ ᠠᠮᠤ ᠵᠡᠷᠭᠡ ᠵᠠᠵᠢᠯᠤᠭᠤᠷᠢ ᠲᠠᠢ ᠵᠦᠢᠯ ᠢᠯᠡᠭᠦᠦ ᠢᠳᠡᠳᠡᠭ ᠲᠤᠯᠠ ᠰᠢᠳᠦ ᠨᠢ ᠰᠠᠢᠨ ᠪᠥᠬᠡᠰᠢᠳᠡᠭ᠃ ᠬᠡᠲᠦᠷᠬᠡᠢ ᠵᠥᠭᠡᠯᠡᠨ᠂ ᠶᠡᠬᠡ ᠵᠠᠵᠢᠯᠬᠤ ᠱᠠᠭᠠᠷᠳᠠᠯᠭ᠎ᠠ ᠦᠭᠡᠢ ᠬᠣᠭᠣᠯᠠ ᠵᠠᠭᠤᠰᠢ ᠢᠳᠡᠬᠦ ᠨᠢ ᠰᠢᠳᠦᠨ ᠬᠥᠭᠵᠢᠯ ᠮᠠᠭᠤ᠃
     5.ᠠᠭᠤᠵᠢᠭᠤ ᠲᠠᠢᠪᠤᠭᠤ ᠵᠠᠩ᠃ ᠮᠣᠩᠭᠣᠯᠴᠤᠳ ᠳᠡᠯᠡᠬᠡᠢ ᠬᠠᠷᠠᠵᠤ᠂  ᠶᠡᠬᠡ ᠲᠥᠷᠥ  ᠰᠡᠳᠬᠢᠳᠡᠭ᠂ ᠨᠡᠢᠭᠡᠮ ᠠᠰᠠᠭᠤᠳᠠᠯ ᠰᠠᠨᠠᠭ᠎ᠠ ᠲᠠᠯᠪᠢᠳᠠᠭ᠂ ᠰᠢᠳᠤᠷᠭᠤ ᠶᠣᠰᠣ ᠡᠷᠬᠢᠮᠯᠡᠳᠡᠭ᠂  ᠤᠯᠤᠰ ᠲᠥᠷᠥᠴᠢ ᠲᠠᠯ᠎ᠠ ᠲᠠᠢ ᠦᠨᠳᠦᠰᠦᠲᠡᠨ᠃ ᠲᠡᠢᠮᠦ   ᠰᠡᠳᠦᠪ ᠠᠮᠠᠨ ᠵᠤᠭ᠎ᠠ ᠭᠠᠷᠭᠠᠵᠤ᠂ ᠬᠣᠪ ᠵᠢᠪ   ᠪᠠᠵᠠᠵᠤ ᠂ ᠲᠤᠯᠭ᠎ᠠ ᠲᠣᠭᠣᠷᠢᠭᠰᠠᠨ ᠵᠦᠢᠯ ᠬᠡᠷᠡᠭᠦᠯ ᠬᠢᠵᠦ᠂ ᠡᠰ ᠡᠨᠧᠷᠭᠢ  ᠪᠠᠷᠠᠵᠤ᠂ ᠪᠡᠶ᠎ᠡ ᠵᠣᠪᠠᠭᠠᠬᠤ ᠰᠣᠨᠢᠷᠬᠠᠯ ᠪᠠᠭᠠᠲᠠᠢ᠃  ᠡᠷ᠎ᠡ ᠬᠦᠮᠦᠨ ᠴᠡᠭᠡᠵᠢᠨ ᠡᠮᠡᠭᠡᠯ ᠬᠠᠵᠠᠭᠠᠷᠲᠤ ᠮᠣᠷᠢ  ᠭᠡᠳᠡᠭ ᠨᠢ ᠲᠡᠢᠮᠦ ᠤᠴᠢᠷ ᠲᠠᠢ᠃
      6.ᠪᠠᠢᠭᠠᠯᠢ ᠳᠡᠯᠡᠬᠡᠢ᠂ ᠨᠤᠲᠤᠭ ᠤᠰᠤᠨ ᠬᠠᠢᠷᠠᠲᠠᠢ᠃ ᠬᠡᠭᠡᠷ᠎ᠡ ᠲᠠᠯ᠎ᠠ ᠴᠡᠭᠡᠵᠢ ᠣᠩᠭᠣᠢᠲᠠᠯ᠎ᠠ ᠠᠮᠢᠰᠬᠤᠯᠯᠠᠬᠤ᠂ ᠲᠡᠷᠲᠡᠭᠡ ᠬᠣᠯᠠ ᠪᠠᠷᠠᠯᠠᠵᠤ ᠨᠢᠳᠦᠨ ᠴᠢᠯᠡᠭᠡ ᠭᠠᠷᠭᠠᠬᠤ᠂ ᠡᠪᠡᠰᠦ ᠨᠣᠭᠣᠭ᠎ᠠ ᠲᠠᠢ ᠣᠷᠴᠢᠨ᠂ ᠴᠡᠪᠡᠷ ᠠᠭᠠᠷ ᠤᠰᠤᠨ  ᠲᠠᠭᠠᠰᠢᠶᠠᠯ ᠠᠪᠬᠤ ᠨᠢ ᠰᠠᠢᠨ ᠠᠮᠠᠷᠠᠯᠲᠠ᠂ ᠰᠤᠪᠢᠯᠠᠯᠭ᠎ᠠ ᠪᠣᠯᠳᠠᠭ᠃
      7.ᠵᠠᠩ ᠳᠠᠳᠬᠠᠯ᠂ ᠠᠷᠠᠨᠰᠢᠨ᠃ ᠮᠣᠩᠭᠣᠯᠴᠤᠳ ᠬᠦᠮᠦᠨ ᠴᠠᠢᠯᠭᠠᠨ ᠰᠡᠳᠭᠢᠯ ᠬᠠᠨᠳᠤᠳᠠᠭ᠂ ᠲᠤᠰᠠᠴᠢ ᠥᠭᠭᠢᠶᠡᠮᠦᠷᠴᠢ᠂ ᠶᠡᠷᠦᠩᠬᠡᠢ ᠪᠤᠷᠬᠠᠨ ᠦᠭᠡᠢ ᠦᠵᠡᠯ ᠲᠡᠢ ᠪᠢᠰᠢ᠂ ᠪᠤᠶᠠᠨ ᠨᠢᠭᠦᠯ᠂ ᠡᠨᠡᠷᠢᠯ ᠠᠭᠤᠴᠢᠯᠠᠯ᠂ ᠪᠠᠢᠭᠠᠯᠢ ᠲᠡᠭᠷᠢ ᠰᠦᠷᠳᠡᠨ ᠡᠮᠢᠶᠡᠬᠦ ᠤᠬᠠᠮᠰᠠᠷ ᠨᠡᠢᠳᠡᠮ ᠪᠠᠢᠳᠠᠭ᠃ ᠡᠨᠡ ᠨᠢ ᠬᠦᠮᠦᠨ ᠰᠡᠳᠬᠢᠯ ᠰᠠᠨᠠᠭ᠎ᠠ ᠲᠠᠢᠪᠤᠩ᠂ ᠣᠷᠴᠢᠨ ᠲᠣᠭᠣᠷᠢᠨ ᠡᠶᠡᠷᠭᠦ    ᠪᠠᠢᠯᠭᠠᠬᠤ ᠨᠥᠬᠥᠴᠡᠯ ᠪᠣᠯᠵᠤ ᠥᠭᠳᠡᠭ᠃
     8.ᠬᠣᠯᠠ ᠮᠥᠭᠡᠷᠡᠯᠳᠦᠵᠦ᠂ ᠣᠢᠷ᠎ᠠ ᠮᠥᠷᠭᠥᠯᠳᠦᠳᠡᠭ ᠭᠡᠳᠡᠭ ᠂ ᠠᠯᠤᠰ ᠪᠦᠬᠦᠢ ᠤᠳᠤᠮ ᠭᠠᠷᠤᠯ  ᠣᠯᠵᠤ ᠠᠪᠬᠤ ᠳᠤᠷᠠᠲᠠᠢ᠂ ᠲᠠᠨᠢᠯᠴᠠᠵᠤ ᠤᠴᠠᠷᠠᠯᠳᠤᠬᠤ ᠲᠣᠬᠢᠶᠠᠯᠳᠤᠯ᠂ ᠪᠠᠶᠠᠷ ᠬᠥᠷ ᠪᠣᠯᠵᠤ ᠬᠥᠭᠵᠢᠯᠳᠦᠳᠡᠭ᠃ ᠮᠣᠩᠭᠣᠯᠴᠤᠳ ᠨᠠᠢᠷ  ᠨᠢ ᠵᠥᠪ ᠵᠣᠬᠢᠴᠠᠭᠤᠯᠵᠤ ᠴᠢᠳᠠᠳᠠᠭ ᠯᠠ ᠪᠣᠯ᠂ ᠪᠠᠶᠠᠰᠤᠩᠭᠤᠢ ᠥᠭᠡᠳᠡᠷᠬᠡᠭ ᠠᠭᠤᠷ ᠠᠮᠢᠰᠬᠤᠯ ᠪᠤᠢ   ᠡᠷᠡᠭᠦᠯ ᠮᠡᠨᠳᠦ ᠠᠮᠢᠳᠤᠷᠠᠯ᠂ ᠨᠠᠢᠷᠰᠠᠭ ᠬᠠᠷᠢᠯᠴᠠᠭ᠎ᠠ᠂ ᠰᠣᠶᠣᠯ  ᠠᠪᠴᠤ ᠶᠠᠪᠤᠬᠤ ᠳᠤᠲᠠᠵᠤ ᠪᠣᠯᠣᠰᠢ ᠦᠭᠡᠢ ᠶᠤᠮ᠃
    ᠡᠢᠮᠦ ᠷᠠᠰᠢᠶᠠᠨ ᠳᠤᠰᠤᠯ᠂ ᠰᠢᠳᠢᠲᠦ ᠷᠢᠯᠦ ᠮᠡᠲᠦ ᠰᠣᠶᠣᠯ ᠲᠠᠢ ᠪᠠᠢᠭᠠᠳ᠂ ᠶᠠᠭᠠᠬᠢᠭᠠᠳ ᠵᠠᠭᠤ ᠵᠠᠭᠤᠨ ᠨᠠᠰᠤᠯᠠᠳᠠᠭ ᠦᠭᠡᠢ ᠶᠤᠮ ᠪᠤᠢ ᠭᠡᠵᠦ ᠱᠠᠭᠯᠠᠬᠤ ᠨᠢ ᠪᠤᠢ᠃ ᠤᠷᠲᠤ ᠨᠠᠰᠤᠯᠠᠵᠤ᠂ ᠤᠳᠠᠭᠠᠨ ᠠᠮᠢᠳᠤᠷᠠᠬᠤ ᠴᠢᠬᠤᠯᠠ ᠬᠣᠯᠪᠣᠭᠳᠠᠯ ᠲᠠᠢ ᠰᠣᠶᠣᠯ ᠣᠷᠬᠢᠭᠠᠳ ᠶᠠᠪᠤᠵᠤ ᠪᠠᠢᠭ᠎ᠠ ᠨᠢ ᠭᠣᠣᠯ ᠤᠷᠰᠢᠭ᠃ ᠳᠡᠭᠡᠷ᠎ᠡ ᠨᠢ ᠠᠷᠢᠬᠢᠨ ᠵᠣᠬᠢᠰ ᠦᠭᠡᠢ ᠬᠡᠷᠡᠭᠯᠡᠭᠡ ᠪᠣᠯᠵᠤ ᠪᠡᠶ᠎ᠡ ᠮᠠᠬᠠᠪᠤᠳ ᠰᠦᠢᠷᠡᠭᠦᠯᠵᠦ᠂ ᠨᠠᠰᠤ ᠬᠤᠲᠤᠭ ᠬᠣᠷᠣᠭᠠᠵᠤ ᠪᠠᠢᠳᠠᠭ  ᠥᠭᠡᠷᠡᠴᠢᠯᠡᠶ᠎ᠡ᠃
     ᠮᠣᠩᠭᠣᠯ ᠰᠣᠶᠣᠯ ᠠᠳᠠᠯᠠᠵᠤ᠂ ᠬᠣᠷᠢᠭᠯᠠᠵᠤ ᠪᠣᠭᠣᠵᠤ ᠪᠠᠢᠭ᠎ᠠ ᠨᠢ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠡᠷᠡᠭᠦᠯ ᠮᠠᠨᠳᠤ ᠬᠣᠣᠷ ᠬᠥᠨᠥᠭᠡᠯ ᠲᠡᠢ ᠶᠠᠪᠤᠳᠠᠯ ᠰᠢᠦ ᠳ᠋ᠡ᠃ ᠨᠥᠭᠥᠭᠡ ᠲᠠᠯ᠎ᠠ᠂ ᠥᠪᠥᠷ ᠮᠣᠩᠭᠣᠯ᠂ ᠣᠯᠠᠨ ᠨᠡᠢᠲᠡ ᠣᠷᠴᠢᠨ ᠮᠣᠩᠭᠣᠯ ᠬᠡᠯᠡ ᠶᠠᠷᠢᠯᠴᠠᠬᠤ ᠨᠢ ᠴᠢᠯᠦᠭᠡᠲᠡᠢ ᠪᠢᠰᠢ ᠪᠣᠯᠣᠭᠰᠠᠨ᠂ ᠮᠣᠩᠭᠣᠯᠴᠤᠳ ᠪᠦᠷ ᠢᠯᠡᠭᠦᠦ ᠤᠬᠠᠭᠠᠯᠢᠭ᠂ ᠠᠪᠰᠠᠷ ᠣᠢᠯᠠᠭᠠᠮᠵᠢᠲᠠᠢ᠂ ᠰᠡᠷᠡᠮᠵᠢᠲᠡᠢ  ᠬᠡᠯᠡ ᠬᠡᠷᠡᠭᠯᠡᠬᠦ ᠨᠢ ᠶᠠᠷᠰᠢᠭ ᠵᠣᠪᠠᠭᠤᠷᠢ ᠲᠠᠢ ᠂ ᠲᠠᠷᠢᠬᠢᠨ ᠠᠵᠢᠯᠯᠠᠭ᠎ᠠ  ᠢᠳᠡᠪᠬᠢᠵᠢᠭᠦᠯᠵᠦ᠂ ᠤᠯᠠᠮ ᠰᠡᠷᠭᠦᠯᠡᠩ ᠠᠪᠬᠠᠯᠵᠢ ᠲᠠᠢ ᠪᠣᠯᠭᠠᠨ᠎ᠠ ᠭᠡᠳ ᠪᠣᠳᠣᠬᠤ ᠪᠠᠰᠠ ᠯᠠ ᠡᠷᠡᠭᠦᠯ ᠮᠡᠨᠳᠦ ᠲᠤᠰᠠᠲᠠᠢ᠃
    ᠮᠣᠩᠭᠣᠯ ᠰᠣᠶᠣᠯ ᠪᠠ ᠡᠷᠡᠭᠦᠯ ᠮᠡᠨᠳᠦ ᠭᠡᠳᠡᠭ ᠨᠢ ᠠᠨᠠᠭᠠᠬᠤ ᠤᠬᠠᠭᠠᠨ ᠲᠣᠮᠣ ᠰᠡᠳᠦᠪ᠃ ᠭᠦᠨᠵᠡᠭᠡᠢᠷᠡᠭᠦᠯᠦᠨ ᠰᠤᠳᠤᠯᠵᠤ ᠴᠢᠳᠠᠬᠤ ᠶᠤᠮ ᠪᠣᠯ  ᠱᠠᠩᠨᠠᠯ ᠬᠦᠷᠴᠦ  ᠮᠡᠳᠡᠨ᠎ᠡ᠃